ନୁଆଦିଲ୍ଲୀ ୩/୧୨: ଘରୋଇ ବଜାରରେ ସୁନାର ଦାମ୍ ପୁଣି ବଢି ଯାଇଛି । ମଙ୍ଗଳବାର ଦିଲ୍ଲୀରେ ୨୪ କ୍ୟାରେଟ୍ ସୁନାର ଦାମ୍ ୮୦ ଟଙ୍କା ପ୍ରତି ୧୦ ଗ୍ରାମ ପର୍ଯ୍ଯନ୍ତ ବଢିଯାଇଛି । ଇଣ୍ଡଷ୍ଟ୍ରୀର ଡିମାଣ୍ଡ ବଢିବା ଯୋଗୁଁ ବଜାରରେ ରୂପାର ଦାମ୍ ମଧ୍ୟ ବୃଦ୍ଧି ପାଇଛି । ଏକ କିଲୋଗ୍ରାମ ରୂପାର ଦାମ୍ ୧୦୧ ଟଙ୍କା ପର୍ଯ୍ଯନ୍ତ ବଢିଯାଇଛି ।
ସୁନାର ନୂଆ ଦାମ୍
ଦିଲ୍ଲୀ ସରାଫା ବଜାରରେ ମଙ୍ଗଳବାର ସୁନାର ଦାମ୍ ୩୮୭୦୯ ଟଙ୍କା ପ୍ରତି ୧୦ ଗ୍ରାମରୁ ବୃଦ୍ଧି ପାଇ ୩୮,୭୮୯ ଟଙ୍କା ପ୍ରତି ୧୦ ଗ୍ରାମ ହୋଇଯାଇଛି । ଏହି ସମୟରେ ସୁନାର ଦାମ୍ ୮୦ ଟଙ୍କା ପ୍ରତି ୧୦ ଗ୍ରାମର ତୀବ୍ରତା ଆସିଛି । ଏହା ପୂର୍ବରୁ ସୋମବାର ଦିଲ୍ଲୀ ସରାଫା ବଜାରରେ ସୁନାର ଦାମ୍ ୩୮,୮୭୯ ଟଙ୍କାରୁ ହ୍ରାସ ପାଇ ୩୮,୭୧୮ ଟଙ୍କା ପ୍ରତି ୧୦ ଗ୍ରାମ ହୋଇଯାଇଥିଲା ।
ମଙ୍ଗଳବାର ସକାଳ ଅନ୍ତର୍ଜାତୀୟ ବଜାରରେ ସୁନା ୧୪୬୩ ଡଲାର୍ ପ୍ରତି ଆଉନ୍ସ ଓ ରୂପା ୧୬.୯୧ ଡଲାର୍ ପ୍ରତି ଆଉନ୍ସରେ ପହଞ୍ଚି ଯାଇଛି ।
ରୂପା କିଣିବା ମଧ୍ୟ ମହଙ୍ଗା
ଦିଲ୍ଲୀ ସରାଫା ବଜାରରେ ଏକ କିଲୋଗ୍ରାମ ରୂପାର ଦାମ୍ ୪୫,୭୨୫ ଟଙ୍କାରୁ ବୃଦ୍ଧି ପାଇ ୪୫,୮୨୬ ଟଙ୍କାରେ ପହଞ୍ଚି ଯାଇଛି ।