ଦିପାବଳୀରେ ଶସ୍ତା ହୋଇପାରେ ଟୁ-ହ୍ୱିଲର୍ସ

ନୂଆଦିଲ୍ଲୀ ୨୬/୮: ଟୁ-ହ୍ୱିଲର ସାଧାରଣ ଲୋକଙ୍କ ଗାଡି । ମଧ୍ୟବିତ୍ତ ଶ୍ରେଣୀର ଲୋକଙ୍କ ବାହନ ହେଉଛି ଦୁଇଚକିଆ ଯାନ । କିନ୍ତୁ ଆପଣ ଜାଣିଛନ୍ତି କି ଏଥିରେ ଜିଏସଟି ଆଦାୟ ବିଳାସପୂର୍ଣ୍ଣ ଗାଡି ଅନୁସାରେ ହୋଇଥାଏ । ଇଣ୍ଡଷ୍ଟ୍ରୀର ଚେଷ୍ଟା ପରେ ଏବେ ସରକାରଙ୍କୁ ଏହା ଅନୁଭବ ହୋଇଛି କି ଟୁ-ହ୍ୱିଲରରେ ଜିଏସଟି ହ୍ରାସ କରିବା ଉଚିତ୍ ।

ଅର୍ଥମନ୍ତ୍ରୀ ନିର୍ମଳା ସୀତାରମଣ ଇଣ୍ଡଷ୍ଟ୍ରୀର ଏକ ପରାମର୍ଶ ପରେ ଏବେ ନିଜ ବୟାନରେ ଏନେଇ ସଙ୍କେତ ଦେଇଛନ୍ତି । ଜିଏସଟି  ହ୍ରାସ କରିବା ପରାମର୍ଶରେ ମନ୍ତ୍ରୀ କହିଛନ୍ତି କି ଏହା ବାସ୍ତବରେ ଏକ ଭଲ ପରାମର୍ଶ । ଏହାକୁ ଜିଏସଟି କାଉନସିଲ୍ ବୈଠକରେ ଉଠାଯିବ । କାରଣ ଟୁ-ହ୍ୱିଲର ବିଳାସପୂର୍ଣ୍ଣ କିମ୍ବା ଅହିତକର ସାମଗ୍ରୀ ନୁହେଁ । ଏବେ ଏଥିରେ ୨୮ ପ୍ରତିଶତ ଜିଏସଟି ଲାଗୁଛି । ଅର୍ଥମନ୍ତ୍ରୀ ଇଣ୍ଡଷ୍ଟ୍ରୀ ସଙ୍ଗଠନ CII ସହିତ ଏକ ଆଲୋଚନା ସମୟରେ ଏହା କହିଛନ୍ତି ।

ଉଦ୍ୟେଗ ସଙ୍ଗଠନ Confederation of Indian Industries (CII) ତରଫରୁ ଜାରି ଏକ ବୟାନରେ କୁହାଯାଇଛି କି ଅର୍ଥମନ୍ତ୍ରୀ ନିର୍ମଳା ସୀତାରମଣ ଭରସା ଦେଇଛନ୍ତି କି ଇଣ୍ଡଷ୍ଟ୍ରୀ ତରଫରୁ ଦିଆଯାଇଥିବା ଏହି ପରାମର୍ଶ ଅତି ଉତ୍ତମ  । ଏଥିପାଇଁ ଟୁ-ହ୍ୱିଲରର ଜିଏସଟି ଦରରେ ପରିବର୍ତ୍ତନ ଉପରେ ବିଚାର କରାଯିବ ।

ଅର୍ଥମନ୍ତ୍ରୀ ନିର୍ମଳା ସୀତାରଣଙ୍କ ଏହି ବୟାନ ଜିଏସଟି କାଉନସିଲର ୧୯ ସେପ୍ଟେମ୍ବରରେ ହେବାକୁ ଥିବା ବୈଠକ ପୂର୍ବରୁ ଆସିଥିଲା । ଆଶା କରାଯାଉଛି କି ଏହି ବୈଠକରେ ଟୁ-ହ୍ୱିଲରରେ ଜିଏସଟି ହ୍ରାସ କରିବାର ନିଷ୍ପତ୍ତି ହୋଇପାରେ । ଯଦି ଏମିତି ହୁଏ ତେବେ ଫେଷ୍ଟିଭ୍ ସିଜନରେ ଟୁ-ହ୍ୱିଲର୍ସ ଚାହିଦା ବଢିବ ଏବଂ ବିକ୍ରିରେ ବୃଦ୍ଧି ମଧ୍ୟ ଦେଖିବାକୁ ମିଳିବ । ବର୍ତ୍ତମାନ ଲକଡାଉନ ଓ କରୋନା ଭାଇରସ ସଙ୍କଟ ଯୋଗୁଁ ଟୁ-ହ୍ୱିଲର୍ସର ବିକ୍ରି ଠପ୍ ହୋଇ ପଡିଛି । ଗତ ବର୍ଷ ଦେଶର ସବୁଠାରୁ ବଡ ଟୁ-ହ୍ୱିଲର୍ସ ନିର୍ମାତା ହିରୋ ମୋଟୋକର୍ପ ସରକାରଙ୍କୁ ଜିଏସଟି ହ୍ରାସ କରିବା ପାଇଁ ଅପିଲ୍ କରିଥିଲା ।

   ସମ୍ବନ୍ଧିତ ଖବର


Ola-Uber ଉପରେ ସରକାରଙ୍କ କଟକଣା, ଆଉ ନେଇ ପାରିବେନି ଅଧିକ ଭଡ଼ା

ଏବେ ବାହନ ପଞ୍ଜୀକରଣ ବେଳେ ନୋମିନିଙ୍କ ନାଁ ଦେବାକୁ ପଡିବ, କେନ୍ଦ୍ର ସଡ଼କ ପରିବହନ ଓ ରାଜପଥ ମନ୍ତ୍ରାଳୟର ପ୍ରସ୍ତାବ

PNB ଗ୍ରାହକଙ୍କ ପାଇଁ ଜରୁରୀ ସୂଚନା : ୧ ଡିସେମ୍ୱରରୁ ବଦଳିବ ଟଙ୍କା ଉଠାଇବାର ନିୟମ

ଚୀନ୍‌ର ଚୋରପଣ- କହିଲା ଭାରତରୁ ବ୍ୟାପିଛି କରୋନା ଭାଇରସ୍‌

ଚୀନ୍ ସୈନିକଙ୍କୁ ଜିନପିଙ୍ଗ୍‌ଙ୍କ ମନ୍ତ୍ର: ମୃତ୍ୟୁକୁ ଭୟ ନକରି ଯୁଦ୍ଧ ଜିତିବାର ପ୍ରସ୍ତୁତି କର

ବ୍ଲାକହୋଲ୍‌ର ଖୁବ୍ ନିକଟରେ ପୃଥିବୀ, ଜାଣନ୍ତୁ ଗବେଷକଙ୍କ ମତ କ’ଣ?