କଟକ- ଏସିଏଫ୍ ସୌମ୍ୟ ରଞ୍ଜନଙ୍କ ପୋଷ୍ଟ ମର୍ଟମ ରିପୋର୍ଟକୁ ତାଙ୍କ ପରିବାର ଲୋକଙ୍କୁ ଦିଆଯାଇଛି । ଏଥିରେ ତାଙ୍କ ଶରୀରର ୯୫ ପ୍ରତିଶତ ଜଳିଯାଇଥିବା ଉଲ୍ଲେଖ ରହିଛି । ଏହାପରେ ପୋଲିସ ତଦନ୍ତଙ୍କୁ ନେଇ ସୌମ୍ୟଙ୍କ ପରିବାର ପକ୍ଷରୁ ମାମଲା ପରିଚାଳନା କରୁଥିବା ଆଇଜୀବୀ ପ୍ରଶ୍ନ ଉଠାଇଛନ୍ତି । ପୋଲିସ ଏହାକୁ ଦୁର୍ଘଟଣା ଜନିତ ଅଗ୍ନିକାଣ୍ଡର ରୂପ ଦେବାକୁ ଚେଷ୍ଟା କରୁଥିବା ସେ କହିଛନ୍ତି । ଲ୍ୟାମ୍ପରୁ ନିଆଁ ଲାଗି କିପରି ଜଣଙ୍କର ଶରୀରର ୯୫ ପ୍ରତିଶତ ଜଳିଯିବ ତାହାକୁ ନେଇ ପ୍ରଶ୍ନ ଉଠାଇଛନ୍ତି । ଏହା ସହ ତାଙ୍କର ଶରୀରରେ ବିଷକ୍ରିୟା ଥିଲାକି ନାହିଁ ତାହାର ଭିସେରା ହେବାକୁ ନେଇ ପ୍ରଶ୍ନ କରିଛନ୍ତି ।
କଟକ ମର୍କତ ନଗର ଥାନାରେ ସୌମ୍ୟଙ୍କ ପରିବାର ସଦସ୍ୟ ପହଞ୍ଚି ଏହି ରିପୋର୍ଟ ନେଇଛନ୍ତି । ସୌମ୍ୟ ଙ୍କ ପୋଷ୍ଟ ମର୍ତମ୍ ରିପୋର୍ଟ୍ ପରିବାରକୁ ପୋଲିସ ପକ୍ଷରୁ ହସ୍ତାନ୍ତର କରାଯାଇଛି ।
ବିଦ୍ୟା ଭାରତୀଙ୍କୁ ଗିରଫ ପାଇଁ ଦାବି କରିଛନ୍ତି ସୌମ୍ୟଙ୍କ ବାପା। ନ୍ୟାୟ ନମିଳିଲେ ମୁଖ୍ୟମନ୍ତ୍ରୀଙ୍କ ଘର ଆଘରେ ଧାରଣା ଦେବେ ବୋଲି କହିଛନ୍ତି । ଆବଶ୍ୟକ ହେଲେ ହାଇକୋର୍ଟଙ୍କ ଦ୍ବାରସ୍ଥ ହେବେ ବୋଲି କହିଛନ୍ତି । ତଦନ୍ତ ପ୍ରକ୍ରିୟାକୁ ନେଇ ପରିବାର ଅସନ୍ତୁଷ୍ଟ ରହିଛନ୍ତି । ଏହା ସହ ବିଦ୍ୟାଭାରତିଙ୍କ ଫ୍ରେଣ୍ଡ୍ ଲିଷ୍ଟ ର ତଦାରଖ ହେବା କଥା ସେମାନେ ପ୍ରକାଶ କରିଛନ୍ତି ।