ଶାହଙ୍କ ସୂଚନା: ମୋବାଇଲ ଆପ୍ ଯୋଗେ ହେବ ୨୦୨୧ ଜନଗଣନା, ଜାଣନ୍ତୁ କେତେ ହେବ ଖର୍ଚ୍ଚ

ନୂଆଦିଲ୍ଲୀ,୨୩।୯: କେନ୍ଦ୍ରଗୃହମନ୍ତ୍ରୀ ଅମିତ ଶାହ ସୋମବାର ଦିଲ୍ଲୀରେ ଜନଗଣନା ଭବନର ଭିତ୍ତିପ୍ରସ୍ତର ସ୍ଥାପନ କରିଛନ୍ତି। ଏହି ସମୟରେ ଶାହ କହିଛନ୍ତି ଜନଗଣନା ବିଲ୍ଡିଂ ସମ୍ପୂର୍ଣ୍ଣ ଭାବରେ ସବୁଜ ରଙ୍ଗର ରହିବ, ଭାରତକୁ ସବୁଜ ରଙ୍ଗର ବିଲ୍ଡିଂ କରିବାର ଯୋଜନା କରିବା ଦରକାର। ନୂଆ ଜନଗଣନା ଏହି ବିଲ୍ଡିଂରୁ ହେବ। ଏହା ସହ ଶାହ କହିଛନ୍ତି, ଜନଗଣନା ଦେଶର ଭବିଷ୍ୟତର ବିକାଶ ପାଇଁ ଯୋଜନା ପ୍ରସ୍ତୁତ କରିବାର ଆଧାର। ତେଣୁ ଜନଭାଗିଦାରୀର ଆବଶ୍ୟକତା ରହିଛି। ୧୮୬୫ରୁ ଏପର୍ଯ୍ୟନ୍ତ ୧୬ ତମ ଜନଗଣନା ହେବାକୁ ଯାଉଛି। ବହୁ ପରିବର୍ତ୍ତନ ଓ ନୂଆ ପଦ୍ଧତ୍ତି ପରେ ଆଜି ଜନଗଣନା ଡିଜିଟାଲ ହେବାକୁ ଯାଉଛି।

ଶାହ କହିଛନ୍ତି ୨୦୨୧ରେ ଯେଉଁ ଜନଗଣନା ହେବ, ସେଥିରେ ମୋବାଇଲ ଆପର ବ୍ୟବହାର କରାଯିବ। ଏଥିରେ ଡିଜିଟାଲ ପ୍ରଣାଳିରେ ସଂଖ୍ୟା ଉପଲବ୍ଧ ହେବ। ଯେତେ ଭଲ ଭାବରେ ଜନଗଣନା ହେବ ସେତେ ଭଲ ଭାବରେ ଦେଶର ଅର୍ଥନୀତି ମଜବୁତ କରିବାର ସାହାର୍ଯ୍ୟ ମିଳିବ। ୨୦୧୪ରେ ମୋଦି ସରକାର ଆସିବା ପରେ ଆମର ଭାବିବାର କ୍ଷମତାରେ ପରିବର୍ତ୍ତନ ହୋଇଥିଲା। ସେଭଳି ଜନଗଣନା ରେଜିଷ୍ଟରର ପ୍ରକୃତ ଉପଯୋଗ ଆରମ୍ଭ ହୋଇଥିଲା। ଏହାର ସବୁଠାରୁ ବଡ ଉଦାହରଣ ହେଉଛି ଉଜ୍ବଳା ଯୋଜନା। ଏହା ଜରିଆରେ ଜଣାପଡିଥିଲା ଏଭଳି ଅନେକ ଅଞ୍ଚଳ ରହିଛି ଯେଉଁଠି ୯୩ ପ୍ରତିଶତ ଲୋକଙ୍କ ପାଖରେ ଗ୍ୟାସ ନଥିଲା। ଡିଜିଟାଲ ପ୍ରଣାଳିରେ ଯେତେବେଳେ କାମ କରାଯାଇଥିଲା ଳୋକମାନଙ୍କୁ ଗ୍ୟାସ୍ ସିଲିଣ୍ଡର ଠିକ୍ ଭାବରେ ମିଳିଥିଲା।

ଏହି ସମୟରେ ଶାହ କହିଥିଲେ ଆରମ ସରକାର ୨୨ ଟି ଯୋଜନାର ରେଖାଙ୍କନ ଜନଗଣନା ଆଧାରରେ କରୁଛି। ବେଟି ବଢାଅ ଓ ବେଟି ବଚାଓର ଯୋଜନା ଏହି ଜନଗଣନା ସଂଖ୍ୟାର ଆଧାର ଉପରେ ବାହାରିଛି, ଯାହା ଉପରେ ଠିକ୍ ଭାବରେ କାମ କରାଯାଉଛି। ଜନଗଣନାକୁ ସମ୍ପୂର୍ଣ୍ଣ କରିବା ପାଇଁ ୧୬ଟି ଭାଷା ରଖାଯାଇଛି,ଯେଉଁଥିରେ ଳୋକମାନେ ନିଜର ସୂଚନା ସଠିକ୍ ଭାବରେ ଦେଇପାରିବେ। ଡିଜିଟାଲ ଜନଗଣନା ହେଲେ ଆଧାର କାର୍ଡ, ପାନ୍ କାର୍ଡ, ବ୍ୟାଙ୍କ କାର୍ଡ ସହିତ ସମସ୍ତ କାର୍ଡ ଗୋଟିଏ ହୋଇଯିବ, ଯାହାଫଳରେ ସବୁକିଛି ଠିକ୍ ହୋଇଯିବ। ତେବେ ଏହା ଉପରେ ଏବେ କାମ ଆରମ୍ଭ ହୋଇନାହିଁ କିନ୍ତୁ ଜନଗଣନାକୁ ଡିଜିଟାଲ ହେବାଦ୍ବାରା କାମ ସହଜ ହୋଇପାରେ।

   ସମ୍ବନ୍ଧିତ ଖବର


୪୦ ମିନିଟ୍ ପର୍ଯ୍ୟନ୍ତ ନିଖୋଜ ହୋଇଗଲା ବିଜେପି ନେତା ମନୋଜ ତିଓ୍ବାରୀଙ୍କ ହେଲିକାପ୍ଟର, ପାଟନାରେ କଲା ଜରୁରୀକାଳୀନ ଅବତରଣ…

ଭାରତକୁ ଆମେରିକାର ନୂଆ ପ୍ରସ୍ତାବ: ନୌସେନାକୁ ଦେବ ଏଫ-୧୮ ଯୁଦ୍ଧବିମାନ, ବିମାନବାହୀ ଯୁଦ୍ଧଜାହାଜରେ ଏଗୁଡିକୁ କରାଯିବ ମୁତୟନ

ସମାଜବାଦୀ ପାର୍ଟି ପତାକା ରଙ୍ଗରେ ତିଆରି ହେଲା ରେଲଓ୍ବେ ହସପିଟାଲ ଶୌଚାଳୟ, ଦଳ କହିଲା ତୁରନ୍ତ ନିଆଯାଉ କାର୍ଯ୍ୟାନୁଷ୍ଠାନ…

ଗୁଜରାଟର ପୂର୍ବତନ ମୁଖ୍ୟମନ୍ତ୍ରୀ କେଶୁଭାଇ ପଟେଲଙ୍କ ପରଲୋକ, କରୋନାରୁ ସୁସ୍ଥ ହୋଇ ଫେରିଥିଲେ

ଭାରତକୁ ସାଉଦିର ଦୀପାବଳି ଉପହାର: ପାକ୍‌ ମାନଚିତ୍ରରୁ କାଶ୍ମୀର, ଗିଲଗିଟ୍‌କୁ ଦେଲା ବାଦ

ସାଙ୍ଘାତିକ ରୂପ ନେଉଛି କରୋନାର ଦ୍ବିତୀୟ ଲହର, ପୁଣି ଲକଡାଉନ୍ ପ୍ରସ୍ତୁତିରେ ଏହି ୩ ଦେଶ