PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୌଦ୍ଧ ପୋଲିସ ପକ୍ଷରୁ ଖଜୁରୀପଡା ଛକ ନିକଟରୁ ପିକପ ଭ୍ୟାନ ସହ ଚାରି କୁଣ୍ଟାଲ ଗଞ୍ଜେଇ ଜବତ ୨ ଗିରଫ
  • ||
  • ଭୁବନେଶ୍ଵର : ଛୋଟ ଛୁଆଙ୍କୁ କୋଭିଡ୍ ସଂକ୍ରମଣ ଆଶଙ୍କା କମ୍, ଛୋଟ ପିଲାଙ୍କ ମଧ୍ୟରେ ରହିଛି ୫୦ରୁ ୬୦ % ଆଣ୍ଟିବଡି – ନିରୋଜ ମିଶ୍ର
  • ||
  • ସୁନ୍ଦରଗଡ଼: ୧୫ ଗ୍ରାମର ବ୍ରାଉନସୁଗାର ଜବତ, ୫ ଗିରଫ
  • ||
  • ବାଲେଶ୍ୱର: ବାଲେଶ୍ୱର ମୁଖ୍ୟ ଚିକିତ୍ସାଳୟରେ ଆରମ୍ଭ ହେଲା ହାଇଦରର ପୋଷ୍ଟମର୍ଟମ, ମାଜିଷ୍ଟେ୍ରଟ୍‌ଙ୍କ ଉପସ୍ଥିତିରେ ​ପୋଷ୍ଟମର୍ଟମ କରିବେ​‌ ୩ ଜଣିଆ ଡାକ୍ତରୀ ଟିମ୍
  • ||
  • ରଙ୍ଗେଇଲୁଣ୍ଡା: ହଳଦିଆପଦର ନିକଟରେ ଟ୍ରାକ୍ଟର ସହ ଅଟୋ ଦୁର୍ଘଟଣା, ୩ ମହିଳା ମତ୍ସ୍ୟଜୀବୀ ଗୁରୁତର
  • ||
  • ସୋର: ହାଇଦର୍ ଏନ୍‌କାଉଣ୍ଟର ସ୍ଥଳରୁ ୨ଟି ଗୁଳି ଜବତ କଲା ପୋଲିସ ଓ ସାଇଣ୍ଟିଫିକ୍‌ ଟିମ୍‌
  • ||
  • ଭୁବନେଶ୍ୱର: ଓଡ଼ିଶାରେ ଆଉ ୬୭ଜଣଙ୍କ ଜୀବନ ନେଲା କରୋନା, ସାଢ଼େ ୫ ହଜାର ଟପିଲା ମୃତ୍ୟୁସଂଖ୍ୟା
  • ||
  • ଭୁବନେଶ୍ୱର: ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଭୁବନେଶ୍ୱର : ରାଜଧାନୀରେ କାୟା ମେଲାଉଛି ଡେଙ୍ଗୁ, ୧୨ ଦିନରେ ଆକ୍ରାନ୍ତଙ୍କ ସଂଖ୍ୟା ୨୫୦ ପାର୍
  • ||
  • ପାରଳାଖେମୁଣ୍ଡି : ଏସିଏଫ୍‌ ସୌମ୍ୟରଞ୍ଜନ ଡେଥ୍ ମିଷ୍ଟ୍ରି, ବଲାଙ୍ଗୀରରେ ପାରଳା ପୁଲିସର ୫ଜଣିଆ ଟିମ୍‌, ବିଦ୍ୟାଙ୍କ ପାର୍ଟି ସହ ସୌମ୍ୟ ମୃତ୍ୟୁର ଲିଙ୍କ୍‌ ଖୋଜିବ
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଜଳେଶ୍ଵର : ମନ୍ଦାର ଫୁଲ ଗଛ କଟାକୁ ନେଇ ଶଳାକୁ ଭିଣୋଇର ସଙ୍ଘବଦ୍ଧ ଆକ୍ରମଣ, ସଜ୍ଞାହୀନ ଅବସ୍ଥାରେ ନଦୀ କୂଳରୁ ଉଦ୍ଧାର
  • ||
  • ଭୁବନେଶ୍ୱର : ୨୮ରେ ପୁଣି ଏକ ଲଘୁଚାପ, ୨୭ରୁ ବଢ଼ିବ ବର୍ଷା
  • ||

ବିଶେଷଜ୍ଞଙ୍କ ଆକଳନ : ଅଗଷ୍ଟରେ ଶୀର୍ଷକୁ ଯାଇ ଖସିବ କରୋନା, ଏ ମାସରେ ୫୦ ହଜାର ନୂଆ ସଂକ୍ରମଣ ଆଶଙ୍କା

ଭୁବନେଶ୍ୱର,୫।୮ : ଅଗଷ୍ଟ ମାସରେ କରୋନା ଶୀର୍ଷକୁ ଯିବ । ଆଉ ମାସ ଶେଷ ଆଡ଼କୁ ସଂକ୍ରମଣ ହାର ଖସିବ । ଧିରେ ଧିରେ ସ୍ଥିତି ନିୟନ୍ତ୍ରଣକୁ ଆସିଯିବ । ଓଡ଼ିଶାରେ କରୋନାକୁ ନେଇ ଏମିତି ଆକଳନ କରିଛନ୍ତି ଆଇଏଲ୍‌ଏସର ନିର୍ଦ୍ଦେଶକ ଡା. ଅଜୟ ପରିଡ଼ା । ଗତ ଜୁଲାଇ ୨୧ରୁ ନିୟମିତ ଭାବେ ରାଜ୍ୟ କରୋନା ସଂକ୍ରମିତଙ୍କ ସଂଖ୍ୟା ପ୍ରତିଦିନ ୧ ହଜାରରୁ ଅଧିକ ରହୁଛି । ଏବେ ସୁଦ୍ଧା ଓଡ଼ିଶାରେ ମୋଟ ସଂକ୍ରମିତ ସଂଖ୍ୟା ୩୭ ହଜାର ୬୮୧ ହେଲାଣି । ତେବେ ଚଳିତ ଅଗଷ୍ଟ ମାସରେ କରୋନା ଶୀର୍ଷରେ ପହଞ୍ଚିବା ନେଇ ଯେଉଁ ଆକଳନ କରାଯାଉଛି, ସେଥିରେ ସଂକ୍ରମଣ ବେଶ୍‌ ଦ୍ରୁତ ହାରରେ ବଢ଼ିଯିବା ଆଶଙ୍କା ରହିଛି ।

ରାଜ୍ୟ ସ୍ୱାସ୍ଥ୍ୟ ବିଭାଗର ବୈଷୟିକ ପରାମର୍ଶଦାତା ପ୍ରଫେସର ଜୟନ୍ତ ପଣ୍ଡାଙ୍କ ଆକଳନ ହେଲା, ଚଳିତ ଅଗଷ୍ଟରେ ରାଜ୍ୟରେ ଆହୁରି ୫୦ ହଜାର କରୋନା ସଂକ୍ରମିତ ବାହାରିପାରନ୍ତି । ଏହାସହ ଆହୁରି ୨ଶହରୁ ଅଧିକ କରୋନା ସଂକ୍ରମିତଙ୍କ ମୃତ୍ୟୁ ହୋଇପାରେ । ହେଲେ ଏହାକୁ ନେଇ ଆଦୌ ଆତଙ୍କିତ କିମ୍ବା ବିଚଳିତ ହେବା କଥା ନୁହେଁ । ବର୍ତ୍ତମାନ ସୁଦ୍ଧା ୨୩ ହଜାରରୁ ଅଧିକ କରୋନା ସଂକ୍ରମିତ ସୁସ୍ଥ ହୋଇ ସାରିଲେଣି । ଲୋକଙ୍କ ଜୀବନ ରକ୍ଷା ପାଇଁ ସରକାର ସବୁ ପ୍ରକାର ବ୍ୟବସ୍ଥା ଓ ପଦକ୍ଷେପ ଗ୍ରହଣ କରୁଛନ୍ତି । ପ୍ରଫେସର ପଣ୍ଡା ଟ୍ୱିଟ୍‌ ମାଧ୍ୟମରେ ଏଭଳି ଆକଳନର ସୂଚନା ଦେଇଛନ୍ତି ।

ଆଇଏଲ୍‌ଏସର ନିର୍ଦ୍ଦେଶକ ଡା. ଅଜୟ ପରିଡ଼ାଙ୍କ କହିବାନୁଯାୟୀ କରୋନା ମୃତ୍ୟୁହାର କ୍ଷେତ୍ରରେ ଅନ୍ୟ ରାଜ୍ୟ ତୁଳନାରେ ଓଡ଼ିଶା ସ୍ଥିତି ଭଲ ରହିଛି । ଯେଉଁ କିଛି ଆକ୍ରାନ୍ତଙ୍କ ମୃତ୍ୟୁ ହେଉଛି, ସେମାନେ ଜଟିଳ ରୋଗରେ ପୀଡ଼ିତ । ହେଲେ ଏ ପର୍ଯ୍ୟନ୍ତ ମେଡିକାଲ ବାହାରେ କାହାର ମୃତ୍ୟୁ ହୋଇନି । ସମସ୍ତ ମୃତ୍ୟୁ ହସ୍ପିଟାଲରେ ହିଁ ହୋଇଛି । ଲକ୍ଷଣ ଥିବା ବ୍ୟକ୍ତିଙ୍କୁ ପରୀକ୍ଷା କଲେ, ଏହା ରୋକା ଯାଇପାରିବ । ଗଞ୍ଜାମରେ ଏହି ଫର୍ମୁଲାରୁ ଭଲ ସଫଳତା ମିଳିଛି । ଏବେ ରାଜ୍ୟରେ ଅଧିକ ସଂଖ୍ୟକ ପରୀକ୍ଷା ହେଉଥିବାରୁ ସଂକ୍ରମିତଙ୍କ ସଂଖ୍ୟା ବଢିଛି । ଆଶ୍ୱସ୍ତିର କଥା ହେଲା, ଗଞ୍ଜାମରେ ଏବେ ସଂକ୍ରମଣ ହାର କମିଛି । ତେବେ ଖୋର୍ଦ୍ଧା ଜିଲ୍ଲାକୁ ବାହାରୁ ବହୁ ସଂଖ୍ୟାରେ ଲୋକ ଆସୁଛନ୍ତି । ତେଣୁ ଏଥିପାଇଁ ସ୍ୱତନ୍ତ୍ର ରଣନୀତି ଆପଣାଇବାକୁ ହେବ । ଏବେ କିଛି ନିର୍ଦ୍ଦିଷ୍ଟ ଅଞ୍ଚଳରେ ହିଁ ରୋଗ ବ୍ୟାପୁଛି, ସବୁ ଅଞ୍ଚଳରେ ରୋଗ ବଢୁନି ବୋଲି କହିଛନ୍ତି ଡା.ପରିଡ଼ା ।