ଅଲିଗଡ, ୨୧/୦୬ : ନଦୀକୁ ଡେଇଁ ବୁଡ଼ି ଯାଉଥିବା ଯୁବକଙ୍କୁ ଉଦ୍ଧାର କଲେ ସବ-ଇନସପେକ୍ଟର। ୟୁପି ଅଲିଗଡ଼ ପୋଲିସର ସବ୍-ଇନସପେକ୍ଟର ଆଶିଷ କୁମାର ଏଭଳି ସାହାସିକତା ଦେଖାଇଛନ୍ତି। ଏଥିପାଇଁ ତାଙ୍କୁ ଏସଏସପି କଳାନିଧି ନୈଥାନି ୨୫ ହଜାର ଟଙ୍କା ପ୍ରୋତ୍ସାହନ ରାଶି ଦେଇ ସମ୍ମାନିତ କରିଛନ୍ତି।
ସୂଚନାନୁଯାୟୀ, ଜୁନ ୨୦ ଦିନ ୧ଟା ୩୦ ମିନିଟରେ ଆଶିଷ କୁମାର ଡ୍ୟୁଟି କରୁଥିଲେ। ଏହି ସମୟରେ ଗଙ୍ଗା ନଦୀ କୂଳରେ ହାରୁନପୁର ନିବାସୀ ତେଜ ସିଂହ ଠିଆ ହୋଇଥିବା ବେଳେ ଅଚାନକ ନଦୀ ସୁଅରେ ଭାସି ଯାଇଥିଲେ। ତେଜ ସିଂହ ଭାସିଯିବା ବେଳେ ଆଖପାଖରେ ଥିବା ଲୋକମାନେ ପାଟି କରି ଚିଲେଇଥିଲେ। ଏହି ସମୟରେ ସବ୍-ଇନସପେକ୍ଟର ଆଶିଷ କୁମାର ନଦୀକୁ ଡେଇଁ ପଡିଥିଲେ ଏବଂ ବୁଡି ଯାଉଥିବା ଯୁବକଙ୍କୁ ଉଦ୍ଧାର କରିଥିଲେ। ତେବେ ଆଶିଷ ତାଙ୍କର ପିଲାଦିନେ ପହଁରା ଶିଖିଥିଲେ। ବଡ଼ ହେବା ପରେ ସେ ପହଁରି ପାରିବେ କି ନାହିଁ ସେହି କଥା ଚିନ୍ତା ନକରି ଯୁବକଙ୍କୁ ଉଦ୍ଧାର କରିବାକୁ ତୁରନ୍ତ ନଦୀକୁ ଡେଇଁ ପଡିଥିଲେ।
wp:html/wp:html"#अलीगढ़ #पुलिस के जांबाज सब इंस्पेक्टर आशीष-बचपन में तैराकी सीखी,उसके बाद कही सालों तक तैराकी नहीं की, लेकिन डूबते हुए की जान बचाने के लिए खाकी किस कदर समर्पित है यह दुनिया को दिखा दिया.."
— Kalanidhi Naithani (I.P.S) (@ipsnaithani) June 20, 2021
सब इंस्पेक्टर आशीष को प्रशस्ति पत्र एवं ₹25000 प्रोत्साहन राशि स्वीकृत की जाती है?? pic.twitter.com/Kzix1c6ofg
ଅଲିଗଡର ଏସଏସପି କଳାନିଧି ନୈଥାନି ଏଭଳି ସାହାସିକତା ପାଇଁ ଆଶିଷଙ୍କୁ ପ୍ରଶଂସା କରିବା ସହ ଉଦ୍ଧାର କରିବା ବେଳର ଏକ ଭିଡିଓ ଟ୍ଵିଟ୍ କରିଛନ୍ତି। ଏହା ସହ ସେ ଆଶିଷଙ୍କୁ ୨୫ ହଜାର ଟଙ୍କା ପ୍ରୋତ୍ସାହନ ରାଶି ପ୍ରଦାନ କରିବା ସହ ତାଙ୍କୁ ସମ୍ମାନିତ କରିଛନ୍ତି। ସେହିପରି ୟୁପିର ଗୃହ ବିଭାଗର ଆଡିଶନାଲ ଚିଫ୍ ସେକ୍ରେଟାରୀ ଅବନିଶ ଅବସ୍ଥି ଆଶିଷଙ୍କୁ ୫୦ ହଜାର ଟଙ୍କାର ପ୍ରୋତ୍ସାହନ ରାଶି ପ୍ରଦାନ କରିଛନ୍ତି।