ଲକ୍ଷ୍ନୌ : ଉତ୍ତର ପ୍ରଦେଶରେ କରୋନାର ମାମଲା କମ୍ ହେବା ଭିତରେ କରୋନା କର୍ଫ୍ୟୁକୁ ନେଇ ନୂଆ ଗାଇଡ୍ ଲାଇନ୍ ଜାରି ହୋଇଛି । ପ୍ରଦେଶରେ ନାଇଟ୍ କର୍ଫ୍ୟୁ ଓ ୱିକେଣ୍ଡ ଲକ୍ଡାଉନ୍ ଜାରି ରହିବ । ୬୦୦ରୁ ଅଧିକ କରୋନା ମାମଲା ଥିବା ଜିଲ୍ଲା ଗୁଡ଼ିକରେ ଏବେ କରୋନାକୁ ନେଇ ନିୟମ କଡ଼ାକଡ଼ି ରହିବ।
ଉତ୍ତର ପ୍ରଦେଶରେ ୱିକେଣ୍ଡ ଲକ୍ଡାଉନ୍ ସହ ୫ଦିନ ଦୋକାନ ଖୋଲା ରହିବ । ନାଇଟ୍ କର୍ଫ୍ୟୁ ଜାରି ରହିବ । ୬୦୦ରୁ ଅଧିକ ଆକ୍ଟିଭ୍ କେସ୍ ଥିବା ସହରରେ କୌଣସି ବି ଉପାୟରେ କୋହଳ କରା ନଯିବାର ନିଷ୍ପତ୍ତି ନିଆଯାଇଛି । ଲକ୍ଷ୍ନୌ, ମୁରାଦାବାଦ , ମିରଠ ସମେତ ୨୦ଟି ସହରରେ ବର୍ତ୍ତମାନ କୌଣସି କୋହଳ ହେବ ନାହିଁ । ଅନ୍ୟ ସହର ଗୁଡ଼ିକରେ ୱିକେଣ୍ଡ ଲକ୍ଡାଉନ୍ର ନୂଆ ଗାଇଡ୍ ଲାଇନ୍ ସହ ଖୋଲା ଯିବ ।
କଣ୍ଟେନମେଣ୍ଟ ଜୋନକୁ ଛାଡ଼ି ପ୍ରଦେଶରେ ଦୋକାନ ସକାଳ ୭ଟାରୁ ସନ୍ଧ୍ୟା ୭ଟା ଯାଏ ଖୋଲିବାର ଅନୁମତି ରହିଛି । ଏହି କୋହଳ ୫ଦିନ ହେବ । ଶନିବାର ଓ ରବିବାର ବନ୍ଦ ରହିବ । ଯେଉଁ ଜିଲ୍ଲା ଗୁଡ଼ିକରେ କରୋନାର ଆକ୍ଟିଭ୍ କେସ୍ର ସଂଖ୍ୟା ଆଜି ୬୦୦ରୁ ଅଧିକ , ସେଠାରେ ବର୍ତ୍ତମାନ କୌଣସି କୋହଳ କରାଯିବନାହିଁ ।
