PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍: ୨୪ ଘଣ୍ଟା ମଧ୍ୟରେ ୧୨ ଜଣ କୋଭିଡ୍ ପଜିଟିଭ ଚିହ୍ନଟ
  • ||
  • ସମ୍ବଲପୁର: ଶୀତଳ ଷଷ୍ଠୀ ପାଇଁ ପୂର୍ବ ପ୍ରସ୍ତୁତି: ୩ ତାରିଖରୁ ୭୨ ଘଣ୍ଟା ପାଇଁ ସମସ୍ତ ମଦ ଦୋକାନ ସିଲ୍
  • ||
  • ଭୁବନେଶ୍ୱର: ଆଜିଠୁ ଅଲ୍‌ ଓଡ଼ିଶା ସନ୍ତରଣ ପ୍ରତିଯୋଗିତା, ୨୦ଟି ଜିଲ୍ଲାରୁ ୨୫୮ ଜଣ ପ୍ରତିଯୋଗୀ ହେବେ ସାମିଲ
  • ||
  • ଭୁବନେଶ୍ୱର: ଆହୁରି କଲବଲ କରିବ ଅସହ୍ୟ ତାତି ସାଙ୍ଗକୁ ଗୁଳୁଗୁଳି , ଜୁନ୍‌ ୨ ତାରିଖ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ବାରଙ୍ଗ: ନନ୍ଦନକାନନରେ ଆଖିବୁଜିଲା ଆଫ୍ରିକୀୟ ସିଂହ, ୧୬କୁ ହ୍ରାସ ପାଇଲା ସିଂହଙ୍କ ସଂଖ୍ୟା
  • ||

ତହସିଲ କର୍ମଚାରୀଙ୍କୁ ଓକିଲଙ୍କ ମାଡର ପ୍ରତିବାଦ, କର୍ମଚାରୀଙ୍କ କଲମ ଛାଡ ଆନ୍ଦୋଳନ

ଜଟଣୀ, ୨୨ା୧ (ଆ.ପ୍ର.): ଜଟଣୀ ତହସିଲରେ ଦାଖଲ କରାଯାଇଥିବା ଓ.ଏଲ.ଆର କେସ୍‌ର କ୍ରମିକ ସଂଖ୍ୟାର ତଳ ଉପରକୁ ନେଇ ସୋମବାର ଜଟଣୀ ତହସିଲର କର୍ମଚାରୀ ଓ ଓକିଲଙ୍କ ମଧ୍ୟରେ ପାଟିତୁଣ୍ଡ ଲାଗିଥିଲା । ଏହି ପାଟି ତୁଣ୍ଡ ମଧ୍ୟରେ ଜୈନିକ ଓକିଲ ଜଣେ ଜୁନିୟର କ୍ଲର୍କଙ୍କୁ ମାଡ ମାରିଥିବାର ଅଭିଯୋଗ ହୋଇଛି । ଏହି ମାଡ ମରା ଘଟଣା ପରେ ଜଟଣୀ ତହସିଲର କର୍ମଚାରୀଙ୍କୁ ସୁରକ୍ଷା ପ୍ରଦାନ ପାଇଁ ତହସିଲ କର୍ମଚାରୀ ମାନେ ଆଜି କଲମ ଛାଡ ଆନ୍ଦୋଳନ କରି ତହସିଲ କାର୍ଯ୍ୟାଳୟ ଫାଟକରେ ତାଲା ପକାଇ ଧାରଣାରେ ବସିଥିଲେ । ତହସିଲ କର୍ମଚାରୀଙ୍କ ଏହି ଯୁକ୍ତିଯୁକ୍ତ ଦାବିକୁ ସମର୍ଥନ କରି ଜଟଣୀ ତହସିଲର ୯ଟି ଆରଆଇ ସର୍କଲର କର୍ମଚାରୀ କଲମ ଛାଡ ଆନ୍ଦୋଳନ କରି ତହସିଲ ଗେଟ ସମ୍ମୁଖରେ ଚାଲିଥିବା ଧାରଣାରେ ସାମିଲ ହୋଇଥିଲେ । ଜଟଣୀ ଥାନା ଆଇଆଇସି ବିଶ୍ୱରଞ୍ଜନ ସାହୁ ତହସିଲ କାର୍ଯ୍ୟାଳୟରେ ପହଞ୍ଚି ଓକିଲ ଓ କର୍ମଚାରୀଙ୍କ ମଧ୍ୟରେ ଆଲୋଚନା କରି ସମାଧାନ କରିଥିଲେ । ମାତ୍ର ଏହି ଆଲୋଚନାରେ ଜଟଣୀ ତହସିଲରେ ଥିବା ଭାରପ୍ରାପ୍ତ ତହସିଲଦାର ଅଂଶଗ୍ରହଣ ନ କରି ଚାଲିଯିବାରୁ କର୍ମଚାରୀ ମାନଙ୍କ ସହିତ ସାଧାରଣରେ ଅସନ୍ତୋଷ ପ୍ରକାଶ ପାଇଛି ।