ଲକ୍ଷ୍ନୌ – ଉତ୍ତର ପ୍ରଦେଶରେ ଲୋକସଭା ନିର୍ବାଚନର ଦ୍ୱିତୀୟ ପର୍ଯ୍ୟାୟର ମତଦାନରେ ଖୁବ୍ ହ୍ରାସ ଘଟିଛି। ପ୍ରଥମ ଫେଜ୍ ଠାରୁ ମଧ୍ୟ ଖୁବ୍ କମ୍ ଭୋଟିଂ ହୋଇଛି। କିଛି ଆସନରେ ତ ୫୦ ପ୍ରତିଶତର ସଂଖ୍ୟା ୫ଟା ସୁଦ୍ଧା ଅତିକ୍ରମ ହୋଇ ପାରି ନଥିଲା। ପ୍ରଥମ ପର୍ଯ୍ୟାୟରେ ଯେଉଁଠି ୫୭ ପ୍ରତିଶତରୁ ଅଧିକ ଭୋଟିଂ ହୋଇଥିଲା , ଆଜି ଦ୍ୱିତୀୟ ପର୍ଯ୍ୟାୟରେ ୫୩ ପ୍ରତିଶତ ମତଦାନ ମଧ୍ୟ ହୋଇ ପାରି ନାହିଁ।
ଏହି କମ୍ ଭୋଟିଂ ପ୍ରତି ଦଳର ଚିନ୍ତା ବଢାଇ ଦେଇଛି। ପ୍ରଧାନମନ୍ତ୍ରୀ ମୋଦି, ସିଏମ୍ ଯୋଗୀ, ସପା ପ୍ରମୁଖ ଅଖିଳେଶ ଯାଦବ, ବସପା ( ବହୁଜନ ସମାଜ ପାର୍ଟି) ପ୍ରମୁଖ ମାୟାବତୀ ଲୋକଙ୍କୁ ଅଧିକରୁ ଅଧିକ ମତଦାନ ପାଇଁ ଅପିଲ କରିଥିଲେ। କିନ୍ତୁ କାହା ଅପିଲର କୌଣସି ପ୍ରଭାବ ନଜର ଆସିନାହିଁ।
ନିର୍ବାଚନ ଆୟୋଗ ଏହି କଥାରେ ସନ୍ତୁଷ୍ଟ କି ପ୍ରଥମ ପର୍ଯ୍ୟାୟର ମୁକାବିଲାରେ ,୨ୟ ପର୍ଯ୍ୟାୟରେ ଇଭିଏମ୍ ଗଡବଡର ଅଭିଯୋଗ କମ୍ ଆସିଛି, କିନ୍ତୁ ଅନେକ ଚେଷ୍ଟା ପରେ ମଧ୍ୟ ମତଦାନ ବଢି ପାରିନାହିଁ , ଏହା ବି ଚିନ୍ତାର କାରଣ ସାଜିଛି। କମ୍ ମତଦାନକୁ ଗୋଟେପଟେ ଅସହ୍ୟ ତାତି ସହ ଯୋଡ଼ା ଯାଉଥିବା ବେଳେ ଅନ୍ୟପଟେ ଆଉ କିଛି କାରଣ ଥିବା କୁହାଯାଉଛି। କିଛି ଅଞ୍ଚଳରେ ଭିନ୍ନ ଭିନ୍ନ ସମସ୍ୟା କାରଣରୁ ମତଦାନକୁ ବହିଷ୍କାର କରିଥିବା ଖବର ଆସିଛି।
ନିର୍ବାଚନ ଆୟୋଗ ଅନୁସାରେ, ୫ଟି ସୁଦ୍ଧା ୟୁପିର ୮ଟି ଲୋକସଭା ସିଟ୍ରେ ୫୨.୬୪ ପ୍ରତିଶତ ଭୋଟିଂ ହୋଇଥିଲା। ପ୍ରଥମ ପର୍ଯ୍ୟାୟରେ ୫ଟା ସୁଦ୍ଧା ୫୭ ପ୍ରତିଶତ ରୁ ଅଧିକ ଭୋଟିଂ ହୋଇଥିଲା। ସବୁଠୁ କମ୍ ଭୋଟିଂ ମଥୁରାରେ ହୋଇଛି। ଏଠାରେ ସନ୍ଧ୍ୟା ୫ଟା ଯାଏ କେବଳ ୪୬.୯୬ ପ୍ରତିଶତ ଲୋକେ ଭୋଟ ଦେଇ ଥିଲେ।
