ରଙ୍ଗ ସାଇଡ୍‌ରେ ଯାଉଥିଲେ ଓଲଟା ପୁଲିସକୁ ନାଲି ଆଖି ଦେଖାଇଲେ, ଛଡାଇଲେ ନେଲେ ସାମ୍ବାଦିକଙ୍କୁ କ୍ୟାମେରା…

ଚେକିଂରେ ଧରା ପଡ଼ିବାରୁ ହଙ୍ଗାମା କଲେ, ଫାଇନ୍ କାଟି ଚୁପଚାପ୍ ଚାଲିଗଲେ

ଭୁବନେଶ୍ୱର,୨୮/୦୮: ରଙ୍ଗ ସାଇଡ୍‌ରେ ଯାଉଥିଲେ। ଚେକିଂରେ ଧରା ପଡ଼ିବାରୁ ଦମ୍ଭ ଦେଖାଇ ଫାଙ୍କିଲେ। ଫାଇନ୍‌ ନ ଦେଇ ଆତଙ୍କ ଖେଳାଇଲେ। ଟ୍ରାଫିକ୍‌ ପୁଲିସକୁ ଗାଳିଗୁଲଜ କଲେ। ଏହି ଘଟଣାର ଫଟୋ ଉଠାଉଥିବା ଫଟୋ ସାମ୍ବାଦିକଙ୍କୁ ବି ଛାଡିଲେନି। ତାଙ୍କ କ୍ୟାମେରା ଛଡ଼ାଇନେଲେ। ରାଜମହଲ ଛକ ଟ୍ରାଫିକ୍‌ ଚେକିଂରେ ଏମିତି ଢଙ୍ଗରେ ଜଣେ ବାଇକ୍‌ ଆରୋହୀ ଆତଙ୍କ ଖେଳାଇଛନ୍ତି।

ଅପରାହ୍ଣ ୧ଟା ହେବ। ରାଜମହଲ ଛକରେ ଚେକିଂ ଚଳାଇଥିଲେ ଟ୍ରାଫିକ୍‌ ସବ୍‌ଇନ୍ସପେକ୍ଟର ବିଜୟ କୁମାର ସାହୁ ଓ ତାଙ୍କ ଟିମ୍‌। ଏକ ନମ୍ବର ମାର୍କେଟ ଆଡୁ ରଙ୍ଗ ସାଇ୍‌ଡରେ ଆସୁଥିବା ସ୍କୁଟର (ଓଆର୦୨ବିଜେଡ୍‌୩୨୩୫) ସିଧା ଓଭରବ୍ରିଜ୍‌ ତଳ ଦେଇ ପଶିଥିଲା। ରଙ୍ଗ ସାଇଡ୍‌ରେ ଆସୁଥିବାରୁ ଚେକିଂ କରୁଥିବା କନଷ୍ଟେବଳ ତାଙ୍କୁ ଅଟକାଇଥିଲେ । ଶ୍ରୀ ସାହୁ ଫାଇନ୍‌ କାଟିବାକୁ କହିବା ସହ ତାଙ୍କର ଡ୍ରାଇଭିଂ ଲାଇସେନ୍ସ ମାଗିଥିଲେ। କିନ୍ତୁ ଯୁବକଜଣକ ହଠାତ୍‌ ଚିଡିଗଲେ। ଓଲଟାସିଧା ବାଣୀ ଶୁଣାଇଲେ । ବଡ଼ ବଡ଼ ନେତା ମୋର ଚିହ୍ନା ବୋଲି କହି ଧମକ ଦେଇଥିଲେ । ଟ୍ରାଫିକ୍‌ ଥାନାକୁ ସ୍କୁଟର ନେବାକୁ ଉଦ୍ୟମ କରୁଥିବା କନଷ୍ଟେବଳଙ୍କୁ ଠେଲାପେଲା କରିଥିଲେ।

ଯୁବକଙ୍କ ଏମିତି ହଙ୍ଗାମା ଦେଖି ଜଣେ ଫଟୋ ସାମ୍ବାଦିକ ଏହାର ଫଟୋ ଉଠାଇବାକୁ ଉଦ୍ୟମ କରିଥିଲେ। ଏହା ଦେଖି ଆହୁରି ରାଗି ଯାଇ ଯୁବକଜଣକ ସାମ୍ବାଦିକଙ୍କ ଆଡକୁ ମାଡି଼ ଆସିଥିଲେ। ତାଙ୍କ ହାତରୁ କ୍ୟାମେରା ଛଡ଼ାଇ ନେଇଥିଲେ। ସ୍ଥାନୀୟ ଲୋକ ଏହାକୁ ବିରୋଧ କରିବାକୁ ଯୁବକଜଣକ ଶାନ୍ତ ପଡ଼ିଥିଲେ। ଚୁପ୍‌ଚାପ୍‌ ଫାଇନ୍‌ କାଟି ପଳାଇଥିଲେ। ଏନେଇ ସାମ୍ବାଦିକଜଣକ ସମ୍ପୃକ୍ତ ବ୍ୟକ୍ତିଙ୍କ ବିରୋଧରେ ପୁଲିସରେ ଅଭିଯୋଗ କରିଛନ୍ତି ।

   ସମ୍ବନ୍ଧିତ ଖବର


ସୁଶୀଲ ମୋଦିଙ୍କ ଅଭିଯୋଗ; ଜେଲରେ ଥାଇ ସରକାର ଭାଙ୍ଗିବାକୁ ଷଡଯନ୍ତ୍ର କରୁଛନ୍ତି ଲାଲୁ, ବିଧାୟକଙ୍କୁ କରୁଛନ୍ତି ଫୋନ୍…

ରେଡ୍‌ ବୁଲ୍‌ କ୍ୟାମ୍ପସ୍‌ ଟି-ଟ୍ୱେଣ୍ଟି କ୍ରିକେଟ୍‌ : ଫାଇନାଲ୍‌ରେ ସୋଆ ବିଶ୍ୱବିଦ୍ୟାଳୟ

ଆଜି ବି ମଣିଷର ମନରେ ନିଷ୍ଠା, ମାନବିକତା ମରି ନାହିଁ -ପାନ ଦୋକାନୀଙ୍କ ମହାନତା,ହଜି ଯାଇଥିବା ପର୍ସ ଫେରାଇଲେ

ଅଭିନବ ଉପାୟ: ଦିବ୍ୟାଙ୍ଗ ହୋଇଥିଲେ ବି ସ୍ୱାବଲମ୍ବୀ- ରିକ୍ସାକୁ ଲୁନାରେ ବାନ୍ଧି ଚଳାଇଛନ୍ତି ବ୍ୟବସାୟ

ନିଶାସକ୍ତଙ୍କ ବିଚିତ୍ର କାଣ୍ଡ- ସାଲାଇନ୍‌ ବୋତଲ ସହ ଡାକ୍ତରଖାନାରୁ ଚାଲି ଚାଲି ଘରକୁ ପଳାଇଲେ, ଜାଣି ପାରିଲେନି ଡାକ୍ତରଖାନା କର୍ତ୍ତୃପକ୍ଷ

ମିସ ଇଣ୍ଡିଆ-୨୦୨୦ ପାଇଁ ଓଡ଼ିଶାର ଟପ୍‌-୫ ପ୍ରତିଯୋଗୀଙ୍କ ମଧ୍ୟରେ ବଲାଙ୍ଗିରର ଝିଅ ଶୁଭଶ୍ରୀ ରାୟଗୁରୁ