PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ: ବ୍ରଜରାଜନଗର ଉପନିର୍ବାଚନ ପରେ ଓଡ଼ିଶା ପିସିସି ସଭାପତି ଘୋଷଣା: ଏ. ଚେଲ୍ଲାକୁମାର
  • ||
  • ଭୁବନେଶ୍ୱର: ଆଜି ଇଣ୍ଡିଆନ ଗ୍ରାଁପ୍ରି-୩: ଅମିୟ ଓ ଶ୍ରାବଣୀ ଦୌଡ଼ିବେ, ପ୍ରତିଯୋଗିତାରେ ସାମିଲ ହେବେନି ଦୂତି
  • ||
  • କଟକ : ଆଜିଠୁ ମାଟ୍ରିକ ଖାତା ଦେଖା, ରାଜ୍ୟର ୫୮ଟି କେନ୍ଦ୍ରରେ ହେବ ମୂଲ୍ୟାୟନ
  • ||

ବେସରକାରୀ ଚାକିରୀ କରୁଥିବା କର୍ମଚାରୀଙ୍କୁ ଏଥର ମିଳିବ ବଡ଼ ଉପହାର: ସୁପ୍ରିମକୋର୍ଟ

ନୂଆଦିଲ୍ଲୀ ୨।୪: ସୁପ୍ରିମ କୋର୍ଟ ଦ୍ବାରା ହୋଇଥିବା ନିଷ୍ପତ୍ତିରେ ବେସରକାରୀ ତଥା ପ୍ରାଇଭେଟ୍ ସେକ୍ଟରରେ କାମ କରୁଥିବା ଲୋକଙ୍କୁ ମିଳିଛି ବଡ଼ ଉପହାର। ସୁପ୍ରିମ କୋର୍ଟ ଦ୍ବାରା ପ୍ରାଇଭେଟ୍ ସେକ୍ଟର କର୍ମଚାରୀଙ୍କୁ ମିଳିବାକୁ ଥିବା ପେନସନକୁ ପୂରା ଟଙ୍କା ଆଧାରରେ ଦେବାକୁ ଆଦେଶ ଦେଇଛନ୍ତି। ଯେଉଁଥିରେ ଅବସରପ୍ରାପ୍ତ କର୍ମଚାରୀଙ୍କୁ ଏବେ କିଛି ଗୁଣା ଅଧିକ ପେନସନ୍ ମିଳିବ। ବର୍ତ୍ତମାନ ପର୍ଯ୍ୟନ୍ତ ଇପିଏଫ୍ଓ ଦ୍ବାରା ଅଧିକରୁ ଅଧିକ ୧୫ ହଜାର ଟଙ୍କାକୁ ଦରମା ଆକାରରେ ପେନସନ୍ ଦିଆଯାଉଥିଲା।

ମିଳିଥିବା ସୂଚନା ଅନୁସାରେ, ବର୍ତ୍ତମାନର ପ୍ରଣାଳୀ ଅନୁସାରେ କର୍ମଚାରୀ ପେନସନ୍ ଯୋଜନା (ଇପିଏସ୍) ପ୍ରକ୍ରିୟା ଦ୍ବାରା ୧୯୯୬ ମସିହା ପର୍ଯ୍ୟନ୍ତ ୬୫୦୦ ଟଙ୍କାର ଦରମା ଆଧାରରେ ତାର ୮.୩୩ ପ୍ରତିଶତ ଭାଗ ପେନସନ୍ ରୂପରେ ଦିଆଯାଉଥିଲା। ମାତ୍ର ଏବେ ସୁପ୍ରିମ କୋର୍ଟ ଦ୍ବାରା ନିଆଯାଇଥିବା ନିଷ୍ପତ୍ତି ଦ୍ବାରା ପେନସନର ଗଣନା ସମ୍ପୂର୍ଣ୍ଣ ଦରମା (ବେସିକ୍+ ଡିଏ+ରିଟେନସନ୍ ବୋନସ) ର ଆଧାରରେ କରାଯିବ। ପେନସନର ଗଣନା ଶେଷ ଦରମା ଆଧାରରେ ହେବ। ଏହି ପ୍ରକ୍ରିୟାରେ ଯଦି କୈାଣସି କର୍ମଚାରୀର ଦରମା ମାସରେ ୫୦ ହଜାର ଟଙ୍କା ହୁଏ ତେବେ ପ୍ରତି ମାସରେ ପ୍ରାୟ ୨୫ହଜାର ଟଙ୍କା ପେନସନ୍ ରୂପରେ ମିଳିବ। ଯେବେକି ପୁରୁଣା ପ୍ରଣାଳୀ ଦ୍ବାରା ଏହି ପେନସନ୍ ମାତ୍ର ୫୧୮୦ ଟଙ୍କା ହେଉଥିଲା।

୨୦୧୪ ମସିହାରେ ଇପିଏଫ୍ଓ ଦ୍ବାରା କରାଯାଇଥିବା ସଂଶୋଧନ ପରେ କର୍ମଚାରୀଙ୍କ ପେନସନର ଗଣନା ୬୫୦୦ ବଦଳରେ ୧୫୦୦୦ ଆଧାରରେ କରିବାକୁ ମଞ୍ଜୁରି ମିଳିଯାଇଥିଲା। ଏଥିରେ ଏହା ବି ନିର୍ଧାରିତା କରିଦିଆଯାଇଛି ପେନସନର ଗଣନା କର୍ମଚାରୀଙ୍କ ଗତ ୫ବର୍ଷର ହାରାହାରି ଦରମା ଆଧାରରେ ହେବ।

ସମ୍ବନ୍ଧିତ ଖବର