ପୁରୀ ୬/୩: ପୁରୀ ବୁଲିବାକୁ ଆସି ସମୁଦ୍ର ସ୍ନାନ ବେଳେ ଜଣେ ପର୍ଯ୍ୟଟକଙ୍କ ମୃତ୍ୟୁ ଘଟିଛି । ମୃତ ପର୍ଯ୍ୟଟକ ଜଣକ ହେଲେ ପଶ୍ଚିମବଙ୍ଗ ସାଉଥ୍ ଚବିଶ ପ୍ରଗଣା ବିଷ୍ଣୁପୁର୍ର ତଲକ୍ଚନ୍ଦ୍ର ଦୋଲାର୍(୭୭) । ସେ ପରିବାର ଲୋକଙ୍କ ସହ ପୁରୀ ବୁଲିବାକୁ ଆସି ବଳିଆପଣ୍ଡା ଅଞ୍ଚଳରେ ହୋଟେଲରେ ରହିଥିଲେ ।
ଗୁରୁବାର ପୂର୍ବାହ୍ନ ୧୧ଟାରେ ବେଳାଭୂମି ଯାଇଥିଲେ। ସେଠାରେ ବୁଲାବୁଲି କରିବା ପରେ ସମୁଦ୍ର ସ୍ନାନ କରିଥିଲେ । ଅପରାହ୍ନରେ ସ୍ନାନବେଳେ ଉଚ୍ଚ ଲହଡ଼ିରେ ଭିତରକୁ ଚାଲିଯାଇଥିଲେ ତଲକ୍ । ପରିବାର ଲୋକେ ତାଙ୍କୁ ସଙ୍କଟାପନ୍ନ ଅବସ୍ଥାରେ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।