ଭାରତୀୟ ସେନାକୁ ମିଳିବ ବିଶ୍ବର ସବୁଠାରୁ ବିପଦଜନକ ଏକେ-୨୦୩ ରାଇଫଲ

ନୂଆଦିଲ୍ଲୀ,୩।୩: ଭାରତ ଓ ପାକିସ୍ତାନ ମଧ୍ୟରେ ଜାରି ବିବାଦ ମଧ୍ୟରେ ସେନାକୁ ମଜବୁତ କରିବା ପାଇଁ କେନ୍ଦ୍ର ସରକାର ବଡ ଧରଣର ନିଷ୍ପତ୍ତି ନେଇଛନ୍ତି। ଏକେ-୪୭ ରାଇଫଲର ଅତ୍ୟାଧୁନିକ ଭର୍ସନ ଏକେ ୨୦୩କୁ ଏବେ ଭାରତୀୟ ସେନାକୁ ଦିଆଯିବ। ଏଥିପାଇଁ ଭାରତ-ଋଷ ମଧ୍ୟରେ ହୋଇଛି ଚୁକ୍ତି। ଏହି ଚୁକ୍ତି ଅନୁସାରେ ଋଷ ଠାରୁ ଭାରତ ୭ଲକ୍ଷ ୫୦ ହଜାର ଏକେ-୨୦୩ ରାଇଫଲ କିଣିବ। ଏକେ-୨୦୩ ରାଇଫଲ ପାଇଁ ଓଏଫବି ଓ ଋଷ କମ୍ପାନୀ କସର୍ନ କ୍ଲାନଶ୍ରକୋଭ ମଧ୍ୟରେ ପ୍ରତିରକ୍ଷା ଚୁକ୍ତି ହୋଇଛି। ଭାରତ ଓ ଋଷ କମ୍ପାନୀ ଏକାଠି ମିଶି ଏହାକୁ ତିଆରି କରି​‌ବେ। ଭାରତୀୟ ସେନାର ପୁରୁଣା ଇନସାସ୍ ରାଇଫଲକୁ ରିପ୍ଳେସ କରାଯିବ ଓ ଏହାର ସ୍ଥାନରେ ଯବାନଙ୍କୁ ଏକେ-୨୦୩ ଆସଲ୍ଟ ରାଇଫଲ ମିଳିବ। ଏହି ସବୁ ରାଇଫଲ ଉତ୍ତର ପ୍ରଦେଶର ଆମେଥିରେ ବନ୍ଦ ପଡିଥିବା ୟୁନିଟରେ ତିଆରି କରାଯିବ ବୋଲି ଆଜି ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ ୟୁପିରେ ଏକ କାର୍ଯ୍ୟକ୍ରମରେ ଯୋଗଦେଇ କହିଛନ୍ତି।

source: https://www.news18.com

 ୧୦ ବର୍ଷ ପୂର୍ବେ ଭାରତୀୟ ସେନା ପାଇଁ ଏକେ-୪୭ ରାଇଫଲର ନୂଆ ଭର୍ସନ ଦେବାର ଘୋଷଣା କରିଥିଲା। ସେତେବେଳେ ଦୁଇ ଦେଶ ମଧ୍ୟରେ ଏକେ-୧୦୩ ରାଇଫଲ ଉପରେ କଥା ହୋଇଥିଲା। କିନ୍ତୁ ଚୁକ୍ତି ହୋଇନଥିଲା। ଏବେ ଭାରତ ସରକାର ଓ ଋଷ ମଧ୍ୟରେ ୨୦୧୮ର ମଡେଲ ଏକେ-୨୦୩ ଉପରେ ସହମତି ପ୍ରକାଶ ପାଇଛି। କୁହାଯାଉଛି ଯେ, ଏକେ ସିରିଜର ଏହା ହେଉଛି ସବୁଠାରୁ ବଡ ବିପଦଜନକ ରାଇଫଲ।

source: http://www.aamnews.co.in

 ଏହା ପୂର୍ବରୁ ମଧ୍ୟ ନିକଟରେ ଭାରତ ଆମେରିକା ଠାରୁ ୭୨,୪୦୦ ରାଇଫଲ କିଣିବା ନେଇ ଚୁକ୍ତି କରିଛି। ପ୍ରାୟ ୭୦୦ କୋଟି ଟଙ୍କାରେ ଏହି ରାଇଫଲ କିଣାଯିବ। ଚୁକ୍ତି ଅନୁସାରେ ୧ ବର୍ଷ ଭିତରେ ଆମେରିକାର ସିଗଂ ସୋୟାର କମ୍ପାନୀ ୭.୬୨ ଏମଏମର ୭୨,୪୦୦ ରାଇଫଲ ଦେବ। ଏହି ରାଇଫଲ ମିଳିବା ଦ୍ବାରା ଭାରତୀୟ ସେନାର ଶକ୍ତି ଆହୁରି ବଢିଯିବ। ଏବେ ଭାରତୀୟ ସେନା ପାଖରେ ୫.୫୬ ଗୁଣ ୪୫ ଏମଏମ ଇନସାସ୍ ରାଇଫଲ ରହିଛି। ଏହାକୁ ଆଧୁନିକ ଓ ଉନ୍ନତ ଟେକ୍ନୋଲୋଜି ସମ୍ପନ୍ନ ୭.୬୨ ଗୁଣ ୫୧ ଏମଏମ ରାଇଫଲରେ ପରିବର୍ତ୍ତନ କରିବା ଆବଶ୍ୟକ ହେବ। ଚୀନ ସହିତ ଲାଗିଥିବା ୩,୬୦୦ କିଲୋମିଟର ଲମ୍ବା ସୀମାରେ ମୁତୟନ ଯବାନ ଏହି ରାଇଫଲର ବ୍ୟବହାର କରିବେ।

   ସମ୍ବନ୍ଧିତ ଖବର


ଆର୍ମେନିଆ-ଆଜେରବାଇଜାନ ମଧ୍ୟରେ ଯୁଦ୍ଧ, ୧୬ ମୃତ ଓ ଶତାଧିକ ଆହତ

ଚୀନ୍‌ ସୀମାରେ ଭାରତର ଟ୍ୟାଙ୍କ୍‌- ବରଫ ଭିତରୁ କରିପାରିବ ଆକ୍ରମଣ

ଚୀନ୍‌ର ଡର- ଭାରତ କରିପାରେ ଆକ୍ରମଣ

ଦେଶରେ ତେଜିଲା କୃଷକଙ୍କ ଆନ୍ଦୋଳନ, ଦିଲ୍ଲୀରେ କଂଗ୍ରେସ କର୍ମୀ ଟ୍ରାକ୍ଟରରେ ଲଗାଇଲେ ନିଆଁ

ବାଇକ୍ କିମ୍ବା କାର୍‌ରେ ଷ୍ଟଣ୍ଟ୍‌ କଲେ ହେବ ଆଇନଗତ କାର୍ଯ୍ୟାନୁଷ୍ଠାନ : ପୋଲିସ୍ କମିଶନରଙ୍କ ନିର୍ଦ୍ଦେଶ

ରେମୋଙ୍କ ସହ କାମ କରିବେ ଉର୍ବଶୀ