PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହୀରାକୁଦରେ ପର୍ଯ୍ୟଟନର ବିକାଶ ପାଇଁ ୧୩୦ କୋଟି ବ୍ୟୟ ହେବ
  • ||
  • ଗଞ୍ଜାମ ପୁରୁଷୋତ୍ତମପୁର- ପ୍ରେମିକାକୁ ଜୀଅନ୍ତା ଜାଳିଦେବା ଘଟଣାରେ ଅଭିଯୁକ୍ତ ଯୁବକ ଗିରଫ
  • ||
  • ଭୁବନେଶ୍ଵର : ଅଗଷ୍ଟ ପ୍ରଥମ ସପ୍ତାହରୁ +୨ ନାମଲେଖା ପ୍ରକ୍ରିୟା, ଜୁଲାଇ ଶେଷ ସୁଦ୍ଧା ବିସ୍ତୃତ ତଥ୍ୟ ଅପଡେଟ୍‌ ପାଇଁ ଜୁନିୟର୍‌ କଲେଜଗୁଡ଼ିକୁ ନିର୍ଦ୍ଦେଶ
  • ||
  • ସମ୍ବଲପୁର : ହୀରାକୁଦ ଜଳଭଣ୍ଡାରର ଖୋଲିଲା ଆଉ ୪ଟି ଗେଟ୍, ୧୪ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ଭିନ୍ନକ୍ଷମ ଓ ବରିଷ୍ଠ ନାଗରିକଙ୍କୁ ଘରେ ଟିକା ଦେବା ମାମଲା : ରାଜ୍ୟ ସରକାର ନେଇଥିବା ପଦକ୍ଷେପ ଓ କୌଣସି ପରିଚୟ ପତ୍ର ନଥିବା ଲୋକଙ୍କ ପାଇଁ ନିଆଯାଇଥିବା ପଦକ୍ଷେପ ସମ୍ପର୍କରେ ଜଣାଇବାକୁ ହାଇକୋର୍ଟଙ୍କ ନିର୍ଦେଶ
  • ||
  • ବଲାଙ୍ଗିର : ରାଜେନ୍ଦ୍ର ବିଶ୍ୱବିଦ୍ୟାଳୟର ୟୁଜିସି ମାନ୍ୟତା ନମିଳିବା ପ୍ରସଙ୍ଗ, ଭିସିଙ୍କୁ ଭେଟି ଆଲୋଚନା କଲା ଛାତ୍ର କଂଗ୍ରେସ
  • ||
  • ରାଜ୍ୟରେ ଅଗଷ୍ଟରୁ ଅକ୍ଟୋବର ଭିତରେ ଆସିବ ତୃତୀୟ ଲହରୀ : ବିଜୟ ମହାପାତ୍ର
  • ||
  • ନୀଳଗିରି : ନୀଳଗିରି ନିକଟ ଆମ୍ବଡିହା ଛକରେ ଦୁର୍ଘଟଣା, ମେଡ଼ିକାଲକୁ ବିଲେଇ କାମୁଡ଼ା ଇଞ୍ଜେକ୍ସନ୍ ନେବାକୁ ଆସୁଥିବା ବେଳେ ବାଇକ୍ ଦୁର୍ଘଟଣାରେ ମହିଳା ମୃତ, ମୃତ ମହିଳା ହେଲେ ଖନ୍ତାପଡା ଥାନା ବରୁଣସିଂ ଗ୍ରାମର ଭିକା ଦାସଙ୍କ ସ୍ତ୍ରୀ ତୁଳସୀ
  • ||
  • କଟକ : ଚୌଦ୍ଵାର କଲେଜ ପଛପଟ ସାହିରେ ଲୁଟ୍, ଘରେ କେହି ନଥିବାର ସୁଯୋଗ ନେଇ ଲୁଟି ନେଲେ ୧୦ ଲକ୍ଷରୁ ଅଧିକ ଟଙ୍କାର ସୁନାଗହଣା
  • ||
  • ରାଇରଙ୍ଗପୁର : ରାଇରଙ୍ଗପୁର ଗ୍ରାମାଞ୍ଚଳ ଥାନା ନୁରୁବାଦଡା ଗ୍ରାମରେ ଟ୍ରାକ୍ଟର ଧକ୍କାରେ ବାଇକ ଆରୋହୀ ମୃତ
  • ||
  • ରାଜ୍ୟରେ କରୋନା ମୃତ୍ୟୁ ସଂଖ୍ୟାର ଚାଲିଛି ଅଡିଟ୍, ଶେଷ ହେବାକୁ ଆଉ ୧୦ ରୁ ୧୫ ଦିନ ସମୟ ଲାଗିବ : ଡିଏମଇଟି
  • ||
  • କେସିଙ୍ଗା : କେସିଙ୍ଗା ପରିଦର୍ଶନ ସହ ବିଭିନ୍ନ ପ୍ରକଳ୍ପ କାମର ସମୀକ୍ଷା କଲେ ପିଡି ଡିଆରଡିଏ
  • ||
  • ନୂଆଦିଲ୍ଲୀ : କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ବାସବରାଜ ବୋମାଇ
  • ||
  • ଭୁବନେଶ୍ଵର : ଦିଲ୍ଲୀରୁ ଚୋରି ଭୁବନେଶ୍ଵରରେ ଗିରଫ, କୋଟିଏ ଟଙ୍କାର ଅଳଙ୍କାର ଚୋରି କରି ଚମ୍ପଟ ମାରିଥିଲା ଚୂନଲଗା ଚାକରାଣୀ, ସାଲିହାସାହିରୁ ଧରିଲା ପୋଲିସ
  • ||
  • ଜଗତସିଂହପୁର : ରାତି ଅଧରେ ଧାରଣାରତ ମହିଳାଙ୍କ ଉପରେ ଆକ୍ରମଣ, ମାଡ଼ ମାରି ଗାଳିଗୁଲଜ କଲେ ୫ରୁ ଉର୍ଦ୍ଧ୍ଵ ଦୁର୍ବୃତ୍ତ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୯ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୭୦୩କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୭୦୩ ଜଣ କୋଭିଡ୍ ପଜିଟିଭ୍
  • ||
  • ଭୁବନେଶ୍ଵର : ରାଜଧାନୀରେ ଅଣାୟତ୍ତ ଡେଙ୍ଗୁ, ଜୀବନ ସହ ଖେଳୁଛି ବିଏମ୍‌ସି, ମାଡ଼ିଚାଲିଛି ଏଡିସ୍‌ ମଶା ବଂଶ
  • ||

ରାଫେଲ ଚୁକ୍ତି: ଆଜି ଦାଖଲ ହେବ ସିଏଜି ରିପୋର୍ଟ

source:www.yahoo.com

ନୂଆଦିଲ୍ଲୀ,୧୦ ।୨(ଏଜେନ୍ସି): ଫ୍ରାନ୍ସ ସହିତ ହୋଇଥିବା ରାଫେଲ ଚୁକ୍ତିକୁ ନେଇ ରାଜନୈତିକ ତର୍କବିତର୍କ ଜାରି ରହିଥିଲାବେଳେ ଏହା ଉପରେ ସିଏଜି ରିପୋର୍ଟ ସୋମବାର ଦାଖଲ କରାଯିବ । ରିପୋର୍ଟ ଅନୁଯାୟୀ, ଭାରତର ମହାଲେଖା ନିୟନ୍ତ୍ରକ ତଥା ମହାସମୀକକ୍ଷ ଏହି ରିପୋର୍ଟ ସଂସଦରେ ଉପସ୍ଥାପନ କରିବା ପାଇଁ ସରକାରଙ୍କୁ ପ୍ରଦାନ କରିବେ । ପ୍ରଚଳିତ ବ୍ୟବସ୍ଥା ଅନୁଯାୟୀ, ସିଏଜି ରିପୋର୍ଟ ସରକାରଙ୍କୁ ମିଳିବା ପରେ ଏହାର ଏକ କପି ରାଷ୍ଟ୍ରପତି ଏବଂ ଆଉ ଏକ କପି ଅର୍ଥ ମନ୍ତ୍ରଣାଳୟକୁ ପଠାଯାଇଥାଏ । ସଂସଦର ଚଳିତ ଅଧିବେଶନ ବୁଧବାର ଦିନ ଶେଷ ହେବାକୁ ଥିଲାବେଳେ ତା’ ମଧ୍ୟରେ ସରକାରଙ୍କୁ ଏହାକୁ ସଂସଦରେ ଉପସ୍ଥାପନ କରିବାକୁ ପଡ଼ିବ । କିନ୍ତୁ ବେଳେବେଳେ କେନ୍ଦ୍ର ସରକାର ସଂସଦରେ ଏହି ରିପୋର୍ଟ ଉପସ୍ଥାପନ କରିବାରେ ମାସମାସ ବିଳମ୍ବ ବି କରିଥାନ୍ତି । ହେଲେ ଏବେ ରାଫେଲ ଚୁକ୍ତିକୁ ନେଇ ଯେମିତି ବାଦବିବାଦ ଚାଲିଛି, ତାହାକୁ ଦେଖି ସରକାର ଏହି ରିପୋର୍ଟ ଉପସ୍ଥାପନ କରିବାରେ ବିଳମ୍ବ କରିବେ ନାହିଁ ବୋଲି ଆଶା କରାଯାଉଛି । ସଂସଦରେ ଉପସ୍ଥାପନ ହେବା ପରେ ସିଏଜି ରିପୋର୍ଟକୁ ବିରୋଧୀ ଦଳ ନେତାଙ୍କ ନେତୃତ୍ୱାଧୀନ ପବ୍ଲିକ୍‌ ଆକାଉଣ୍ଟସ କମିଟି(ପିଏସି)କୁ ପଠାଯାଇଥାଏ । ପିଏସି ଏହାର ଅନୁଧ୍ୟାନ କରିବା ସହିତ ଅଧିକ ଛାନଭିନ୍‌ ବି କରିଥାଏ । ଏବେ କଂଗ୍ରେସ ନେତା ମଲ୍ଲିକାର୍ଜ୍ଜୁନ ଖରଗେ ପିଏସିର ଅଧ୍ୟକ୍ଷ ଅଛନ୍ତି ।
ରାଫେଲ ଚୁକ୍ତିର ସମୀକ୍ଷା କରିବାକୁ ସିଏଜି ବର୍ଷକରୁ ଅଧିକ ସମୟ ନେଇଛନ୍ତି । ରାଫେଲ ବିମାନର ମୂଲ୍ୟ ସହିତ ବିଭିନ୍ନ କଂପାନି କରିଥିବା ନିବେଦନ ଏବଂ ଅନ୍ୟ ବିମାନଗୁଡିକ ସହ ଏହାର ତୁଳନାତ୍ମକ ବୈଶିଷ୍ଟ୍ୟ ସମ୍ପର୍କରେ ସମୀକ୍ଷା କରାଯାଇଛି । କିନ୍ତୁ ସିଏଜି ସୂତ୍ରରୁ ପୂର୍ବରୁ ସୂଚନା ଦିଆଯାଇଛି କି ମାତ୍ର ତିନୋଟି ରିପୋର୍ଟରେ ବିମାନର ମୂଲ୍ୟ ସମ୍ପର୍କରେ ସୂଚନା ରହିବ । ଯଦି ସଂସଦୀୟ କମିଟି ଏ ସମ୍ପର୍କରେ ଜାଣିବାକୁ ଚାହାନ୍ତି, ତାହାହେଲେ ତାଙ୍କୁ ପ୍ରତିରକ୍ଷା ମନ୍ତ୍ରଣାଳୟରୁ ରିପୋର୍ଟର କପି ମାଗିବାକୁ ପଡ଼ିବ । ତେବେ ରାଫେଲ ଚୁକ୍ତିକୁ ନେଇ ଚାଲିଥିବା ବିବାଦ କାରଣରୁ ଏହି ରିପୋର୍ଟକୁ ସମସ୍ତେ ଉତ୍ସୁକତାର ସହ ଅପେକ୍ଷା କରିଛନ୍ତି । ସିଏଜିଙ୍କୁ ସିବଲଙ୍କ ଧମକ ରାଫେଲ ଚୁକ୍ତିକୁ ନେଇ ସିଏଜି ରାଜୀବ ମେହର୍ଷିଙ୍କୁ କଂଗ୍ରେସ ନେତା କପିଲ ସିବଲ ପରୋକ୍ଷ ଧମକ ଦେଇଛନ୍ତି । ସେ କହିଛନ୍ତି ଯେ ଯେଉଁ ଅଧିକାରୀମାନେ ମୋଦିଙ୍କ ପ୍ରତି ନିଜର ବିଶ୍ୱସନୀୟତା ଜାହିର କରୁଛନ୍ତି, ସେମାନଙ୍କ ଉପରେ ନଜର ରଖାଯାଉଛି । ସେମାନେ ଜାଣିରଖିବା ଦରକାର ଯେ ବେଳେବେଳେ ଆମେ ବିରୋଧୀ ଦଳ ଭୂମିକା ନିର୍ବାହ କରୁ ଆଉ ବେଳେବେଳେ ଆମେ ଶାସନ କ୍ଷମତାରେ ଥାଉ । ତେଣୁ ଆମେ ଏଭଳି ଅଧିକାରୀଙ୍କ ଉପରେ ନଜର ରଖିବୁ । ସେମାନେ ଜାଣିରଖନ୍ତୁ ଯେ ସମ୍ବିଧାନ ସବୁଠାରୁ ଉପରେ । ସିବଲ ମଧ୍ୟ ଅଭିଯୋଗ କରିଛନ୍ତି କି ରାଫେଲ ଚୁକ୍ତି ହେବା ସମୟରେ ମେହର୍ଷି କେନ୍ଦ୍ର ଅର୍ଥ ସଚିବ ଭାବେ କାର୍ଯ୍ୟ କରୁଥିଲେ । ତେଣୁ ସେ ଏହି ଚୁକ୍ତିକୁ ନେଇ ମୋଦି ସରକାର ବିରୋଧରେ ପ୍ରତିକୂଳ ରିପୋର୍ଟ ଦେବେ ନାହିଁ । ସେ ନିଜକୁ ବଞ୍ଚାଇବା ଲକ୍ଷ୍ୟରେ ମୋଦି ସରକାରଙ୍କୁ ବଞ୍ଚାଇବାକୁ ଉଦ୍ୟମ କରିବେ । ଏହି କାରଣରୁ ସିଏଜି ରିପୋର୍ଟ ସଂସଦରେ ଉପସ୍ଥାପନ କରାଯିବା ପୂର୍ବରୁ ସେଥିରେ କ’ଣ ଅଛି, ତାହା ସରକାର ଜାଣନ୍ତି ।

ସମ୍ବନ୍ଧିତ ଖବର