PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବରିଷ୍ଠ ଆଇପିଏସ୍‌ ସ୍ତରରେ ଅଦଳବଦଳ – ଯଶବନ୍ତ ଜେଠୱା ହେଲେ ନୂଆ ଭିଜିଲାନ୍ସ ନିର୍ଦ୍ଦେଶକ , ଅରୁଣ ବୋଥ୍ରା ପରିବହନ କମିଶନର
  • ||
  • ସରିଲା ଜମ୍ମୁ-କଶ୍ମୀର ପ୍ରସଙ୍ଗରେ ଗୁରୁତ୍ତ୍ୱପୂର୍ଣ୍ଣ ବୈଠକ , ପ୍ରଧାନମନ୍ତ୍ରୀ ମୋଦିଙ୍କ ଅଧ୍ୟକ୍ଷତାରେ ଚାଲିଥିଲା ବୈଠକ , ଉପସ୍ଥିତ ଥିଲେ ଜମ୍ମୁ-କଶ୍ମୀରର ୧୪ ନେତା
  • ||
  • ଭୁବନେଶ୍ବର: ଓମ୍‌ଫେଡ ଚାଷୀଙ୍କ ପାଇଁ ମୁଖ୍ୟମନ୍ତ୍ରୀଙ୍କ କୋଭିଡ ସହାୟତା, ଉପକୃତ ହେବେ ୧ ଲକ୍ଷ ୨୦ ହଜାର ଦୁଗ୍ଧ ଚାଷୀ
  • ||
  • କଟକ: ନକଲି ମେଡ଼ିସିନ ଜବତ ଘଟଣା, କଟକ ଜିଲ୍ଲା ଜଜ୍‌ଙ୍କ ଅଦାଲତରେ ହାଜର ହେଲା ମୁଖ୍ୟ ଅଭିଯୁକ୍ତ ଶିବ ପ୍ରସାଦ ଜେନା
  • ||
  • ପୁରୀ: ଗଜାନନ ବେଶରେ ଦର୍ଶନ ଦେଉଛନ୍ତି ଚତୁର୍ଦ୍ଧାମୂର୍ତ୍ତି, ଟିଭି ପରଦା ଦର୍ଶନ କରୁଛନ୍ତି ଭକ୍ତ
  • ||
  • ଖୋର୍ଦ୍ଧା: ଟାଙ୍ଗୀ ଟୋଲ ଗେଟ୍ ନିକଟରୁ ୧୦ ଲକ୍ଷ ଟଙ୍କାର ଗଞ୍ଜେଇ ଜବତ କଲା ଫ୍ଲାଇଙ୍ଗ ସ୍କ୍ବାର୍ଡ, ଚାଲାଣ କାରୀ ଗିରଫ
  • ||
  • ମାଲକାନଗିରି: ଜୟପୁର ୩୨୬ ନମ୍ୱର ଜାତୀୟ ରାଜପଥ ପାଙ୍ଗାମ ପୋଲ ତଳକୁ ଖସିପିଡ଼ିଲା କାର,୫ ଆହତ,୨ ଗୁରୁତର
  • ||
  • କଟକ: ଶୁକ୍ରବାର ସନ୍ଧ୍ୟା ୬ଟା ପରେ ପ୍ରକାଶ ପାଇବ ଚଳିତ ବର୍ଷର ମାଟ୍ରିକ୍ ରେଜଲ୍ଟ, ୨ଟି ୱେବସାଇଟରେ ଉପଲବ୍ଧ ହେବ ଫଳ
  • ||
  • ବାରିପଦା : ଦ୍ୱିତୀୟ ଶ୍ରୀକ୍ଷେତ୍ର ବାରିପଦାରେ ପବିତ୍ର ଦେବସ୍ନାନ ପୂର୍ଣ୍ଣିମା ନୀତି ଅନୁଷ୍ଠିତ, ୧୦୮ ଗରା ସୁବାସିତ ଜଳରେ ସ୍ନାନ କଲେ ଚତୁର୍ଦ୍ଧା ମୂର୍ତ୍ତି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୩୬୫୦ କରୋନା ପଜିଟିଭ୍
  • ||
  • ପୁରୀ : ଏଥର ବି ସ୍ନାନପୂର୍ଣ୍ଣିମାରେ ଛେରା ପହଁରା କରିବେ ନାହିଁ ଗଜପତି ମହାରାଜ, ନୀତି ସମ୍ପାଦନ କରିବେ ମୁଦିରସ୍ତ
  • ||
  • ପୁରୀ : ଆଜି ଶ୍ରୀଜିଉଙ୍କ ସ୍ନାନଯାତ୍ରା, ୧୦୮ ଗରା ସୁବାସିତ ଜଳରେ ସ୍ନାନ କରିବେ ଚତୁର୍ଦ୍ଧାମୂର୍ତ୍ତି, ଟିଭି ପରଦାରେ ଅପୂର୍ବ ଗଜାନନ ବେଶ ଦର୍ଶନ କରିବେ ଭକ୍ତ
  • ||
  • ଭୁବନେଶ୍ୱର : ଆଜି ୧୦ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା, ୨୭ ଯାଏଁ ନିୟମିତ ବର୍ଷିପାରେ
  • ||

ଆଜି ତୃତୀୟ ଦିନିକିଆ, ସିରିଜ୍‌ ଲକ୍ଷ୍ୟରେ ଭାରତ

ମାଉଣ୍ଟ ମୌଙ୍ଗନୁଇ,୨୭ା୧(ଏଜେନ୍ସି): ଘରୋଇ ନ୍ୟୁଜିଲାଣ୍ଡ ଓ ଭାରତ ମଧ୍ୟରେ ଆସନ୍ତାକାଲି ଖେଳାଯିବ ତୃତୀୟ ଦିନିକିଆ । ପ୍ରଥମ ଦୁଇଟି ମ୍ୟାଚ୍‌କୁ ଏକ ତରଫା ଭାବେ ଜିତିବା ପରେ ଭାରତୀୟ ଦଳ ଆସନ୍ତାକାଲି ଆଉ ଏକ ବିଜୟ ସହ ସିରିଜ୍‌ କବ୍‌ଜା କରିବାକୁ ଲକ୍ଷ୍ୟ ରଖିଛି । ପୂର୍ବରୁ ଭାରତ ଏଠାରେ ଥରେ ମାତ୍ର ସିରିଜ୍‌ ବିଜୟୀ ହୋଇଛି । ଏଥର ସିରିଜ୍‌ ଜିତି ପୂର୍ବ ରେକର୍ଡରେ ଉନ୍ନତି କରବାକୁ ଭାରତ ପ୍ରୟାସ କରିବ । ଅନ୍ୟ ପଟରେ ଘରୋଇ ଦଳ ସିରିଜକୁ ଫେରିବା ପାଇଁ ସବୁ ଶକ୍ତି ଖଟାଇବାକୁ ପ୍ରସ୍ତୁତ । ତଥାପି ଶ୍ରେଷ୍ଠ ଏକାଦଶ ଚୟନ ଘରୋଇ ପାଇଁ ଚିନ୍ତାର କାରଣ ହୋଇଛି ।
ପାଣ୍ଡ୍ୟା ଫେରିବେ: ବାସନ୍ଦ ପ୍ରତ୍ୟାହାର ପରେ ଅଲ୍‌ରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଦଳରେ ଯୋଗ ଦେଇ ସାରିଛନ୍ତି । ଆସନ୍ତାକାଲି ସେ ଏକାଦଶରେ ସ୍ଥାନ ପାଇବା ଆଶା କରାଯାଉଛି । ସେ ଇତି ମଧ୍ୟରେ ଦଳ ସହ ଯୋଗ ଦେଇ ଅଭ୍ୟାସ କରିଛନ୍ତି । ପାଣ୍ଡ୍ୟା ଖେଳିବାକୁ ସୁଯୋଗ ପାଇଲେ ଭାରତୀୟ ଦଳ ପୂର୍ବାପେକ୍ଷା ଅଧିକ ସନ୍ତୁଳିତ ହୋଇଯିବ । ବିଶେଷ କରି ଦଳର ବୋଲିଂ ଶକ୍ତି ଦ୍ୱଗୁଣିତ ହୋଇପାରିବ । ସେ ଏକାଦଶରେ ସ୍ଥାନ ପାଇଲେ ବିଜୟ ଶଙ୍କର ଏକାଦଶରୁ ବାଦ ପଡ଼ିବେ ।
ନ୍ୟୁଜିଲାଣ୍ଡ ଚିନ୍ତା ଭାରତୀୟ ବୋଲର: ପ୍ରଥମ ଦୁଇଟି ମ୍ୟାଚ୍‌ରେ ଭାରତୀୟ ବୋଲରଙ୍କ ପ୍ରଦର୍ଶନ ଘରୋଇ ଦଳକୁ ଚିନ୍ତାରେ ପକାଇ ଦେଇଛି । ମହମ୍ମଦ ସାମି ଆରମ୍ଭରୁ ବିପର୍ଯ୍ୟୟ ସୃଷ୍ଟି କରୁଛନ୍ତି । ବିଶେଷ କରି ଦୁଇ ସ୍ପିନରଙ୍କୁ ମୁକାବିଲା କରିବା ଘରୋଇ ଦଳର ବ୍ୟାଟ୍ସମ୍ୟାନଙ୍କ ପକ୍ଷରେ କଷ୍ଟକର ହୋଇଯାଇଛି । ଚହଲଙ୍କ ବଲ୍‌ରେ ଫର୍ମରେ ଥିବା ରସ ଟେଲର ୨ଥର ଆଉଟ୍‌ ହୋଇ ସାରିଲେଣି । ସେହିପରି କୁଲଦୀପ ଯାଦବ ୮ଟି ୱିକେଟ୍‌ ହାତେଇ ସାରିଛନ୍ତି । ଭାରତକୁ ହରାଇବାକୁ ହେଲେ ବଡ଼ ସ୍କୋର କରିବା ଜରୁରୀ । ହେଲେ ମଧ୍ୟଭାଗ ବ୍ୟାଟ୍ସମ୍ୟାନଙ୍କ ବିଫଳତା ଜରି ରହିଲେ ନ୍ୟୁଜିଲାଣ୍ଡ ବିଶାଳ ସ୍କୋର ସଂଗ୍ରହ କରିବା ଅସମ୍ଭବ । ଟେଲର, ୱିଲାମସନ ଓ ଟମ୍‌ ଲାଥମ ସ୍ପିନରଙ୍କୁ ଭଲ ଖେଳିବାର ନଜିର ରହିଛି । ହେଲେ ଏମାନଙ୍କ ବିଫଳତା ପରେ ଦଳ ଚିନ୍ତାରେ ପଡ଼ିଯାଇଛି ।
ବେ ଓଭାଲ ବ୍ୟାଟିଂ ପିଚ୍‌: ଏଠାରେ ଦ୍ୱିତୀୟ ଦିନିକିଆ ଖେଳାଯାଇଥିଲା । ପ୍ରଥମେ ବ୍ୟାଟିଂ କରି ଭାରତ ୩୨୪ ରନ୍‌ ସଂଗ୍ରହ କରିଥିଲା । ଆସନ୍ତାକାଲି ମଧ୍ୟ ପିଚ୍‌ ବ୍ୟାଟ୍ସମ୍ୟାନଙ୍କୁ ସୁହାଇବ । ତଥାପି ଆରମ୍ଭରୁ ପେସ୍‌ ବୋଲରମାନେ ସୁଇଂ ପାଇବେ । ଫଳରେ ଟସ ବିଜୟୀ ଦଳ ବ୍ୟାଟିଂ ନିଷ୍ପତ୍ତି ନେବା ଏକ ପ୍ରକାର ନିଶ୍ଚିତ ।
ସମ୍ଭାବ୍ୟ ଦଳ
ଭାରତ: ରୋହିତ ଶର୍ମା, ଶିଖର ଧାୱନ, ବିରାଟ କୋହଲି(ଅଧିନାୟକ), ଅମ୍ବାତି ରାୟୁଡୁ, କେଦାର ଯାଦବ, ଏମଏସ ଧୋନି, ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡେଜା/କୁଲଦୀପ ଯାଦବ, ଭୁବନେଶ୍ୱର କୁମାର, ମହମ୍ମଦ ସାମି, ୟୁଝବେନ୍ଦ୍ର ଚହଲ ।
ନ୍ୟୁଜିଲାଣ୍ଡ: କେନ ୱିଲାମସନ(ଅଧିନାୟକ), ମାର୍ଟିନ ଗୁପତିଲ, କଲିନ ମନ୍‌ରୋ, ରସ ଟେଲର, ଟମ୍‌ ଲାଥମ, ହେନରୀ ନିକୋଲାସ, ମିଚେଲ ସାଣ୍ଟନର/କଲିନ ଡି ଗ୍ରାଣ୍ଡହୋମ୍‌, ଟିମ୍‌ ସାଉଦି, ଲୋକି ଫର୍ଗୁସନ, ଟ୍ରେଣ୍ଟ ବାଉଲ୍ଟ, ଇସ୍‌ ସୋଦ୍ଧି ।

ସମ୍ବନ୍ଧିତ ଖବର