PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋଣାର୍କ : ରୋଗ କଷ୍ଟ ସହିନପାରି ସ୍କୁଲ ହତାରେ ଆତ୍ମହତ୍ୟା କଲେ ବୃଦ୍ଧ
  • ||
  • ଭୁବନେଶ୍ଵର : ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୫୦କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୭୩୪ ପଜେଟିଭ୍
  • ||
  • ନୀଳଗିରି : ମାଡ଼ିଆସୁଛନ୍ତି ନୀଳଗିରି ଆଡକୁ ଝାଡ଼ଖଣ୍ଡ ହାତୀ, ଚାଷୀ ଆତଙ୍କିତ
  • ||
  • କଳାହାଣ୍ଡି : ପୋଖରୀରେ ବୁଡି ୨ ଶିଶୁ ମୃତ
  • ||
  • ଜଳେଶ୍ଵର : ବିପଦ ସଂକେତ ଉପରେ ପ୍ରବାହିତ ହେଉଛି ଜଳକା, ବନ୍ୟା ପାଣି ଘେରରେ ୧୦ରୁ ଉର୍ଦ୍ଧ୍ଵ ଗ୍ରାମ
  • ||
  • ଲମତାପୁଟ : ଅଟୋରୁ ୧୦ ଲକ୍ଷ ଟଙ୍କାର ଗଞ୍ଜେଇ ଜବତ, ଗାଡି ଛାଡି ୨ ମାଫିଆ ଫେରାର୍
  • ||

ଭିଏତନାମରେ ହେବ ଟ୍ରମ୍ପ-କିମ୍‌ ସାକ୍ଷାତ

source:www.japantimes.co.jp

ୱାଶିଂଟନ୍‌, ୬ ।୨(ଏଜେନ୍ସି): ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଓ ଉତ୍ତରକୋରିଆର ଶାସକ କିମ୍‌ ଜଙ୍ଗ ଉନ୍‌ ଆସନ୍ତା ୨୭-୨୮ ତାରିଖରେ ଭିଏତନାମରେ ପରସ୍ପରକୁ ସାକ୍ଷାତ କରିବେ । କଂଗ୍ରେସରେ ଷ୍ଟେଟ୍‌ ଅଫ୍‌ ଦ ୟୁନିଅନ୍‌ ଭାଷଣରେ ଟ୍ରମ୍ପ ଏହା ଘୋଷଣା କରିଛନ୍ତି । ଅବଶ୍ୟ ଭିଏତନାମରେ କେଉଁଠାରେ ଉଭୟଙ୍କ ମଧ୍ୟରେ ବୈଠକ ହେବ ତାହା ସ୍ପଷ୍ଟ କରାଯାଇନାହିଁ । ଏଥିପାଇଁ ଭିଏତନାମର ରାଜଧାନୀ ହନୋଇ ଏବଂ ଦା ନାଙ୍ଗ ସହର ସଂପର୍କରେ ଚର୍ଚ୍ଚା କରାଯାଉଛି ।
ଏହି ସଂପର୍କରେ ଟ୍ରମ୍ପ କହିଛନ୍ତି ଯେ, ଯଦି ସେ ଆମେରିକାର ରାଷ୍ଟ୍ରପତି ଭାବେ ନିର୍ବାଚିତ ହୋଇନଥାନ୍ତେ ତା’ ହେଲେ ହୁଏତ ଏବେ ସେମାନେ ଉତ୍ତର କୋରିଆ ସହିତ ଯୁଦ୍ଧ କରୁଥାନ୍ତେ । ସେହିପରି କିମ୍‌ଙ୍କ ସହିତ ତାଙ୍କର ପ୍ରଥମ ବୈଠକ ପରଠାରୁ ଦୁଇ ଦେଶର ପଣବନ୍ଦୀମାନେ ଘରକୁ ଫେରିଆସିଛନ୍ତି । ଆଣବିକ ପରୀକ୍ଷଣ ବନ୍ଦ ହୋଇଯାଇଛି ଏବଂ ୧୫ ମାସରୁ ଅଧିକ ସମୟ ହେଲା କୌଣସି ମିସାଇଲ ପରୀକ୍ଷଣ ହୋଇନାହିଁ । ତଥାପି ମଧ୍ୟ ଉତ୍ତର କୋରିଆ ପ୍ରସଙ୍ଗରେ ଏବେ ବି ବହୁତ କାମ କରିବାକୁ ରହିଛି । ଅବଶ୍ୟ କିମ୍‌ଙ୍କ ସହିତ ତାଙ୍କର ସଂପର୍କ ଭଲ ବୋଲି ଟ୍ରମ୍ପ ପ୍ରକାଶ କରିଛନ୍ତି ।
ସୂଚନାଥାଉକି, ଏହି ଦୁଇ ନେତା ପରସ୍ପରକୁ ଗତବର୍ଷ ଜୁନ୍‌ ୧୨ ତାରିଖରେ ସିଙ୍ଗାପୁରରେ ପ୍ରଥମ ଥର ପାଇଁ ଭେଟିଥିଲେ । ସେହି ସମୟରେ ସେମାନଙ୍କ ମଧ୍ୟରେ ୯୦ ମିନିଟ୍‌ ଧରି ଆଲୋଚନା ହୋଇଥିଲା ।