ନୂଆଦିଲ୍ଲୀ ୨୮/୩: କରୋନା ଭୂତାଣୁର ଉତ୍ପତ୍ତିସ୍ଥଳ ଥିଲା ଚୀନ୍ । ଦେଶର ହୁବେଇ ପ୍ରଦେଶର ରାଜଧାନୀ ୱୁହାନ୍ରୁ ବ୍ୟାପିଥିଲା ଏହି ପ୍ରାଣଘାତୀ ଭୂତାଣୁ । ଏବେ ଏହା ୧୯୯ଟି ଦେଶକୁ ମାଡ଼ିଗଲାଣି । ଆମେରିକା, ଇଟାଲୀ ଓ ସ୍ପେନ ଭଳି ଦେଶକୁ ଏହା ସାଂଘାତିକ ଭାବେ ଗ୍ରାସ କରିଛି । ତେବେ ସବୁଠୁ ଆଶ୍ଚର୍ଯ୍ୟର ବିଷୟ ହେଉଛି, ମୃତ୍ୟୁ ସଂଖ୍ୟାରେ ଚୀନ୍କୁ ଇଟାଲୀ ଓ ସ୍ପେନ୍ ବହୁ ପଛରେ ଛାଡ଼ିଯାଇଛନ୍ତି । ସଂକ୍ରମିତ ସଂଖ୍ୟାରେ ଏହି ଦୁଇ ରାଷ୍ଟ୍ର ଚୀନ୍ ତୁଳନାରେ ପଛରେ ଥିଲା ହେଁ ମୃତ୍ୟୁ ସଂଖ୍ୟାରେ ଆଗରେ ରହିଛନ୍ତି । ସଂକ୍ରମିତ ସଂଖ୍ୟାରେ ଚୀନ୍କୁ ପଛରେ ଛାଡ଼ିଦେଇଛି ଆମେରିକା । ଚୀନ୍ରେ ଏବେ ସୁଦ୍ଧା ୮୧,୩୪୦ ଜଣ କରୋନା ସଂକ୍ରମିତ ହୋଇଥିବାବେଳେ ଆମେରିକାରେ ଏହି ସଂଖ୍ୟା ୧,୦୪,୧୪୨ରେ ପହଞ୍ଚିଛି ।
କରୋନା ଭୂତାଣୁ ଦ୍ୱାରା ବିଶ୍ୱରେ ମୋଟ ୫,୯୭,୧୭୯ ଜଣ ସଂକ୍ରମିତ ହୋଇଥିବା ବେଳେ ୨୭,୩୫୬ ଜଣଙ୍କ ମୃତ୍ୟୁ ଘଟିଛି । ୧,୩୩,୩୬୦ ଜଣ ଆରୋଗ୍ୟ ହେଇଛନ୍ତି । ଆଜି ଆମେରିକାରେ ୭,୮୯୪ ନୂଆ ରୋଗୀ ଚିହ୍ନଟ ହେବା ପରେ ମୋଟ ସଂକ୍ରମିତଙ୍କ ସଂଖ୍ୟା ୧,୦୪,୧୪୨ରେ ପହଞ୍ଚିଛି । ସେହିଭଳି ୮୯ ଜଣଙ୍କ ମୃତ୍ୟୁ ଘଟିଛି । ଫଳରେ ମୃତ୍ୟୁ ସଂଖ୍ୟା ୧,୩୮୪ରେ ପହଞ୍ଚିଛି । ଚୀନ୍ରେ ଶୁକ୍ରବାର ଦିନ ୫ ଜଣଙ୍କ ମୃତ୍ୟୁ ଘଟିଥିବା ବେଳେ ୫୫ ନୂଆ ରୋଗୀ ଚିହ୍ନଟ ହୋଇଛନ୍ତି। ଦେଶରେ ମୃତକ ସଂଖ୍ୟା ୩,୨୯୫ରେ ପହଞ୍ଚିଛି ।
ଇଟାଲୀରେ ଗୋଟିଏ ଦିନରେ ୫,୯୦୯ ଜଣ ସଂକ୍ରମିତ ହେବା ପରେ ମୋଟ ସଂକ୍ରମିତଙ୍କ ସଂଖ୍ୟା ୮୬,୪୯୮ ହୋଇଥିବା ବେଳେ ମୃତ୍ୟୁ ସଂଖ୍ୟା ୯,୧୩୪ ହୋଇଛି । ସ୍ପେନ୍ରେ ଆଜି ଆଉ ୬,୨୭୩ ନୂଆ ରୋଗୀ ଚିହ୍ନଟ ହେବା ପରେ ମୋଟ ସଂକ୍ରମିତ ସଂଖ୍ୟା ୬୪,୦୫୯ରେ ପହଞ୍ଚିଛି । ଦେଶରେ ଆଜି ୫୬୯ ରୋଗୀଙ୍କ ମୃତ୍ୟୁ ଘଟିବା ପରେ ମୋଟ ମୃତ୍ୟୁ ସଂଖ୍ୟା ୪,୯୩୪ ଛୁଇଁଛି, ଯାହା କି ଚୀନ୍ଠାରୁ ଅଧିକ ।
ଜର୍ମାନୀରେ ଆଜି ୫,୪୦୬ ଜଣ ନୂଆ ରୋଗୀ ଚିହ୍ନଟ ହେବା ପରେ ମୋଟ ସଂକ୍ରମିତ ସଂଖ୍ୟା ୪୯,୩୪୪ ଛୁଇଁଛି । ଏଠାରେ ଆଜି ୩୭ ଜଣ ପ୍ରାଣ ହରାଇଛନ୍ତି । ଫଳରେ ମୃତକ ସଂଖ୍ୟା ୩୦୪ରେ ପହଞ୍ଚିଛି ।
ଫ୍ରାନ୍ସରେ ମୃତ୍ୟୁ ସଂଖ୍ୟା ୧,୬୯୬ ଛୁଇଁଥିବା ବେଳେ ସଂକ୍ରମିତଙ୍କ ସଂଖ୍ୟା ୨୯,୧୫୫ରେ ପହଞ୍ଚିଛି । ଇରାନରେ ଆଜି ୨,୯୨୬ ନୂଆ ରୋଗୀ ଚିହ୍ନଟ ହୋଇଥିବା ବେଳେ ମୋଟ ସଂକ୍ରମିତଙ୍କ ସଂଖ୍ୟା ୩୨,୩୩୨ ଛୁଇଁଛି । ଦେଶରେ ଆଜି ୧୪୪ ଜଣଙ୍କ ମୃତ୍ୟୁ ଘଟିବା ପରେ ମୋଟ ମୃତ୍ୟୁ ସଂଖ୍ୟା ୨,୩୭୮ରେ ପହଞ୍ଚିଛି । ସୁଇଜରଲାଣ୍ଡରେ ଆଜି ୫୦୦ ନୂଆ ରୋଗୀ ଚିହ୍ନଟ ହୋଇଥିବା ବେଳେ ମୋଟ ସଂକ୍ରମିତ ସଂଖ୍ୟା ୧୨,୩୧୧ ଛୁଇଁଛି ।
ଏଠାରେ ମୃତ୍ୟୁ ସଂଖ୍ୟା ୧୫ ବଢ଼ି ୨୦୭କୁ ବଢ଼ିଛି । ଦକ୍ଷିଣ କୋରିଆରେ ମୋଟ ସଂକ୍ରମିତ ସଂଖ୍ୟା ୯,୩୩୨ ହୋଇଥିବା ବେଳେ ମୃତ୍ୟୁ ସଂଖ୍ୟା ୧୩୯ରେ ପହଞ୍ଚିଛି । ଏହି ଦେଶରେ ଆଜି ୯୧ ନୂଆ ରୋଗୀ ଚିହ୍ନଟ ହୋଇଥିବା ବେଳେ ୮ ଜଣ ପ୍ରାଣ ହରାଇଛନ୍ତି । ବ୍ରିଟେନ୍ରେ ମୋଟ ସଂକ୍ରମିତଙ୍କ ସଂଖ୍ୟା ୧୧,୬୫୮ ହୋଇଥିବା ବେଳେ ମୃତ୍ୟୁ ସଂଖ୍ୟା ସୁଦ୍ଧା ୫୭୮ ରହିଛି । ସେହିଭଳି ନେଦରଲାଣ୍ଡରେ ଆଜି ଗୋଟିଏ ଦିନରେ ୧୧୨ ଜଣ ପ୍ରାଣ ହରାଇଛନ୍ତି । ଫଳରେ ମୃତକ ସଂଖ୍ୟା ୫୪୬ରେ ପହଞ୍ଚିଛି । ଦେଶରେ ଆଜି ୧,୧୭୨ ନୂଆ ରୋଗୀ ଚିହ୍ନଟ ହେବା ପରେ ମୋଟ ସଂକ୍ରମିତ ସଂଖ୍ୟା ୮,୬୦୩ରେ ପହଞ୍ଚିଛି ।