PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓଡ଼ିଶା: ସୋମବାରରୁ ଶୁକ୍ରବାର ଦୈନିକ ସକାଳେ ମିଳୁଥିବା ମହଲତ କମିଲା ଏଣିକି ଦୈନିକ ୬ ଘଣ୍ଟା ବଦଳରେ ୪ ଘଣ୍ଟାକୁ ଖସିଲା କୋହଳ
  • ||
  • ବାହାଘରରେ ସର୍ବାଧିକ ୨୫ ଜଣ ସାମିଲ ହୋଇପାରିବେ
  • ||
  • ଓଡିଶାରେ ବଢିଲା ଲକଡାଉନ୍ ଅବଧି, ଜୁନ ୧ ଯାଏଁ ଜାରି ରହିବ କଟକଣା
  • ||
  • ଯଶିପୁର ନିର୍ବାଚନୀ ମଣ୍ଡଳୀର ପୂର୍ବତନ ବିଧାୟକ କମଳାକାନ୍ତ ନାୟକଙ୍କ ଚିକିତ୍ସାଧିନ ଅବସ୍ଥାରେ କେନ୍ଦୁଝର ମେଡିକାଲରେ ପରଲୋକ
  • ||
  • ସଇଁତଳା: ଟ୍ରେନ ଆଗକୁ ଡେଇଁ ଯୁବକଙ୍କ ଆତ୍ମହତ୍ୟା
  • ||
  • ଭୁବନେଶ୍ୱର : ଓଡ଼ିଶାରେ ସଂକ୍ରମଣ କମୁଛି, ମୃତ୍ୟୁ ବଢୁଛି, ୨୪ ଘଣ୍ଟାରେ ୨୨ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୨୩୫୭କୁ ବୃଦ୍ଧି
  • ||
  • ଓଡ଼ିଶାରେ ସଂକ୍ରମଣ କମୁଛି, ମୃତ୍ୟୁ ବଢୁଛି: ୨୪ ଘଣ୍ଟା ମଧ୍ୟରେ ୧୦ ହଜାର ୩୨୧ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୨୨ ଜୀବନ ନେଲା କରୋନା
  • ||
  • ପୁରୀ : ସମ୍‌ ସହଯୋଗରେ ପୁରୀରେ ଖୋଲିବ ସ୍ୱତନ୍ତ୍ର କୋଭିଡ୍‌ ହସ୍ପିଟାଲ୍‌, ୧୯ରୁ ସେବା ଆରମ୍ଭ
  • ||
  • ଭୁବନେଶ୍ୱର : ପୁଣି ଉପରମୁହାଁ ପାରଦ, ତାତିରେ ଛଟପଟ ଜନଜୀବନ, ଆହୁରି ୪ ଦିନ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ନୂଆଦିଲ୍ଲୀ : ବ୍ରହ୍ମ ମୁହୂର୍ତ୍ତରେ ଖୋଲିଲା ବଦ୍ରିନାଥଙ୍କ ଧାମ, ବିନା ଶ୍ରଦ୍ଧାଳୁରେ ହେଲା ଦ୍ଵାର ଫିଟା ନୀତି
  • ||

ଥିମ୍‌, ଆନ୍ଦ୍ରିସ୍କୁ ସିଙ୍ଗଲ୍ସ ଚାମ୍ପିଅନ

ଇଣ୍ଡିଆନ ୱେଲ୍ସ,୧୮ା୩(ଏଜେନ୍ସି): ଆମେରିକାରେ ଅନୁଷ୍ଠିତ ଇଣ୍ଡିଆନ୍‌ ୱେଲ୍ସ(ବିଏନ୍‌ପି ପରିବାସ୍‌) ମାଷ୍ଟର୍ସ ଟେନିସ ଟୁର୍ଣ୍ଣାମେଣ୍ଟରେ ଅଷ୍ଟ୍ରିୟାର ଡୋମିନକ୍‌ ଥିମ ଓ କାନାଡ଼ାର ବିୟାଙ୍କା ଆନ୍ଦ୍ରିସ୍କୁ ଯଥାକ୍ରମେ ପୁରୁଷ ଓ ମହିଳା ସିଙ୍ଗଲ୍ସ ଟାଇଟଲ ହାସଲ କରିଛନ୍ତି ।

ପୁରୁଷ ସିଙ୍ଗଲ୍ସ ଫାଇନାଲ୍‌ରେ ଥିମ ୫ଥର ଚାମ୍ପିଅନ୍‌ ସ୍ୱିଜରଲାଣ୍ଡର ରୋଜର ଫେଡେରରଙ୍କୁ ୩-୬, ୬-୩, ୭-୫ ସେଟ୍‌ରେ ପରାସ୍ତ କରି କ୍ୟାରିୟର୍‌ର ପ୍ରଥମ ମାଷ୍ଟର୍ସ ୧୦୦୦ ଟାଇଟଲ ହାସଲ କରିଥିଲେ । ମ୍ୟାଚ୍‌ ଆରମ୍ଭରୁ ଫେଡେରର ପ୍ରଭାବ ବିସ୍ତାର କରି ଖେଳିଥିଲେ । ଗୋଟିଏ ବ୍ରେକ୍‌ ପଏଣ୍ଟ ହାସଲ କରି ଫେଡେରର ପ୍ରଥମ ସେଟ୍‌ ହାତେଇଥିଲେ । ଏହାପରେ ଥିମ ଲଢୁଆ ଖେଳ ପ୍ରଦର୍ଶନ କରି ମ୍ୟାଚ୍‌କୁ ପ୍ରତ୍ୟାବର୍ତ୍ତନ କରିଥିଲେ । ଥିମଙ୍କ ଶକ୍ତିଶାଳୀ ସର୍ଭିସ ଓ ନିଖୁଣ ବ୍ୟାକ୍‌ହ୍ୟାଣ୍ଡର ଜବାବ ଦେଇ ପାରିନଥିଲେ ଫେଡେରର । ପରବର୍ତ୍ତୀ ୨ଟି ସେଟ୍‌ ଜିତି ଥିମ ଚାମ୍ପିଅନ୍‌ ହୋଇଥିଲେ । ଏହି ମ୍ୟାଚ୍‌ ଜିତିବା ପାଇଁ ତାଙ୍କୁ ୨ଘଣ୍ଟା ଲାଗିଥିଲା ।

ଇଣ୍ଡିଆନ ୱେଲ୍ସରେ ଫେଡେରର କ୍ରମାଗତ ଦ୍ୱିତୀୟ ଥର ପାଇଁ ଫାଇନାଲ୍‌ରେ ପରାଜିତ ହୋଇଥିଲେ । ଗତ ବର୍ଷ ଫାଇନାଲରେ ତାଙ୍କୁ ହରାଇ ଆର୍ଜେଣ୍ଟିନାର ଜୁଆନ ମାର୍ଟିନ ଡେଲପୋଟ୍ରୋ ଚାମ୍ପିଅନ୍‌ ହୋଇଥିଲେ । ଥିମ୍‌ ପୂର୍ବରୁ ମାଦ୍ରିଦ ମାଷ୍ଟର୍ସ ଫାଇନାଲ୍‌ରେ ଥିମଙ୍କୁ ଫେଡେରର ୨ଥର ହରାଇ ସାରିଥିଲେ । ହେଲେ ଏଥର ଥିମ ସବୁ ରଣନୀତି ପ୍ରସ୍ତୁତ କରି କୋର୍ଟକୁ ଓହ୍ଲାଇଥିଲେ । ଫେଡେରରଙ୍କ ବିପକ୍ଷରେ ଏହା ଥିମ୍‌ଙ୍କର ତୃତୀୟ ବିଜୟ ରହିଥିଲା । ପୂର୍ବରୁ ଉଭୟ ପରସ୍ପରକୁ ୪ଥର ଭେଟିଥିଲେ ।

ମହିଳା ସିଙ୍ଗଲ୍ସ ଫାଇନାଲ୍‌ରେ ନବାଗତା ଆନ୍ଦ୍ରିସ୍କୁ ୬-୪, ୩-୬, ୬-୪ ସେଟ୍‌ରେ ଅଷ୍ଟମ ସିଡ୍‌ ଜର୍ମାନୀର ଆଞ୍ଜେଲିକ୍‌ କର୍ବରଙ୍କୁ ହରାଇଥିଲେ । ଏହି ମ୍ୟାଚ୍‌ ଜିତିବା ପାଇଁ ଆନ୍ଦ୍ରିସ୍କୁଙ୍କୁ ୨ଘଣ୍ଟା ୧୮ ମିନିଟ୍‌ ଲାଗିଥିଲା । ସେ ଏହି ମ୍ୟାଚ୍‌ରେ ୪ଟି ବ୍ରେକ୍‌ ପଏଣ୍ଟ ହାସଲ କରିଥିଲେ । ପୂର୍ବରୁ ଗାର୍ବିନ ମୁଗୁରୁଜା, ସିମୋନ ହାଲେପଙ୍କୁ ହରାଇ ବିପର୍ଯ୍ୟୟ ସୃଷ୍ଟି କରିଥିବା ଆନ୍ଦ୍ରିସ୍କୁ ମ୍ୟାଚ୍‌ ଆରମ୍ଭରୁ ଆଧିପତ୍ୟ ବିସ୍ତାର କରିଥିଲେ । ଅବଶ୍ୟ କର୍ବର ଦ୍ୱିତୀୟ ସେଟ୍‌ରେ ବିଜୟ ହାସଲ କରିଥିଲେ । ତୃତୀୟ ସେଟ୍‌ରେ ଆନ୍ଦ୍ରିସ୍କୁ ତ୍ରୁଟି ନଦୋହରାଇ ବିଜୟ ହାସଲ କରିଥିଲେ ।

ସମ୍ବନ୍ଧିତ ଖବର