PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ଗୋଷ୍ଠୀ ସଂକ୍ରମଣ ମୁହାଁ ଓଡ଼ିଶା, ସାମାନ୍ୟ ଲକ୍ଷଣ ଥିଲେ ଟେଷ୍ଟ କରନ୍ତୁ : ଜନସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଚଣ୍ଡିଖୋଲ: ଭାରସାମ୍ୟ ହରାଇ ବ୍ରିଜ୍ ତଳକୁ ଖସିଲା ଟ୍ରକ୍, ଅଳ୍ପକେ ବର୍ତ୍ତିଲେ ଡ୍ରାଇଭର୍
  • ||
  • ଢେଙ୍କାନାଳ :ଢେଙ୍କାନାଳ ସିଭିଲ କୋର୍ଟକୁ ସିଲ , ୧୦ରୁ ଅଧିକ କର୍ମଚାରୀ ସଂକ୍ରମିତ ଚିହ୍ନଟ ପରେ ମାଇକ୍ରୋ କଣ୍ଟେନମେଣ୍ଟ ଘୋଷଣା କଲା ପୌରପ୍ରଶାସନ
  • ||
  • ଭୁବନେଶ୍ଵର: ରାଜ୍ୟରେ ତଳମୁହାଁ କରୋନା ଗ୍ରାଫ୍, ଦଶମ ଓ ଦ୍ଵାଦଶ ପରୀକ୍ଷା ପାଇଁ ପ୍ରସ୍ତୁତ ରୁହ : ଗଣଶିକ୍ଷା ମନ୍ତ୍ରୀ
  • ||
  • ବୌଦ୍ଧ: ବାଇକ୍‌କୁ ଧକ୍କା ଦେଲା ଅଜଣା ଗାଡି, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ପାଟଣା: ଜମିବାଡ଼ି ବିବାଦକୁ କେନ୍ଦ୍ରକରି ଦୁଇ ପରିବାର ଭିତରେ ଗଣ୍ଡଗୋଳ, ବଡ଼ ଭାଇ ମୁଣ୍ଡରେ ପଥର ଛେଚିଦେଲେ ସାନ ଭାଇର ପରିବାର
  • ||
  • ଭୁବନେଶ୍ଵର: ରାଜ୍ୟସ୍ତରୀୟ ସାଧାରଣତନ୍ତ୍ର ଦିବସ ପାଇଁ ଗାନ୍ଧୀ ମାର୍ଗରେ ହେଉଛି ଫୁଲଡ୍ରେସ୍ ରିହର୍ସଲ, ସୁରକ୍ଷା ବ୍ୟବସ୍ଥା ପାଇଁ ଟ୍ରାଫିକ୍ କଟକଣା
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ସଂକ୍ରମଣ ଗ୍ରାଫ୍ : ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ୭୨୯୧ ଜଣ କରୋନା ପଜିଟିଭ
  • ||
  • ଭୁବନେଶ୍ଵର: ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ଖଲ୍ଲିକୋଟ: ପରିବା ବୋଝେଇ ଅଟୋକୁ ଧକ୍କା ଦେଲା ବାଲି ବୋଝେଇ ଟ୍ରକ୍, ଜଣେ ମୃତ ୨ ଗୁରୁତର
  • ||
  • ପୁରୀ: ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ କୋଭିଡ୍ ପଜିଟିଭ୍‌, ହସ୍ପିଟାଲରେ ଭର୍ତ୍ତି
  • ||
  • ଭୁବନେଶ୍ୱର : ମାସେ ଚିକିତ୍ସା ପରେ ଜଙ୍ଗଲକୁ ଫେରିଲା ୧୨ ଫୁଟର ଅହିରାଜ, ଢ଼େଲାମାଡ଼ରେ ଭାଙ୍ଗିଥିଲା ପିଞ୍ଜରା ହାଡ଼
  • ||
  • ଭୁବନେଶ୍ଵର : ଆଉ ଦୁଇ ଦିନ ଭିଜିବ ଓଡ଼ିଶା, ଉପକୂଳ ସମେତ ୭ ଜିଲ୍ଲାରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ଆଶଙ୍କା
  • ||
  • ଲମତାପୁଟ : ପିକଅପ୍ ଭ୍ୟାନ୍‌ରୁ ୨ କୁଇଣ୍ଟାଲ ଗଞ୍ଜେଇ ଜବତ, ୨ ମାଫିଆ ଗିରଫ
  • ||

ଘଡ଼ିକେ ଘୋଡ଼ା ଛୁଟୁଛି: ୩ ଦଳରେ ଚାଲିଛି ମିଶାଣ, ଫେଡ଼ାଣ

source:updateodisha.com

ଭୁବନେଶ୍ୱର,୧୫ ।୩(ବ୍ୟୁରୋ): ବରଗଡ଼ରେ ରାହୁଲଙ୍କ ହୁଙ୍କାର । ନବୀନ ନିବାସରେ ପ୍ରାର୍ଥୀ ତାଲିକାକୁ ନେଇ ଛକାପଞ୍ଝା । ବିଜେପି କାର୍ଯ୍ୟାଳୟରେ ଦାମଙ୍କୁ ସମ୍ବର୍ଦ୍ଧନା ସହ ଟିକେଟ୍‌ ଚୂଡ଼ାନ୍ତ ପାଇଁ ନିର୍ବାଚନ କମିଟିର ବୈଠକ । କିଏ ଦଳ ଛାଡ଼ିଲାଣି, କିଏ ଦଳରେ ମିଶିଲେଣି । ଦଳୀୟ କାର୍ଯ୍ୟାଳୟରେ ତୁହାକୁ ତୁହା ବୈଠକ । ମନ୍ତ୍ରଣାକକ୍ଷରେ ପ୍ରାର୍ଥୀଙ୍କ ନାମକୁ ନେଇ ଛକି-ଶୂନ । ହଠାତ୍‌ ଏମିତି ଚଳଚଞ୍ଚଳ ହୋଇପଡ଼ିଛି ରାଜ୍ୟ ରାଜନୀତି । ଘଡ଼ିକେ ଘୋଡ଼ା ଛୁଟୁଛି ।
ପ୍ରଥମ ପର୍ଯ୍ୟାୟ ନାମାଙ୍କନ ପାଇଁ ମଝିିରେ ଆଉ ଦୁଇଦିନ । ୧୮ରେ ବିଜ୍ଞପ୍ତି ଜାରି ସହ ନାମାଙ୍କନ ଆରମ୍ଭ ହେବ । ନାମାଙ୍କନ ଦାଖଲ ଦିନ ଯେତିକି ପାଖେଇ ଆସୁଛି, ରାଜନୈତିକ ହଲଚଲ ସେତିକି ବଢୁଛି । ଦିନ ତମାମ ନବୀନ ନିବାସରେ ଶୁକ୍ରବାର ଯେତିକି ଭିଡ଼ ଥିଲା, ସେତିକି ସସପେନ୍ସ ମଧ୍ୟ । ଦ୍ୱିତୀୟ ପର୍ଯ୍ୟାୟ ଟିକେଟ ତାଲିକା ପ୍ରସ୍ତୁତ କରିବାକୁ ଆରମ୍ଭ ହୋଇଛି କସରତ । କେଉଁ ନେତା ନିଜ ପୁଅଙ୍କୁ ଧରି ନବୀନ ନିବାସରେ ହାଜର ହେଲେଣି, ଆଉ କିଏ ପତ୍ନୀଙ୍କୁ ଧରି ଆସିଥିଲେ । ପ୍ରଥମ ପର୍ଯ୍ୟାୟ ଟିକେଟକୁ ନେଇ ଅସନ୍ତୋଷ ଦାଣ୍ଡରେ ପଡ଼ି ହାଟରେ ଗଡୁଥିବାରୁ ଦ୍ୱିତୀୟ ପର୍ଯ୍ୟାୟ ଟିକେଟ ପୂର୍ବରୁ ପୁରୁଣା ମୁହଁଙ୍କ ଅସନ୍ତୋଷକୁ କେମିତି ରୋକିହେବ ସେଥିପାଇଁ ମଧ୍ୟ ଚାଲିଥିଲା ମାନସମନ୍ଥନ । ଏପରିକି ବିଜେପି ଛାଡ଼ିଥିବା ଦିଲ୍ଲୀପ ରାୟ ନବୀନ ନିବାସ ଆସି ଶଙ୍ଖ ଫୁଙ୍କିବେ ବୋଲି ଚର୍ଚ୍ଚା ଲାଗି ରହିଥିଲା । ଗଣମାଧ୍ୟମ ପ୍ରତିନିଧି ବେଶ୍‌ ଉତ୍ସୁକତାର ସହ ଅପେକ୍ଷା କରିଥିଲେ । ମାତ୍ର ସନ୍ଧ୍ୟା ପର୍ଯ୍ୟନ୍ତ ସେମିତି କିଛି ହେଲାନି । ଅପରାହ୍ନରେ କିନ୍ତୁ ବିଜେଡିରୁ ଇସ୍ତଫା ଦେଇଦେଲେ ନୀଳଗିରି ବିଧାୟକ ସୁକାନ୍ତ ନାୟକ । ବଳଭଦ୍ରଙ୍କ ପରେ ସୁକାନ୍ତଙ୍କ ଇସ୍ତଫା ବିଜେଡି ଶିବିରରେ ଚାପ ପକାଇଲା । ନବୀନ ନିବାସ ଉପରେ ଉଭୟ ବିଜେପି ଓ କଂଗ୍ରେସ କ୍ୟାମ୍ପ ଆଖି ରଖିଥିଲେ । ଟିକିନିଖି ଖବର ରଖୁଥିଲେ । ବିଜେଡି ସୁପ୍ରିମୋ ଦଳୀୟ ନେତାମାନଙ୍କ ସହ ଟିକେଟ ବଣ୍ଟନ ନେଇ ମଧ୍ୟ ରୁଦ୍ଧଦ୍ୱାର ବୈଠକରେ ବିଚାର ବିମର୍ଶ କରିଥିଲେ । ସନ୍ଧ୍ୟା ଯାଏ ଟିକେଟ ଆଶାୟୀ ଓ ସମର୍ଥକମାନେ ନବୀନ ନିବାସରେ ଚକ୍କର କାଟୁଥିଲେ । ସନ୍ଧ୍ୟାରେ ଦ୍ୱିତୀୟ ପର୍ଯ୍ୟାୟ ଭୋଟ୍‌ ପାଇଁ ପ୍ରାର୍ଥୀ ଚୟନ ପାଇଁ ନବୀନ ସଂପୃକ୍ତ ପର୍ଯ୍ୟବେକ୍ଷକ ଓ ବରିଷ୍ଠ ନେତାମାନଙ୍କ ସହ ଆଲୋଚନା କରିଥିଲେ । ଟିକେଟ ବଣ୍ଟନ ଅସନ୍ତୋଷକୁ ପ୍ରଶମିତ କରିବାକୁ ବାଟ ଦରାଣ୍ଡିଥିଲେ ଛାମୁଆ ନେତା । ଏପରିକି ଆବଶ୍ୟକ ହେଲେ ଦଳ ବିଜେପି ଓ କଂଗ୍ରେସର ପ୍ରାର୍ଥୀ ତାଲିକାକୁ ମଧ୍ୟ ଅପେକ୍ଷା କରିପାରେ । ତିନି ଦଳରେ ପ୍ରାର୍ଥୀ ତାଲିକାକୁ ନେଇ ଟକରାଟକରି ଯେ ଲାଗି ରହିବ ତା’ର ଆଭାସ ମିଳୁଥିଲା । ବିଜେପି ପାର୍ଟି ଅଫିସରେ ଆଜି କିନ୍ତୁ ଭିନ୍ନ ଦୃଶ୍ୟ ଦେଖିବାକୁ ମିଳିଥିଲା । ଭେଟେରାନ ଦାମୋଦର ରାଉତ ବିଜେପିରେ ଯୋଗଦେବା ପରେ ଆଜି ଦିଲ୍ଲୀରୁ ଫେରିଥିଲେ । ତାଙ୍କୁ ଏକ ଶୋଭାଯାତ୍ରାରେ ବିଜେପି କାର୍ଯ୍ୟାଳୟକୁ ପାଛୋଟି ଅଣାଯିବା ପରେ ଦାମ ବିଜେଡି ଓ ନବୀନଙ୍କ ଉପରେ ଜୋରଦାର ବର୍ଷିଲେ । ଦାମଙ୍କ ବାଣରେ ବେଶ୍‌ ଉତ୍ସାହିତ ଥିଲେ ଦଳର ବରିଷ୍ଠ ନେତା । ଶନିବାର ଦଳ ପ୍ରାର୍ଥୀ ତାଲିକା ଘୋଷଣା କରିବାର ଥିବାରୁ କିଛି ବିଧାନସଭା ସିଟ୍‌ ଟିକେଟ ଚୂଡ଼ାନ୍ତ କରିବାକୁ ନିର୍ବାଚନ କମିଟିର କବାଟକିଳା ବୈଠକ ବସିଥିଲା । କିଛି ଆସନକୁ ନେଇ ଛକିଶୂନ ପରେ ବୈଠକ ସନ୍ଧ୍ୟାକୁ ଘୁଞ୍ଚିଲା । ତେବେ ଦଳୀୟ କାର୍ଯ୍ୟାଳୟରେ ଆଜି ବେଶ୍‌ ଉତ୍ସାହ ସହ ଖୁସିର ମାହୋଲ ଲାଗି ରହିଥିଲା । ଅପରାହ୍ନରେ ଦଳରେ ସାମିଲ ହେଲେ ଆସ୍କାର ପୂର୍ବତନ ବିଧାୟକ ସରୋଜ ପାଢ଼ୀ । ଆଉ କିଛି ନେତା ସାମିଲ୍‌ ହେବେ ବୋଲି ଟୁପୁରୁଟାପୁରୁ ଚାଲିଥିଲା । ମାତ୍ର କୌଣସି କାରଣରୁ ସ୍ଥଗିତ ରହିଲା । ଏପଟେ ବିଜେଡି ଛାଡ଼ିଥିବା ସାଂସଦ ବଳଭଦ୍ର ମାଝୀ ଶନିବାର ବିଜେପିରେ ସାମିଲ ହେବେ ବୋଲି ଖବର ରାଜ୍ୟ କାର୍ଯ୍ୟାଳୟରେ ଘୂରିଲା । ସାଲେପୁର ବିଧାୟକ ପ୍ରକାଶ ବେହେରା ମଧ୍ୟ ପଦ୍ମ ଧରିବେ ବୋଲି ଚର୍ଚ୍ଚା ତେଜିଲା ।
ଅଭିଜ୍ଞ ବିଜୟ ମହାପାତ୍ରଙ୍କ ଗତିବିଧି ଉପରେ ମଧ୍ୟ ମିଡିଆର ନଜର ଥିଲା । ବିଜେପିକୁ ବାଏ ବାଏ କରିଥିବା ବିଜୟ କୁଆଡ଼େ ଯିବେ, କେଉଁ ଦଳରେ ସାମିଲ୍‌ ହେବେ ସେ ନେଇ କିଛି ସୁରାକ୍‌ ମିଳିଲାନି । ମାତ୍ର କେତେବେଳେ ସେ ବିଜେଡିରେ ତ ଆଉ କେତେବେଳେ ବିଜେପିରେ ମିଶିବେ ବୋଲି ଖବର ଘୂରିଲା । ମାତ୍ର ଭେଟେରାନ ବିଜୟଙ୍କୁ ନେଇ ସସପେନ୍ସର ଅନ୍ତ ହେଲାନି ।
କଂଗ୍ରେସ ଭବନରେ ଆଜି ବିଶେଷ ଗହଳି ଚହଳି ନଥିଲା । ଦଳର ଭେଟେରାନ ନେତାମାନେ ବରଗଡ଼ରେ ଥିଲେ । ଏଆଇସିସି ଅଧ୍ୟକ୍ଷ ରାହୁଲ ଗାନ୍ଧିଙ୍କ ସମାବେଶକୁ ସଫଳ କରିବାକୁ ନେତାମାନେ ଜୋରଦାର ଉଦ୍ୟମ କରିଥିଲେ । ରାହୁଲ ତାଙ୍କ ଭାଷଣରେ ‘ଆମେ ଯାହା କହୁ , ତାହା କରୁ’ ବୋଲି କହି ଉପସ୍ଥିତ ଲୋକଙ୍କ ମନ ଜିଣିବାକୁ ଭରପୂର ଉଦ୍ୟମ କରିଥିଲେ । ରାହୁଲଙ୍କ ସଭା ସରିବା ପରେ ଦଳର ବରିଷ୍ଠ ନେତାମାନେ ଟିକେଟ ନେଇ ଆଲୋଚନା କରିଥିବାର ସୂଚନା ମିଳିଛି । ଆସନ୍ତାକାଲି କଂଗ୍ରେସ ଟିକେଟ ଚୂଡାନ୍ତ କରିବାକୁ ବସିବ କେନ୍ଦ୍ରୀୟ ସ୍କ୍ରିନିଂ କମିଟି ବୈଠକ । ପ୍ରସ୍ତୁତ ହେବାକୁ ଥିବା ଚୂଡାନ୍ତ ତାଲିକାରେ ରାହୁଲଙ୍କ ପରାମର୍ଶକ୍ରମେ ଅଧିକରୁ ଅଧିକ ମହିଳା ମୁହଁଙ୍କୁ ସାମିଲ କରାଯିବ ବୋଲି ସୂଚନା ମିଳିଛି । ଶନିବାର ବିଜେପି ଓ କଂଗ୍ରେସ ପ୍ରାର୍ଥୀ ତାଲିକା ଘୋଷଣା କରିବାକୁ ପ୍ରସ୍ତୁତ ହେଉଥିଲା ବେଳେ ବିଜେଡି ଶିବିରରୁ ସ୍ପଷ୍ଟ ସୂଚନା ମିଳୁନି । ଏପରିକି ଆବଶ୍ୟକ ପଡ଼ିଲେ ତିନି ଦଳ କିଛି ଆସନ ପାଇଁ ଶେଷ ମୁହୂର୍ତ୍ତ ଯାଏ ମଧ୍ୟ ଅପେକ୍ଷା କରିପାରନ୍ତି ବୋଲି ଅନୁମାନ କରାଯାଉଛି ।

ସମ୍ବନ୍ଧିତ ଖବର