PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୌଦ୍ଧ ପୋଲିସ ପକ୍ଷରୁ ଖଜୁରୀପଡା ଛକ ନିକଟରୁ ପିକପ ଭ୍ୟାନ ସହ ଚାରି କୁଣ୍ଟାଲ ଗଞ୍ଜେଇ ଜବତ ୨ ଗିରଫ
  • ||
  • ଭୁବନେଶ୍ଵର : ଛୋଟ ଛୁଆଙ୍କୁ କୋଭିଡ୍ ସଂକ୍ରମଣ ଆଶଙ୍କା କମ୍, ଛୋଟ ପିଲାଙ୍କ ମଧ୍ୟରେ ରହିଛି ୫୦ରୁ ୬୦ % ଆଣ୍ଟିବଡି – ନିରୋଜ ମିଶ୍ର
  • ||
  • ସୁନ୍ଦରଗଡ଼: ୧୫ ଗ୍ରାମର ବ୍ରାଉନସୁଗାର ଜବତ, ୫ ଗିରଫ
  • ||
  • ବାଲେଶ୍ୱର: ବାଲେଶ୍ୱର ମୁଖ୍ୟ ଚିକିତ୍ସାଳୟରେ ଆରମ୍ଭ ହେଲା ହାଇଦରର ପୋଷ୍ଟମର୍ଟମ, ମାଜିଷ୍ଟେ୍ରଟ୍‌ଙ୍କ ଉପସ୍ଥିତିରେ ​ପୋଷ୍ଟମର୍ଟମ କରିବେ​‌ ୩ ଜଣିଆ ଡାକ୍ତରୀ ଟିମ୍
  • ||
  • ରଙ୍ଗେଇଲୁଣ୍ଡା: ହଳଦିଆପଦର ନିକଟରେ ଟ୍ରାକ୍ଟର ସହ ଅଟୋ ଦୁର୍ଘଟଣା, ୩ ମହିଳା ମତ୍ସ୍ୟଜୀବୀ ଗୁରୁତର
  • ||
  • ସୋର: ହାଇଦର୍ ଏନ୍‌କାଉଣ୍ଟର ସ୍ଥଳରୁ ୨ଟି ଗୁଳି ଜବତ କଲା ପୋଲିସ ଓ ସାଇଣ୍ଟିଫିକ୍‌ ଟିମ୍‌
  • ||
  • ଭୁବନେଶ୍ୱର: ଓଡ଼ିଶାରେ ଆଉ ୬୭ଜଣଙ୍କ ଜୀବନ ନେଲା କରୋନା, ସାଢ଼େ ୫ ହଜାର ଟପିଲା ମୃତ୍ୟୁସଂଖ୍ୟା
  • ||
  • ଭୁବନେଶ୍ୱର: ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଭୁବନେଶ୍ୱର : ରାଜଧାନୀରେ କାୟା ମେଲାଉଛି ଡେଙ୍ଗୁ, ୧୨ ଦିନରେ ଆକ୍ରାନ୍ତଙ୍କ ସଂଖ୍ୟା ୨୫୦ ପାର୍
  • ||
  • ପାରଳାଖେମୁଣ୍ଡି : ଏସିଏଫ୍‌ ସୌମ୍ୟରଞ୍ଜନ ଡେଥ୍ ମିଷ୍ଟ୍ରି, ବଲାଙ୍ଗୀରରେ ପାରଳା ପୁଲିସର ୫ଜଣିଆ ଟିମ୍‌, ବିଦ୍ୟାଙ୍କ ପାର୍ଟି ସହ ସୌମ୍ୟ ମୃତ୍ୟୁର ଲିଙ୍କ୍‌ ଖୋଜିବ
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଜଳେଶ୍ଵର : ମନ୍ଦାର ଫୁଲ ଗଛ କଟାକୁ ନେଇ ଶଳାକୁ ଭିଣୋଇର ସଙ୍ଘବଦ୍ଧ ଆକ୍ରମଣ, ସଜ୍ଞାହୀନ ଅବସ୍ଥାରେ ନଦୀ କୂଳରୁ ଉଦ୍ଧାର
  • ||
  • ଭୁବନେଶ୍ୱର : ୨୮ରେ ପୁଣି ଏକ ଲଘୁଚାପ, ୨୭ରୁ ବଢ଼ିବ ବର୍ଷା
  • ||

ଆଜି-କାଲି ସପ୍ତାହାନ୍ତ ସଟ୍‌ଡାଉନ୍‌: ରାସ୍ତାଘାଟ ଶୂନଶାନ୍, ପ୍ରମୁଖ ଛକରେ ଜଗିଛି ପୋଲିସ

ଭୁବନେଶ୍ୱର୦୮/୦୮: ରାଜ୍ୟରେ କରୋନା ସଂକ୍ରମଣରେ ରୋକ୍‌ ଲଗାଇବାକୁ ଆଜିଠାରୁ ଲାଗୁ ହେବ ସପ୍ତାହାନ୍ତ ସଟ୍‌ଡାଉନ୍‌ । କରୋନା ସଂକ୍ରମଣରେ ଆଗୁଆ ଥିବା ଗଞ୍ଜାମ, ଖୋର୍ଦ୍ଧା, କଟକ, ଗଜପତି ଜିଲ୍ଲା ସହ ରାଉରକେଲା ସହରରେ ଅଗଷ୍ଟ ମାସ ଶେଷ ଯାଏ ପ୍ରତିି ଶନିବାର ଓ ରବିବାର ସଟ୍‌ଡାଉନ ରହିବ । ଏହାଛଡ଼ା ଢେଙ୍କାନାଳ, ନବରଙ୍ଗପୁର ସହ ବହୁ ଜିଲ୍ଲାରେ ଜିଲ୍ଲା ପ୍ରଶାସନ କରୋନା ସ୍ଥିତିକୁ ଦେଖି ସପ୍ତାହାନ୍ତ ସଟଡାଉନ୍‌ ଘୋଷଣା କରିଛନ୍ତି ।

କରୋନା ମୁକାବିଲା ସହ ଅର୍ଥନୀତିକୁ ଧ୍ୟାନ ଦେଇ ରାଜ୍ୟ ସରକାର ଅଗଷ୍ଟ ମାସରେ କୋଭିଡ୍‌ କଟକଣାକୁ କୋହଳ କରିଛନ୍ତି । ତେବେ ଯେଉଁ ଜିଲ୍ଲାରେ କରୋନା ସ୍ଥିତି ଅପେକ୍ଷାକୃତ ଉଦବେଗଜନକ ସେଠାରେ ଅଗଷ୍ଟ ୩୧ ଯାଏ ପ୍ରତି ଶନି ଓ ରବିବାର ସଟଡାଉନ୍‌ ରଖିବାକୁ ସରକାରଙ୍କ ନିଷ୍ପତ୍ତି ନେଇଛନ୍ତି । କଟକଣା କୋହଳ ସତ୍ତେ ରାତି ୯ଟାରୁ ସକାଳ ୫ଟା ପର୍ଯ୍ୟନ୍ତ ସାରା ରାଜ୍ୟରେ କର୍ଫ୍ୟୁ ବଳବତ୍ତର ରହିବ । ଏହି ସମୟରେ ଦୋକାନ ବଜାର ବନ୍ଦ ରହିବା ସହ କେହି ବାହାରେ ଚଳପ୍ରଚଳ କରିପାରିବେନି । ଗାଡ଼ି ଚଳାଚଳ ମଧ୍ୟ ବନ୍ଦ ରହିବ ।

ଏ ସପ୍ତାହାନ୍ତ ସଟଡାଉନରେ ସ୍ୱାସ୍ଥ୍ୟ, ପୁଲିସ, ଅଗ୍ନିଶମ, ଟେଲିକମ ସମେତ ସମସ୍ତ ଜରୁରୀ ସେବାକୁ କଟକଣାମୁକ୍ତ ରଖାଯାଇଛି । ଜରୁରୀ ସେବା ପ୍ରଦାନକାରୀ ସଂସ୍ଥା, ବିଭାଗ, କାର୍ଯ୍ୟାଳୟ, କର୍ମଚାରୀ, ଆମ୍ବୁଲାନ୍ସ, ଏନଏଚରେ ମାଲ ପରିବହନ ଗାଡ଼ି ଯାତାୟତ କରିପାରିବେ। ଜଳ ଯୋଗାଣ, ବିଦ୍ୟୁତ ସେବା, ରେଳ ଓ ବିମାନ ସେବା କଟକଣାମୁକ୍ତ ରହିବ। ମେଡିକାଲ କିମ୍ବା ଅନ୍ୟ କୌଣସି ଜରୁରୀ କାମ ପାଇଁ ସାଧାରଣ ଲୋକେ ଯାଇପାରିବେ। ପେଟ୍ରୋଲ ପମ୍ପ, ସିଏନଜି ଷ୍ଟେସନ, ଏଲପିଜି ବିତରଣ ଚାଲିବ। ରେଳ, ବିମାନ ସେବା ଜାରି ରହିବ । ଏଟିଏମ ଖୋଲିବ। କ୍ଷୀର ଦୋକାନ ଖୋଲା ରହିବ। ସକାଳ ୫ଟାରୁ ସକାଳ ୮ଟା ଭିତରେ ଖବରକାଗଜ ବିତରଣ କରିପାରିବେ ହକର୍‌ । ଅନୁମତି ନେଇ ବିବାହ ଓ ଅନ୍ତ୍ୟେଷ୍ଟିକ୍ରିୟା କାର୍ଯ୍ୟ ନିୟମ ଅନୁଯାୟୀ କରିହେବ ।

ସରକାର ନିର୍ଦ୍ଦେଶ ଦେଇଛନ୍ତି, ସଟଡାଉନ୍‌ ଜିଲ୍ଲାକୁ ଛାଡ଼ି କଣ୍ଟେନମେଣ୍ଟ ଜୋନ୍‌ରେ ପ୍ରଶାସନର ଲକଡାଉନ କଟକଣା ବଳବତ୍ତର ରହିବ । ଏହି ଅଞ୍ଚଳରେ ଅବାଧ ପ୍ରବେଶ ଓ ପ୍ରସ୍ଥାନ ଉପରେ ରୋକ୍‌ ରହିବ । ପ୍ରଶାସନ ଲୋକଙ୍କ ପାଖରେ ଜରୁରୀ ସେବା ପହଞ୍ଚାଇବ । କଣ୍ଟେନମେଣ୍ଟ ଜୋନ୍‌ ବାହାରେ ସଂକ୍ରମଣ ବ୍ୟାପିବା ଆଶଙ୍କା ଥିଲେ ସ୍ଥାନୀୟ ପ୍ରଶାସନ ବଫର୍‌ ଜୋନ୍‌ ଚିହ୍ନଟ କରିପାରିବେ।