ବୁର୍ଲା, ୨୬/୦୨: ଗୁରୁବାର ଦିନ ବୁର୍ଲା କୋଭିଡ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ଦୁଇଜଣ କରୋନା ରୋଗୀଙ୍କ ମୃତ୍ୟୁ ଘଟିଥିବା ମେଡିକାଲ ସୂତ୍ରରୁ ସୂଚନା ମିଳିଛି । ତେବେ ମୃତକ ମାନଙ୍କ ମଧ୍ୟରେ ଜଣେ ସୋନପୁର ଜିଲ୍ଲାର ୨୪ ବର୍ଷୀୟ ଯୁବକ ହୋଇଥିବା ବେଳେ ଅନ୍ୟ ଜଣେ ନୂଆଁପଡା ଜିଲ୍ଲାର ମହିଳା ରୋଗୀ ବୋଲି ଜଣାପଡିଛି ।
ଅନ୍ୟ ପଟେ ଗୁରୁବାର ତଥ୍ୟ ଅନୁଯାୟୀ କୋଭିଡ ହସ୍ପିଟାଲରେ ୪୦ ଜଣ କରୋନା ରୋଗୀ ଭର୍ତ୍ତି ହୋଇ ଚିକିତ୍ସିତ ହେଉଥିବା ଜଣାପଡିଛି । ତେବେ ବୁର୍ଲା କୋଭିଡ ହସ୍ପିଟାଲରେ କରୋନା ରୋଗୀଙ୍କ ସଂଖ୍ୟା ଦିନକୁ ଦିନପୁଣି ବଢୁଥିବା ଅନୁମାନ କରାଯାଉଛି ।