PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର ଡେଲଟା ଛକରେ ଜୁଏଲାରୀ ଦୋକାନରୁ ଲୁଟ୍‌ , କେଜିଏ ସୁନା, ୧୦ କେଜି ରୁପା ଅଳଙ୍କାର ଓ କ୍ୟାସ୍‌ ବକ୍ସରୁ ଦେଢ଼ ଲକ୍ଷ ଟଙ୍କା ନେଇ ଯାଇଥିବା ଅଭିଯୋଗ
  • ||
  • ମହାରାଷ୍ଟ୍ରରୁ ପୁଣି ୭ ଓମିକ୍ରନ ଆକ୍ରାନ୍ତ ଚିହ୍ନଟ , ମହାରାଷ୍ଟ୍ର ସ୍ୱାସ୍ଥ୍ୟ ବିଭାଗର ସୂଚନା,ଭାରତରେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୧୨ କୁ ବୃଦ୍ଧି
  • ||
  • ଯାଜପୁର ଡୁବୁରିରେ ପ୍ରତିଷ୍ଠା ହେବ ନୂଆ ଇଏସ୍‌ଆଇ ହସ୍ପିଟାଲ । ଏଠାରେ ୧୦୦ ଶଯ୍ୟା ବିଶିଷ୍ଟ ହସ୍ପିଟାଲ ହେବ । ଏନେଇ ପ୍ରସ୍ତାବକୁ କେନ୍ଦ୍ର ଶ୍ରମ ମନ୍ତ୍ରୀଙ୍କ ଅନୁମୋଦନ ।
  • ||
  • ଝାରସୁଗୁଡ଼ାରେ ପ୍ରତିଷ୍ଠା ହେବ ESICର ଉପ ଆଞ୍ଚଳିକ କାର୍ଯ୍ୟାଳୟ – ESICର ବୈଠକରେ ଅନୁମୋଦନ ଦେଲେ ଶ୍ରମ ମନ୍ତ୍ରୀ
  • ||
  • ପୁରୀ: ପୁରୀଠୁ ୭୦ କିମି ଦୂରରେ ବାତ୍ୟା ଜୱାଦ୍, ଆସନ୍ତାକାଲି ପଶ୍ଚିମବଙ୍ଗ ଆଡ଼କୁ ଗତି କରିବ
  • ||
  • ଜାମଗାଁ: ବିଦ୍ୟୁତ ସଂସ୍ପର୍ଶରେ ଆସି ଜଣେ ଯୁବକ ମୃତ
  • ||
  • ସୁନ୍ଦରଗଡ଼: ଭାରସାମ୍ଯ ହରାଇ ଓଲଟିଲା ଟ୍ରାକ୍ଟର, ତଳେ ଚାପି ହୋଇ ଚାଲିଗଲା ଦମ୍ପତ୍ତିଙ୍କ ଜୀବନ
  • ||
  • ଝାରସୁଗୁଡା : ବାରହା ଫାଶରେ ପଡି ଚାଲିଗଲା ଯୁବକଙ୍କ ଜୀବନ
  • ||
  • କଟକ : ‘ଜୱାଦ’ ପ୍ରଭାବରେ କଟକରେ ପ୍ରବଳ ବର୍ଷା, ୨୦.୫୧ ମିମି ବୃଷ୍ଟିପାତ ରେକର୍ଡ
  • ||
  • ମ.ରାମପୁର : ଭାରସାମ୍ୟ ହରାଇ ଓଲଟିଲା ଟ୍ରକ୍, ଅଳ୍ପକେ ବର୍ତ୍ତିଗଲେ ଡ୍ରାଇଭର୍ ଏବଂ ହେଲପର୍‌
  • ||
  • ସୋର : ଜଳିଗଲା ୨ ମହଲା ଘର, ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ
  • ||
  • ନୂଆଦିଲ୍ଲୀ: ଜାନୁଆରୀରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ଘାତକ: ଆଇଆଇଟି କାନପୁର ସତର୍କବାଣୀ
  • ||
  • କେନ୍ଦୁଝର : ପାଟଣା ରେଞ୍ଜରେ ହାତୀ ଉପଦ୍ରବ, ଦଳିମକଚି ନଷ୍ଟ କରିଦେଲେ ଏକର ଏକର ଧାନ ଫସଲ
  • ||
  • ଭୁବନେଶ୍ଵର : ଅବପାତ ରୂପ ନେଲା ବାତ୍ୟା ଜୱାଦ, ପ୍ରବଳ ବର୍ଷିବ, ୧୦ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ
  • ||
  • ଭୁବନେଶ୍ୱର : ଟଳିଲା ବାତ୍ୟା ବିପଦ, ଉଜୁଡ଼ିଲା ଚାଷ, ଉତ୍ତର ଓଡ଼ିଶାରେ ଅଧିକ ବର୍ଷିପାରେ
  • ||
  • ଜଗତସିଂହପୁର : ଲଗାଣ ବର୍ଷାରେ ଉଜୁଡିଲା ଫସଲ, ଚାଷୀ ମୁଣ୍ଡରେ ଚଡ଼କ
  • ||
  • ପଦ୍ମପୁର : ଧାନ ଚୋରା ଚାଲାଣ ବେଳେ ମାଡି ବସିଲା ଯୋଗାଣ ବିଭାଗ, ୨୨୦ ବସ୍ତା ଧାନ ଜବତ
  • ||

ରାଜଧାନୀରେ ବାଘ, ଠେଙ୍ଗାବାଡ଼ି ଧରି ବୁଲୁଛନ୍ତି ଲୋକେ

ଭୁବନେଶ୍ୱର,୧୮ ।୨(ବ୍ୟୁରୋ): ରାଜଧାନୀରେ ବାଘ ବୁଲୁଛି । ଏ ପାଚେରିରୁ ସେ ପାଚେରିକୁ ଡେଉଁଛି । କଥାଟା ଅବିଶ୍ୱାସ ଲାଗୁଥିଲେ ବି ସତ । ଭୁବନେଶ୍ୱର ନବୀନ ନିବାସ ଠାରୁ କିଛି ଦୂରରେ ଥିବା ପଳାସପଲ୍ଳୀରେ ବାଘ ବୁଲୁଛି । ବାଘକୁ ସ୍ଥାନୀୟ ବାସିନ୍ଦା ଦେଖିଛନ୍ତି । କଲରାପତରିଆ ବାଘର ଯିବା ଆସିବା ଦୃଶ୍ୟ ସିସିଟିଭିରେ ଉତ୍ତୋଳିତ ହୋଇଛି । ରବିବାର ରାତିରେ ଏୟାରପୋର୍ଟ ପାଚେରି କଡ଼ରେ ଥିବା ଏକ ସଂସ୍ଥାର କର୍ମଚାରୀ ବାଙ୍କନିଧି ସେନାପତି ବାଘ ସହିତ ମୁହାଁମୁହିଁ ହୋଇଥିଲା । ବାଘଟି ସଂସ୍ଥା ପରିସରରେ ପଶି ପାହୁଲ ପକାଇ ପଡ଼ୋଶୀଙ୍କ ପାଚେରିକୁ ଲମ୍ପ ଦେଇଥଲା । ଖବର ପାଇ ବନବିଭାଗର ୨୫ ଜଣ ସଦସ୍ୟ ଦୁଇଟି ଟିମ୍‌ରେ ବାଘ ଖୋଜା ଆରମ୍ଭ କରିଛନ୍ତି । ବାଘ କେଉଁଠୁ ଆସିଲା ? କେଉଁଠି ଅଛି ତାହା ଜଣା ପଡ଼ିନାହିଁ । ଏହି ଖବର ପ୍ରଚାରିତ ହେବା ପରେ ସ୍ଥାନୀୟ ଲୋକଙ୍କ ମନରେ ଛନକା ପଶିଛି । ସନ୍ଧ୍ୟାବେଳୁ ଲୋକଙ୍କ ଘର ଗେଟ୍‌ରେ ତାଲା ପଡ଼ିଗଲାଣି । ଯିଏ ବି ବାହାରକୁ ଯାଉଛନ୍ତି ହାତରେ ଠେଙ୍ଗାବାଡ଼ି ଧରି ବୁଲୁଛନ୍ତି ।
ମିଳିଥିବା ସୂଚନା ମୁତାବକ, ଏୟାରପୋର୍ଟ ପାଚେରିକୁ ଲାଗି ପଳାସପଲ୍ଲୀ ପ୍ଲଟ୍‌ ନଂ.ସି-୭/୧ରେ ରହିଛି ବ୍ରିକ୍‌ସେଡ୍‌ ବିଲ୍ଡକନ୍‌ ପ୍ରାଇଭେଟ୍‌ ଲିଃ ଅଫିସ । ଉକ୍ତ ଅଫିସକୁ ଲାଗି ବିମାନବନ୍ଦରର ୭ଫୁଟ ଉଚ୍ଚ ପାଚେରି । ତାଉପରେ ୨ ଥାକିଆ ବାରବେଡ୍‌ ୱେୟାର । ରବିବାର ସିକ୍ୟୁରିଟି ଗାର୍ଡ଼ ଆସି ନଥିବାରୁ କର୍ମଚାରୀ ବାଙ୍କନିଧି ସେନାପତି ରାତିରେ ଡ୍ୟୁଟି କରୁଥିଲେ । ରାତି ୧୧ଟା ୧୫ ବେଳେ ଏକ କଲରାପତରିଆ ବାଘ ଏୟାରପୋର୍ଟ ପାଚେରି ଡେଇଁ ଅଫିସ ସାମନା ବଗିଚାରେ ଆରାମରେ ଚାଲି ଚାଲି ଗଲା । କିଛି ସମୟ ବଗିଚାରେ ବସିଲା । ଏହାପରେ ପଡ଼ୋଶୀଙ୍କ ପାଚେରି ଡେଇଁ ତାଙ୍କ ବଗିଚାରେ ପଶିଲା । ଭୟରେ ବାଙ୍କନିଧି ପାଟି ନ ଫିଟାଇ ଚୁପ୍‌ଚାପ୍‌ ବସି ରହିଥିଲେ । ଲାଞ୍ଜକୁ ମିଶାଇ ବାଘର ଲମ୍ବ ପ୍ରାୟ ସାଢ଼େ ୭ଫୁଟ ହେବ ବୋଲି ବାଙ୍କନିଧି କହିଛନ୍ତି । ଆଜି ସକାଳେ ବାଙ୍କନିଧି ବାଘ ଦେଖିଥିବା କଥା ଅଫିସରେ ଜଣାଇଥିଲେ । ହେଲେ ତାଙ୍କ କଥାକୁ କେହି ବିଶ୍ୱାସ କରିନଥିଲେ । ତେଣୁ ତାଙ୍କ କହିବା ମୁତାବକ ଅଫିସ ବାହାର କାନ୍ଥରେ ଲାଗିଥିବା ସିସି କ୍ୟାମେରା ଦେଖାଯାଇଥିଲା । ସେଥିରେ ବାଘ ପଶିଥିବା ସ୍ପଷ୍ଟ ଜଣାପଡ଼ିଥିଲା । ଏହି ଖବର ଚାରିଆଡେ ବିଜୁଳି ବେଗରେ ବ୍ୟାପି ଯାଇଥିଲା । ଖବରପାଇ ବନବିଭାଗ କର୍ମଚାରୀମାନେ ଘଟଣାସ୍ଥଳରେ ପହଞ୍ଚିଥିଲେ । ବାଘ କେଉଁଠାରୁ ଆସିଲା? କେଉଁଆଡ଼େ ଗଲା ? ସେ ବିଷୟରେ ଯାଞ୍ଚ ଆରମ୍ଭ କରିଦେଇଛି ବନ ବିଭାଗ । ସିଟି ଡିଏଫ୍‌ଓ ଆଶୋକ ମିଶ୍ରଙ୍କ ନିର୍ଦ୍ଦେଶରେ ୨୫ ଜଣ କର୍ମଚାରୀ ଏୟାରପୋର୍ଟ ଅଞ୍ଚଳରେ ଖୋଜାଖୋଜି କରୁଛନ୍ତି । ରିପୋର୍ଟ ଲେଖାଯିବା ପର୍ଯ୍ୟନ୍ତ ବାଘ ଦେଖା ଯାଇନାହିଁ । ରାତି ତମାମ ବନ ବିଭାଗ ପକ୍ଷରୁ ଏୟାରପୋର୍ଟ ଚାରିପଟରେ କଡ଼ା ପାଟ୍ରୋଲିଂ କରାଯିବ ବୋଲି ରେଞ୍ଜ୍‌ ଅଫିସର ଗୋବିନ୍ଦ ବିଶ୍ୱାଳ କହିଛନ୍ତି । ତେବେ ଏୟାରପୋର୍ଟ ଭିତରକୁ ବାଘ କିପରି ଓ କେଉଁଠାରୁ ଆସିଲା ତାହା ସମସ୍ତଙ୍କୁ ଚକିତ କରିଛି । ବାଘଟି ଚନ୍ଦକା ଜଙ୍ଗଲରୁ ଭରତପୁର ସଂରକ୍ଷିତ ଜଙ୍ଗଲକୁ ଓ ସେଠାରୁ ଓୟୁଏଟି ଫାର୍ମ ଦେଇ ଏୟାରପୋର୍ଟ ଭିତରକୁ ପଶି ଆସିଥିବା ଅନୁମାନ କରା ଯାଉଛି । ତେଣୁ ଲୋକମାନେ ଆତଙ୍କିତ ନହେବା ଲାଗି ବନବିଭାଗ ପରାମର୍ଶ ଦେଇଛି । ବାଘକୁ ଦେଖିବା ମାତ୍ରେ ଟ୍ରାଙ୍କୁଲାଇଜ କରାଯାଇ ଏଠାରୁ ସ୍ଥାନାନ୍ତର କରାଯିବ ବୋଲି ବନ ବିଭାଗ ପକ୍ଷରୁ କୁହାଯାଇଛି ।