ଶ୍ରୀଲଙ୍କା ବିସ୍ଫୋରଣରେ ମୃତାହତଙ୍କ ସଂଖ୍ୟା ୨୦୦ରୁ ଊର୍ଦ୍ଧ୍ବ, ୭ ଗିରଫ

ନୂଆଦିଲ୍ଲୀ,୨୧।୪: କଲୋମ୍ବୋ ଓ ଶ୍ରୀଲଙ୍କାର ବହୁ ଅଞ୍ଚଳରେ ଇଷ୍ଟର ସମୟରେ ୮ଟି ବୋମା ବିସ୍ଫୋରଣ ହୋଇଛି।  ୩ଟି ଚର୍ଚ୍ଚ ଓ ୪ଟି ହୋଟେଲରେ ଏହି ବିସ୍ଫୋରଣ ହୋଇଛି। ବିସ୍ଫୋରଣ ମୃତକଙ୍କ ସଂଖ୍ୟା ବଢିକି ୨୦୭ରେ ପହଁଞ୍ଚି ଯାଇଛି ଓ ୪୫୦ରୁ ଅଧିକ ଆହତ ହୋଇଛନ୍ତି। ଏହି ଘଟଣାରେ ଏପର୍ଯ୍ୟନ୍ତ ୭ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି। ସରକାର କହିଛନ୍ତି ଅଧିକାଂଶ ବିସ୍ଫୋରଣ ଆତ୍ମଘାତୀଙ୍କ ଦ୍ବାରା ହୋଇଛି ।ମୃତକଙ୍କ ଭିତରେ ୩୫ ଜଣ ବିଦେଶର ରହିଥିବା ବେଳେ ଜଣେ ଭାରତୀୟ ରହିଛନ୍ତି। ସେ କେରଳର ବୋଲି ଜଣାପଡିଛି।

ଅନ୍ୟପକ୍ଷେ ରାଷ୍ଟ୍ରପତି କାର୍ଯ୍ୟାଳୟ ପକ୍ଷରୁ ବୟାନ ଜାରି କରି ସାରାଦେଶରେ ସନ୍ଧ୍ୟା ୬ଟାରୁ ଆସନ୍ତାକାଲି ସକାଳ ୬ଟା ପର୍ଯ୍ୟନ୍ତ କର୍ଫ୍ୟୁ ଲଗାଯିବାର ଘୋଷଣା କରାଯାଇଚି। ସେଭଳି ଏହା ସହିତ କୁହାଯାଇଛି ଯେ, ୨୨ ଓ ୨୩ ଅପ୍ରେଲରେ ସରକାରୀ ଛୁଟି ରହିବ। ସେଭଳି ହ୍ବାଟସ୍ଆପ୍ ଓ ଫେସବୁକ୍ ଭଳି ସୋସିଆଲ ମିଡିଆ ପ୍ଳାଟଫର୍ମରେ ତତ୍କାଳ ପ୍ରଭାବରୁ ବ୍ଳକ କରି ଦିଆଯାଇଛି।

ଏହି ଘଟଣାରେ ଭାରତର ରାଷ୍ଟ୍ରପତି ଏବଂ ପ୍ରଧାନମନ୍ତ୍ରୀ ଶୋକବ୍ୟକ୍ତ କରିଛନ୍ତି। ରାଷ୍ଟ୍ରପତି ରାମନାଥ କୋବିନ୍ଦ ଶ୍ରୀଲଙ୍କା ଆକ୍ରମଣକୁ ନିନ୍ଦା କରିଛନ୍ତି। ସେ କହିଛନ୍ତି ଶ୍ରୀଲଙ୍କାରେ ହୋଇଥିବା ଆତଙ୍କବାଦୀ ଆକ୍ରମଣକୁ ଭାରତ ନିନ୍ଦା କରୁଛି ଓ ଦେଶର ଲୋକ ଓ ସରକାରଙ୍କ ପ୍ରତି ଆମର ସମବେଦନା ରହିଛି। ଏଭଳି ହିଂସାକୁ ସଭ୍ୟ ସମାଜରେ କୌଣସି ସ୍ଥାନ ନାହିଁ। ଆମେ ଶ୍ରୀଲଙ୍କା ସହିତ ରହିଛୁ। ସେଭଳି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ଆକ୍ରମଣକୁ ନିନ୍ଦା କରିଛନ୍ତି। ସେ କହିଛନ୍ତି ଶ୍ରୀଲଙ୍କାରେ ହୋଇଥିବା ଏହି ଭୟଙ୍କର ବିସ୍ଫୋରଣକୁ କଡା ନିନ୍ଦା କରୁଛି। ଏଭଳି ବର୍ବରତା ପାଇଁ ଆମ କ୍ଷେତ୍ରରେ ଏହାର ସ୍ଥାନ ନାହିଁ। ଭାରତ ଶ୍ରୀଲଙ୍କାର ଲୋକଙ୍କ ସହିତ ଏକଜୁଟ ହୋଇ ଠିଆ ହୋଇଛୁ।

   ସମ୍ବନ୍ଧିତ ଖବର


Ola-Uber ଉପରେ ସରକାରଙ୍କ କଟକଣା, ଆଉ ନେଇ ପାରିବେନି ଅଧିକ ଭଡ଼ା

ଏବେ ବାହନ ପଞ୍ଜୀକରଣ ବେଳେ ନୋମିନିଙ୍କ ନାଁ ଦେବାକୁ ପଡିବ, କେନ୍ଦ୍ର ସଡ଼କ ପରିବହନ ଓ ରାଜପଥ ମନ୍ତ୍ରାଳୟର ପ୍ରସ୍ତାବ

PNB ଗ୍ରାହକଙ୍କ ପାଇଁ ଜରୁରୀ ସୂଚନା : ୧ ଡିସେମ୍ୱରରୁ ବଦଳିବ ଟଙ୍କା ଉଠାଇବାର ନିୟମ

ଚୀନ୍‌ର ଚୋରପଣ- କହିଲା ଭାରତରୁ ବ୍ୟାପିଛି କରୋନା ଭାଇରସ୍‌

ଚୀନ୍ ସୈନିକଙ୍କୁ ଜିନପିଙ୍ଗ୍‌ଙ୍କ ମନ୍ତ୍ର: ମୃତ୍ୟୁକୁ ଭୟ ନକରି ଯୁଦ୍ଧ ଜିତିବାର ପ୍ରସ୍ତୁତି କର

ବ୍ଲାକହୋଲ୍‌ର ଖୁବ୍ ନିକଟରେ ପୃଥିବୀ, ଜାଣନ୍ତୁ ଗବେଷକଙ୍କ ମତ କ’ଣ?