ଋଷ ସେନା ତିଆରି କଲା ଉଡନ୍ତା ଏକେ ୪୭, ଆକାଶ ମାର୍ଗରୁ କରିବ ଟାର୍ଗେଟ

ନୂଆଦିଲ୍ଲୀ,୨୬।୩: ରୋବୋଟ୍ ଟ୍ୟାଙ୍କ ତିଆରି କରିବା ପରେ ଏବେ ଋଷ ସେନା ଉଡନ୍ତା ଏକେ ୪୭  ତିଆରି କରୁଛି। ଯାହାକି ଆକାଶ ମାର୍ଗରୁ ଶତ୍ରୁପକ୍ଷକୁ ଶେଷ କରିବ। ଦୁଇଟି ପ୍ରୋପେଲର ସାହାର୍ଯ୍ୟରେ ଉଡାଣ କରିପାରୁଥିବା ଏହି  ଡ୍ରୋନ୍ ଗନ୍ ୩୦୦ ମିଟର ଦୂର ପର୍ଯ୍ୟନ୍ତ ଲକ୍ଷ୍ୟ ଭେଦିବାରେ ସକ୍ଷମ। ଯାହାକି ଷ୍ଟାଣ୍ଡାର୍ଡ ଏକେ ୪୭ ଭଳି ୧ ମିନିଟରେ ୬୦୦ ରାଉଣ୍ଡ ଫାୟାର କରିବାରେ ସକ୍ଷମ ହୋଇଥାଏ। ନିକଟରେ ଏକ ଭିଡିଓ ଦେଖିବାକୁ ମିଳିଛି, ଯେଉଁଥିରେ ଋଷିୟାନ ସେନାର ଏଆଇ ବେସଡ୍ ରୋବୋଟ୍ ଟ୍ୟାଙ୍କ ଓ ଡ୍ରୋନ ପରୀକ୍ଷଣ କରୁଥିବାର ଦେଖିବାକୁ ମିଳିଛି।

source: https://www.thesun.co.uk

ଏହି ଡ୍ରୋନ ଗନକୁ ଋଷିଆର ଆର୍ମସ ମେକର ଅଲମାନ ଆଣ୍ଟେ ଡିଜାଇନ୍ କରିଛନ୍ତି। ଫେବୃଆରୀ ୨୦୧୮ରେ ଏହାର ପେଟେଣ୍ଟ ଫାଇଲ କରାଯାଇଥିଲା। ଫଟୋରେ ଏହାକୁ ଦେଖି ଅନୁମାନ ଲଗାଇ ପାରିବେ ଯେ ଫ୍ଲାଇଙ୍ଗ ଏକେ୪୭ର ଦୁଇଟି ପ୍ରୋପେଲର ସାହାର୍ଯ୍ୟରେ ଉଡାଇ ପାରିହେବ। ଯଦିଓ ଏବେ ଏହି କଥା ଜଣାପଡିନାହିଁ ଯେ, ଏହା ରିମୋଟ୍ରୁ କନଟ୍ରୋଲ କରାଯିବ ନା ଏଆଇ ଟେକ୍ନୋଲୋଜି ଉପରେ ଆଧାରିତ ହେବ।

source: https://www.thesun.co.uk

ଏହାର ଯାନକୁ ପବନରେ ଦୁଇଟି ଷ୍ଟାବଲାଇଜର ସାହାଯ୍ୟରେ କନଟ୍ରୋଲ କରାଯିବ। ସେଭଳି ଆଇକୋନିକ୍ ଗନ୍ ଏକେ-୪୭କୁ ହାଲକା ମେଟାଲ ଫ୍ରେମରେ ପେଣ୍ଟ କରାଯିବ। ଏହି ଫ୍ଲାଇଙ୍ଗ ଏକେ ୪୭ ରାଇଫଲ ଭଳି ଏକ ମିନିଟରେ ୬୦୦ ରାଉଣ୍ଡ ଫାୟାର କରିବାରେ ସକ୍ଷମ। ଏହା ୩୦୦ ମିଟର ଦୂରରୁ ଶତ୍ରୁଙ୍କୁ ନିପାତ କରିପାରେ, ଯଦିଓ ଏହାର ମାଗାଜିନରେ କେବଳ ୩୦ ରାଉଣ୍ଡ ହିଁ ରହିଛି।

source: https://www.thesun.co.uk

ଏହାକୁ ଖୁବ୍ ହାଲକା ମେଟାଲରେ ତିଆରି କରାଯାଇଛି। ପବନର ବେଗ ଅଧିକ ହେଲେ କିମ୍ବା ଝଡ ତୋଫାନ ପରିସ୍ଥିତିରେ ଏହାକୁ ନିୟନ୍ତ୍ରଣ କରିବା କଷ୍ଟକର ହୋଇପଡିବ। ଏକେ ୪୭କୁ ବିଶେଷ ଭାବରେ ଛୋଟ ଟାର୍ଗେଟକୁ ଭେଦ କରିବା ପାଇଁ ବ୍ୟବହାର କରାଯାଇଥାଏ। ତେବେ ଉଡନ୍ତା ଏକେ ୪୭କୁ କେବଳ ଜଣେ ଅନୁଭବୀ ବ୍ୟକ୍ତି ହିଁ ଚଳାଇ ଠିକ୍ ଭାବରେ ଟାର୍ଗେଟ କରିପାରିବେ। ଯୁଦ୍ଧସ୍ଥଳରେ ଫ୍ଲାଇଙ୍ଗ ଏକେ ୪୭କୁ ଖୁବ୍ ଅସୁବିଧାର ସମ୍ମୁଖୀନ ହେବାକୁ ପଡିପାରେ, କାରଣ ପବନ ହେବା ସମୟରେ ରିଲୋଡ କରିହେବନି, ୩୦ ରାଉଣ୍ଡ ଫାୟାର କରିବା ପରେ ଏହାକୁ ପୁଣିଥରେ ଭୂପୃଷ୍ଠରେ ଅବତରଣ କରିବାକୁ ହେବ।