PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ ତାରିଖ ସକାଳେ ସ୍ଥଳଭାଗ ବାତ୍ୟା ଛୁଇଁବ ବୋଲି ଏସଆରସିଙ୍କ ସୂଚନା।
  • ||
  • ଓମିକ୍ରନ୍ ଭୟ : ତାମିଲନାଡୁର ଏକ ସ୍କୁଲ୍‌ରେ କରୋନା ଆତଙ୍କ , ୨୫ ପିଲାଙ୍କୁ କୋଭିଡ୍‌ ପଜିଟିଭ୍
  • ||
  • ୨୯ ଦେଶକୁ ମାଡ଼ି ଗଲାଣି ଓମିକ୍ରନ୍ – ପ୍ରେସମିଟ୍‌ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା
  • ||
  • ଭାରତରେ ଓମିକ୍ରନ ,କର୍ଣ୍ଣାଟକରୁ ଚିହ୍ନଟ ହେଲେ ୨ ଓମିକ୍ରନ ଆକ୍ରାନ୍ତ , ପ୍ରେସ୍‌ମିଟ୍‌ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା
  • ||
  • ତେଲେଙ୍ଗାନାରେ ଚିହ୍ନଟ ହୋଇନି ଓମିକ୍ରନ , ଏ ନେଇ ଖବରକୁ ଖଣ୍ଡନ କଲା ତେଲେଙ୍ଗାନା ସ୍ୱାସ୍ଥ୍ୟ ବିଭାଗ । ବ୍ରିଟେନ୍‌ ଫେରନ୍ତା ମହିଳା କୋଭିଡ୍‌ ପଜିଟିଭ ଚିହ୍ନଟ
  • ||
  • ଭାରତରେ ପ୍ରଥମ ଓମିକ୍ରନ ଭାରିଆଣ୍ଟ ଚିହ୍ନଟ , ତେଲେଙ୍ଗାନାରୁ ଓମିକ୍ରନ୍‌ ଭାରିଆଣ୍ଟ ଆକ୍ରାନ୍ତ ଚିହ୍ନଟ , ଆକ୍ରାନ୍ତ ମହିଳାଙ୍କର ବୟସ ୩୫ ବର୍ଷ , ଇଂଲଣ୍ଡରୁ ଫେରିଥିଲେ ସଂପୃକ୍ତ ମହିଳା
  • ||
  • କଟକ: ଗାଡ଼ି ଟଣା ବେଳେ ଫାଇନାନ୍ସ କମ୍ପାନି କର୍ମଚାରୀ ଉପରକୁ ବ୍ଲାଙ୍କ ଫାଇରିଙ୍ଗ୍ ଘଟଣା, ଦୁଇ ଅଭିଯୁକ୍ତକୁ ଧରିବା ପାଇଁ କଟକ ପୋଲିସ ଟିମ୍ ଗଞ୍ଜାମରେ
  • ||
  • ଅମ୍ବାଦଳା: ୮ ଲକ୍ଷରୁ ଉର୍ଦ୍ଧ୍ବ ଟଙ୍କାର ଗଞ୍ଜେଇ ଜବତ, ବାଇକ ସହ ୩ ଗିରଫ
  • ||
  • ବ୍ରହ୍ମପୁର: ବିଶିଷ୍ଟ ସିପିଏମ୍ ନେତା ବସନ୍ତ ନନ୍ଦଙ୍କ ହୃଦଘାତରେ ବିୟୋଗ
  • ||
  • ରାୟଗଡା: ୩ ବର୍ଷ ଅଙ୍ଗନବାଡି ଚାକିରି କରିବା ପରେ ଚାକିରିରୁ ବାହାର କରାଯାଇଥିବା ଅଭିଯୋଗ
  • ||
  • କାଶୀପୁର: ହାତଗୁଞ୍ଜା ବିନା ଘୁଞ୍ଚୁନି ଫାଇଲ, ପ୍ରାପ୍ୟ ପାଇବାରେ ହଇରାଣ ଅବସର ଶିକ୍ଷକ
  • ||
  • ପାପଡାହାଣ୍ଡି: ମହୁ ମାଛି ଆକ୍ରମଣରେ ବୃଦ୍ଧ ଗୁରୁତର!
  • ||
  • ସୁନ୍ଦରଗଡ଼: କୋଇଡାରେ ଥମୁନି ହାତୀ ଉପଦ୍ରବ, ଘରେ ଶୋଇଥିବା ବେଳେ ଟାଣି ଦଳି ଦେଲା ଦନ୍ତା, ଘଟଣା ସ୍ଥଳରେ ବୃଦ୍ଧଙ୍କ ଉଡିଗଲା ପ୍ରାଣ ବାୟୁ
  • ||
  • ଭୁବନେଶ୍ୱର: ବିଧାନସଭାର ଶୀତକାଳୀନ ଅଧିବେଶର ଦ୍ବିତୀୟ ଦିନ, ଆରମ୍ଭରୁ ବିରୋଧୀଙ୍କ ହୋହଲ୍ଲା ଓ ହଟ୍ଟଗୋଳ, ୪ ଯାଏଁ ଗୃହ ମୁଲତବୀ
  • ||
  • ଭୁବନେଶ୍ୱର: ୧୨ ଘଣ୍ଟାରେ ଅବପାତ, ୨୪ ଘଣ୍ଟା ମଧ୍ୟରେ ବାତ୍ୟା ରପୂ ନେବ ସମ୍ଭାବନା
  • ||
  • ଭୁବନେଶ୍ୱର: ରାଜ୍ୟରେ ଆଉ ୨ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୧୫କୁ ବୃଦ୍ଧି
  • ||
  • ଭୁବନେଶ୍ଵର: ୨୪ ଘଣ୍ଟାରେ ୨୫୨ କୋଭିଡ୍ ପଜିଟିଭ୍ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୧୦୪୯୫୯୭ ଜଣକୁ ବୃଦ୍ଧି
  • ||
  • ନୂଆଦିଲ୍ଲୀ:୨୩ ରାଷ୍ଟ୍ରକୁ ବ୍ୟାପିଲା ଓମ୍ରିକନ୍, ଆନ୍ତର୍ଜାତିକ ବିମାନ ଉଡାଣ ସ୍ଥଗିତ
  • ||
  • ସୋର: ମନ୍ଦିରରୁ ଲକ୍ଷାଧିକ ଟଙ୍କାର ସୁନା ଓ ରୂପା ଗହଣା ଚୋରି
  • ||
  • କୋକସରା: ବିଦ୍ୟୁତ ସଂଯୋଗ ପାଇଁ ରାସ୍ତା ଅବରୋଧ କଲେ ଗ୍ରାମବାସୀ
  • ||

ପାରାକୁ ବଞ୍ଚାଇବା ପାଇଁ ରୋକାଗଲା ଟ୍ରେନ

ମୁମ୍ବାଇ,୧୯ ।୧(ଏଜେନ୍ସି): ଅନେକ ଲୋକ ଅଛନ୍ତି ଯେଉଁମାନେ ପଶୁପକ୍ଷୀଙ୍କୁ ବହୁତ ଭଲ ପାଆନ୍ତି । ଏବେ ଭାରତୀୟ ରେଳବାଇ ବି ପଶୁପକ୍ଷୀଙ୍କ ସୁରକ୍ଷା ପାଇଁ କିଛି ପଦକ୍ଷେପ ଗ୍ରହଣ କରୁଛି । ନିକଟରେ ଦେଶର ଆର୍ଥିକ ରାଜଧାନୀ ବୋଲି କୁହାଯାଉଥିବା ମୁମ୍ବାଇରେଏଭଳି ଏକ ଘଟଣା ଘଟିଛି । ସେଠାରେ ଗୋଟିଏ ପାରାକୁ ବଞ୍ଚାଇବା ପାଇଁ ୫ ମିନିଟ ଟ୍ରେନ ଚଳାଚଳ ରୋକା ଯାଇଥିଲା ।
ଏହା ତ ସମସ୍ତେ ଜାଣନ୍ତି ଯେ ଲୋକାଲ ଟ୍ରେନକୁ ମୁମ୍ବାଇର ଲାଇଫ୍‌ଲାଇନ୍‌ ବୋଲି କୁହାଯାଏ । ଏଭଳି ଟ୍ରେନ ଯୋଗେ ପ୍ରତିଦିନ ଲକ୍ଷାଧିକ ଲୋକ ମୁମ୍ବାଇର ବିଭିନ୍ନ ସ୍ଥାନକୁ ଆସିଥାନ୍ତି ଏବଂ ସେଠାରୁ ଫେରିଥାନ୍ତି । ହେଲେ ଗତ ବୁଧବାର ଏକ ଅଜବ ଘଟଣା ଘଟିଲା । ଗୋରେଗାଓଁ ଷ୍ଟେସନରେ ସକାଳ ୧୦ଟା ସମୟରେ ଜଣେ ଯାତ୍ରୀ ସେଠାକାର ଡେପୁଟି ଷ୍ଟେସନ ମାଷ୍ଟରଙ୍କୁ ସୂଚନା ଦେଲେ କି ଷ୍ଟେସନର ଗୋଟିଏ ମୁଣ୍ଡରେ ଥିବା ଓଭରହେଡ୍‌ ଇକ୍ୱିପମେଣ୍ଟ ମାଷ୍ଟ( ଟ୍ରେନ ଚଳାଚଳ ପାଇଁ ରେଳ ଧାରଣା ନିକଟରେ ନିର୍ମିତ ବିଦ୍ୟୁତ୍‌ ଖୁଣ୍ଟି)ରୁ ଝୁଲିଥିବା କିଛି ତାରରେ ଗୋଟିଏ ପାରା ଛନ୍ଦି ହୋଇଯାଇଛି । ଡେପୁଟି ଷ୍ଟେସନ ମାଷ୍ଟର ଜଣକ ସେଇ ପାରାକୁ ବଞ୍ଚାଇବା ଉଦ୍ଦେଶ୍ୟରେ ତୁରନ୍ତ ଓଭରହେଡ୍‌ ଇକ୍ୱିପମେଣ୍ଟ ଷ୍ଟାଫ ଏବଂ ଅଗ୍ନିଶମ ବିଭାଗ କର୍ମଚାରୀଙ୍କୁ ସୂଚନା ଦେଲେ । ଗୋରେଗାଓଁ ଅଞ୍ଚଳରେ ଆହତ ପକ୍ଷୀମାନଙ୍କର ଚିକିତ୍ସା କରି ସେମାନଙ୍କୁ ମୁକ୍ତ କରୁଥିବା ଏକ ସ୍ୱେଚ୍ଛାସେବୀ ସଂସ୍ଥାର କର୍ମୀମାନଙ୍କୁ ବି ସେଠାକୁ ଡକାଗଲା।
ତା’ ପରେ ଆରମ୍ଭ ହେଲା ପାରା ଉଦ୍ଧାର ଅଭିଯାନ । ଏଥିସକାଶେ ୫ ମିନିଟ ପାଇଁ ଓଭରହେଡ୍‌ ମାଷ୍ଟ ଦେଇ ବିଦ୍ୟୁତ୍‌ ପ୍ରବାହ ରୋକାଗଲା । ତେଣୁ ସେତିକି ସମୟ ପାଇଁ ସେଇ ଷ୍ଟେସନରେ ସବୁ ଟ୍ରେନ ଚଳାଚଳ ବନ୍ଦ ରହିଲା । ତା’ ମଧ୍ୟରେ ସମସ୍ତ କର୍ମଚାରୀ ଏବଂ ସ୍ୱେଚ୍ଛାସେବୀ ସଂସ୍ଥାର କର୍ମୀମାନେ ମିଶି ପାରାଟିକୁ ଉଦ୍ଧାର କଲେ । ସେଇ ସ୍ୱେଚ୍ଛାସେବୀ ସଂସ୍ଥା ଜରିଆରେ ତା’ର ପ୍ରାଥମିକ ଚିକିତ୍ସା ବି କରାଯାଇଥିଲା ।
ଏହା ପୂର୍ବରୁ ବି ପଶ୍ଚିମ ରେଳବାଇର କର୍ମଚାରୀମାନେ ଅନେକ ସମୟରେ ପଶୁପକ୍ଷୀଙ୍କୁ ବଞ୍ଚାଇବା ପାଇଁ ଏଭଳି ପଦକ୍ଷେପ ନେଇଛନ୍ତି । ଗତ ବର୍ଷ ନଭେମ୍ବର ମାସରେ ମୁମ୍ବାଇର ଭିଲେ ପାର୍ଲେ ସ୍ଥିତ ଫୁଟ୍‌ ଓଭରବ୍ରିଜ୍‌ ନିକଟରେ ଦୁଇଟି ବିମ୍‌ ଭିତରେ ଫସିଯାଇଥିବା ଗୋଟିଏ ବିଲେଇ ଛୁଆକୁ ଉଦ୍ଧାର କରିବା ପାଇଁ ରେଳବାଇ କର୍ମଚାରୀମାନେ ଜୋରଦାର ଉଦ୍ୟମ କରିଥିଲେ । ଏଥିପାଇଁ ପୂରା ୫ ଦିନ ଲାଗିଥିଲା । ଶେଷରେ ସେଇ ବିମ୍‌କୁ କଟାଯାଇ ଉକ୍ତ ବିଲେଇ ଛୁଆକୁ ଉଦ୍ଧାର କରାଯାଇଥିଲା ।

ସମ୍ବନ୍ଧିତ ଖବର