PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ଅଗଷ୍ଟରେ ବି ନିଅଣ୍ଟିଆ ବର୍ଷା, ପୁଣି ଘନେଇଲା ମରୁଡ଼ି ଆଶଙ୍କା, ୧୫ ଦିନରେ ଉପକୂଳ ଜିଲ୍ଲାରେ ଉଭେଇ ଯିବ ବର୍ଷା
  • ||
  • ପଟ୍ଟାଙ୍ଗି : ବାଇକ୍‌ର କିସ୍ତି ଟଙ୍କା ବାନ୍ଧି ଘରକୁ ଫେରୁଥିଲେ ଧକ୍କା ଦେଲା ୧୦ ଚକିଆ ଟ୍ରକ୍, ଆଖି ବୁଜିଲେ ମାମୁଁ-ଭଣଜା
  • ||
  • ରାଉରକେଲା : ରାଉରକେଲା ପ୍ଲାଣ୍ଟସାଇଡ୍ ଥାନା ଗୋପବନ୍ଧୁ ପଲ୍ଲୀ ଅଞ୍ଚଳରେ ୧୩ ବର୍ଷର ଝିଅକୁ ବିକ୍ରି କରୁଥିଲା ଜନ୍ମକଲା ମାଆ, ବାପାଙ୍କ ଅଭିଯୋଗ ପରେ ଉଦ୍ଧାର ହେଲା ନାବାଳିକା
  • ||
  • ପଦ୍ମପୁର : ଗାଇସିଲେଟ ବ୍ଲକ ଅଧୀନ ଚାରିଛକଠାରୁ ମଲମଣ୍ଡା ବୌଦ୍ଧବିହାର ଗନିଆଁପାଲି ରାସ୍ତା ମରାମତି ପାଇଁ ଶୁଣିଲାନି ପ୍ରଶାସନ, ଧାନ ରୋଇ ପ୍ରତିବାଦ କଲେ ଗ୍ରାମବାସୀ
  • ||
  • କୋରାପୁଟ : ଆଜିଠୁ ଖୋଲିବ ଶାବର ଶ୍ରୀକ୍ଷେତ୍ର, ବାହାର ଭୋଗ ମନା, କଟକଣାରେ ଦର୍ଶନ କରିବେ ଭକ୍ତ
  • ||
  • ଭୁବନେଶ୍ୱର : ଓଡ଼ିଶାରେ ସାମାନ୍ୟ ବଢ଼ିଲା କରୋନା ଗ୍ରାଫ୍, ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୧୨୯ ଜଣ କୋଭିଡ ପଜିଟିଭ୍
  • ||
  • ବ୍ରହ୍ମପୁର : ଦୀର୍ଘ ଦିନ ପରେ ଖୋଲିଲା ବ୍ରହ୍ମପୁରର ସବୁ ମନ୍ଦିର, ଦିଅଁଙ୍କ ନିକଟରେ ଭୋଗ କରିପାରିବେନି ଭକ୍ତ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୯ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୬୧୦୨କୁ ବୃଦ୍ଧି
  • ||

ପ୍ରତି ପାଞ୍ଚ ଦିନରେ ଖେଳାଳିଙ୍କର ହେବ କୋଭିଡ୍‌ ପରୀକ୍ଷା

ନୂଆଦିଲ୍ଲୀ, ୫।୮ : ୟୁଏଇରେ ଆଇପିଏଲ୍‌-୧୩ ଖେଳାଯିବା ସମୟରେ ପ୍ରତି ପାଞ୍ଚ ଦିନରେ ଥରେ ପ୍ରତି ଖେଳାଳି ଓ ସହଯୋଗୀ କର୍ମଚାରୀଙ୍କ କୋଭିଡ-୧୯ ପରୀକ୍ଷା କରାଯିବ ବୋଲି ବିସିସିଆଇ ପକ୍ଷରୁ ଏକ ଡ୍ରାଫ୍ଟ ପ୍ରସ୍ତୁତ କରାଯାଇଛି । କେବଳ ଏତିକି ନୁହଁ ଜଣେ ଅଧିକାରୀଙ୍କ ସୂଚନା ଅନୁସାରେ, ୟୁଏଇରେ ଦଳମାନେ ଅଭ୍ୟାସ ଆରମ୍ଭ କରିବା ପୂର୍ବରୁ ଖେଳାଳିଙ୍କ କୋଭିଡ୍‌ ପରୀକ୍ଷା କରାଯିବ । ଯେଉଁମାନଙ୍କର ୫ ଥର ରିପୋର୍ଟ ନେଗେଟିଭ ଆସିବ ସେମାନେ ହିଁ ଅଭ୍ୟାସ ଆରମ୍ଭ କରି ପାରିବେ । ଟୁର୍ଣ୍ଣାମେଣ୍ଟ ଶେଷ ପର୍ଯ୍ୟନ୍ତ ଖେଳାଳି ଓ ଅନ୍ୟମାନଙ୍କର ପ୍ରତି ପାଞ୍ଚ ଦିନରେ ଥରେ ପରୀକ୍ଷା ହେବ ।’

ସେ ଆହୁରି ମଧ୍ୟ କହିଛନ୍ତି, ନିଜ ନିଜ ଦଳରେ ୧୪ ଦିନିଆ କ୍ୱାରେଣ୍ଟାଇନରେ (ଭାରତରେ) ଯୋଗ ଦେବାର ଏକ ସପ୍ତାହ ପୂର୍ବରୁ ସମସ୍ତ ଭାରତୀୟ ଖେଳାଳି ଓ ସହଯୋଗୀ କର୍ମଚାରୀଙ୍କର ଦୁଇଥର କୋଭିଡ୍‌-୧୯ ଆରଟି-ପିସିଆର ପରୀକ୍ଷା କରାଯିବ । ଯଦି କୌଣସି ଜଣଙ୍କର ରିପୋର୍ଟ ପୋଜିଟିଭ ଆସିଲା ତେବେ ସେ ୧୪ ଦିନିଆ କ୍ୱାରେନଣ୍ଟାଇନରେ ରହିବେ । କ୍ୱାରେଣ୍ଟାଇନ ଶେଷ ହେବା ପରେ ୨୪ ଘଣ୍ଟା ମଧ୍ୟରେ ତାଙ୍କର ଦୁଇଥର କୋଭିଡ୍‌-୧୯ ଆରଟି-ପିସିଆର ପରୀକ୍ଷା କରାଯିବ । ଯଦି ରିପୋର୍ଟ ନେଗେଟିଭ ଆସିବ ତେବେ ତାଙ୍କୁ ୟୁଏଇ ଯିବା ପାଇଁ ଅନୁମତି ଦିଆଯିବ ।’

‘କଥା ଏତିକିରେ ଶେଷ ହେବ ନାହିଁ । ୟୁଏଇରେ ପହଞ୍ଚିବା ପରେ ସେମାନଙ୍କର କୋଭିଡ୍‌ ପରୀକ୍ଷା ହେବ । ସେଠାରେ ସେମାନଙ୍କର ୩ଥର ରିପୋର୍ଟ ନେଗେଟିଭ ରହିଲେ ବାୟୋ-ବବୁଲକୁ ପ୍ରବେଶ ଅନୁମତି ଦିଆଯିବ ଏବଂ ସେ ଅଭ୍ୟାସ ଆରମ୍ଭ କରି ପାରିବେ ବୋଲି ବିସିସିଆଇ ଅଧିକାରୀ ଜଣଙ୍କ ପ୍ରକାଶ କରିଛନ୍ତି ।
ବିସିସିଆଇର ଡ୍ରାଫ୍ଟ ଅନୁସାରେ, ୟୁଏଇରେ ଯାଇ ଅଭ୍ୟାସ ଆରମ୍ଭ କରିବା ଫ୍ରାଞ୍ଚାଇଜମାନଙ୍କୁ ଏତେ ସହଜ ହୋଇ ନପାରେ । ବହୁ କଟକଣା ରହିବ । ଯାହା ପୂରଣ କରି ଅଭ୍ୟାସ ଆରମ୍ଭ କରିବା ଖେଳାଳିଙ୍କ ପକ୍ଷେ ବହୁ କଷ୍ଟକର ହେବ । ପୁଣି ନିୟମ ଅନୁସାରେ, ଖେଳାଳି ଓ କର୍ମକର୍ତ୍ତାମାନେ ୟୁଏଇରେ ପହଞ୍ଚିବାର ଗୋଟିଏ ସପ୍ତାହ ପର୍ଯ୍ୟନ୍ତ ହୋଟେଲ୍‌ରେ କାହାକୁ ସାକ୍ଷାତ କରି ପାରିବେ ନାହିଁ । ୩ ଥର ରିପୋର୍ଟ ନେଗେଟିଭ ଆସିବା ପରେ ଯାଇ ଅନୁମତି ମିଳିବ ।

ସମ୍ବନ୍ଧିତ ଖବର