PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓମିକ୍ରନ୍ ଭୟ : ତାମିଲନାଡୁର ଏକ ସ୍କୁଲ୍‌ରେ କରୋନା ଆତଙ୍କ , ୨୫ ପିଲାଙ୍କୁ କୋଭିଡ୍‌ ପଜିଟିଭ୍
  • ||
  • ୨୯ ଦେଶକୁ ମାଡ଼ି ଗଲାଣି ଓମିକ୍ରନ୍ – ପ୍ରେସମିଟ୍‌ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା
  • ||
  • ଭାରତରେ ଓମିକ୍ରନ ,କର୍ଣ୍ଣାଟକରୁ ଚିହ୍ନଟ ହେଲେ ୨ ଓମିକ୍ରନ ଆକ୍ରାନ୍ତ , ପ୍ରେସ୍‌ମିଟ୍‌ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା
  • ||
  • ତେଲେଙ୍ଗାନାରେ ଚିହ୍ନଟ ହୋଇନି ଓମିକ୍ରନ , ଏ ନେଇ ଖବରକୁ ଖଣ୍ଡନ କଲା ତେଲେଙ୍ଗାନା ସ୍ୱାସ୍ଥ୍ୟ ବିଭାଗ । ବ୍ରିଟେନ୍‌ ଫେରନ୍ତା ମହିଳା କୋଭିଡ୍‌ ପଜିଟିଭ ଚିହ୍ନଟ
  • ||
  • ଭାରତରେ ପ୍ରଥମ ଓମିକ୍ରନ ଭାରିଆଣ୍ଟ ଚିହ୍ନଟ , ତେଲେଙ୍ଗାନାରୁ ଓମିକ୍ରନ୍‌ ଭାରିଆଣ୍ଟ ଆକ୍ରାନ୍ତ ଚିହ୍ନଟ , ଆକ୍ରାନ୍ତ ମହିଳାଙ୍କର ବୟସ ୩୫ ବର୍ଷ , ଇଂଲଣ୍ଡରୁ ଫେରିଥିଲେ ସଂପୃକ୍ତ ମହିଳା
  • ||
  • କଟକ: ଗାଡ଼ି ଟଣା ବେଳେ ଫାଇନାନ୍ସ କମ୍ପାନି କର୍ମଚାରୀ ଉପରକୁ ବ୍ଲାଙ୍କ ଫାଇରିଙ୍ଗ୍ ଘଟଣା, ଦୁଇ ଅଭିଯୁକ୍ତକୁ ଧରିବା ପାଇଁ କଟକ ପୋଲିସ ଟିମ୍ ଗଞ୍ଜାମରେ
  • ||
  • ଅମ୍ବାଦଳା: ୮ ଲକ୍ଷରୁ ଉର୍ଦ୍ଧ୍ବ ଟଙ୍କାର ଗଞ୍ଜେଇ ଜବତ, ବାଇକ ସହ ୩ ଗିରଫ
  • ||
  • ବ୍ରହ୍ମପୁର: ବିଶିଷ୍ଟ ସିପିଏମ୍ ନେତା ବସନ୍ତ ନନ୍ଦଙ୍କ ହୃଦଘାତରେ ବିୟୋଗ
  • ||
  • ରାୟଗଡା: ୩ ବର୍ଷ ଅଙ୍ଗନବାଡି ଚାକିରି କରିବା ପରେ ଚାକିରିରୁ ବାହାର କରାଯାଇଥିବା ଅଭିଯୋଗ
  • ||
  • କାଶୀପୁର: ହାତଗୁଞ୍ଜା ବିନା ଘୁଞ୍ଚୁନି ଫାଇଲ, ପ୍ରାପ୍ୟ ପାଇବାରେ ହଇରାଣ ଅବସର ଶିକ୍ଷକ
  • ||
  • ପାପଡାହାଣ୍ଡି: ମହୁ ମାଛି ଆକ୍ରମଣରେ ବୃଦ୍ଧ ଗୁରୁତର!
  • ||
  • ସୁନ୍ଦରଗଡ଼: କୋଇଡାରେ ଥମୁନି ହାତୀ ଉପଦ୍ରବ, ଘରେ ଶୋଇଥିବା ବେଳେ ଟାଣି ଦଳି ଦେଲା ଦନ୍ତା, ଘଟଣା ସ୍ଥଳରେ ବୃଦ୍ଧଙ୍କ ଉଡିଗଲା ପ୍ରାଣ ବାୟୁ
  • ||
  • ଭୁବନେଶ୍ୱର: ବିଧାନସଭାର ଶୀତକାଳୀନ ଅଧିବେଶର ଦ୍ବିତୀୟ ଦିନ, ଆରମ୍ଭରୁ ବିରୋଧୀଙ୍କ ହୋହଲ୍ଲା ଓ ହଟ୍ଟଗୋଳ, ୪ ଯାଏଁ ଗୃହ ମୁଲତବୀ
  • ||
  • ଭୁବନେଶ୍ୱର: ୧୨ ଘଣ୍ଟାରେ ଅବପାତ, ୨୪ ଘଣ୍ଟା ମଧ୍ୟରେ ବାତ୍ୟା ରପୂ ନେବ ସମ୍ଭାବନା
  • ||
  • ଭୁବନେଶ୍ୱର: ରାଜ୍ୟରେ ଆଉ ୨ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୧୫କୁ ବୃଦ୍ଧି
  • ||
  • ଭୁବନେଶ୍ଵର: ୨୪ ଘଣ୍ଟାରେ ୨୫୨ କୋଭିଡ୍ ପଜିଟିଭ୍ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୧୦୪୯୫୯୭ ଜଣକୁ ବୃଦ୍ଧି
  • ||
  • ନୂଆଦିଲ୍ଲୀ:୨୩ ରାଷ୍ଟ୍ରକୁ ବ୍ୟାପିଲା ଓମ୍ରିକନ୍, ଆନ୍ତର୍ଜାତିକ ବିମାନ ଉଡାଣ ସ୍ଥଗିତ
  • ||
  • ସୋର: ମନ୍ଦିରରୁ ଲକ୍ଷାଧିକ ଟଙ୍କାର ସୁନା ଓ ରୂପା ଗହଣା ଚୋରି
  • ||
  • କୋକସରା: ବିଦ୍ୟୁତ ସଂଯୋଗ ପାଇଁ ରାସ୍ତା ଅବରୋଧ କଲେ ଗ୍ରାମବାସୀ
  • ||
  • କନ୍ଧମାଳ: ପେଟ୍ରୋଲ ପମ୍ପକୁ ତେଲ ପକାଇବା ଆସିଥିବା ଗାଡ଼ିରୁ ମୋବାଇଲ ଚୋରି
  • ||

ପ୍ରେମିକ ପାଇଁ ଦୁଇ ବାଘୁଣୀଙ୍କ ରକ୍ତାକ୍ତ ଲଢେଇ

ବାରଙ୍ଗ,୫ା୨(ଆପ୍ର): ପ୍ରାଣୀଉଦ୍ୟାନ ନନ୍ଦନକାନନରେ ତ୍ରିକୋଣୀୟ ପ୍ରେମ । ପ୍ରେମିକ କଳାବାଘ ‘ଭିକି’କୁ ଧଳା ବାଘୁଣୀ ମୌସୁମୀ ଓ ଚିନୁ ଭଲ ପାଆନ୍ତି । ଭିକି କାହାର ହେବ? ମୌସୁମୀ ନା ଚିନୁର । ତା’ ଭଲ ପାଇବାରେ ଭାଗ ବସାଇବାରୁ ମୌସୁମୀ ଚିନୁକୁ ମରଣାନ୍ତକ ଆକ୍ରମଣ କରିଛି । ଫଳରେ ଚିନୁର ଅବସ୍ଥା ସଂକଟାପନ୍ନ ହୋଇଛି । ତାକୁ ପ୍ରାଣୀ ଉଦ୍ୟାନ ଚିକିତ୍ସାଳୟରେ ଚିକିତ୍ସା କରାଯାଉଛି । ଡାହାଣ ଗୋଡରେ ଗଭୀର କ୍ଷତ ହୋଇଥିବା ସ୍ଥାନକୁ ପ୍ରାଣୀ ଚିକିତ୍ସକ ସିଲେଇ କରିଛନ୍ତି ।
ଦୁଇ ବର୍ଷ ହେଲା ଖୁଆଡ ନଂ. ୩୦ (କ)ରେ ଏକାଠି ରହୁଥିଲେ ବାଘ ଭିକି, ବାଘୁଣୀ ମୌସୁମୀ ଓ ଚିନୁ । ଏକାଠି ଖାଇବା, ଶୋଇବା ଏପରିକି ଖୁଆଡରେ ଏକାଠି ବୁଲାବୁଲି କରୁଥିଲେ ତିନି ବାଘ ବାଘୁଣୀ । ସାଧାରଣତଃ ଚାରିବର୍ଷ ବେଳକୁ ବାଘ ବାଘୁଣୀ ଯୌବନପ୍ରାପ୍ତି ହୋଇଥାନ୍ତି । ଏହି ସମୟରେ ଏମାନଙ୍କ ମତିଗତିରେ ପରିବର୍ତ୍ତନ ଘଟିଥାଏ । ଭିକି, ମୌସୁମୀ ଓ ଚିନୁକୁ ଏବେ ୩ ପୂରିଛିି । ଏହି ତିନିଜଣଙ୍କ ହାବଭାବରେ ପରିବର୍ତ୍ତନ ଦେଖି ଗତ କିଛି ଦିନ ତଳେ ଭିକିକୁ ଖୁଆଡ ନମ୍ବର ୩୦(କ) ଏବଂ ମୌସୁମୀ ଓ ଚିନୁକୁ ଖୁଆଡ ନମ୍ବର ୩୦ (ଖ)ରେ ରଖାଯାଇଛି । ପ୍ରତିଦିନ ଚିନୁ ଓ ମୌସୁମୀ ନିଜ ନିଜ ଖୁଆଡରେ ପର୍ଯ୍ୟଟକଙ୍କୁ ଦେଖାଦେବା ପରେ ସନ୍ଧ୍ୟାରେ ଏମାନଙ୍କୁ ପଛପଟ କୋଠରୀକୁ ନିଆଯାଇଥାଏ । ପୁଣି ସକାଳେ ତିନିଜଣଙ୍କୁ ସେମାନଙ୍କ ପାଇଁ ଉଦ୍ଦିଷ୍ଟ ଖୁଆଡକୁ ଅଣାଯାଇଥାଏ ।
ଆଜି ସକାଳେ ଖୁଆଡ ନଂ ୩୦(କ) ମଧ୍ୟକୁ କଳାବାଘ ଭିକି ଏବଂ ଖୁଆଡ ନଂ ୩୦(ଖ)କୁ ଚିନୁ ଓ ମୌସୁମୀକୁ ଛଡା ଯାଇଥିଲା । ଏହାର କିଛି ସମୟ ପରେ ସକାଳ ପ୍ରାୟ ୮ଟା ବେଳେ ଭିକି ଦୁଇ ଖୁଆଡ ମଧ୍ୟରେ ଥିବା ତାର ଜାଲି ନିକଟକୁ ଆସି ମୌସୁମୀ ଓ ଚିନୁକୁ ଚାହିଁ ରହିଥିଲା । ଖୁଆଡ ନଂ. ୩୦(ଖ)ରେ ଥିବା ମୌସୁମୀ ପ୍ରଥମେ ଭିକିକୁ ଦେଖି ତାର ଜାଲି ନିକଟକୁ ଆସି ଠିଆ ହୋଇଥିଲା । ଏହାର କିଛି ସମୟ ପରେ ଚିନୁ ମଧ୍ୟ ମୌସୁମୀ ପାଖକୁ ଆସି ଭିକିକୁ ଚାହିଁ ଥିଲା । ମୌସୁମୀ ଏହାକୁ ସହି ନପାରି ହଠାତ୍‌ ଚିନୁ ଉପରକୁ ଆକ୍ରମଣ କରିଥିଲା । ତା’ର ପଛ ପଟ ଡାହାଣ ଗୋଡକୁ କାମୁଡି ଧରି ଥିଲା । ପର୍ଯ୍ୟଟକ ପାଟି କରିବାରୁ କିଛି ସମୟ ପରେ ତାକୁ ଛାଡି ଦେଇ ଥିଲା । ଚିନୁ ଗୋଡ଼ରୁ ପ୍ରଚୁର ରକ୍ତସ୍ରାବ ହୋଇଥିଲା । ପ୍ରାଣୀ ଉଦ୍ୟାନ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ପଛ କୋଠରି ଖୋଲି ଦେଇଥିଲେ । ମୌସୁମୀ କୋଠରି ଭିତରକୁ ପ୍ରବେଶ କରିବାରୁ ପ୍ରାଣୀ ଚିକିତ୍ସକ ଡ ଶରତ ଚନ୍ଦ୍ର ସାହୁ ଟ୍ରାଙ୍କୁଲାଇଜ କରି ଚିନୁକୁ ଉଦ୍ଧାର କରିଥିଲେ । ଏକ ଯନ୍ତାରେ ଚିନୁକୁ ଅଚେତ ଅବସ୍ଥାରେ ପ୍ରାଣୀ ଚିକିତ୍ସାଳୟ ଆଣି ସେଠାରେ ତା’ର ଚିକିତ୍ସା କରାଯାଇଛି ।
୨୦୧୫ ଡିସେମ୍ବର ମାସରେ ପ୍ରାଣୀ ଉଦ୍ୟାନରେ ଏମିତି ଏକ ତ୍ରିକୋଣୀୟ ପ୍ରେମକୁ ନେଇ ଅଭାବନୀୟ ଘଟଣା ଘଟିଥିଲା । ଜଙ୍ଗଲି ବାଘୁଣୀ ‘ସାରା’ ସହ ଜଙ୍ଗଲି ବାଘ ‘ନନ୍ଦନ’ର ମିଳନ ପାଇଁ କର୍ତ୍ତୃପକ୍ଷ ପ୍ରୟାସ କରୁଥିବା ବେଳେ ବାଘୁଣୀ ମେଘା ଏମାନଙ୍କ ଭିତରେ ପ୍ରବେଶ କରି ସାରାକୁ ଆକ୍ରମଣ କରିଥିଲା ।

ସମ୍ବନ୍ଧିତ ଖବର