PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର ଡେଲଟା ଛକରେ ଜୁଏଲାରୀ ଦୋକାନରୁ ଲୁଟ୍‌ , କେଜିଏ ସୁନା, ୧୦ କେଜି ରୁପା ଅଳଙ୍କାର ଓ କ୍ୟାସ୍‌ ବକ୍ସରୁ ଦେଢ଼ ଲକ୍ଷ ଟଙ୍କା ନେଇ ଯାଇଥିବା ଅଭିଯୋଗ
  • ||
  • ମହାରାଷ୍ଟ୍ରରୁ ପୁଣି ୭ ଓମିକ୍ରନ ଆକ୍ରାନ୍ତ ଚିହ୍ନଟ , ମହାରାଷ୍ଟ୍ର ସ୍ୱାସ୍ଥ୍ୟ ବିଭାଗର ସୂଚନା,ଭାରତରେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୧୨ କୁ ବୃଦ୍ଧି
  • ||
  • ଯାଜପୁର ଡୁବୁରିରେ ପ୍ରତିଷ୍ଠା ହେବ ନୂଆ ଇଏସ୍‌ଆଇ ହସ୍ପିଟାଲ । ଏଠାରେ ୧୦୦ ଶଯ୍ୟା ବିଶିଷ୍ଟ ହସ୍ପିଟାଲ ହେବ । ଏନେଇ ପ୍ରସ୍ତାବକୁ କେନ୍ଦ୍ର ଶ୍ରମ ମନ୍ତ୍ରୀଙ୍କ ଅନୁମୋଦନ ।
  • ||
  • ଝାରସୁଗୁଡ଼ାରେ ପ୍ରତିଷ୍ଠା ହେବ ESICର ଉପ ଆଞ୍ଚଳିକ କାର୍ଯ୍ୟାଳୟ – ESICର ବୈଠକରେ ଅନୁମୋଦନ ଦେଲେ ଶ୍ରମ ମନ୍ତ୍ରୀ
  • ||
  • ପୁରୀ: ପୁରୀଠୁ ୭୦ କିମି ଦୂରରେ ବାତ୍ୟା ଜୱାଦ୍, ଆସନ୍ତାକାଲି ପଶ୍ଚିମବଙ୍ଗ ଆଡ଼କୁ ଗତି କରିବ
  • ||
  • ଜାମଗାଁ: ବିଦ୍ୟୁତ ସଂସ୍ପର୍ଶରେ ଆସି ଜଣେ ଯୁବକ ମୃତ
  • ||
  • ସୁନ୍ଦରଗଡ଼: ଭାରସାମ୍ଯ ହରାଇ ଓଲଟିଲା ଟ୍ରାକ୍ଟର, ତଳେ ଚାପି ହୋଇ ଚାଲିଗଲା ଦମ୍ପତ୍ତିଙ୍କ ଜୀବନ
  • ||
  • ଝାରସୁଗୁଡା : ବାରହା ଫାଶରେ ପଡି ଚାଲିଗଲା ଯୁବକଙ୍କ ଜୀବନ
  • ||
  • କଟକ : ‘ଜୱାଦ’ ପ୍ରଭାବରେ କଟକରେ ପ୍ରବଳ ବର୍ଷା, ୨୦.୫୧ ମିମି ବୃଷ୍ଟିପାତ ରେକର୍ଡ
  • ||
  • ମ.ରାମପୁର : ଭାରସାମ୍ୟ ହରାଇ ଓଲଟିଲା ଟ୍ରକ୍, ଅଳ୍ପକେ ବର୍ତ୍ତିଗଲେ ଡ୍ରାଇଭର୍ ଏବଂ ହେଲପର୍‌
  • ||
  • ସୋର : ଜଳିଗଲା ୨ ମହଲା ଘର, ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ
  • ||
  • ନୂଆଦିଲ୍ଲୀ: ଜାନୁଆରୀରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ଘାତକ: ଆଇଆଇଟି କାନପୁର ସତର୍କବାଣୀ
  • ||
  • କେନ୍ଦୁଝର : ପାଟଣା ରେଞ୍ଜରେ ହାତୀ ଉପଦ୍ରବ, ଦଳିମକଚି ନଷ୍ଟ କରିଦେଲେ ଏକର ଏକର ଧାନ ଫସଲ
  • ||
  • ଭୁବନେଶ୍ଵର : ଅବପାତ ରୂପ ନେଲା ବାତ୍ୟା ଜୱାଦ, ପ୍ରବଳ ବର୍ଷିବ, ୧୦ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ
  • ||
  • ଭୁବନେଶ୍ୱର : ଟଳିଲା ବାତ୍ୟା ବିପଦ, ଉଜୁଡ଼ିଲା ଚାଷ, ଉତ୍ତର ଓଡ଼ିଶାରେ ଅଧିକ ବର୍ଷିପାରେ
  • ||
  • ଜଗତସିଂହପୁର : ଲଗାଣ ବର୍ଷାରେ ଉଜୁଡିଲା ଫସଲ, ଚାଷୀ ମୁଣ୍ଡରେ ଚଡ଼କ
  • ||
  • ପଦ୍ମପୁର : ଧାନ ଚୋରା ଚାଲାଣ ବେଳେ ମାଡି ବସିଲା ଯୋଗାଣ ବିଭାଗ, ୨୨୦ ବସ୍ତା ଧାନ ଜବତ
  • ||

ଚନ୍ଦକା ଜଙ୍ଗଲରେ ଛାଡ଼ିଥିଲେ, ୪ ଦିନ ହେଲା ବାଘର ପତ୍ତା ମିଳୁନି

ଭୁବନେଶ୍ୱର,୨୩ା୨(ବ୍ୟୁରୋ): ରାଜଧାନୀରୁ ଧରା ହୋଇ ଚନ୍ଦକା ଜଙ୍ଗଲରେ ଛଡ଼ା ଯାଇଥିବା କଲରାପତରିଆର ବାଘ ପତ୍ତା ମିଳୁନି । ୪ ଦିନ ହେଲା ବାଘ ବନ ବିଭାଗ ନଜରକୁ ଆସିନାହିଁ । ଜଙ୍ଗଲରେ ଲଗା ଯାଇଥିବା ଟ୍ରାପ୍‌ କ୍ୟାମେରାରେ ମଧ୍ୟ ଦୃଶ୍ୟମାନ ହେଉନାହିଁ । ତେଣୁ ବାଘ ଗଲା କୁଆଡ଼େ ବୋଲି ବନ ବିଭାଗର ଚିନ୍ତା ବଢ଼ିଯାଇଛି ।
୨୦ ତାରିଖ ସକାଳେ ବାଘକୁ ଚନ୍ଦକା ଅଭୟାରଣ୍ୟର ଘଞ୍ଚ ଜଙ୍ଗଲ ଭିତରେ ଛଡ଼ା ଯାଇଥିଲା । ବାଘର ଗତିବିଧି ଉପରେ ନଜର ରଖିବା ପାଇଁ ପ୍ରଥମ ପର୍ଯ୍ୟାୟରେ ଜଙ୍ଗଲର ବିଭିନ୍ନ ସ୍ଥାନରେ ୧୦ଟି ଟ୍ରାପ୍‌ କ୍ୟାମେରା ଲଗାଯାଇଥିଲା । ବନ ବିଭାଗ ଟିମ୍‌ ୨୦ ତାରିଖରୁ ଜଙ୍ଗଲର ବିଭିନ୍ନ ଅଞ୍ଚଳରେ ଦିନରାତି ପାଟ୍ରୋଲିଂ ଚଳାଇଛନ୍ତି । କିନ୍ତୁ ଛଡ଼ାଯିବା ପରଠାରୁ ବାଘର ଦେଖା ମିଳୁନି । ଜଙ୍ଗଲରେ ଲାଗିଥିବା ଟ୍ରାପ୍‌ କ୍ୟାମେରା ଯାଞ୍ଚ ହୋଇଥିଲା । କିନ୍ତୁ ସେଥିରେ ବାଘର ଚିହ୍ନବର୍ଣ୍ଣ ଦେଖିବାକୁ ମିଳିନି । ୪ ଦିନ ହେଲା ବାଘର ପତ୍ତା ନାହିଁ । ଜଙ୍ଗଲ ଉପକଣ୍ଠ ଗାଁ ଗଣ୍ଡାରେ ବି ପଶିନାହିଁ । ଜଙ୍ଗଲର କୌଣସି ସ୍ଥାନରେ ବାଘ ଶିକାର କରିଥିବା ପ୍ରମାଣ ମିଳୁନି । କାରଣ ଜନ୍ତୁ କିମ୍ବା ପକ୍ଷୀଙ୍କ ମୃତଦେହର ଅଂଶବିଶେଷ ମିଳିନାହିଁ । ବାଘ ମହାନଦୀ ଡେଇଁ ଆଠଗଡ଼ କିମ୍ବା ସାତକୋଶିଆ ଜଙ୍ଗଲକୁ ପଳାଇଥିବା ବନବିଭାଗ ଅନୁମାନ କରୁଛି । ତେବେ ସ୍ପଷ୍ଟ ପ୍ରମାଣ ମିଳୁ ନଥିବାରୁ ବନ ବିଭାଗ ଏବେ ଚିନ୍ତାରେ ପଡ଼ିଛି ।
ସେପଟେ ଗୁରୁବାର ରାତିରେ ରଙ୍ଗମାଟିଆ ଗାଁ ଲୋକେ ଏକ ବାଘ ଦେଖିଥିବା ବନ ବିଭାଗକୁ ଜଣାଇଥିଲେ । ବନବିଭାଗ ପହଞ୍ଚି ତଦନ୍ତ କରିବା ସହ ବାଘର ପାଦଚିହ୍ନର ନମୁନା ସଂଗ୍ରହ କରି ନନ୍ଦନକାନନରେ ପରୀକ୍ଷା କରିଥିଲା । ନନ୍ଦନକାନନ ବିଶେଷଜ୍ଞମାନେ ପାଦଚିହ୍ନ ବାଘର ନୁହେଁ ବୋଲି ପ୍ରକାଶ କରିଥିଲେ । କିନ୍ତୁ ବାଘକୁ ଦେଖିଥିବା ଲୋକେ ବନବିଭାଗ କଥାକୁ ବିଶ୍ୱାସକୁ ନେଇ ନାହାନ୍ତି । ଗାଁରେ ଏଯାଏ ବାଘ ଆତଙ୍କ ଲାଗି ରହିଛି । ଲୋକେ ରାତିରେ ତାଟିକବାଟ ଦେଇ ରହିଥିବାବେଳେ କିଛି ଠେଙ୍ଗାବାଡ଼ି ଧରି ରାତିସାରା ଉଜାଗର ହୋଇ ବାଘକୁ ଜଗିଥିଲେ । ବନ ବିଭାଗ ପକ୍ଷରୁ ପାଟ୍ରୋଲିଂ ଚାଲିଛି, କିନ୍ତୁ ବାଘର ଦେଖା ମିଳୁନାହିଁ । ଆଜି ବି ଗାଁ ଲୋକେ ଭୟଭୀତ ଅବସ୍ଥାରେ ଥିବା ଜଣାପଡ଼ିଛି ।
ସୂଚନା ଥାଉକି, କଲରାପତରିଆ ବାଘ ରାଜଧାନୀକୁ ପଶି ଆସି ଏୟାରପୋର୍ଟ ଓ ପଳାସପଲ୍ଲୀ ଅଞ୍ଚଳରେ ଆତଙ୍କ ଖେଳାଇଥିଲା । ଦୁଇଦିନ ପରେ ୧୯ ତାରିଖ ବିଳମ୍ବିତ ରାତିରେ ବନ ବିଭାଗ ପକ୍ଷରୁ ବସା ଯାଇଥିବା ଯନ୍ତାରେ କୁକୁଡ଼ା ଖାଇବାକୁ ଆସି ଫସିଥିଲା । ବାଘକୁ ଟ୍ରାଙ୍କୁଲାଇଜ କରାଯାଇ ନନ୍ଦନକାନନରେ ପ୍ରାଥମିକ ଚିକିତ୍ସା କରାଯାଇଥିଲା । ସେ ସୁସ୍ଥ ଥିବାରୁ ତାକୁ ଚନ୍ଦକା ଜଙ୍ଗଲରେ ଛାଡ଼ି ଦିଆ ଯାଇଥିଲା ।