ଉଦୟ ଚୋପ୍ରାଙ୍କ ମନକୁ ଆସୁଛି ଆତ୍ମହତ୍ୟା କରିବାର ଇଛା, ଜାଣନ୍ତୁ କାହିଁକି…

ମୁମ୍ବାଇ,୨୩।୩: ସିନେ ଜଗତର ପ୍ରଖ୍ୟାତ ଫିଲ୍ମ ନିର୍ଦେଶକ ୟଶ ଚୋପ୍ରାଙ୍କ ସାନ ପୁଅ ଉଦୟ ଚୋପ୍ରା ଦୀର୍ଘ ବର୍ଷ ହେବ ବଡ ପରଦାରେ ଦେଖିବାକୁ ମିଳୁନାହାଁନ୍ତି। ଶେଷ ଥର ପାଇଁ ତାଙ୍କୁ ‘ଧୁମ-୩’ ଫିଲ୍ମରେ ଦେଖିବାକୁ ମିଳିଥିଲା। ଏହି ଫିଲ୍ମ ୨୦୧୩ରେ ରିଲିଜ୍ ହୋଇଥିଲା। ଏହାପରେ ସେ କୌଣସି ଫିଲ୍ମରେ କାମ କରିନାହାଁନ୍ତି। ଫିଲ୍ମ ‘ମହୋବତେ’ରୁ ବଲିଉଡରେ ଡେବ୍ୟୁ କରିଥିବା ଉଦୟ ତାଙ୍କ ଫିଲ୍ମ କ୍ୟାରିୟରକୁ ଠିକ୍ ଭାବରେ ଆଗକୁ ନେଇ ପାରିନାହାଁନ୍ତି। ତେଣୁ ଏବେ ସେ ଡିପ୍ରେସନରେ ଅଛନ୍ତି। ଏପରିକି ତାଙ୍କ ମନ ଭିତରେ ଆତ୍ମହତ୍ୟା କରିବାର ଇଛା ମଧ୍ୟ ବେଳେ ବେଳେ ଚାଲିଆସେ ବୋଲି ତାଙ୍କର ଏକ ଟ୍ବିଟରୁ ଜଣାପଡିଛି। ତେବେ ଟ୍ବିଟ୍ କରିବା ପରେ ଉଦୟ ଏହାକୁ ତାଙ୍କ ଆକାଉଣ୍ଟରୁ ଡିଲିଟ୍ କରିଦେଇଛନ୍ତି।

ଲାଇମଲାଇଟ୍ ଠାରୁ ଦୂରରେ ରହୁଥିବା ଉଦୟ କିନ୍ତୁ ସୋସିଆଲ ମିଡିଆରେ ତାଙ୍କର ବ୍ୟକ୍ତିଗତ ଜୀବନ ସମ୍ପର୍କରେ ବହୁ  କିଛି କଥାର ଖୁଲାସା କରିଛନ୍ତି। ସେ ଟ୍ବିଟ୍ କରି ଲେଖିଥିଲେ ‘ମୁଁ କିଛି ଘଣ୍ଟା ପାଇଁ ନିଜର ଟ୍ବିଟର ଆକାଉଣ୍ଟ ଡି ଆକ୍ଟିଭେଟ୍ କରିଦେଇଥିଲି। ମୁଁ ଅନୁଭବ କଲି ମୃତ୍ୟୁର ଖୁବ୍ ନିକଟରେ ଅଛି। ଏହା ଅଦ୍ଭୂତପୂର୍ବ ଥିଲା। ମୋତେ ଲାଗୁଥିଲା ଆତ୍ମହତ୍ୟା କରିବାର ଏହା ହେଉଛି ଭଲ ବିକଳ୍ପ। ମୁଁ ଏହାକୁ ସ୍ଥାୟୀ ରୂପରେ କରିପାରିବି।’

ସେ ଏହାପରେ ଆଉ ଏକ ପୋଷ୍ଟ କରିଥିଲେ ସେଥିରେ ଲେଖିଥିଲେ ‘ମୁଁ ଠିକ୍ ନାହିଁ, ମୁଁ ଚେଷ୍ଟା କରୁଛି କିନ୍ତୁ ଅସଫଳ ହେଉଛି। ଯଦିଓ ପରେ ଉଦୟ ଏହି ଟ୍ବିଟକୁ ଡିଲିଟ୍ କରିଦେଇଥିଲେ ଓ ପରେ ନାସ୍ତିକତାକୁ ନେଇ ଆଉ ଏକ ଟ୍ବିଟ୍ କରିଥିଲେ। ସେ ଲେଖିଥିଲେ ‘ଏହା ଏକ ବିଚାର: ଆପଣ ମୋ ମୁଣ୍ଡରେ ବନ୍ଧୁକ ରଖି ମୋତେ ଭଗବାନଙ୍କ ଉପରେ ବିଶ୍ବାସ କରିବା ପାଇଁ ବାଧ୍ୟ କରିପାରିବେ। ମୁଁ ହଁ ମଧ୍ୟ କହିଦେବି। କାରଣ ମୁଁ ବଞ୍ଚିବାକୁ ଚାହେଁ। କିନ୍ତୁ ଆପଣଙ୍କୁ କିଭଳି ଜଣାପଡିବ ମୁଁ କାହା ଉପରେ ବିଶ୍ବାସ ରଖେ ଓ ମୋର ମୁଣ୍ଡରେ କ’ଣ ଚାଲୁଛି। ଏପରିକ ଏକଥା ମଧ୍ୟ ଭଗବାନ ବି ଜାଣିପାରିବେ ନାହିଁ। ସବୁଠାରୁ ଅଧିକ ସମ୍ଭାବିତ କାରଣ ଏହା କାଳ୍ପନିକ ଅଟେ।’

   ସମ୍ବନ୍ଧିତ ଖବର


ନେହା କକ୍କର ଓ ରୋହନପ୍ରୀତ ସିଂହଙ୍କ ବିବାହ ପ୍ରସ୍ତୁତି ଆରମ୍ଭ , ଫଟୋ ଭାଇରାଲ

‘ତୋ ପାଇଁ କିଛି ବି’ ପାଇଁ ଭାଓଲିନ୍‌ ଟ୍ରେନିଂ ନେଉଛନ୍ତି ଓଲିଉଡର ଡନ୍

‘ଛଲାଙ୍ଗ’ ପାଇଁ ରାଜକୁମାରଙ୍କଠୁ ହରିଆଣ୍‌ଭି ଶିଖିଥିଲେ ନୁସ୍ରତ

ତାରାଙ୍କ ନୂଆ ଅବତାର: ନେତାରୁ ସାଜିଲେ ଅଭିନେତା, ମା’ ଦୁର୍ଗାଙ୍କ ପୂଜା କରୁଥିବା ଭିଡିଓ ଭାଇରାଲ୍‌

ନବରାତ୍ରୀ ନେଇ ସୋସିଆଲ ମିଡିଆରେ ଅଶ୍ଲୀଳ ପୋଷ୍ଟ, କ୍ଷମା ମାଗିଲା Eros Now

ସୁଶାନ୍ତ ସିଂହ ରାଜପୁତଙ୍କୁ ନେଇ ହ୍ରିତିକ୍‌ ରୋଶନଙ୍କ ମାଆ କଲେ ପୋଷ୍ଟ – କହିଲେ , ସମସ୍ତେ ସତ ଜାଣିବାକୁ ଚାହୁଁଛନ୍ତି …କିନ୍ତୁ