PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର ଡେଲଟା ଛକରେ ଜୁଏଲାରୀ ଦୋକାନରୁ ଲୁଟ୍‌ , କେଜିଏ ସୁନା, ୧୦ କେଜି ରୁପା ଅଳଙ୍କାର ଓ କ୍ୟାସ୍‌ ବକ୍ସରୁ ଦେଢ଼ ଲକ୍ଷ ଟଙ୍କା ନେଇ ଯାଇଥିବା ଅଭିଯୋଗ
  • ||
  • ମହାରାଷ୍ଟ୍ରରୁ ପୁଣି ୭ ଓମିକ୍ରନ ଆକ୍ରାନ୍ତ ଚିହ୍ନଟ , ମହାରାଷ୍ଟ୍ର ସ୍ୱାସ୍ଥ୍ୟ ବିଭାଗର ସୂଚନା,ଭାରତରେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୧୨ କୁ ବୃଦ୍ଧି
  • ||
  • ଯାଜପୁର ଡୁବୁରିରେ ପ୍ରତିଷ୍ଠା ହେବ ନୂଆ ଇଏସ୍‌ଆଇ ହସ୍ପିଟାଲ । ଏଠାରେ ୧୦୦ ଶଯ୍ୟା ବିଶିଷ୍ଟ ହସ୍ପିଟାଲ ହେବ । ଏନେଇ ପ୍ରସ୍ତାବକୁ କେନ୍ଦ୍ର ଶ୍ରମ ମନ୍ତ୍ରୀଙ୍କ ଅନୁମୋଦନ ।
  • ||
  • ଝାରସୁଗୁଡ଼ାରେ ପ୍ରତିଷ୍ଠା ହେବ ESICର ଉପ ଆଞ୍ଚଳିକ କାର୍ଯ୍ୟାଳୟ – ESICର ବୈଠକରେ ଅନୁମୋଦନ ଦେଲେ ଶ୍ରମ ମନ୍ତ୍ରୀ
  • ||
  • ପୁରୀ: ପୁରୀଠୁ ୭୦ କିମି ଦୂରରେ ବାତ୍ୟା ଜୱାଦ୍, ଆସନ୍ତାକାଲି ପଶ୍ଚିମବଙ୍ଗ ଆଡ଼କୁ ଗତି କରିବ
  • ||
  • ଜାମଗାଁ: ବିଦ୍ୟୁତ ସଂସ୍ପର୍ଶରେ ଆସି ଜଣେ ଯୁବକ ମୃତ
  • ||
  • ସୁନ୍ଦରଗଡ଼: ଭାରସାମ୍ଯ ହରାଇ ଓଲଟିଲା ଟ୍ରାକ୍ଟର, ତଳେ ଚାପି ହୋଇ ଚାଲିଗଲା ଦମ୍ପତ୍ତିଙ୍କ ଜୀବନ
  • ||
  • ଝାରସୁଗୁଡା : ବାରହା ଫାଶରେ ପଡି ଚାଲିଗଲା ଯୁବକଙ୍କ ଜୀବନ
  • ||
  • କଟକ : ‘ଜୱାଦ’ ପ୍ରଭାବରେ କଟକରେ ପ୍ରବଳ ବର୍ଷା, ୨୦.୫୧ ମିମି ବୃଷ୍ଟିପାତ ରେକର୍ଡ
  • ||
  • ମ.ରାମପୁର : ଭାରସାମ୍ୟ ହରାଇ ଓଲଟିଲା ଟ୍ରକ୍, ଅଳ୍ପକେ ବର୍ତ୍ତିଗଲେ ଡ୍ରାଇଭର୍ ଏବଂ ହେଲପର୍‌
  • ||
  • ସୋର : ଜଳିଗଲା ୨ ମହଲା ଘର, ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ
  • ||
  • ନୂଆଦିଲ୍ଲୀ: ଜାନୁଆରୀରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ଘାତକ: ଆଇଆଇଟି କାନପୁର ସତର୍କବାଣୀ
  • ||
  • କେନ୍ଦୁଝର : ପାଟଣା ରେଞ୍ଜରେ ହାତୀ ଉପଦ୍ରବ, ଦଳିମକଚି ନଷ୍ଟ କରିଦେଲେ ଏକର ଏକର ଧାନ ଫସଲ
  • ||
  • ଭୁବନେଶ୍ଵର : ଅବପାତ ରୂପ ନେଲା ବାତ୍ୟା ଜୱାଦ, ପ୍ରବଳ ବର୍ଷିବ, ୧୦ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ
  • ||
  • ଭୁବନେଶ୍ୱର : ଟଳିଲା ବାତ୍ୟା ବିପଦ, ଉଜୁଡ଼ିଲା ଚାଷ, ଉତ୍ତର ଓଡ଼ିଶାରେ ଅଧିକ ବର୍ଷିପାରେ
  • ||
  • ଜଗତସିଂହପୁର : ଲଗାଣ ବର୍ଷାରେ ଉଜୁଡିଲା ଫସଲ, ଚାଷୀ ମୁଣ୍ଡରେ ଚଡ଼କ
  • ||
  • ପଦ୍ମପୁର : ଧାନ ଚୋରା ଚାଲାଣ ବେଳେ ମାଡି ବସିଲା ଯୋଗାଣ ବିଭାଗ, ୨୨୦ ବସ୍ତା ଧାନ ଜବତ
  • ||

ଶ୍ରୀଲିଙ୍ଗରାଜଙ୍କ ହୁଣ୍ଡିରୁ ଲୁଟୁଥିଲା: ସିସିଟିଭିରେ ଚୋରି କାରନାମା, ସେବାୟତ ଧରି ପୁଲିସ୍‌ରେ ଦେଲେ

ଭୁବନେଶ୍ୱର,୧୮ା୩(ବ୍ୟୁରୋ): ଶ୍ରୀଲିଙ୍ଗରାଜଙ୍କ ହୁଣ୍ଡିରେ ଥିବା ଧନକୁ ବାରମ୍ବାର ଲୁଟିଥିବା ଧୂର୍ତ୍ତ ଲୁଟେରା ଆଜି ଧରାପଡ଼ିଛି । ସିସିଟିଭି ଫୁଟେଜରୁ ଚିହ୍ନଟ ହୋଇଯିବା ପରେ କେଦାରଗୌରୀ ମନ୍ଦିର ଠାରେ ଜଣେ ସେବାୟତ ତାକୁ ଚିହ୍ନି ଦେଇଥିଲେ । ଏହାପରେ ଅନ୍ୟ ସେବାୟତମାନେ ତାକୁ ମାଡ଼ିବସି ଉତ୍ତମମଧ୍ୟମ ଦେଇ ଶ୍ରୀଲିଙ୍ଗରାଜ ଥାନା ପୁଲିସ ଜିମା ଦେଇଥିଲେ । ସଂପୃକ୍ତ ଚୋରର ନାମ ବସନ୍ତ ଗୌଡ଼(୪୦) । ଘର ବଲାଙ୍ଗିର ଟାଉନର ମାଲପଡ଼ା ଅଞ୍ଚଳରେ । ପୁଲିସ ସୂଚନା ଅନୁଯାୟୀ ସେ ୬ ତାରିଖରେ ପୁରୀ ଜେଲରୁ ଖଲାସ ହୋଇ ଭୁବନେଶ୍ୱରକୁ ଆସିଥିଲା । ତେବେ ତା’ ନିକଟରୁ ମାତ୍ର ୫୦୦୭୦୦ ଟଙ୍କା ଜବତ ହୋଇଥିବା ପୁଲିସ କହିଛି ।

କେମିତି ଚୋରି କରୁଥିଲା
ଶ୍ରୀଲିଙ୍ଗରାଜ ମନ୍ଦିର ନାଟମଣ୍ଡପରେ ବସିଛି ହୁଣ୍ଡି । ଏହି ଧନକୁ କୌଣସିମତେ ହାତେଇବାକୁ ଉଦ୍ୟମ କରିଥିଲା ବସନ୍ତ । ଶ୍ରଦ୍ଧାଳୁ ସାଜି ହୁଣ୍ଡି ପାଖରେ ନସରପସର ହୁଏ । ବେଳେ ବେଳେ ଗମ୍ଭୀରା ଆଡ଼କୁ ଅନାଇ ମୁଣ୍ଡିଆଟେ ପକାଏ । ହୁଣ୍ଡିକୁ ନମସ୍କାର କରେ । ଏହିପରି ଭାବେ ବସନ୍ତ ପ୍ରଥମେ ହୁଣ୍ଡିର ଆକାର ପ୍ରକାର ଦେଖିନେଲା । ସେଥିରୁ ଟଙ୍କା ଲୁଟିବା ଲାଗି ଖବରକାଗଜରେ କୋଣାକାର କିଛି ଠୁଙ୍ଗା ବନାଇଲା । ସେଥିରେ ଅଠା ଲଗାଇଲା । ହୁଣ୍ଡିକୁ ନମସ୍କାର କରିବା ଆଳରେ ଦାନ ଟଙ୍କା ପକାଇବା ଫାଙ୍କରେ ହାତଗଳାଇ ଉକ୍ତ ଠୁଙ୍ଗାକୁ ହୁଣ୍ଡିର ଭିତପଟେ ଅଠା ଦ୍ୱାରା ଲଗାଇ ଦେଉଥିଲା । ଲୋକେ ଟଙ୍କା ଗଳାଇବା ବେଳେ କିଛି ପରିମାଣରେ ଟଙ୍କା ଉକ୍ତ ଠୁଙ୍ଗାରେ ପଡ଼ୁଥିଲା । ଏହାପରେ ଓର ଉଣ୍ଡି ଉକ୍ତ ଧୂର୍ତ୍ତ ଚୋର ହୁଣ୍ଡିକୁ ନମସ୍କାରଟେ ପକାଇ ଫାଙ୍କପଟେ ହାତ ଗଳାଇ ଉକ୍ତ ଠୁଙ୍ଗାକୁ ଆଣୁଥିଲା । ସେଥିରେ ପଡ଼ିଥିବା ଟଙ୍କାତକ ପକେଟସ୍ଥ କରୁଥିଲା ।

ଜଣାପଡ଼ିଲା କେମିତି
ଶନିବାର ଶ୍ରୀଲିଙ୍ଗରାଜଙ୍କ ନାଟମଣ୍ଡପ ହୁଣ୍ଡି ଖୋଲା ହେବା ବେଳେ ଟଙ୍କା ସହିତ କିଛି କାଗଜ ଠୁଙ୍ଗା ବାହାରିଥିଲା । ସେଥିରେ ଅଠା ଲାଗିଥିବା ମଧ୍ୟ ଦେଖାଯାଇଥିଲା । ଏହାକୁ ଦେଖି ଉପସ୍ଥିତ ପୁଲିସ, ବ୍ୟାଙ୍କ କର୍ମଚାରୀ ଓ ମନ୍ଦିର କାର୍ଯ୍ୟନିର୍ବାହୀ ଅଧିକାରୀଙ୍କ ସନ୍ଦେହ ହୋଇଥିଲା । ଘଟଣା କ’ଣ ବୋଲି ମନ୍ଦିର ଅଫିସରେ ଥିବା ସିସିଟିଭି ଫୁଟେଜ ଯାଞ୍ଚ କରାଯାଇଥିଲା । ୧୫ ମାର୍ଚ୍ଚର ଫୁଟେଜ ଯାଞ୍ଚ ବେଳେ ସକାଳ ୮ଟା ୨୭ରେ ହୁଣ୍ଡି ନିକଟରେ ଜଣେ ଯୁବକର ସନ୍ଦେହଜନକ ଗତିବିଧି ଲକ୍ଷ୍ୟ କରାଯାଇଥିଲା । ଭଲଭାବେ ଯାଞ୍ଚ ପରେ ହୁଣ୍ଡିରୁ ଚୋରି ହେଉଥିବା ସ୍ପଷ୍ଟ ହୋଇଥିଲା । ଏହାପରେ ମନ୍ଦିର ନିର୍ବାହୀ ଅଧିକାରୀ ଏହାର ବିଧିବଦ୍ଧ ତଦନ୍ତ ଲାଗି ଶ୍ରୀଲିଙ୍ଗରାଜ ଥାନାରେ ଏତଲା ଦେଇଥିଲେ । ଏହି ଫୁଟେଜରୁ ଉକ୍ତ ଚୋରର ଫଟୋ ବାହାର କରି ଚିହ୍ନଟ ନିମନ୍ତେ ଥାନାଧିକାରୀ କିଛି ସେବାୟତଙ୍କୁ ବାଣ୍ଟିଥିଲେ ।

ଧରାପଡ଼ିଲା କିପରି
ଆଜି ମଧ୍ୟାହ୍ନ ପ୍ରାୟ ୧୨ଟା ବେଳେ ବସନ୍ତ କେଦାରଗୌରୀ ମନ୍ଦିରରେ ବସିଥିଲା । ଏହି ସମୟରେ ଲୁଲୁ ନାମକ ଜଣେ ସେବାୟତ ସିସିଟିଭି ଫୁଟେଜରୁ ମିଳିଥିବା ଫଟୋ ସହିତ ବସନ୍ତର ମୁହଁ ମିଶୁଥିବାରୁ ସେ ବସନ୍ତକୁ ଧରି ପକାଇଥିଲେ । ତାଙ୍କ ପାଟି ଶୁଣି ଅନ୍ୟ ସେବାୟତମାନେ ସେଠାରେ ପହଞ୍ଚି ବସନ୍ତକୁ କାବୁକରି ଉତ୍ତମ ମଧ୍ୟ ଦେଇଥିଲେ । ଏହାପରେ ପୁଲିସକୁ ଖବର ଦେଇଥିଲେ । ପୁଲିସ ଓ ଅନ୍ୟ ସେବାୟତମାନେ ପହଞ୍ଚି ବସନ୍ତକୁ ଚିହ୍ନଟ କରିବା ପରେ ତାକୁ ଗିରଫ କରି ଥାନାକୁ ନେଇଥିଲେ ।

୬ ତାରିଖରେ ପୁରୀ ଜେଲରୁ ବାହାରିଥିଲା
ପୁଲିସ ସୂଚନା ମୁତାବକ ବସନ୍ତ ଜଣେ ଅଭ୍ୟାସଗତ ଚୋର । ବିଭିନ୍ନ ଚୋରି, ପକେଟମାର ଘଟଣାରେ ସେ ବହୁବାର ଗିରଫ ହୋଇ ଜେଲ ଯାଇଛି । ଏକ ପକେଟମାର ମାମଲାରେ ବସନ୍ତ ଦୋଷୀ ସାବ୍ୟସ୍ତ ହୋଇ ପୁରୀ ଜେଲରେ ସଜ୍ଜା କାଟୁଥିଲା । ବର୍ଷେ ଜେଲରେ ରହିବା ପରେ ସେ ଚଳିତ ମାସ ୬ ତାରିଖରେ ଖଲାସ ହୋଇଥିଲା । ପୁରୀରେ ୨-୩ ଦିନ ବୁଲିବା ପରେ ଭୁବନେଶ୍ୱର ଆସି ଶ୍ରୀଲିଙ୍ଗରାଜ ମନ୍ଦିରରେ ଏଭଳି କାଣ୍ଡ ଘଟାଇଛି ।

କେଦାରଗୌରୀ ପୀଠ ଚୋରିରେ ସଂପୃକ୍ତ!
ବଲାଙ୍ଗିର ସହରରେ ଥିବା ଏକ ଶିବମନ୍ଦିର ଓ କେଦାରଗୌରୀ ମନ୍ଦିରରେ ହୋଇଥିବା ଚୋରି ଘଟଣାରେ ବସନ୍ତ ସଂପକ୍ତୃ ବୋଲି କୁହାଯାଉଛି । ୨୦୧୮ରେ କେଦାରଗୌରୀ ମନ୍ଦିରରେ ଥିବା ଏକ ଆଲମାରୀ ଭାଙ୍ଗି ସେଥିରୁ ୭୦ ହଜାର ଟଙ୍କା ନଗଦ ଓ ଅନ୍ୟାନ୍ୟ ସାମଗ୍ରୀ ଚୋରି ହୋଇଥିଲା । ସେହିବର୍ଷ ବଲାଙ୍ଗିର ଶିବ ମନ୍ଦିର ହୁଣ୍ଡିରୁ ମଧ୍ୟ ଚୋରି ହୋଇଥିଲା । ତେବେ ବସନ୍ତ ପୁରୀ ଜେଲରେ ସଜ୍ଜା କାଟୁଥିବାବେଳେ ଉପରୋକ୍ତ ମନ୍ଦିର ଚୋରିରେ କେତେଦରୂ ସଂପକ୍ତୃ ତାହା ଉପରେ ପୁଲିସ ଅନୁସନ୍ଧାନ ଆରମ୍ଭ କରିଛି ।

ସମ୍ବନ୍ଧିତ ଖବର