PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋକସରା: ପଛୁଆ ବର୍ଗ ପକ୍ଷରୁ କୋକସରାରେ ସଂରକ୍ଷଣ ଦାବିରେ ରାସ୍ତା ଅବରୋଧ, ଯାତାୟତ ଠପ୍
  • ||
  • କଳାହାଣ୍ଡି: ଅଙ୍ଗନୱାଡି କର୍ମୀ ଚୟନ ପାଇଁ ରାମପୁର ଆଇସିଡିଏସ୍ ସିଡିପିଓ ଲକ୍ଷେ ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ ଟିମ୍
  • ||
  • କଟକ: ଦୀପାବଳିରେ ବାଣ ଫୁଟାଇବାକୁ ନେଇ ମାମଲା, ପିଟିସନ୍ ଖାରଜ; ସାନି ପିଟିସନ୍ ଦାଖଲ ଲାଗି ହାଇକୋର୍ଟଙ୍କ ନିର୍ଦେଶ
  • ||
  • ଭୁବନେଶ୍ୱର: କାର୍‌ଗିଲ୍‌ ବସ୍ତିରୁ ୨୫୪ ଗ୍ରାମ୍‌ ବ୍ରାଉନ୍‌ସୁଗାର ଜବତ, ଜଣେ ଗିରଫ
  • ||
  • ନୀଳଗିରି: ଯୁବତୀଙ୍କୁ ଦୁର୍ବ୍ୟବହାର କରିବା ଯୁବକଙ୍କୁ ପଡିଲା ମହଙ୍ଗା, ଧରାପଡି ନିର୍ଧୁମ ମାଡ଼ ଖାଇଲେ
  • ||
  • ସୀମାନ୍ତରେ ମାଓବାଦୀ ଯବାନ ଗୁଳିବିନିମୟ ୩ ମାଓବାଦୀ ନିହତ, ବନ୍ଧୁକ ଗୋଳାବାରୁଦ ଜବତ
  • ||
  • ଭୁବନେଶ୍ୱର: ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୩୧୨କୁ ବୃଦ୍ଧି
  • ||
  • ଭୁବନେଶ୍ୱର: ରାଜ୍ୟରେ ତଳମୁହାଁ କରୋନା ଗ୍ରାଫ୍, ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୨୫ କୋଭିଡ୍ ପଜିଟିଭ୍
  • ||
  • ଆଠଗଡ଼: ପବିତ୍ର କାର୍ତ୍ତିକ ମାସର ପ୍ରଥମ ସୋମବାର, ଖାଁ ଖାଁ ଧବଳେଶ୍ଵରଙ୍କ ପୀଠ
  • ||
  • ମୟୂରଭଞ୍ଜ: ଆଜି ୧୨ ଘଣ୍ଟିଆ ମୟୂରଭଞ୍ଜ ବନ୍ଦ, ୧୬ ଦଫା ଦାବିରେ ନେଇ ରାସ୍ତାକୁ ଓହ୍ଲାଇଛି ବିଜେପି
  • ||
  • ଭୁବନେଶ୍ୱର: ରାଜ୍ୟରେ ୫ ଦିନ ଯାଏ ବଢ଼ିବନି ଶୀତ, ୨୮ରୁ ୩୦ ଯାଏ କାଁ ଭାଁ ବର୍ଷା ସମ୍ଭାବନା
  • ||
  • ଭୁବନେଶ୍ୱର: ଆଜିଠୁ ଆରମ୍ଭ ହେବ ଅଷ୍ଟମ ଶ୍ରେଣୀ କ୍ଲାସ୍ ରୁମ୍ ପାଠପଢ଼ା, ପ୍ରଥମ ଦୁଇଦିନ ହସଖୁସି ପିଲାଙ୍କ ଶିକ୍ଷଣସ୍ତର ମପାଯିବ
  • ||
  • ରାୟଗଡ଼ା: ବସ୍ତି ଉଚ୍ଛେଦ ପ୍ରତିବାଦରେ ବିଜେପି ପକ୍ଷରୁ ୧୨ ଘଣ୍ଟିଆ ରାସ୍ତାରୋକ। ରାସ୍ତା ଅବରୋଧ ଆରମ୍ଭ ହେବାର ମାତ୍ର ୧ ଘଣ୍ଟା ପରେ ସମସ୍ତଙ୍କୁ ଉଠେଇ ନେଲା ପୁଲିସ।
  • ||
  • ଜଗତସିଂହପୁର: ୩୦୦ ଗ୍ରାମ ବ୍ରାଉନସୁଗର ସହ ନଗଦ ଟଙ୍କା ଜବତ କଲା ଜଗତସିଂହପୁର ପୋଲିସ, ଜଣେ ମହିଳା ଅଟକ
  • ||

ଆଜି ପବିତ୍ର ଜନ୍ମାଷ୍ଟମୀ: ଆସିବେ ନନ୍ଦଲାଲା, ଫିକା ପଡ଼ିବ ଉତ୍ସବ

ଭୁବନେଶ୍ୱର, ୧୧/୦୮: ଭକ୍ତଙ୍କ ଅପେକ୍ଷାର ଅନ୍ତ ଘଟିଛି। ଆଜି ଜନ୍ମାଷ୍ଟମୀ । ବୃଷ ରାଶି, ରୋହିଣୀ ନକ୍ଷତ୍ରରେ ନରଦେହ ଧରି ମଧ୍ୟରାତ୍ରରେ ଧରାବତରଣ କରିବେ ନରହରି । ଚାରି ମେଘ ଏକାଠି ହେବ । ଘଡ଼ଘଡ଼ି, ବିଜୁଳିରେ ମେଦିନି କମ୍ପିବ ଆଉ ଭାଦ୍ରବର ଏଇ କିଟିକିଟି ଅନ୍ଧାର ମଧ୍ୟରେ ପ୍ରଭୁ ମା’ ଦେବକୀଙ୍କ କୋଳ ମଣ୍ଡନ କରିବେ । ହେଲେ ପ୍ରଭୁଙ୍କ ଜନ୍ମ ଯେଉଁ କଳାରାତିରେ ହେବ ସେହିପରି କଳାରାତିର ଛାୟା ସୃଷ୍ଟି କରିଛି ମହାମାରୀ କରୋନା ।

ଭକ୍ତମାନେ ସିନା ଦ୍ୱାପର ଯୁଗର ଅତୀତକୁ ଫେରି ଲୀଳାମୟଙ୍କ ଲୀଳାକୁ ସୁମରଣା କରିବେ, ହେଲେ କରୋନା ଯୋଗୁ ମନ୍ଦିର କି ଦେବପୀଠ ଯାଇପାରିବେ ନାହିଁ । କରୋନା ପାଇଁ ମନ୍ଦିରରେ ପଡ଼ିଛି ତାଲା । ନାହିଁ ଜାକଜମକ କି ଉତ୍ସବର ପରିବେଶ । ଯେଉଁଥିପାଇଁ ଏବର୍ଷ ସମସ୍ତେ ନିଜ ଘରେ ରହି ହିଁ ମୂରଲୀ ମନୋହରଙ୍କ ଆରାଧନା କରିବେ । ଘରେ ଉତ୍ସବ ପାଳିବେ । ଆଉ ସଂସାରକୁ କରୋନାରୁ ମୁକ୍ତି ଦିଅନ୍ତୁ ବୋଲି ସମସ୍ତେ ପ୍ରାର୍ଥନା କରିବେ ।

ଘରେ ରହି ବ୍ରତ ପାଳିବେ ଗୋପାଳ

ଜନ୍ମାଷ୍ଟମୀ ପାଳନ କରିବା ପାଇଁ ନୂଆପଲ୍ଲୀ ବେହେରା ସାହି ବାସିନ୍ଦା ଧୁମ୍‌ଧାମ୍‌ରେ ପ୍ରସ୍ତୁତି କରିଥାଆନ୍ତି। କୃଷ୍ଣଙ୍କ ଜନ୍ମ ଉତ୍ସବରେ ଯେଭଳି କିଛି କମି ନହେବେ ସେଥିପାଇଁ ସମସ୍ତେ ଲାଗି ପଡିଥାଆନ୍ତି । ଲଉଡି ବାଡ଼ି ଖେଳ ହୁଏ, ଜାକଜମକରେ ଉତ୍ସବ ପାଳନ କରାଯାଏ । କିନ୍ତୁ କରୋନା ମହାମାରୀ ଏହି ଉତ୍ସବକୁ ଫିକା କରିଦେଇଛି । ଏବର୍ଷ ଆଉ ସେଠାରେ ବିଶେଷ ଆୟୋଜନ ନାହିଁ । ସାଦାସିଧାରେ ପୂଜା କେବଳ କରାଯିବ। ଭକ୍ତ ବି ମନ୍ଦିରକୁ ଆସିବେନି। ନୟାପଲ୍ଲୀ ରାଧାମୋହନ ଉନ୍ନୟନ କମିଟି ପକ୍ଷରୁ ରାଧା ମୋହନ ମନ୍ଦିରରେ ଜନ୍ମାଷ୍ଟମୀରେ କେବଳ ଭଗବାନଙ୍କ ଆରାଧାନା ହେବ। ମନ୍ଦିରରେ ସକାଳୁ ବିଧି ଅନୁସାରେ ପୂଜାର୍ଚ୍ଚନା ଆରମ୍ଭ ହେବ।

ଗୋପାଳମାନେ କୃଷ୍ଣଙ୍କୁ ଇଷ୍ଟ ଦେବ ଭାବେ ପୂଜା କରୁଥିବାରୁ ବେହେରା ସାହିରେ ପ୍ରାୟ ସମସ୍ତ ବ୍ୟକ୍ତି ଜନ୍ମାଷ୍ଟମୀରେ ବ୍ରତ ରଖିବେ । ସମସ୍ତେ ନିଜ ନିଜ ଘରେ ରହିବେ । କେହି ମନ୍ଦିରକୁ ଯିବେନି କି ଏକତ୍ର ହେବେନି । ମଧ୍ୟରାତିରେ ନନ୍ଦଲାଲା ଜନ୍ମ ହେବା ପରେ କୃଷ୍ଣ ପୁରାଣ ସମସ୍ତେ ଘରେ ପଢ଼ିବେ । ଏହା ପରେ ବ୍ରତଧାରୀମାନେ ବ୍ରତ ଖୋଲିବେ । ଜନ୍ମାଷ୍ଟମୀ ପରଦିନ ଅର୍ଥାତ୍‌ ବୁଧବାର ନନ୍ଦୋତ୍ସବ ପାଳନ ହେବ ବୋଲି ଶ୍ରୀ ବେହେରା କହିଛନ୍ତି ।