PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ଘରେ ଚଢ଼ାଉ , ତାଙ୍କର ସହଯୋଗୀ ଓ ସଂପର୍କୀୟଙ୍କ ଘରେ ମଧ୍ୟ ଚଢ଼ାଉ , ସହଯୋଗୀଙ୍କ ଘରୁ ୨୦ ଲକ୍ଷ ଟଙ୍କା ଜବତ , ବିଭିନ୍ନ କାଗଜପତ୍ର ମଧ୍ୟ ଜବତ କଲା ଭିଜିଲାନ୍ସ ଟିମ୍
  • ||
  • ଜମ୍ମୁ-କଶ୍ମୀରରେ ୨ ଅଣକାଶ୍ମୀରୀଙ୍କୁ ହତ୍ୟା କଲେ ଆତଙ୍କବାଦୀ , ଯବାନଙ୍କ ପକ୍ଷରୁ ସର୍ଚ୍ଚ ଅପରେସନ ଜୋରଦାର
  • ||
  • କଟକ ଜଗତପୁର ଶିଳ୍ପାଞ୍ଚଳରେ ଅଗରବତୀ ଫ୍ୟାକ୍ଟ୍ରିରେ ଅଗ୍ନିକାଣ୍ଡ , ଏସ୍ଏସ୍ ଏଣ୍ଟରପ୍ରାଇଜର୍ସ ନାମକ କାରଖାନାରେ ନିଆଁ , ନିଆଁ ଆୟତ୍ତ ପାଇଁ ଅଗ୍ନିଶମ ବାହିନୀର ଉଦ୍ୟମ , ଫ୍ୟାକ୍ଟ୍ରିରେ ତିଆରି ହେଉଥିଲା ମଙ୍ଗଲଦୀପ୍ ବ୍ରାଣ୍ଡର ଅଗରବତୀ
  • ||
  • ରାୟଗଡା ସହର ଉପକଣ୍ଠ ନାଗାବଳି ନଦୀରେ ପାରଳାଖେମୁଣ୍ଡି ସହରର ଦୁଇ ଜଣ ପର୍ଯ୍ୟଟକ ନିଖୋଜ ।
  • ||
  • ପାରଳାଖେମୁଣ୍ଡି : ମନ୍ତ୍ରୀ ଜଗନ୍ନାଥ ସାରକାଙ୍କ ପାଇଲଟ ଗାଡ଼ି ଦୁର୍ଘଟଣାଗ୍ରସ୍ତ, ଡ୍ରାଇଭରଙ୍କ ସମେତ ୫ ଆହତ
  • ||
  • ବ୍ରହ୍ମପୁର : ଗୋପାଳପୁର ବିଧାୟକ ଓ ସମର୍ଥକଙ୍କ ଘରେ ଭିଜିଲାନ୍ସ ଚଢ଼ାଉ
  • ||
  • ଭୋଗରାଇ : ବେଳାଭୂମି ନିକଟ ହୋଟେଲରେ ସେକ୍ସ ରାକେଟ୍‌ର ପର୍ଦ୍ଦାଫାସ୍
  • ||
  • ଭୁବନେଶ୍ୱର : ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୨୮୫କୁ ବୃଦ୍ଧି
  • ||
  • ଚଣ୍ଡିଖୋଲ : ପାରିବାରିକ କଳହର କରୁଣ ପରିଣତି, ବୋହୂକୁ ପଥରରେ ଛେଚି ହତ୍ୟା କଲା ଶାଶୂ
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୪୩ କୋଭିଡ୍ ପଜିଟିଭ୍
  • ||
  • ବାଲିଗୁଡା : ବିଦ୍ୟୁତ ତାର ଲାଗି ଯୁବକଙ୍କ ମୃତ୍ୟୁ ଘଟଣାରେ ତୁମୁଡିବନ୍ଧ ଠାରେ ଜାତୀୟ ରାଜପଥ ଅବରୋଧ, ମୁନିଗୁଡା ଓ ଭବାନୀପାଟନାକୁ ଯାତାୟତ ଠପ୍
  • ||
  • ଭୁବନେଶ୍ୱର : ରାଜ୍ୟରେ ଆଉ ୩ ଦିନ ବର୍ଷା, ଆସନ୍ତାକାଲି ମୟୂରଭଞ୍ଜ ଓ ବାଲେଶ୍ୱରରେ ପ୍ରବଳ ବର୍ଷବ
  • ||
  • ଭୁବନେଶ୍ୱର : ଆଜିଠୁ ଓଜେଇଇ କାଉନ୍‌ସିଲିଂ, ୫ ନଭେମ୍ବରରେ ପ୍ରଥମ ପର୍ଯ୍ୟାୟ ଆଲର୍ଟମେଣ୍ଟ
  • ||
  • ଅଲ୍‌ ଅମିରତ୍‌ : ଆଜିଠୁ ଟି-୨୦ ବିଶ୍ବକପ୍, ସଙ୍ଘର୍ଷପୂର୍ଣ୍ଣ ହେବ ବାଂଲାଦେଶ-ସ୍କଟ୍‌ଲାଣ୍ଡ ମୁକାବିଲା
  • ||

ବିମାନବନ୍ଦର ସେବା ଯାଞ୍ଚ କଲେ କେନ୍ଦ୍ର ମନ୍ତ୍ରୀ

ଭୁବନେଶ୍ୱର,୩ା୩(ବ୍ୟୁରୋ): ବିଜୁ ପଟ୍ଟନାୟକ ଆନ୍ତର୍ଜାତିକ ବିମାନବନ୍ଦରରେ କେନ୍ଦ୍ର ବେସାମରିକ ବିମାନ ଚଳାଚଳ ରାଷ୍ଟ୍ର ମନ୍ତ୍ରୀ ଜୟନ୍ତ ସିହ୍ନା । ଟର୍ମିନାଲରୁ ଏମୁଣ୍ଡରୁ ସେ ମୁଣ୍ଡ ବୁଲୁଥାନ୍ତି । ସବୁ ବ୍ୟବସ୍ଥା ଓ ସେବା ଯାଞ୍ଚ୍‌ କରୁଥାନ୍ତି । ବିମାନବନ୍ଦର ପରିସର ଚକାଚକ୍‌ ଥିଲେ ମଧ୍ୟ କେନ୍ଦ୍ର ମନ୍ତ୍ରୀ ଯାତ୍ରୀଙ୍କ ମତାମତ ଜାଣିବାକୁ ଚାହିଁଥିଲେ । ଯାତ୍ରୀଙ୍କ ମୁହଁରୁ ବିମାନବନ୍ଦରର ସେବା ବାବଦରେ ପଚାରି ବୁଝିଥିିଲେ ।
ଦିନିକିଆ ଓଡ଼ିଶା ଗସ୍ତରେ ଆସିଥିଲେ କେନ୍ଦ୍ର ମନ୍ତ୍ରୀ ଶ୍ରୀ ସିହ୍ନା । ବିମାନବନ୍ଦରରେ ତାଙ୍କୁ ସ୍ୱାଗତ କରିଥିଲେ ବିମାନବନ୍ଦର ନିର୍ଦ୍ଦେଶକ ସୁରେଶ ଚନ୍ଦ୍ର ହୋତା । ବିମାନବନ୍ଦରରେ ପହଞ୍ଚିବା ମାତ୍ରେ କେନ୍ଦ୍ର ମନ୍ତ୍ରୀ ଶ୍ରୀ ସିହ୍ନା ପ୍ରଥମେ ଭୁବନେଶ୍ୱର ବିମାନବନ୍ଦରର ସବୁ ବ୍ୟବସ୍ଥା ଓ ସେବା କେମିତି ଚାଲିଛି, ତା’ର ଅନୁଧ୍ୟାନ କରିଥିଲେ । ପ୍ରଥମେ ଟର୍ମିନାଲର ସଫେଇ ବ୍ୟବସ୍ଥା ଯାଞ୍ଚ୍‌ କରିଥିଲେ । ଏପରିକି ଟଏଲେଟ ଏବଂ ୱାସ୍‌ ରୁମ୍‌କୁ ଯାଇ ସ୍ୱଚ୍ଛତା ସ୍ଥିତି ଅନୁଧ୍ୟାନ କରିଥିଲେ । ତାଙ୍କ ସାଥୀରେ ବିମାନବନ୍ଦର ନିର୍ଦ୍ଦେଶକ ବି ଥିଲେ । ଟର୍ମିନାଲ ବାହାରେ ପାର୍କିଂ ବ୍ୟବସ୍ଥା କେମିତି ଚାଲିଛି, ତା’ ଉପରେ ବି କେନ୍ଦ୍ର ମନ୍ତ୍ରୀ ନଜର ପକାଇଥିଲେ । ନିଜେ ସବୁ ବ୍ୟବସ୍ଥା ଓ ସେବାର ସ୍ଥିତି ଦେଖିବା ପରେ ଯାତ୍ରୀମାନଙ୍କର ମତାମତ ଜାଣିବାକୁ ଇଚ୍ଛା କରିଥିଲେ । ୨/୩ଜଣ ଯାତ୍ରୀଙ୍କୁ କେନ୍ଦ୍ର ମନ୍ତ୍ରୀ ନିଜ ପରିଚୟ ଦେଇ ବିମାନବନ୍ଦରର ସ୍ୱଚ୍ଛତା ଓ ସେବା ବାବଦରେ ପଚାରିଥିଲେ । ତେବେ ସମସ୍ତ ଯାତ୍ରୀ ବିମାନବନ୍ଦର ସେବା ଓ ସ୍ୱଚ୍ଛତାର ପ୍ରଶଂସା କରିଥିଲେ ।
ଏହା ପରେ କେନ୍ଦ୍ର ମନ୍ତ୍ରୀ ଶ୍ରୀ ସିହ୍ନା ବିମାନବନ୍ଦର କର୍ତ୍ତୃପକ୍ଷଙ୍କ ସହ ବିଭିନ୍ନ ପ୍ରକଳ୍ପ ବାବଦରେ ଆଲୋଚନା କରିଥିଲେ । ନିକଟରେ ଶିଳାନ୍ୟାସ ଦିଆଯାଇଥିବା ପାରାଲାଲ୍‌ ଟ୍ୟାକ୍ସି ଟ୍ରାକ୍‌, ବିମାନ ପାର୍କିଂ ପ୍ରକଳ୍ପ ବାବଦରେ ପଚାରିଥିଲେ । ୯୩୫ କୋଟି ଟଙ୍କା ବ୍ୟୟରେ ନିର୍ମାଣ ହେବାକୁ ଥିବା ତୃତୀୟ ଟର୍ମିନାଲ ପ୍ରକଳ୍ପ ବାବଦରେ ବି ଆଲୋଚନା କରିଥିଲେ । ଏପ୍ରିଲ ପହିଲାରୁ ନୂଆ ପାର୍କିଂ ନୀତି ଲାଗୁ କରିବା ଉପରେ ବି ଗୁରୁତ୍ୱ ଦେଇଥିଲେ । ପ୍ରାୟ ଦେଢ଼ ଘଣ୍ଟା ଧରି ସେ ବିମାନବନ୍ଦର ପରିସରରେ ରହିଥିଲେ ।
ନୂଆ ପାର୍କିଂ ନୀତି ସମ୍ପର୍କରେ ଶ୍ରୀ ହୋତା କହିଛନ୍ତି, ଆସନ୍ତା ଏପ୍ରିଲ ପହିଲାରୁ ନୂଆ ପାର୍କିଂ ବ୍ୟବସ୍ଥା ଆରମ୍ଭ ହେବ । ଏହି ନୀତି ଲାଗୁ ହେବା ପରେ ବିମାନବନ୍ଦରକୁ ଯାତ୍ରୀ ଆଣିବା ଓ ଛାଡ଼ିବା ପାଇଁ ଯାଉଥିବା ଘରୋଇ ଗାଡ଼ି କୌଣସି ଫି’ ଦେବେ ନାହିଁ । ଯେଉଁ ଗାଡ଼ି ପାର୍କିଂ ଏରିଆ ବ୍ୟବହାର କରିବେ, ସେଥିପାଇଁ ଫି’ ଦେବାକୁ ପଡ଼ିବ । ଫି’ ମଧ୍ୟ କମ୍‌ ରଖାଯାଇଛି । ୩୦ ମିନିଟ୍‌ ଭିତରେ ହେଲେ ୪ ଚକିଆ ଯାନ ପାଇଁ ୨୦ ଟଙ୍କା ପାର୍କିଂ ଫି’ ଦେବାକୁ ପଡ଼ିବ । ୩୦ ମିନିଟ୍‌ ଟପିଲେ ୫୫ ଟଙ୍କା ଦେବାକୁ ହେବ । ୨ ଚକିଆ ଯାନ ପାଇଁ ପ୍ରଥମ ୩୦ ମିନିଟ୍‌ରେ ୧୫ ଟଙ୍କା ରଖାଯାଇଛି ବୋଲି ଶ୍ରୀ ହୋତା କହିଛନ୍ତି ।