PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ଗୋଷ୍ଠୀ ସଂକ୍ରମଣ ମୁହାଁ ଓଡ଼ିଶା, ସାମାନ୍ୟ ଲକ୍ଷଣ ଥିଲେ ଟେଷ୍ଟ କରନ୍ତୁ : ଜନସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଚଣ୍ଡିଖୋଲ: ଭାରସାମ୍ୟ ହରାଇ ବ୍ରିଜ୍ ତଳକୁ ଖସିଲା ଟ୍ରକ୍, ଅଳ୍ପକେ ବର୍ତ୍ତିଲେ ଡ୍ରାଇଭର୍
  • ||
  • ଢେଙ୍କାନାଳ :ଢେଙ୍କାନାଳ ସିଭିଲ କୋର୍ଟକୁ ସିଲ , ୧୦ରୁ ଅଧିକ କର୍ମଚାରୀ ସଂକ୍ରମିତ ଚିହ୍ନଟ ପରେ ମାଇକ୍ରୋ କଣ୍ଟେନମେଣ୍ଟ ଘୋଷଣା କଲା ପୌରପ୍ରଶାସନ
  • ||
  • ଭୁବନେଶ୍ଵର: ରାଜ୍ୟରେ ତଳମୁହାଁ କରୋନା ଗ୍ରାଫ୍, ଦଶମ ଓ ଦ୍ଵାଦଶ ପରୀକ୍ଷା ପାଇଁ ପ୍ରସ୍ତୁତ ରୁହ : ଗଣଶିକ୍ଷା ମନ୍ତ୍ରୀ
  • ||
  • ବୌଦ୍ଧ: ବାଇକ୍‌କୁ ଧକ୍କା ଦେଲା ଅଜଣା ଗାଡି, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ପାଟଣା: ଜମିବାଡ଼ି ବିବାଦକୁ କେନ୍ଦ୍ରକରି ଦୁଇ ପରିବାର ଭିତରେ ଗଣ୍ଡଗୋଳ, ବଡ଼ ଭାଇ ମୁଣ୍ଡରେ ପଥର ଛେଚିଦେଲେ ସାନ ଭାଇର ପରିବାର
  • ||
  • ଭୁବନେଶ୍ଵର: ରାଜ୍ୟସ୍ତରୀୟ ସାଧାରଣତନ୍ତ୍ର ଦିବସ ପାଇଁ ଗାନ୍ଧୀ ମାର୍ଗରେ ହେଉଛି ଫୁଲଡ୍ରେସ୍ ରିହର୍ସଲ, ସୁରକ୍ଷା ବ୍ୟବସ୍ଥା ପାଇଁ ଟ୍ରାଫିକ୍ କଟକଣା
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ସଂକ୍ରମଣ ଗ୍ରାଫ୍ : ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ୭୨୯୧ ଜଣ କରୋନା ପଜିଟିଭ
  • ||
  • ଭୁବନେଶ୍ଵର: ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ଖଲ୍ଲିକୋଟ: ପରିବା ବୋଝେଇ ଅଟୋକୁ ଧକ୍କା ଦେଲା ବାଲି ବୋଝେଇ ଟ୍ରକ୍, ଜଣେ ମୃତ ୨ ଗୁରୁତର
  • ||
  • ପୁରୀ: ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ କୋଭିଡ୍ ପଜିଟିଭ୍‌, ହସ୍ପିଟାଲରେ ଭର୍ତ୍ତି
  • ||
  • ଭୁବନେଶ୍ୱର : ମାସେ ଚିକିତ୍ସା ପରେ ଜଙ୍ଗଲକୁ ଫେରିଲା ୧୨ ଫୁଟର ଅହିରାଜ, ଢ଼େଲାମାଡ଼ରେ ଭାଙ୍ଗିଥିଲା ପିଞ୍ଜରା ହାଡ଼
  • ||
  • ଭୁବନେଶ୍ଵର : ଆଉ ଦୁଇ ଦିନ ଭିଜିବ ଓଡ଼ିଶା, ଉପକୂଳ ସମେତ ୭ ଜିଲ୍ଲାରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ଆଶଙ୍କା
  • ||
  • ଲମତାପୁଟ : ପିକଅପ୍ ଭ୍ୟାନ୍‌ରୁ ୨ କୁଇଣ୍ଟାଲ ଗଞ୍ଜେଇ ଜବତ, ୨ ମାଫିଆ ଗିରଫ
  • ||

ସମୁଦ୍ରରେ ବୁଡ଼ିଗଲେ ୩ ଛାତ୍ର

ଅସ୍ତରଙ୍ଗ,୨୦ା୧(ଆପ୍ର): ବଣଭୋଜି କରିବାକୁ ଯାଇଥିବାବେଳେ ସମୁଦ୍ରରେ ବୁଡ଼ି ପ୍ରାଣ ହରାଇଛନ୍ତି ୩ ଇଞ୍ଜିନିୟରିଂ ଛାତ୍ର । ପୁରୀ ଜିଲ୍ଲା ଅସ୍ତରଙ୍ଗ ବ୍ଲକ୍‌ର ଜାହାନିଆ ପୀର ନିକଟରେ ରବିବାର ଘଟିଛି ଏହି ଦୁଃଖଦ ଘଟଣା । ମୃତ ଛାତ୍ରମାନେ ହେଲେ ଅମିତ୍‌ ମହାନ୍ତି, ଅବିନାଶ ପ୍ରଧାନ ଓ ଶୁଭସୌମ୍ୟ ସେନାପତି । ସମୁଦ୍ରସ୍ନାନ ବେଳେ ଅନ୍ତଃସ୍ରୋତରେ ପଡ଼ି ଅନ୍ୟ ଦୁଇଜଣ ଛାତ୍ର ଶୁଭମ୍‌ କୁମାର ଓ ସୁଶାନ୍ତ କୁମାର ମୁଦୁଲି ଗୁରୁତର ହୋଇଛନ୍ତି ।
୨ ଆହତଙ୍କୁ ଅସ୍ତରଙ୍ଗ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ପ୍ରାଥମିକ ଚିକିତ୍ସା କରାଯାଇଛି । ପରେ ସେମାନଙ୍କୁ କ୍ୟାପିଟାଲ୍‌ ହସ୍ପିଟାଲ ସ୍ଥାନାନ୍ତର କରାଯାଇଛି । ମୃତ ଓ ଆହତମାନେ ଭୁବନେଶ୍ୱର ପଟିଆସ୍ଥିତ ଏକ ଘରୋଇ ଇଞ୍ଜିନିୟରିଂର କଲେଜ୍‌ର ଛାତ୍ର ।
ରବିବାର ଥିବାରୁ ସମ୍ପୃକ୍ତ ଘରୋଇ ଇଞ୍ଜିନିୟରିଂ କଲେଜର କମ୍ପ୍ୟୁଟର ସାଇନ୍ସ ବିଭାଗର ୩୦ ଜଣ ଛାତ୍ରଛାତ୍ରୀ ଆଜି ପୀର ଜାହାନିଆ ବେଳାଭୂମିକୁ ବଣଭୋଜି କରିବାକୁ ଆସିଥିଲେ । ପୀଠର ବିସ୍ତୀର୍ଣ୍ଣ ଝାଉଁ ଜଙ୍ଗଲ ଭିତରେ କେତେକ ଛାତ୍ରଛାତ୍ରୀ ନାଚଗୀତର ମଜା ନେଉଥିବା ବେଳେ ଅନ୍ୟ କେତେକ ଛାତ୍ରଛାତ୍ରୀ ଯାଇଥିଲେ ସମୁଦ୍ର କୂଳକୁ । ସେମାନଙ୍କ ମଧ୍ୟରୁ କେତେକ ଛାତ୍ରଛାତ୍ରୀ ବେଳାଭୂମିରେ ବସିଥିଲେ । ଅନ୍ୟ କେତେକ ଲହଡ଼ି ଭାଙ୍ଗିବା ପାଇଁ ସମୁଦ୍ର ମଧ୍ୟକୁ ପଶି ଯାଇଥିଲେ । ହେଲେ ସମୁଦ୍ର ସ୍ନାନ ସେମାନଙ୍କ ପାଇଁ କାଳ ହୋଇଥିଲା । ପହଁରା ଓ ସମୁଦ୍ରର ଗଭୀରତା ଏମାନଙ୍କୁ ମାଲୁମ୍‌ ନ ଥିବାରୁ ପଡ଼ିଯାଇଥିଲେ ଅନ୍ତଃସ୍ରୋତ ମଧ୍ୟରେ । ଚାହୁଁ ଚାହୁଁ ୫ଜଣଙ୍କୁ ଭସାଇ ନେଇଯାଇଥିଲା ଅନ୍ତଃସ୍ରୋତ । ସେମାନଙ୍କ ଚିତ୍କାର ଶୁଣି କୂଳରେ ହୋହଲ୍ଲା ହେବାରୁ ସ୍ଥାନୀୟ ଯୁବକମାନେ ସାହସର ସହିତ ପହଁରି ୪ଜଣଙ୍କୁ ଉଦ୍ଧାର କରିଥିଲେ । ଅନ୍ୟ ଜଣେ ଛାତ୍ର ନିଖୋଜ ରହିଥିଲେ । ଉଦ୍ଧାର ୪ ଜଣଙ୍କ ମଧ୍ୟରୁ ୨ଜଣଙ୍କ ମୃତ୍ୟୁ ହୋଇ ଯାଇଥିବା ବେଳେ ଅନ୍ୟ ଦୁଇ ଜଣଙ୍କ ଅବସ୍ଥା ଗୁରୁତର ଥିଲା । ଦୁଇ ଗୁରୁତରଙ୍କୁ ଅସ୍ତରଙ୍ଗ ଡାକ୍ତରଖାନାରେ ପ୍ରାଥମିକ ଚିକିତ୍ସା ପରେ କ୍ୟାପିଟାଲ ହସ୍ପିଟାଲକୁ ଆମ୍ବୁଲାନ୍ସ ଯୋଗେ ପଠାଯାଇଥିଲା । ଯେଉଁ ଛାତ୍ରଟି ନିଖୋଜ ଥିଲା ସ୍ଥାନୀୟ ଅଞ୍ଚଳର କେତେକ ଯୁବକ ଟାପା ସାହାଯ୍ୟରେ ସମୁଦ୍ରରେ ଖୋଜାଖୋଜି କରି ଉଦ୍ଧାର କରିଥିଲେ । ଏହି ୫ଜଣଙ୍କ ମଧ୍ୟରୁ କୁମାରଙ୍କ ଘର ଜାମସେଦ୍‌ପୁରରେ ହୋଇଥିବା ବେଳେ ଅନ୍ୟମାନଙ୍କ ଘର ଓଡ଼ିଶାରେ ବୋଲି ଜଣାପଡ଼ିଛି । ମୃତ ଅମିତଙ୍କ ଘର ନବରଙ୍ଗପୁର ଜିଲ୍ଲାରେ ହୋଇଥିଲାବେଳେ ଅବିନାଶଙ୍କ ଘର ଜଗତସିଂହପୁର ଏବଂ ଶୁଭସୌମ୍ୟଙ୍କ ଘର ଜଳେଶ୍ୱରରେ ବୋଲି ଜଣାପଡ଼ିଛି । ଶୁଭମ୍‌ କୁମାର ଓ ସୁଶାନ୍ତ କୁମାର ମୁଦୁଲିଙ୍କ ଅବସ୍ଥା ସଙ୍କଟାପନ୍ନ ରହିଥିବା ଅସ୍ତରଙ୍ଗ ଥାନାଧିକାରୀ ବୁଲୁ ମୁଣ୍ଡା ପ୍ରକାଶ କରିଛନ୍ତି ।