PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋକସରା: ପଛୁଆ ବର୍ଗ ପକ୍ଷରୁ କୋକସରାରେ ସଂରକ୍ଷଣ ଦାବିରେ ରାସ୍ତା ଅବରୋଧ, ଯାତାୟତ ଠପ୍
  • ||
  • କଳାହାଣ୍ଡି: ଅଙ୍ଗନୱାଡି କର୍ମୀ ଚୟନ ପାଇଁ ରାମପୁର ଆଇସିଡିଏସ୍ ସିଡିପିଓ ଲକ୍ଷେ ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ ଟିମ୍
  • ||
  • କଟକ: ଦୀପାବଳିରେ ବାଣ ଫୁଟାଇବାକୁ ନେଇ ମାମଲା, ପିଟିସନ୍ ଖାରଜ; ସାନି ପିଟିସନ୍ ଦାଖଲ ଲାଗି ହାଇକୋର୍ଟଙ୍କ ନିର୍ଦେଶ
  • ||
  • ଭୁବନେଶ୍ୱର: କାର୍‌ଗିଲ୍‌ ବସ୍ତିରୁ ୨୫୪ ଗ୍ରାମ୍‌ ବ୍ରାଉନ୍‌ସୁଗାର ଜବତ, ଜଣେ ଗିରଫ
  • ||
  • ନୀଳଗିରି: ଯୁବତୀଙ୍କୁ ଦୁର୍ବ୍ୟବହାର କରିବା ଯୁବକଙ୍କୁ ପଡିଲା ମହଙ୍ଗା, ଧରାପଡି ନିର୍ଧୁମ ମାଡ଼ ଖାଇଲେ
  • ||
  • ସୀମାନ୍ତରେ ମାଓବାଦୀ ଯବାନ ଗୁଳିବିନିମୟ ୩ ମାଓବାଦୀ ନିହତ, ବନ୍ଧୁକ ଗୋଳାବାରୁଦ ଜବତ
  • ||
  • ଭୁବନେଶ୍ୱର: ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୩୧୨କୁ ବୃଦ୍ଧି
  • ||
  • ଭୁବନେଶ୍ୱର: ରାଜ୍ୟରେ ତଳମୁହାଁ କରୋନା ଗ୍ରାଫ୍, ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୨୫ କୋଭିଡ୍ ପଜିଟିଭ୍
  • ||
  • ଆଠଗଡ଼: ପବିତ୍ର କାର୍ତ୍ତିକ ମାସର ପ୍ରଥମ ସୋମବାର, ଖାଁ ଖାଁ ଧବଳେଶ୍ଵରଙ୍କ ପୀଠ
  • ||
  • ମୟୂରଭଞ୍ଜ: ଆଜି ୧୨ ଘଣ୍ଟିଆ ମୟୂରଭଞ୍ଜ ବନ୍ଦ, ୧୬ ଦଫା ଦାବିରେ ନେଇ ରାସ୍ତାକୁ ଓହ୍ଲାଇଛି ବିଜେପି
  • ||
  • ଭୁବନେଶ୍ୱର: ରାଜ୍ୟରେ ୫ ଦିନ ଯାଏ ବଢ଼ିବନି ଶୀତ, ୨୮ରୁ ୩୦ ଯାଏ କାଁ ଭାଁ ବର୍ଷା ସମ୍ଭାବନା
  • ||
  • ଭୁବନେଶ୍ୱର: ଆଜିଠୁ ଆରମ୍ଭ ହେବ ଅଷ୍ଟମ ଶ୍ରେଣୀ କ୍ଲାସ୍ ରୁମ୍ ପାଠପଢ଼ା, ପ୍ରଥମ ଦୁଇଦିନ ହସଖୁସି ପିଲାଙ୍କ ଶିକ୍ଷଣସ୍ତର ମପାଯିବ
  • ||
  • ରାୟଗଡ଼ା: ବସ୍ତି ଉଚ୍ଛେଦ ପ୍ରତିବାଦରେ ବିଜେପି ପକ୍ଷରୁ ୧୨ ଘଣ୍ଟିଆ ରାସ୍ତାରୋକ। ରାସ୍ତା ଅବରୋଧ ଆରମ୍ଭ ହେବାର ମାତ୍ର ୧ ଘଣ୍ଟା ପରେ ସମସ୍ତଙ୍କୁ ଉଠେଇ ନେଲା ପୁଲିସ।
  • ||
  • ଜଗତସିଂହପୁର: ୩୦୦ ଗ୍ରାମ ବ୍ରାଉନସୁଗର ସହ ନଗଦ ଟଙ୍କା ଜବତ କଲା ଜଗତସିଂହପୁର ପୋଲିସ, ଜଣେ ମହିଳା ଅଟକ
  • ||

ମାର୍ଚ୍ଚ ସୁଦ୍ଧା ଦର୍ଲିପାଲି ଥର୍ମାଲ ପାୱାର ପ୍ଲାଣ୍ଟ

ଭୁବନେଶ୍ୱର,୨୯ା୧(ବ୍ୟୁରୋ): ଏନ୍‌ଟିପିସିର ବହୁ ପ୍ରତୀକ୍ଷିତ ପ୍ରକଳ୍ପ ସୁନ୍ଦରଗଡ଼ର ଦର୍ଲିପାଲ୍ଲୀ ପାୱାର ପ୍ଲାଣ୍ଟ ଆସନ୍ତା ମାର୍ଚ୍ଚ ସୁଦ୍ଧା କାର୍ଯ୍ୟକ୍ଷମ ହେବ । ଏହାର କ୍ଷମତା ୧୬୦୦ମେଗାୱାଟ ୟୁନିଟ୍‌ ଥିବାବେଳେ ଏଥିରୁ ପର୍ଯ୍ୟାୟକ୍ରମେ ବିଦ୍ୟୁତ୍‌ ଉôପାଦନ ହେବ । ଏବେ ପାଇଁ ୮୦୦ମେଗା ୱାଟ୍‌ ୟୁନିଟ୍‌ ବିଦ୍ୟୁତ୍‌ ଉôପାଦନ ହେବ ଓ ପରେ କ୍ଷମତା ବଢାଯିବ । ଏନ୍‌ଟିପିସିର ଆଞ୍ଚଳିକ କାର୍ଯ୍ୟକାରୀ ନିର୍ଦ୍ଦେଶକ ଏମ୍‌ପି ସିହ୍ନା ଆଜି ଏହି ସୂଚନା ଦେଇଛନ୍ତି ।
ଆଜି ଗଣମାଧ୍ୟମ ପ୍ରତିନିଧିଙ୍କ ସହ ଏକ ଭାବବିନିମୟ କାର୍ଯ୍ୟକ୍ରମ ଅବସରରେ ସୂଚନା ଦେଇ ଶ୍ରୀ ସିହ୍ନା କହିଛନ୍ତି, ଦର୍ଲିପାଲ୍ଲୀ ପାୱାର ପ୍ଲାଣ୍ଟ୍‌ର ଟରବାଇନ୍‌ ପ୍ରସ୍ତୁତ ହୋଇଯାଇଛି । ଫେବ୍ରୁଆରୀ ୧୦ ତାରିଖ ସୁଦ୍ଧା ଏହାର ବଏଲର ଶେଷ ହୋଇଯିବ । ଏନ୍‌ଟିପିସି ଏହି ପ୍ରକଳ୍ପରେ ପ୍ରାୟ ୮୫୦୦କୋଟିର ପୁଞ୍ଜି ଖଟାଇ ସାରିଲାଣି । ପୂରା ପ୍ରକଳ୍ପ ସମ୍ପୂର୍ଣ୍ଣ ପାଇଁ ୧୨ହଜାର କୋଟି ଟଙ୍କା ବିନିଯୋଗ ପାଇଁ ଲକ୍ଷ୍ୟ ଅଛି । କେବଳ ଏହି ଗୋଟିଏ ପ୍ରକଳ୍ପରୁ ଓଡି଼ଶା ୫୦ପ୍ରତିଶତ ବିଦ୍ୟୁତ୍‌ ପାଇବ । ଏହି ପ୍ଲାଣ୍ଟ ପାଇଁ ରାଜ୍ୟ ସରକାରଙ୍କ ସହ ପାୱାର ପରଚେଜ୍‌ ଏଗ୍ରିମେଣ୍ଟ ସରିଛି । ପ୍ଲାଣ୍ଟ ପାଇଁ ଆବଶ୍ୟକ କୋଲ୍‌ ଏନଟିପିସିର ଡୁଲାଙ୍ଗ କୋଇଲା ଖଣିରୁ ଯୋଗାଇ ଦିଆଯିବ । ଯଦି ଏହି ଖଣିରୁ କୋଇଲା ଆବଶ୍ୟକତା ପୂରା ନ ହୁଏ ତେବେ ବଳକା କୋଇଲା ମହାନଦୀ କୋଲ ଫିଲ୍ଡସ୍‌(ଏମସିଏଲ୍‌) ଖଣିରୁ ଅଣାଯିବ । ଏହି ପ୍ଲାଣ୍ଟ ପାଇଁ ବାର୍ଷିକ ୮ ନିୟୁତ ଟନ୍‌ କୋଇଲା ଆବଶ୍ୟକ ପଡିବ ବୋଲି ଶ୍ରୀସିହ୍ନା କହିଛନ୍ତି ।
ତାଳଚେର ଥର୍ମାଲ୍‌ ପାୱାର ଷ୍ଟେସନ୍‌(ଟିଟିପିଏସ୍‌)ର ମୂଲ୍ୟ ନିର୍ଧାରଣ(ଟାରିଫ୍‌)କୁ ନେଇ ରାଜ୍ୟ ସରକାରଙ୍କ ସହ ଚାଲିଥିବା ବିବାଦ ଉପରେ ସ୍ପଷ୍ଟୀକରଣ ରଖି ସେ କହିଛନ୍ତି, ୨୦୧୦ରେ ଯେଉଁ ଫିଜିବିଲିଟି ରିପୋର୍ଟ ପ୍ରସ୍ତୁତ ହୋଇଥିଲା ସେଥିରେ ୟୁନିଟ୍‌ ପିଛା ୨ଟଙ୍କା ୭୮ ପଇସା ରଖାଯାଇଥିଲା । କିନ୍ତୁ ବିଭିନ୍ନ କାରଣରୁ ଟାରିଫ୍‌ କମିଛି ବୋଲି ସେ କହିଛନ୍ତି । ଯେବେ ଓଡ଼ିଶାର ବିଦ୍ୟୁତ୍‌ ଆବଶ୍ୟକତା ପୂରଣ ନିଅଣ୍ଟ ହେଉଥିଲା ସେବେ ଏହି ବୁଝାମଣା ହୋଇଥିଲା । ଟିଟିପିଏସ୍‌ କାର୍ଯ୍ୟକ୍ଷମର ପରବର୍ତ୍ତୀ ପର୍ଯ୍ୟାୟରେ ଉôପାଦନ ହେବାକୁ ଥିବା ୧୩୨୦ମେଗା ୱାଟ ବିଦ୍ୟୁତ୍‌ରୁ ଓଡ଼ିଶାକୁ ଏହାର ୫୦ପ୍ରତିଶତ ମିଳିବ । ଆଗକୁ ୨୦୧୯-୨୦ ବେଳକୁ ଓଡ଼ିଶାକୁ ୧୫୦୦ରୁ ୧୬୦୦ ମେଗା ୱାଟ୍‌ ଅଧିକ ତାପଜ ବିଦ୍ୟୁତ୍‌ ଶକ୍ତି ପାଇବ ।
ଢେଙ୍କାନାଳ ଗଜମରା ପ୍ରକଳ୍ପ ସମ୍ବନ୍ଧରେ ସୂଚନା ଦେଇ ଶ୍ରୀସିହ୍ନା କହିଛନ୍ତି, ଏବେ ଜମି ଅଧିଗ୍ରହଣ ପ୍ରକ୍ରିୟା ଚାଲିଛି । ଏହି ପ୍ରକଳ୍ପ କାର୍ଯ୍ୟକାରୀ ପାଇଁ ନାଲ୍‌କୋ ସହ ଏନ୍‌ଟିପିସିର ଏମ୍‌ଓୟୁ ହୋଇଥିଲା । ୨୪୦୦ ମେଗା ୱାଟର ବିଦ୍ୟୁତ୍‌ କୋଇଲାରୁ ଉôପାଦନ ପାଇଁ ପ୍ରାୟ ୧୪ହଜାର କୋଟି ଟଙ୍କା ବିନିଯୋଗ କରାଯିବ । ଏବେସୁଦ୍ଧା ନାଲ୍‌କୋ ଏହି ଏମଓୟୁରୁ ଓହରିନି ବୋଲି ସେ ସ୍ପଷ୍ଟ କରିଛନ୍ତି ।
ଏନ୍‌ଟିପିସି ତାର କର୍ପୋରେଟ୍‌ ସାମାଜିକ ଦାୟିତ୍ୱବୋଧରେ ଅନେକ କାମ କରିଛି । ସୁନ୍ଦରଗଡ଼ ଜିଲ୍ଲା ମୁଖ୍ୟାଳୟରେ ମେଡିକାଲ କଲେଜ ଓ ହସ୍ପିଟାଲ ପାଇଁ ୪୧୭କୋଟି ଟଙ୍କା ଖର୍ଚ୍ଚ ହୋଇଛି । ଗଞ୍ଜାମରେ ଆଇଟିଆଇ ପାଇଁ ପ୍ରାୟ ୮କୋଟି, ଝାରସୁଗୁଡା଼ ସହର, ବେଲପାହାଡ଼ ଓ ବ୍ରଜରାଜନଗରରେ ପାଇପ୍‌ ଯୋଗେ ପାନୀୟ ଜଳ ଯୋଗାଣ ପ୍ରକଳ୍ପ ପାଇଁ ୬୦କୋଟି, ଭୁବନେଶ୍ୱର ଏମସ୍‌ରେ ବର୍ନ ସେଣ୍ଟର ପ୍ରତିଷ୍ଠା ପାଇଁ ୧୪କୋଟି, ସୁନ୍ଦରଗଡ଼ରେ ପଲିଟେକନିକ୍‌ ପାଇଁ ଏନଟିପିସି ୨୫କୋଟି ଟଙ୍କା ଖର୍ଚ୍ଚ କରିଛି ବୋଲି ଏନ୍‌ଟିପିସିର ଜିଏମ୍‌(ସି ଆଣ୍ଡ ଏମ୍‌) ଏଚ୍‌.କେ ଦାଶ କହିଥିଲେ । ଏନ୍‌ଟିପିସିର ଜିଏମ୍‌ ଫାଇନାନ୍ସ ହରଜିତ୍‌ ସିଂହ, ବିବି ତ୍ରିପାଠୀ, ସିଜିଏମ୍‌ (ଟିଏସଟିପିଏସ୍‌) ସନ୍ତୋଷ ଜେଏମସ୍‌ ଓ ଟିଟିପିଏସ୍‌ ଜିଜିଏମ୍‌ ଏମକେ ସିଂହ ପ୍ରମୁଖ ଏଥିରେ ଉପସ୍ଥିତ ଥିଲେ ।