PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତେଲକୋଇ : ନାଳରେ ଭାସିଗଲେ ଓରିଆ ପଞ୍ଚାୟତ ପୁରୁଣାପାଣି ପାଣି ଗାଁର ଗୁରଦେବ ନାୟକ
  • ||
  • ବାନ୍ଦୀପୋରା : ଆତଙ୍କବାଦୀ-ସୁରକ୍ଷାବାହିନୀ ମୁହାଁମୁହିଁ, ସେନା ଗୁଳିରେ ୨ ଆତଙ୍କବାଦୀ ସଫା
  • ||
  • ଟୋକିଓ ଟକ୍କର: ଭାରତୀୟ ପୁରୁଷ ହକି ଦଳର ଦମଦାର ବିଜୟ, ନ୍ୟୁଜିଲାଣ୍ଡକୁ ୩-୨ରେ ଦେଲା ମାତ୍‌
  • ||
  • ଚଣ୍ଡିଖୋଲ : କେନାଲରୁ ଯୁବକଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୪୪୫କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୬୪ ଜଣ କରୋନା ପଜିଟିଭ୍
  • ||
  • ପୁରୀ : ୨୯ ଦିନ ପରେ ରତ୍ନବେଦିକୁ ଫେରିଲେ ମହାବାହୁ, ଆଜି ମିଳିବ ନୀଳାଚଳ ଅବଢ଼ା
  • ||

୧୫ ତାରିଖରୁ ହୋଇଥିଲା ପ୍ରତିଶୋଧର ପ୍ଲାନ୍, ଜାଣନ୍ତୁ ‘ସର୍ଜିକାଲ ଷ୍ଟ୍ରାଇକ୍-୨’ର ସମ୍ପୂର୍ଣ୍ଣ ବିବରଣୀ

ନୁଆଦିଲ୍ଲୀ ୨୬/୨: ପୁଲୱାମା ଆକ୍ରମଣ ପରେ ସାରା ଭାରତବାସୀଙ୍କ ମୁହଁରେ ଥିଲା ଗୋଟିଏ ଶବ୍ଦ, ‘ପ୍ରତିଶୋଧ’ । ୨୬ ତାରିଖ ରାତି ୩.୩୦ମିନିଟ୍ । ସମସ୍ତେ ନିଶ୍ଚିତରେ ଗଭୀର ନିଦ୍ରାରେ ଶୋଇଛନ୍ତି । ଭାରତୀୟ ବାୟୁସେନା ପିଓକେରେ ଆକ୍ରମଣ ଆରମ୍ଭ କରିଦେଲା । ଜେଶ୍-ଏ-ମହମ୍ମଦର ଅନେକ ଆଡ୍ଡାସ୍ଥଳୀ ହେଲା ଧ୍ୱସଂ । ଏହାକୁ ସ୍ୱୀକାର ମଧ୍ଯ କଲା ପଡୋଶୀ ଶତ୍ରୁ ପାକିସ୍ତାନ । ଖାଲି ସେତିକି ନୁହେଁ, ଯେଉଁ ପାକିସ୍ତାନ ପୁଲୱାମା ଘଟଣା ପରେ ଭାରତକୁ ପ୍ରମାଣ ମାଗୁଥିଲା ଏବେ ସେ ନିଜେ ଭାରତକୁ ଭାରତୀୟ ବାୟୁସେନାର କାରନାମାର ପ୍ରମାଣ ମଧ୍ୟ ଦେଖାଉଛି । ପାକିସ୍ତାନ ଏହା ସ୍ୱୀକାର କରିଛି ଯେ ଭାରତୀୟ ବାୟୁସେନା ପିଓକେରେ ଆକ୍ରମଣ କରିଛି ଏବଂ ଏହା ମଧ୍ୟ କହିଛି ଏଥିରେ କିଛି କ୍ଷତି ହୋଇନି । ଏହା ସଫା ଜଣାପଡୁଛି ଆଜିର ଏହି ଆକ୍ରମଣ ପରେ ଆହୁରି ଭୟଭୀତ ହୋଇ ପଡିଛି ପାକିସ୍ତାନ ତଥାପି ଶତ୍ରୁର ମୁହଁ ଭାଙ୍ଗୁନି । ତେବେ ଚାଲନ୍ତୁ ଆଜି ଆମେ ଆପଣଙ୍କୁ କହିବୁ ଏହି ‘ସର୍ଜିକାଲ ଷ୍ଟ୍ରାଇକ୍ ୨’ ର ସମ୍ପୂର୍ଣ୍ଣ ଟାଇମ୍ ଲାଇନ୍ । କେମିତି ହୋଇଥିଲା ପ୍ଲାନ୍ । ପୁଲୱାମା ଆକ୍ରମଣର ଠିକ୍ ପରେ….

୧୪ ଫେବୃୟାରୀ—ପୁଲୱାମାରେ ଆତଙ୍କୀ ଆକ୍ରମଣ ହେଲା । ୪୦ ରୁ ଅଧିକ ସିଆରପିଏଫ୍ ଯବାନ୍ ଶହୀଦ ହେଲେ । ସାରା ଦେଶରେ କ୍ରୋଧର ଅଗ୍ନି ବର୍ଷା ହେଲା ।

୧୫ ଫେବୃୟାରୀ—ସମୟ ସକାଳ ୯.୩୦ ମିନିଟ୍ । ଇଣ୍ଡିଆନ୍ ଏୟାର ଫୋର୍ସର ଚିଫ୍ ବିଏସ୍ ଧନଆ ଏହି ଆକ୍ରମଣର ଜବାବରେ ଏୟାର ଷ୍ଟ୍ରାଇକର ପ୍ରସ୍ତାବ ରଖିଲେ । ସରକାର ଗ୍ରୀନ୍ ସିଗନାଲ୍ ଦେଲେ ।

୧୬ ରୁ ୨୦ ଫେବୃୟାରୀ—ଏୟାରଫୋର୍ସ ଓ ଆର୍ମୀ ଆକାଶପଥରୁ ତଦାରଖ କଲେ ଏବଂ ନଜର ରଖିଲେ । ଆଖପାଖ ଅଞ୍ଚଳରେ ଡ୍ରୋନ୍ ସାହାଯ୍ଯରେ ତନ୍ନତନ୍ନ କରି ଖୋଜାଖୋଜି କରାଗଲା । ଏହା ନୋଟିସ୍ କରାଗଲା ଯେ କେଉଁଠି କେଉଁଠି ଆତଙ୍କୀଙ୍କ ଶିବିର ରହିଛି ।

୨୦ରୁ ୨୨ ଫେବୃୟାରୀ—ଇଣ୍ଡିଆନ୍ ଏୟାରଫୋର୍ସ ଓ ଇଣ୍ଟେଲିଜେନ୍ସ ବୈଠକ କଲେ । ଟାର୍ଗେଟ୍ ଟେବୁଲ ପ୍ରସ୍ତୁତ କରାଗଲା । କେଉଁଠି କେଉଁଠି ଆକ୍ରମଣ କରାଯାଇହେବ ସେଗୁଡିକର ତାଲିକା ପ୍ରସ୍ତୁତ ହେଲା ।

୨୧ ଫେବୃୟାରୀ—ଏନଏସଏ ଅଜିତ୍ ଡୋଭାଲଙ୍କ ସମ୍ମୁଖରେ ପ୍ରଜେଣ୍ଟେସନ୍ ଦିଆଗଲା ଯେ କେଉଁ କେଉଁ ସ୍ଥାନରେ ଷ୍ଟ୍ରାଇକ୍ କରାଯାଇପାରେ ।

୨୨ ଫେବୃୟାରୀ— ଇଣ୍ଡିଆନ୍ ଏୟାରଫୋର୍ସ ୧ ସ୍କ୍ୱାର୍ଡନ ‘ଟାଇଗର୍ସ’ ଓ ୭ ସ୍କ୍ୱାର୍ଡନ ‘ବ୍ଯାଟେଲ୍ ଆକ୍ସେସ୍’ଙ୍କୁ ଷ୍ଟ୍ରାଇକ୍ ମିସନ୍ ପାଇଁ ପ୍ରସ୍ତୁତ ରହିବା ପାଇଁ କୁହାଗଲା ।

୨୩ ଫେବୃୟାରୀ—୨ ମିରାଜ ସ୍କ୍ୱାର୍ଡନ ଏହି ମିଶନ୍ ପାଇଁ ୧୨ ଜେଟ୍ସ ପ୍ରସ୍ତୁତ କଲା । ଅର୍ଥାତ୍ ମିରାଜ ଆକ୍ରମଣ ପାଇଁ ଏକଦମ୍ ପ୍ରସ୍ତୁତ ହୋଇଗଲା କହିଲେ ଅତ୍ଯୁକ୍ତି ହେବନି ।

୨୪ ଫେବୃୟାରୀ—ମଧ୍ଯ ଭାରତର ଅନେକ ଭାଗରୁ ଟ୍ରାଏଲ ରନ୍ କରାଗଲା । ଏହି ଟ୍ରାଏଲ୍ ବଠିଣ୍ଡାର ଅର୍ଲୀ ୱାର୍ଣ୍ଣିଙ୍ଗ ଜେଟ୍ ଓ ଆଗ୍ରାର ମିଡ୍ ଏୟାର ରିଫ୍ୟୁଲର ସାହାଯ୍ଯର ଏହା କରାଗଲା ।

୨୫-୨୬ ଫେବୃୟାରୀ—ଷ୍ଟ୍ରାଇକ୍ ମିଶନକୁ ପୂରା ପ୍ରସ୍ତୁତି ସହିତ ରାତି ୩.୨୦ ମିନିଟରୁ ୩.୩୦ ମଧ୍ଯରେ ସଫଳ କରାଗଲା । । ୧୦ ମିନିଟ୍ ମଧ୍ଯରେ ୧୨ ମିରାଜ ବିମାନରୁ ୧୦୦୦ କିଲୋରୁ ଅଧିକ ବମ୍ ପକାଗଲା ।  

୨୬ ଫେବୃୟାରୀ– ସକାଳେ ଏନଏସଏ ଡୋଭାଲ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସମ୍ପୂର୍ଣ୍ଣ ଅପରେସନର ସୂଚନା ଦେଲେ । ମିଡିଆକୁ ଏ ସମ୍ପର୍କରେ ସୂଚନା ଦିଆଗଲା ।

ସମ୍ବନ୍ଧିତ ଖବର