PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ ରାଜ୍ୟସଭା ଆସନ ପାଇଁ ବିଜେଡିର ପ୍ରାର୍ଥୀ ଘୋଷଣା : ପୁଣି ରାଜ୍ୟସଭା ଯିବେ ସସ୍ମିତ ପାତ୍ର, ୩ ନୂଆ ମୁହଁଙ୍କୁ ସୁଯୋଗ
  • ||
  • ଭୁବନେଶ୍ଵର : କେରଳ ଛୁଇଁଲା ମୌସୁମୀ ବାୟୁ
  • ||
  • ନେପାଳରେ ଯାତ୍ରୀବାହୀ ବିମାନ ତାରା ଏୟାର ୯ NAET ର ମିଳୁନି ପତ୍ତା , ୪ ଭାରତୀୟଙ୍କ ସମେତ ୧୯ ଯାତ୍ରୀ ଥିବା ସୂଚନା
  • ||
  • ବ୍ରହ୍ମପୁର : ସନ୍ଧ୍ୟାବେଳେ ବେଳାଭୂମିରେ ବସିଥିବା ବେଳେ ମୁଣ୍ଡ ଉପରେ ପଡ଼ିଲା ଚଡ଼କ, ଛାତ୍ର ମୃତ ଛାତ୍ରୀ ଗୁରୁତର
  • ||
  • ବିଶ୍ୱର ସବୁଠୁ ବଡ଼ କ୍ରିକେଟ ଷ୍ଟାଡ଼ିୟମ୍‌ରେ ଖେଳା ଯିବ ଆଇପିଏଲ ୨୦୨୨ ଫାଇନାଲ
  • ||
  • ଆନନ୍ଦପୁର : ଝରକା ଗ୍ରୀଲ୍ ଭାଙ୍ଗି ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଦୁର୍ବୃତ୍ତ, ୧୫ ଭରି ସୁନାଅଳଙ୍କାର ସହ ନଗଦ ୫୨ ହଜାର ଟଙ୍କା ଲୁଟ୍
  • ||
  • ସୋର : ଗୋରୁ ବୋଝେଇ କଣ୍ଟେନର ଜବତ, ୪୦ ରୁ ଉର୍ଦ୍ଧ୍ଵ ଗୋରୁ ଉଦ୍ଧାର, ୧୧ ଗିରଫ
  • ||
  • ସମାନ ନାଗରିକ ସଂହିତା ଲାଗୁ କରିବା ପ୍ରସ୍ତୁତିରେ ମୋଦି ସରକାର , ପ୍ରଥମେ ଉତ୍ତରାଖଣ୍ଡରେ ଏହି ଆଇନ୍‌ ଲାଗୁ କରାଯିବାର ଅଭ୍ୟାସ ଆରମ୍ଭ କରାଯାଇଛି
  • ||
  • ଗୁଜରାଟରେ ବଡ଼ ବିଜୟର ପ୍ରସ୍ତୁତିରେ ବିଜେପି , କଂଗ୍ରେସ ଦୁର୍ବଳତାର ବି ମିଳିବ ଫାଇଦା
  • ||

ଆନ୍ଧ୍ର, ତେଲଙ୍ଗାନାର ୭.୮ କୋଟି ଆଧାର ତଥ୍ୟ ଚୋରି

ହାଇଦ୍ରାବାଦ୍‌,୧୪ା୪(ଏଜେନ୍ସି): ପୁଣି ଆଶଙ୍କାରେ ଆଧାର ତଥ୍ୟ । ସୂଚନା ପ୍ରଯୁକ୍ତି (ଆଇଟି) ସଂସ୍ଥା ‘ଆଇଟି ଗ୍ରୀଡ୍‌ସ ଇଣ୍ଡିଆ’ ତେଲଙ୍ଗାନା ଓ ଆନ୍ଧ୍ରପ୍ରଦେଶରେ ବାସ କରୁଥିବା ୭.୮ କୋଟିରୁ ଅଧିକ ଲୋକଙ୍କ ଆଧାର ତଥ୍ୟ ଚୋରି କରିଛି । ଭାରତୀୟ ଏକକ ପରିଚୟପତ୍ର ପ୍ରାଧିକାରଣ (ୟୁଆଇଡିଏଆଇ) ଏଭଳି ଅଭିଯୋଗ କରିଛି । ଅଭିଯୋଗ ଆଧାରରେ ସାଇବରାବାଦ୍‌ ପୁଲିସ୍‌ ଆଇଟି ଗ୍ରୀଡ୍‌ସ ବିରୋଧରେ ମାମଲା ରୁଜୁ କରିଛି । ଆନ୍ଧ୍ରପ୍ରଦେଶ ଓ ତେଲଙ୍ଗାନାର ଜନସଂଖ୍ୟା ପ୍ରାୟ ୮.୪ କୋଟି । କମ୍ପାନି ଏହି ଆଧାର ତଥ୍ୟକୁ ବ୍ୟବହାର କରି ତେଲୁଗୁ ଦେଶମ୍‌ ପାର୍ଟି (ଟିଡିପି) ପାଇଁ ସେବା ମିତ୍ର ଆପ୍‌ ବିକାଶ କରୁଥିଲା ।
ମାମଲା ମୁତାବକ, ଆଧାର ଆଇନର ଉଲ୍ଲଂଘନ କରି ଏହି ତଥ୍ୟକୁ ବାହ୍ୟ ଷ୍ଟୋରେଜ୍‌ ଡିଭାଇସ୍‌ରେ ରଖାଯାଇଥିଲା । ଫରେନ୍ସିକ୍‌ ବିଶେଷଜ୍ଞଙ୍କ ଅନୁସାରେ ଅଭିଯୁକ୍ତ ଆଇଟି ସଂସ୍ଥା ବେଆଇନ ଭାବେ କୌଣସି କେନ୍ଦ୍ରୀୟ ଡାଟା ରିପୋଜିଟୋରି ବା ରାଜ୍ୟ ତଥ୍ୟ ହବ୍‌ରୁ ଏସବୁ ତଥ୍ୟକୁ ପାଇଛି । ସୂତ୍ର ମୁତାବକ, ତଥ୍ୟ ଚୋରି ମାମଲାର ତଦନ୍ତ କରୁଥିବା ଏସ୍‌ଆଇଟିକୁ ମଧ୍ୟ ଏହି ମାମଲା ହସ୍ତାନ୍ତର କରାଯାଇପାରେ ।
ଆଇଟି ଗ୍ରୀଡ୍‌ସର ଅଫିସ ପରିସର ରେଡ୍‌ ବେଳେ ୭ଟି ହାର୍ଡ ଡିସ୍କ ଓ ଅନ୍ୟ ଡିଜିଟାଲ ପ୍ରମାଣ ଜବତ ହୋଇଛି ବୋଲି ୟୁଆଇଡିଏଆଇ ଉପ ନିର୍ଦ୍ଦେଶକ ଟି ଭବାନୀ ପ୍ରସାଦ ନିଜ ଅଭିଯୋଗରେ କହିଛନ୍ତି । ହାର୍ଡ ଡିସ୍କକୁ ବିଶ୍ଳେଷଣ କରିବା ପରେ ତେଲଙ୍ଗାନା ରାଜ୍ୟ ଫରେନ୍ସିକ୍‌ ବିଜ୍ଞାନ ଲାବୋରେଟୋରି (ଟିଏସ୍‌ଏଫ୍‌ଏସ୍‌ଏଲ୍‌) ବିଶେଷଜ୍ଞ କହିଛନ୍ତି, ଏହି ସଂସ୍ଥା ଉଭୟ ତେଲଙ୍ଗାନା ଓ ଆନ୍ଧ୍ରପ୍ରଦେଶର ୭,୮୨,୨୧,୩୯୭ ଜଣଙ୍କର ଆଧାର ତଥ୍ୟ ରଖିଛି । ଏପରିକି ଆଇଟି ଗ୍ରୀଡ୍‌ର ଡାଟାବେସ୍‌ର ଢାଞ୍ଚା ଓ ଆକାର ୟୁଆଇଡିଏଆଇ ନିକଟରେ ଥିବା ଡାଟାବେସ୍‌ ସହ ପ୍ରାୟ ସମାନ ।
ଅପରପକ୍ଷରେ ଟିଡିପି କହିଛି, ସେମାନେ ମୂଳ ଆଧାର ତଥ୍ୟକୁ ଆକ୍ସେସ୍‌ କରିନାହାନ୍ତି । ଏହି ତଥ୍ୟକୁ କେବଳ ଜନମଙ୍ଗଳ ସ୍କିମ୍‌ ହିତାଧିକାରୀଙ୍କ ଯାଞ୍ଚ ପାଇଁ ବ୍ୟବହାର କରାଯାଇଥିଲା ।