ଉନ୍ନାଓ, ୧୬|୦୨: ଉତ୍ତର ପ୍ରଦେଶର ଉନ୍ନାଓ ଜିଲ୍ଲାରେ ଏକ ଭୟାନକ ସଡକ ଦୁର୍ଘଟଣା ଘଟିଛି। ହରଦୋଇ ରାସ୍ତାର ନାସିରାପୁର ଗ୍ରାମ ନିକଟରେ ଏକ ଟ୍ରକ ଓ ଭ୍ୟାନ ମୁହାଁମୁହିଁ ଧକ୍କା ହେବା ଫଳରେ ଭ୍ୟାନଟି ଜଳିଯାଇଛି।

ଭ୍ୟାନରେ ଡ୍ରାଇଭର ସମେତ ଦୁଇଜଣ ଶିଶୁ, ୨ଜଣ ଯୁବକ ଓ ୨ ମହିଳାଙ୍କୁ ମିଶାଇ ମୋଟ ୭ଜଣ ଥିଲେ। ଦୁର୍ଘଟଣା ପରେ ହଠାତ ଭ୍ୟାନରେ ନିଆଁ ଲାଗିଯାଇଥିଲା। ତେବେ ଯାତ୍ରୀମାନେ ଆଉ ବାହାରକୁ ଆସି ପାରିନଥିଲେ। ଏପରିକି ସେମାନେ ଜୀଅନ୍ତା ଦଗ୍ଧ ହୋଇଯାଇଛନ୍ତି। ଦମକଳ ବାହିନୀ ୪୦ ମିନିଟ ପରେ ପହଁଡି ନିଆଁକୁ ଆୟତ କରିଥିଲା। ଏହାପରେ କ୍ରେନ ସାହାଯ୍ୟରେ ଭ୍ୟାନ ଓ ଟ୍ରକକୁ ପୃଥକ କରାଯାଇଥିଲେ ସୁଦ୍ଧା ସେତେବେଳକୁ ସବୁ ସରିଯାଇଥିଲା।

ଗ୍ରାମବାସୀଙ୍କ କହିବାନୁସାରେ, ଦୁର୍ଘଟଣା ପରେ ଭ୍ୟାନରେ ବିସ୍ଫୋରଣ ହୋଇ ନିଆଁ ଲାଗିଯାଇଥିଲା। ଫଳରେ କେହି ମଧ୍ୟ ଉଦ୍ଧାର କରିବା ପାଇଁ ସାହାସ କରିପାରି ନଥିଲେ। ନିଆଁ ସଂସ୍ପର୍ଶରେ ଆସି ୭ଜଣ ଜୀଅନ୍ତା ଜଳିଯାଇଛନ୍ତି। ତେବେ ଦୁର୍ଘଟଣା ପରେ ଟ୍ରକ ଚାଳକ ଓ ହେଲପର ଫେରାର ହୋଇଯାଇଛନ୍ତି।