ଯେଉଁ ଦୋକାନରେ ମୋଦି କେବେ ଚା’ ବିକ୍ରି କରୁଥିଲେ,ସେହି ସ୍ଥାନକୁ କରାଯିବ ଏଭଳି

ଅହମ୍ମଦାବାଦ,୨।୯: ପିଲାବେଳୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜର ଜନ୍ମସ୍ଥାନ ବଡନଗର ରେଲଓ୍ବେ ଷ୍ଟେସନରେ ଯେଉଁଠି ଚା ବିକ୍ରି କରୁଥିଲେ ଏବେ ସେହି ଚା’ ଦୋକାନ ହେବ ପର୍ଯ୍ୟଟନ ସ୍ଥଳ। ଏଭଳି ଏକ ଯୋଜନା କରାଯାଉଛି ବୋଲି କେନ୍ଦ୍ର ପର୍ଯ୍ୟଟନ ଓ ସଂସ୍କୃତି ମନ୍ତ୍ରୀ ପ୍ରହ୍ଲାଦ ପଟେଲ କହିଛନ୍ତି। ନିକଟରେ ସେ ବଡନଗର ଯାଇଥିଲେ ଏବଂ ପର୍ଯ୍ୟଟନର ବିକାଶ ପାଇଁ ସେହି ସ୍ଥାନକୁ ଚିହ୍ନଟ କରିଥିଲେ, ଯାହାକୁ ଆଗାମୀ ଦିନରେ ବିକଶିତ କରିହେବ। ପଟେଲ ସହରର ସେହି ରେଲଓ୍ବେ ଷ୍ଟେସନକୁ ଯାଇଥିଲେ, ଯେଉଁଠାରେ ସେହି ଦୋକାନ ରହିଛି। କୁହାଯାଏ ଯେ, ମୋଦିଙ୍କ ପିଲାବେଳ ଖୁବ୍ ଦାରିଦ୍ର୍ୟତାରେ କଟିଛି। ତେଣୁ ସେ ପିଲାବେଳେ ତାଙ୍କ ବାପାଙ୍କ ସହ ଏହି ରେଳଷ୍ଟେସନରେ ଚା’ ବିକ୍ରି କରୁଥିଲେ। ଏ ବିଷୟରେ ନିଜେ ପ୍ରଧାନମନ୍ତ୍ରୀ ମୋଦି ବହୁବାର କହିସାରିଛନ୍ତି।

୨୦୧୪ରେ ଲୋକସଭା ନିର୍ବଚନରେ କଂଗ୍ରେସ ମଣି ଶଙ୍କର ଆୟର ସେତେବେଳେ ବିଜେପିର ପ୍ରଧାନମନ୍ତ୍ରୀ ପଦର ପ୍ରାର୍ଥୀ ଥିବା ମୋଦିଙ୍କ ଚା’ ବିକ୍ରି କରିବା କଥା ନେଇ ତାତ୍ସଲ୍ୟ କରିଥିଲେ। ସେ କହିଥିଲେ ମୋଦି ଏକବିଶଂ ଶତାବ୍ଦୀରେ କେବେ ଦେଶର ପ୍ରଧାନମନ୍ତ୍ରୀ ହୋଇପାରିବେ ନାହିଁ ଓ ଯଦି ଚାହାନ୍ତି ତେବେ ଏଆଇସିସି ଅଧିବେଶନରେ ଚା’ ବିକ୍ରି କରିପାରିବେ। ଏହାକୁ ବିଜେପି ଓ ମୋଦି ବଡ ପ୍ରସଙ୍ଗ କରିଥିଲେ। ବିଜେପି ଏହାପରେ ‘ଚାୟେ ପେ ଚର୍ଚ୍ଚା’ ଅଭିଯାନ ଆରମ୍ଭ କରିଥିଲା।

ପର୍ଯ୍ୟଟନ ମନ୍ତ୍ରୀ ଏହି ଚା’ ଦୋକାନକୁ ଦେଖିବାକୁ ଯାଇଥିଲେ। ଟିଣରେ ତିଆରି ଏହି ଚା’ ଦୋକାନ ତଳ ଅଂଶରେ ଜଙ୍କ ଲାଗିବା କାରଣରୁ ଏହା ଭାଙ୍ଗିବା ଅବସ୍ଥାରେ ଅଛି। ଏହାକୁ ରକ୍ଷା କରିବା ପାଇଁ ଅଧିକାରୀଙ୍କୁ ପର୍ଯ୍ୟଟନ ମନ୍ତ୍ରୀ କହିଥିଲେ, ଦୋକାନକୁ କାଚ ଦେଇ ଢାଙ୍କି ଦିଆଯାଉ। ଏହାଛଡା ସେ ନିର୍ଦେଶ ଦେଇଥିଲେ ଏହି ଦୋକାନର ବର୍ତ୍ତମାନର ସ୍ବରୂପକୁ ଜାରି ରଖାଯାଉ। ଏହା ସହିତ ସେ ବଡନଗରର ଅନ୍ୟ ଐତିହାସିକ ଓ ଧାର୍ମିକ ମହତ୍ତ୍ବ ସ୍ଥାନକୁ ଗସ୍ତ କରିଥିଲେ।  

   ସମ୍ବନ୍ଧିତ ଖବର


ଆର୍ମି ଡେଣ୍ଟାଲ ସର୍ଭିସ୍‌ ଡିଜି ପଦରେ ପ୍ରଥମ ଓଡ଼ିଆ: ଲ୍ୟୁଟିନେଣ୍ଟ ଜେନେରାଲ ନନ୍ଦ କିଶୋର ସାହୁଙ୍କ ମିଳିଲା ନିଯୁକ୍ତି

ABP CVoterର ରିପୋର୍ଟ: ବିହାରରେ ସରକାର ଗଢ଼ିବ କିଏ? ଜନତାଙ୍କ ନଜରରେ ଏହି ନେତା ହେବେ ମୁଖ୍ୟମନ୍ତ୍ରୀ

ମୋ ସିନ୍ଦୂର ମୋର – ସ୍ୱାମୀଙ୍କ ପ୍ରେମିକାଙ୍କୁ ଛୁରୀରେ ଆକ୍ରମଣ କଲେ ମହିଳା !

ବିହାର ରାଜନୀତି: ଆଶାୟୀ ବିଧାୟକ ପ୍ରାର୍ଥୀ ଶ୍ରୀନାରାୟଣଙ୍କୁ ଗୁଳିକରି ହତ୍ୟା, ତାଙ୍କ ନାମରେ ଥିଲା ଅପରାଧିକ ମାମଲା

ଆମେରିକାରେ ସମସ୍ତଙ୍କୁ ମାଗଣା କୋରନା ଟିକା ଦେବା ପାଇଁ ଘୋଷଣା କଲେ ରାଷ୍ଟ୍ରପତି ପ୍ରାର୍ଥୀ ବିଡେନ୍‌

ଆଣ୍ଡ୍ରଏଡ୍‌ ୟୁଜର୍ସ ସାବଧାନ, ଭୁଲରେ ବି ଡାଉନଲୋଡ କରନ୍ତୁ ନାହିଁ ଏହି ୧୯ ଆପ୍ସ