PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟାଙ୍ଗୀରେ ୧୭ଟିକିଆ ହାତୀପଲ ଆତଙ୍କ, ଗାଁରେ ପଶିଲେ, ଫସଲ ନଷ୍ଟ କଲେ
  • ||
  • ଢେଙ୍କାନାଳ : ୧ ଲକ୍ଷ ଟଙ୍କାର ବ୍ରାଉନସୁଗାର ଜବତ, ଜଣେ ଗିରଫ
  • ||
  • କଳାହାଣ୍ଡି : ଜଙ୍ଗଲକୁ କାଠ ସଂଗ୍ରହ ପାଇଁ ଯାଇଥିଲେ ଯୁବକ, ଫାସରେ ପଡି ଜୀବନ ଗଲା
  • ||
  • ଚାନ୍ଦବାଲି : ମୁଖ୍ୟ ବଜାରରେ ହଠାତ୍ ଭୁଶୁଡିଲା ବିଦ୍ୟୁତ୍ ଖୁଣ୍ଟି, ଅଳ୍ପକେ ବର୍ତ୍ତିଲେ ପଥଚାରୀ
  • ||
  • ଭୁବନେଶ୍ୱର : ଏ ବର୍ଷ ଥରାଇବ ଶୀତ ଲହରୀ, ଜବର ଜାଡ଼ରେ ଥରିବ ଓଡ଼ିଶା, ଲମ୍ବିବ ଶୀତ ଅବଧି
  • ||
  • ଲାଞ୍ଜିଗଡ଼ : ବେଦାନ୍ତର ଏଲଏନଟି କଲୋନୀକୁ ପଶିଲା କରୋନା, ୩ ଶ୍ରମିକ ପଜିଟିଭ୍ ଚିହ୍ନଟ
  • ||
  • ସମ୍ବଲପୁର : ଆଜି ସମ୍ବଲପୁର ୧୨ ଘଣ୍ଟିଆ ବନ୍ଦ, ମମିତା ମେହେର୍ ହତ୍ୟା ପ୍ରସଙ୍ଗକୁ ନେଇ ରାସ୍ତାକୁ ଓହ୍ଲାଇଛି ବିଜେପି
  • ||

ବାଘର ମୃତ୍ୟୁ ଘଟଣା ଏବେ ରହସ୍ୟ: ଟ୍ରେନ୍‌ ଧକ୍କା ଦେଇନଥିବା କହିଲେ ଲୋକୋ ପାଇଲଟ, ଫୋରେନ୍‌ସିକ୍‌ ରିପୋର୍ଟକୁ ଅପେକ୍ଷା

ଲେଫ୍ରିପଡ଼ା ୧୦/୦୮: ସୁନ୍ଦରଗଡ଼ ଜିଲ୍ଲା ହେମଗିର ଥାନା ଅନ୍ତର୍ଗତ ବଡ଼ରମ୍ପିଆ ଗ୍ରାମରେ ଆତଙ୍କ ସୃଷ୍ଟି କରିଥିବା କଲରାପତରିଆ ବାଘର ମୃତ୍ୟୁ ଘଟିଥିଲା । ବାଘର ମୃତ ଦେହ ମୁମ୍ବାଇ-ହାୱଡା ରେଳପଥ କଡ଼ରୁ ମିଳିଥିଲା । ଟ୍ରେନ୍‌ ଧକ୍କାରେ ମୃତ୍ୟୁ ଘଟିଥିବା କୁହାଯାଉଛି । ବନ ବିଭାଗ ଫୋରେନ୍‌ସିକ୍‌ ଯାଞ୍ଚ ରିପୋର୍ଟକୁ ଅପେକ୍ଷା କରିଥିବା ବେଳେ ଟ୍ରେନ୍‌ ଧକ୍କା ଦେଇନଥିବା ଲୋକୋ ପାଇଲଟମାନେ ରେଳ ବିଭାଗକୁ ସୂଚନା ଦେଇଛନ୍ତି ।

ବାଘର ମୃତ୍ୟୁ ଏବେ ରହସ୍ୟ ଘେରରେ ରହିଛି । ଗତ ୪ ତାରିଖରେ ଏହି ଗାଁକୁ ପଶି ଆସିଥିଲା ଏକ କଲରାପତରିଆ ବାଘ । ହଠାତ ଗାଁରେ ପଶି ଲୋକଙ୍କୁ ଆକ୍ରମଣ କରିଥିଲା । ବାଘ ଆକ୍ରମଣରେ ଆହତ ଲୋକଙ୍କୁ ଚିକିତ୍ସା ପାଇଁ ଡାକ୍ତରଖାନା ନିଆଯାଇଥିବା ବେଳେ ତାକୁ ଘଉଡାଇବା ଲାଗି ବନ ବିଭାଗ ଗ୍ରାମବାସୀଙ୍କ ସହୟତାରେ ରାତି ତମାମ ଅପରେସନ ଚଳାଇଥିଲା । ମାତ୍ର ପରଦିନ ବାଘର ମୃତ୍ୟୁ ଦେହ ରେଳ ଲାଇନ୍‌ କଡ଼ରୁ ମିଳିଥିଲା । ଏହି ରେଳ ମାର୍ଗରେ ୧୭ଟି ଟ୍ରେନ୍‌ ଚଳାଚଳ କରିଥିଲା । କୌଣସି ଟ୍ରେନ୍‌ର ଲୋକୋ ପାଇଲଟ ସେହି ରାତିରେ ଟ୍ରେନ୍‌ ଧକ୍କାରେ କୌଣସି ଦୁର୍ଘଟଣା ଘଟିନଥିବା ନିକଟବର୍ତ୍ତୀ ରେଳ ଷ୍ଟେସନ୍‌ରେ ସୂଚନା ଦେଇଛନ୍ତି । ବ୍ୟବଚ୍ଛେଦ ରିପୋର୍ଟ ମୁତାବକ ବାଘଟି ଏକ ଦ୍ରୁତ କ୍ରିୟାଶୀଳ ବସ୍ତୁ ମାଡ଼ରେ ମସ୍ତିଷ୍କ କ୍ରିୟା ବାଧାପ୍ରାପ୍ତ ହେବାରୁ ମୃତ୍ୟୁ ଘଟିଛି । ଫଳରେ ବାଘର ମୃତ୍ୟୁକୁ ନେଇ ରହସ୍ୟ ବଢ଼ୁଛି ।

ସେପଟେ ବାଘର କେତେକ ନମୁନା ଫୋରେନସିକ୍‌ ଯାଞ୍ଚ ପାଇଁ ଭୁବନେଶ୍ୱରସ୍ଥିତ ଆଞ୍ଚଳିକ ବନ୍ୟଜନ୍ତୁ ପରୀକ୍ଷାଗାର ଏବଂ ଡେରାଡୁନ୍‌ସ୍ଥିତ ଜାତୀୟ ବନ୍ୟଜନ୍ତୁ ପରୀକ୍ଷାଗାର ପଠାଯାଇଛି । ସେହି ରିପୋର୍ଟକୁ ବନ ବିଭାଗ ଅପେକ୍ଷା କରି ରହିଛି । ଯଦି ବାଘର ମୃତ୍ୟୁ ଟ୍ରେନ୍‌ ଧକ୍କାରେ ହୋଇନାହିଁ ତାହା ହେଲେ ହେଲା କିପରି? ସେହିପରି ଏକ ଦ୍ରୁତ କ୍ରିୟାଶୀଳ ବସ୍ତୁ ମାଡ଼ରେ ତାର ମୃତ୍ୟୁ ଘଟିଥିଲା । ତେବେ ସେହି ଦ୍ରୁତ କ୍ରିୟାଶୀଳ ବସ୍ତୁଟି କଣ? ବାଘର ମୃତ୍ୟୁକୁ ନେଇ ନାନା କଥା ଶୁଣିବାକୁ ମିଳୁଥିବା ବେଳେ ପ୍ରକୃତ ରହସ୍ୟ କଣ ତାହା ଏବେ ବି ଲୋକଲୋଚନରୁ ଦୂରରେ ରହିଛି । ଏହାର ଏକ ଉଚ୍ଚସ୍ତରୀୟ ତଦନ୍ତ କରାଗଲେ ପ୍ରକୃତ ତଥ୍ୟ ପଦାକୁ ଆସି ପାରିବ ।