ପରିବହନ ବିଭାଗ ଅଧିକାରୀ ଓ କର୍ମଚାରୀଙ୍କ ଛୁଟି ହେବ ବାତିଲ: ଜାଣନ୍ତୁ କାହିଁକି

ଭୁବନେଶ୍ବର ୧୦।୯: ପରିବହନ ବିଭାଗର ଛୁଟି ବାତିଲ ହେବ । ଟ୍ରାଫିକ୍ କଟକଣା କୋହଳ ନେଇ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ପରେ ତତ୍ପରତା ପ୍ରକାଶ ପାଇଛି । ପରିବହନ ବିଭାଗ ଓ ଆର୍‌ଟିଓ ଅଫିସର ସମସ୍ତ କର୍ମଚାରୀଙ୍କ ଛୁଟି ବାତିଲ ହେବ ।

ଜନତାଙ୍କ ପାଇଁ ଛୁଟିରେ ବି କାମ କରିବେ ପରିବହନ ବିଭାଗ ଅଧିକାରୀ ଓ କର୍ମଚାରୀ । ଏ ନେଇ ପରିବହନ ବିଭାଗ ସ୍ବତନ୍ତ୍ର ଗାଇଡ୍‌ଲାଇନ୍ ପ୍ରସ୍ତୁତ କରିବେ । ରାଜ୍ୟର ଅଧିକାଂଶ ସ୍ଥାନରେ ସ୍ବତନ୍ତ୍ର କ୍ୟାମ୍ପ୍ ହେବ । ସ୍ବତନ୍ତ୍ର କ୍ୟାମ୍ପରେ ଡିଏଲ୍‌ ଓ ଗାଡି ଡକ୍ୟୁମେଣ୍ଟସ୍ ପ୍ରସ୍ତୁତି ପାଇଁ ନିଷ୍ପତ୍ତି ନିଆଯାଇଛି । ଏ ନେଇ ପରିବହନ ମନ୍ତ୍ରୀ ପଦ୍ମନାଭ ବେହେରା ସୂଚନା ଦେଇଛନ୍ତି ।

ସୂଚନାଯୋଗ୍ୟ ଯେ, ସାରା ଦେଶରେ ସେପ୍ଟେମ୍ବରରୁ ଲାଗୁ ହୋଇଛି ନୂତନ ଟ୍ରାଫିକ୍ ନିୟମ । ନିୟମ ଉଲ୍ଲଂଘନକାରୀଙ୍କଠାରୁ ଆଦାୟ କରାଯାଉଛି ମୋଟା ଅଙ୍କର ଜରିମନା । ଫଳରେ ଲୋକେ ଭୟରେ ଘରୁ ଗାଡି ମଧ୍ୟ ବାହାର କରୁନାହାନ୍ତି । ଫଳରେ ବହୁ ଅସୁବିଧାର ସମ୍ମୁଖୀନ ହେବାକୁ ପଡୁଛି । ଏମଭି ଆଇନକୁ ୩ ମାସ କେ।ହଳ କରିଛନ୍ତି ରାଜ୍ୟ ସରକାର । ତଥାପି ଆଜି ବି ଆରଟିଓ ଅଫିସରେ ଗାଡି ଚାଳକଙ୍କ ପ୍ରବଳ ଭିଡ ଦେଖିବାକୁ ମିଳିଛି । ବାଣୀବିହାରଠାରୁ ଆଚାର୍ଯ୍ୟବିହାର ଯାଏଁ ଗାଡି ଲାଇନ୍ ଲାଗିଛି । ଆରଟିଓ ୧ରେ ଡ୍ରାଇଭିଂ ଲାଇସେନ୍ସ, ପଲ୍ୟୁସନ ଫିଟିନେସ୍ ପାଇଁ ଭିଡ ଜମାଇଛନ୍ତି ଗାଡି ଚାଳକ ।

ଗତ ୧୦ଦିନ ମଧ୍ୟରେ ଆରଟିଓ ୧ରେ ୮ ହଜାର ୩ଶହ ୬୬ ଲର୍ଣ୍ଣିଂ ଲାଇସେନ୍ସ ପାଇଁ ଆବେଦନ କରାଯାଇଥିବା ବେଳେ ୨ ହଜାର ୧୪୪ ଡିଏଲ ଆବେଦନ କରାଯାଇଛି । ଗତ ୧ ବର୍ଷ ମଧ୍ୟରେ ଏହି ସଂଖ୍ୟା ମାତ୍ର ୫୦ ହଜାର ୪୨୭ ରହିଛି ବୋଲି ସୂଚନା ମିଳିଛି ।

   ସମ୍ବନ୍ଧିତ ଖବର


ବନ୍ଧୁକ ମୁନରେ ବିଲ୍‌ଡର୍‌ଙ୍କୁ ୨୦ ଲକ୍ଷ ବଟି ଧମକ: ୨ ଅଭିଯୁକ୍ତ ଗିରଫ, ଦୁଇ ମାଉଜର ଓ ଗାଡ଼ି ଜବତ

ପଶ୍ଚିମବଙ୍ଗ-ବାଂଲାଦେଶକୁ ମୁହାଁଇଲା ଭୀଷଣ ଅବପାତ: ଆଜି ୫ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା

ସୁନା କି ଚାନ୍ଦି ନୁହେଁ, ଏଥର ସିଲଭର୍‌ ସିଟିରେ ଝଲସିବ ଜରି ମେଢ଼: ଅଳଙ୍କାର ଓ ଜରି ମେଢ଼ କାରିଗରଙ୍କର ବଢିଛି ଚାହିଦା

ରାଜ୍ୟରେ ଆଖି ବୁଜିଲେ ଆଉ ୧୫ ଜଣ ଆକ୍ରାନ୍ତ: ମୃତ୍ୟୁସଂଖ୍ୟା ୧୧୯୬କୁ ବୃଦ୍ଧି

ଦିନକରେ ଓଡ଼ିଶାରେ ୧୯୧୩ ଜଣ କରୋନା ପଜିଟିଭ‌ ଚିହ୍ନଟ: ସଂକ୍ରମିତଙ୍କ ସଂଖ୍ୟା ୨ ଲକ୍ଷ ୭୬ ହଜାର ଡେଇଁଲା

୨୦୨୧ରେ ୨୯ ଦିନ ସରକାରୀ ଛୁଟି, କର୍ମଚାରୀଙ୍କ ୯ଟି ଛୁଟି ବେକାର ଯିବ