PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରଙ୍ଗେଇଲୁଣ୍ଡା: ହଳଦିଆପଦର ନିକଟରେ ଟ୍ରାକ୍ଟର ସହ ଅଟୋ ଦୁର୍ଘଟଣା, ୩ ମହିଳା ମତ୍ସ୍ୟଜୀବୀ ଗୁରୁତର
  • ||
  • ସୋର: ହାଇଦର୍ ଏନ୍‌କାଉଣ୍ଟର ସ୍ଥଳରୁ ୨ଟି ଗୁଳି ଜବତ କଲା ପୋଲିସ ଓ ସାଇଣ୍ଟିଫିକ୍‌ ଟିମ୍‌
  • ||
  • ଭୁବନେଶ୍ୱର: ଓଡ଼ିଶାରେ ଆଉ ୬୭ଜଣଙ୍କ ଜୀବନ ନେଲା କରୋନା, ସାଢ଼େ ୫ ହଜାର ଟପିଲା ମୃତ୍ୟୁସଂଖ୍ୟା
  • ||
  • ଭୁବନେଶ୍ୱର: ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଭୁବନେଶ୍ୱର : ରାଜଧାନୀରେ କାୟା ମେଲାଉଛି ଡେଙ୍ଗୁ, ୧୨ ଦିନରେ ଆକ୍ରାନ୍ତଙ୍କ ସଂଖ୍ୟା ୨୫୦ ପାର୍
  • ||
  • ପାରଳାଖେମୁଣ୍ଡି : ଏସିଏଫ୍‌ ସୌମ୍ୟରଞ୍ଜନ ଡେଥ୍ ମିଷ୍ଟ୍ରି, ବଲାଙ୍ଗୀରରେ ପାରଳା ପୁଲିସର ୫ଜଣିଆ ଟିମ୍‌, ବିଦ୍ୟାଙ୍କ ପାର୍ଟି ସହ ସୌମ୍ୟ ମୃତ୍ୟୁର ଲିଙ୍କ୍‌ ଖୋଜିବ
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଜଳେଶ୍ଵର : ମନ୍ଦାର ଫୁଲ ଗଛ କଟାକୁ ନେଇ ଶଳାକୁ ଭିଣୋଇର ସଙ୍ଘବଦ୍ଧ ଆକ୍ରମଣ, ସଜ୍ଞାହୀନ ଅବସ୍ଥାରେ ନଦୀ କୂଳରୁ ଉଦ୍ଧାର
  • ||
  • ଭୁବନେଶ୍ୱର : ୨୮ରେ ପୁଣି ଏକ ଲଘୁଚାପ, ୨୭ରୁ ବଢ଼ିବ ବର୍ଷା
  • ||

ଚା’ ପିଉଥିବା ବ୍ୟକ୍ତିଙ୍କ ମସ୍ତିଷ୍କ ସଂରଚନା ଅଧିକ ସକ୍ରିୟ

ନୂଆଦିଲ୍ଲୀ ୧୩/୦୮: ବିଶ୍ୱର ଅନ୍ୟତମ ସବୁଠୁ ଲୋକପ୍ରିୟ ପାନୀୟ ଚା’ । ବିଶ୍ୱରେ ଯେତେ ପ୍ରକାର ପଦ୍ଧତିରେ ଚା’ ଉପଲବ୍ଧ ହେଉଛି, ’ପ୍ରେମୀମାନେ ସେ ସବୁକୁ ଭଲପାଆନ୍ତି । ତେବେ ଚା’ର ଅସଂଖ୍ୟ ଉପକାରିତା ରହିଛି । ଆମ ମସ୍ତିଷ୍କ ସଂରଚନା ଉପରେ ଏହାର ପ୍ରଭାବ ରହିଛି ବୋଲି ଏକ ସଦ୍ୟ ଅଧ୍ୟୟନ ଜାଣିବାକୁ ପାଇଛି ।

ଅଧ୍ୟୟନ ଅନୁସାରେ, ଚା’ ପିଉନଥିବା ବ୍ୟକ୍ତିଙ୍କ ତୁଳନାରେ ନିୟମିତ ଚା’ ପିଉଥିବା ବ୍ୟକ୍ତି ତା’ର ଅଧିକ ସୁଫଳ ପାଇଥାନ୍ତି। ସେମାନଙ୍କ ମସ୍ତିଷ୍କ ସଂରଚନା ଚା’ ପିଉନଥିବା ବ୍ୟକ୍ତିଙ୍କ ତୁଳନାରେ ଅପେକ୍ଷାକୃତ ଭଲ । ଚା’ ପିଇବା ଦ୍ୱାରା ମସ୍ତିଷ୍କରେ ଅଧିକ କାର୍ଯ୍ୟକ୍ଷମତା ଓ ସଂରଚନାତ୍ମକ ସଂଯୋଗ ହୋଇପାରେ । ଏଜିଂ ପତ୍ରିକାରେ ଅଧ୍ୟୟନର ଫଳାଫଳ ପ୍ରକାଶ ପାଇଛି, ଯାହାର ଶୀର୍ଷକ ‘ଅଭ୍ୟାସଗତ ଚା’ ପାନ ମସ୍ତିଷ୍କ ଦକ୍ଷତାକୁ ବ୍ୟବସ୍ଥିତ କରେ: ମସ୍ତିଷ୍କ ସଂଯୋଗ ମୂଲ୍ୟାଙ୍କନରୁ ପ୍ରମାଣ ।’ ଅଧ୍ୟୟନ ପାଇଁ ଗବେଷକମାନେ କିଛି ଲୋକଙ୍କୁ ଚା’ ପିଇବା ଅଭ୍ୟାସ ଉପରେ ପ୍ରଶ୍ନ କରିଥିଲେ ।

ସେମାନେ କେତେ ଥର ବିଭିନ୍ନ ପ୍ରକାର ଚା’ ପିଇଥିଲେ, ସେ ସମ୍ପର୍କରେ ପ୍ରଶ୍ନ ଥିଲା । ପ୍ରତିଯୋଗୀଙ୍କ ବୟସ ୬୦ କିମ୍ବା ତା’ଠୁ ଅଧିକ ଥିଲା । ପ୍ରତ୍ୟେକ ନିଜ ନିଜର ମାନସିକ ସ୍ୱାସ୍ଥ୍ୟ, ଦୈନନ୍ଦିନ ଜୀବନଶୈଳୀ ଓ ସାମଗ୍ରୀକ ସ୍ୱାସ୍ଥ୍ୟ ବିଷୟରେ ସମସ୍ତ ତଥ୍ୟ ପ୍ରଦାନ କରିଥିଲେ । ପ୍ରତିଯୋଗୀଙ୍କୁ ଦୁଇ ଦଳରେ ବିଭକ୍ତ କରାଯାଇଥିଲା। ଗୋଟିଏ ଗ୍ରୁପ୍‌ ଚା’ ପିଉଥିବାବେଳେ ଅନ୍ୟ ଗ୍ରୁପ୍‌ର ପ୍ରତିଯୋଗୀ ଆଦୌ ଚା’ ପିଉନଥିଲେ ।

ସମସ୍ତଙ୍କର ଏମ୍‌ଆର୍‌ଆଇ ସ୍କାନ ସହିତ ଅନ୍ୟ ପରୀକ୍ଷା କରାଯାଇଥିଲା । ଚା’ ପିଉଥିବା ଓ ନ ପିଉଥିବା ବ୍ୟକ୍ତିଙ୍କ ମଧ୍ୟରେ ସଂଯୋଗରେ ଗୁରୁତ୍ୱପୂର୍ଣ୍ଣ ପାର୍ଥକ୍ୟ ବୈଜ୍ଞାନିକମାନେ ଚିହ୍ନଟ କଲେ । ତଥ୍ୟ ଅନୁସାରେ, ଚା’ ପିଇବାର ମସ୍ତିଷ୍କ ଗଠନ ଉପରେ ସକାରାତ୍ମକ ପ୍ରଭାବ ରହିଛି ଏବଂ ଚା’ ପିଉଥିବା ବ୍ୟକ୍ତିଙ୍କ ମସ୍ତିଷ୍କରେ କାର୍ଯ୍ୟକ୍ଷମତା ଓ ସଂରଚନାତ୍ମକ ଯୋଗରେ ଦକ୍ଷତା ବୃଦ୍ଧିକୁ ଚା’ ପ୍ରୋତ୍ସାହିତ କରେ, ଏହି ଥିଓରିକୁ ଅଧ୍ୟୟନର ଅବଲୋକନ ଆଂଶିକ ଭାବେ ସମର୍ଥନ କରେ ।

ସମ୍ବନ୍ଧିତ ଖବର