PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ: ୭ ଦିନ ପାଇଁ ସମସ୍ତ ଧର୍ମାନୁଷ୍ଠାନ, ସର୍ବସାଧାରଣ ସ୍ଥାନ ଯଥା- ପାର୍କ ସମୁଦ୍ରକୂଳ ବନ୍ଦ ନିର୍ଦ୍ଦେଶ, ମେରୁ ଯାତ୍ରା ଓ ପଣା ସଂକ୍ରାନ୍ତି ସର୍ବସାଧାରଣରେ ମନା
  • ||
  • ମାଲକାନଗିରି: ଚିତ୍ରକୋଣ୍ଡା ସ୍ୱାଭିମାନ ଅଞ୍ଚଳ ପାପରମେଟଲା ଥାନା ଅନ୍ତର୍ଗତ ଜାମୁଝାଡୀ ଜଙ୍ଗଲରୁ ଅଚିହ୍ନା ଯୁବକର ମୃତଦେହ ଉଦ୍ଧାର
  • ||
  • କଳାହାଣ୍ଡି: ଜାଲ୍ ସାର୍ଟିଫିକେଟ୍ ଦେଇ ୨୫ ଶିକ୍ଷକ ବହିଷ୍କୃତ
  • ||
  • ଯାଜପୁର: ଡଙ୍କାରୀରେ ବଡ ଧରଣର ଚଢ଼ାଉ, କଳାପଥର ଗାଡି ଜବତ, ଏକାଧିକ ଲୁଟେରା ଗିରଫ
  • ||
  • ବୋଲଗଡ଼: ବାଇକ୍- ବୁଲେଟ ମୁଁହା ମୁଁହି ଧକ୍କା, ୨ ଗୁରୁତର
  • ||
  • ଆଇପିଏଲ୍‌ର-୧୪: ଆଜି ମୁହାଁମୁହିଁ ହେବେ ମୁମ୍ବାଇ ଇଣ୍ଡିଆନ୍ସ ଓ କୋଲକାତା ନାଇଟ ରାଇଡର୍ସ
  • ||
  • କରଞ୍ଜିଆର ଥାନା ବୁଢୀଗାଁରର ଘଟଣା- ସ୍ତ୍ରୀ ଓ ସ୍ତ୍ରୀର ପ୍ରେମିକକୁ କଟୁରିରେ ହାଣିଲା ସ୍ୱାମୀ , ଅଭିଯୁକ୍ତ ସ୍ୱାମୀ ଗିରଫ
  • ||
  • ବାଲେଶ୍ୱରରେ ମୁଖ୍ୟ ଶାସନ ସଚିବ ଓ ୫ଟି ସଚିବ, ବିଭିନ୍ନ ଉନ୍ନୟନମୂଳକ କାର୍ଯ୍ୟର କରିବେ ସମୀକ୍ଷା
  • ||
  • ରାଜ୍ୟ: ପୁଣି ୨ ଜୀବନ ନେଲା କରୋନା, ମୃତ୍ୟୁସଂଖ୍ୟା ୧୯୩୦କୁ ଛୁଇଁଲା
  • ||
  • ଓଡ଼ିଶାରେ ଆଜି ୧୭୮୪ କରୋନା ପଜିଟିଭ୍‌ ଚିହ୍ନଟ, କ୍ୱାରାଣ୍ଟାଇନ୍‌ରୁ ୧୦୩୫ , ଲୋକାଲ କଣ୍ଟାକ୍ଟରୁ ୭୪୯ ଚିହ୍ନଟ
  • ||
  • ଆଜି ଭୁବନେଶ୍ୱରରୁ ୧୯୦ କରୋନା ପଜିଟିଭ ଟିହ୍ନଟ, କ୍ୱାରେଣ୍ଟାଇନ୍‌ରୁ ୩୮ ଓ ଲୋକାଲ କଣ୍ଟାକ୍ଟରୁ ୧୫୨ସଂକ୍ରମିତ
  • ||

ବାଲାଂଦେଶର ଟ୍ରି ମେନ୍: ୨୫ଟି ଅପରେସନ୍ ପରେ ବି ଦେହରେ ଉଠୁଛି ଗଛ

ଢ଼ାକ୍କା: ବୟସ ୨୮ବର୍ଷ । ସାଧାରଣ ଲୋକଙ୍କ ପରି ଖାଇବାଠୁ ନେଇ ବୁଲିବା ପର୍ଯ୍ୟନ୍ତ ସେ ସବୁକିଛି କରିପାରୁଛି । ମାତ୍ର ଯୁବକଟିକୁ ଦେଖିଲେ ଆଶ୍ଚର୍ଯ୍ୟ ଲାଗୁଛି । ଗତ ୨୦ବର୍ଷ ହେଲାଣି ଯୁବକଟିର ହାତ ଓ ଗୋଡ଼ରେ ଉଠୁଛି ଗଛ । କଥାଟିକୁ ସହଜରେ ବିଶ୍ୱାସ କରି ନ ପାରିଲେ ବି ଏହା ସତ ।
ବାଲାଂଦେଶର ଏହି ଟ୍ରି ମେନ୍ଙ୍କର ଅପରେସନ୍ କରାଯାଇଥିଲା । କିନ୍ତୁ ଏବେ ପୁଣି ତାଙ୍କ ଦେହରେ ଗଛ ଉଠିବାରୁ ତାଙ୍କୁ ହସ୍ପିଟାଲରେ ଭର୍ତି କରାଯାଇଛି । ଟ୍ରି ମେନ୍ ଆବୁଲ ବାଂଝଦରଙ୍କୁ ଏକ ଦୁର୍ଲଭ ରୋଗ ହୋଇଛି । ତାଙ୍କ ହାତ ଏବଂ ଗୋଡ଼ରେ ଗଛ ଭଳି ଚେର ବଢ଼ୁଛି । ଅବୁଲଙ୍କ ଏହି ରୋଗ ୩ବର୍ଷ ପୂର୍ବରୁ ଦୁନିଆକୁ ଚକିତ କରିଦେଇଥିଲା । ଏହି ରୋଗରୁ ରକ୍ଷା ପାଇବା ପାଇଁ ସେ ଅନେକ ଅପରେସନ୍ କରେଇ ସାରିଲେଣି । କିନ୍ତୂ ଏବେ ଯାଏଁ କୋ÷ଣସି ସୁଫଳ ମିଳୁପାରୁନାହିଁ । ଅପରେସନ୍ ପରେ ମଧ୍ୟ ତାଙ୍କ ହାତ ଗୋଡ଼ରେ ଚେର ଭଳି ଶାଖା ବଢ଼ି ବଢ଼ି ଯାଉଛି । ଅବୁଲଙ୍କୁ ଇପିଡ଼ର୍ମୋଡ଼ିସପ୍ଲାସିଆ ଭେରୁସିଫର୍ମିସ ନାମକ ରୋଗ ହୋଇଛି । ବହୁତ କଷ୍ଟରେ ନିଜ ଜୀବନ ଅତିବାହିତ କରୁଛନ୍ତି । ତାଙ୍କ ଶରୀରର ଅନେକ ଅଙ୍ଗରେ ଗଛର ଚେର ଭଳି ଶାଖା ରହିଛି । ଏଥିପାଇଁ ଅବୁଲଙ୍କୁ ସବୁବେଳେ ହାତରେ ୫କେଜି ଓଜନ ଟେକି ଧରିଲା ଭଳି ଅନୁଭବ ହୋଇଥାଏ ।
ସୂଚନାଯୋଗ୍ୟ ଯେ, ଇମ୍ୟୁନ ସିଷ୍ଟମରେ ଡିଫେକ୍ଟ ଯୋଗୁଁ ଏହି ରୋଗ ହୋଇଥାଏ । ଏହା ଫଳରେ ମଣିଷ ଏଚପିଭି ଶିକାର ହେବାର ଆଶଙ୍କା ବଢ଼ିଯାଇଥାଏ । ଯାହା ଫଳରେ ଚର୍ମ କର୍କଟ ହେବାର ମଧ୍ୟ ଆଶଙ୍କା ରହିଥାଏ । ପୁରା ଦୁନିଆରେ ଏହି ରୋଗରେ ହାତ ଗଣତି କିଛି ଲୋକପୀଡ଼ିତ ଥିବା ଜଣାପଡ଼ିଛି । ଡାକ୍ତରଙ୍କ କହିବାନୁଯାୟୀ, ୨୦୧୬ ମସିହା ପରେ ଅବୁଲ ୨୫ଟି ଅପରେସନ୍ କରାଇସାରିଛନ୍ତି । କିନ୍ତୁ ସୁଫଳ ମିଳିନାହିଁ । ଡାକା ମେଡିକାଲ କଲେଜ ଏବଂ ହସ୍ପିଟାଲର ପ୍ଲାଷ୍ଟିକ ସର୍ଜରୀ ବିଭାଗର ଡାକ୍ତର କହିବାନୁଯାୟୀ, ଏହା ଏକ ଜଟିଳ ରୋଗ । ଧିରେ ଧିରେ ଏହାର ଚିକିତ୍ସା ଦ୍ୱାରା ଅବୁଲ ଭଲ ହୋଇଥାନ୍ତେ । କିନ୍ତୁ ହଠାତ୍ ସେ ଘରକୁ ପଳାଇଥିଲେ । ଡାକ୍ତର ତାଙ୍କୁ ଫେରି ଆସି ଚିକିତ୍ସା କରାଇବାକୁ ଅନୁରୋଧ କରିଥିଲେ ମଧ୍ୟ ଅବୁଲ ଆସିନଥିଲେ ବୋଲି ଡାକ୍ତର କହନ୍ତି । ୨୦ ତାରିଖରେ ଅବୁଲ ନିଜ ମାଙ୍କ ସହ ହସ୍ପିଟାଲକୁ ଆସିଥିଲେ । ତାଙ୍କ ଅବସ୍ଥା ଏବେ ଆହୁରି ଗମ୍ଭୀର ହୋଇଗଲାଣି ବୋଲି ଡାକ୍ତର କହନ୍ତି । ଆଉ ୫/୬ଟି ଅପରେସନ୍ କରିବାକୁ ପଡ଼ିବ ବୋଲି ଡାକ୍ତର କହିଛନ୍ତି ।


୨୦୧୬ ମସିହାରୁ ଅବୁଲଙ୍କ ଚିକିତ୍ସା ଖର୍ଚ୍ଚ ସରକାର ବହନ କରୁଛନ୍ତି । ଡିଏମସିଏଚର ନିର୍ଦ୍ଦେଶକ ସାମନ୍ତା ଲାଲ ସେନ କହିଛନ୍ତି, ଦୁନିଆରେ ଏମିତି ୩ଜଣ ଅଛନ୍ତି ଯାହାକୁ ଏଭଳି ରୋଗ ହୋଇଛି । ଇଣ୍ଡୋନେସିଆର ଏକ ଗାଁରେ ଏହି ରୋଗରେ ପୀଡ଼ିତ ଜଣେ ଯୁବକର ୨୦୦୮ରେ ମସିହାରେ ଅପରେସନ୍ ହୋଇଥିଲା ।

ସମ୍ବନ୍ଧିତ ଖବର