PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍: ୨୪ ଘଣ୍ଟା ମଧ୍ୟରେ ୧୨ ଜଣ କୋଭିଡ୍ ପଜିଟିଭ ଚିହ୍ନଟ
  • ||
  • ସମ୍ବଲପୁର: ଶୀତଳ ଷଷ୍ଠୀ ପାଇଁ ପୂର୍ବ ପ୍ରସ୍ତୁତି: ୩ ତାରିଖରୁ ୭୨ ଘଣ୍ଟା ପାଇଁ ସମସ୍ତ ମଦ ଦୋକାନ ସିଲ୍
  • ||
  • ଭୁବନେଶ୍ୱର: ଆଜିଠୁ ଅଲ୍‌ ଓଡ଼ିଶା ସନ୍ତରଣ ପ୍ରତିଯୋଗିତା, ୨୦ଟି ଜିଲ୍ଲାରୁ ୨୫୮ ଜଣ ପ୍ରତିଯୋଗୀ ହେବେ ସାମିଲ
  • ||
  • ଭୁବନେଶ୍ୱର: ଆହୁରି କଲବଲ କରିବ ଅସହ୍ୟ ତାତି ସାଙ୍ଗକୁ ଗୁଳୁଗୁଳି , ଜୁନ୍‌ ୨ ତାରିଖ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ବାରଙ୍ଗ: ନନ୍ଦନକାନନରେ ଆଖିବୁଜିଲା ଆଫ୍ରିକୀୟ ସିଂହ, ୧୬କୁ ହ୍ରାସ ପାଇଲା ସିଂହଙ୍କ ସଂଖ୍ୟା
  • ||

ବାଣୀବିହାର ହଷ୍ଟେଲ୍‌ରେ ଚଢ଼ଉ ପରେ ପୁଲିସ ଖୁସ୍‌, ଭିସି ଚୁପ୍‌

ଭୁବନେଶ୍ୱର,୧୧ା୩(ବ୍ୟୁରୋ): ଉତ୍କଳ ବିଶ୍ୱବିଦ୍ୟାଳୟରେ ଗୋଟିଏ ବି ଅଣଛାତ୍ର ରହିବେନି । ଆଗକୁ ଆହୁରି ଚଢ଼ଉ କରାଯିବ । କ୍ୟାମ୍ପସରେ ଉତ୍ପାତ କରୁଥିବା ଅଣଛାତ୍ରଙ୍କୁ ଖୋଜି ଖୋଜି ତଡ଼ାଯିବ । ଏମିତି କିଛି ଢ଼ଙ୍ଗରେ ‘ଅପରେସନ ବାଣୀବିହାର’ ଆରମ୍ଭ କରିଥିବା କମିଶନରେଟ ପୁଲିସ ହାତ ଟେକି ଦେଇ ବସିଛି । ଗୋଟିଏ ଦିନ ଚଢ଼ଉ କରି ପୁଲିସ୍‌ ଖୁସ୍‌ ହୋଇଯାଇଛି । ସେପଟେ ବାଣୀବିହାର ଭିସି ଚୁପ୍‌ ବସିଛନ୍ତି । ପୁଲିସ୍‌କୁ ଚଢ଼ଉ ପାଇଁ ଅନୁମତି ଦେଇ ନାହାନ୍ତି । ଭିସିଙ୍କ ଚୁପ୍‌ ନେଇ ଅନେକ ପ୍ରଶ୍ନ ସୃଷ୍ଟି ହେଉଛି । ସେପଟେ ହଷ୍ଟେଲକୁ ଏବେ ବି ପୁଳାପୁଳା ଅଣଛାତ୍ର ମାଡି ବସିଛନ୍ତି । କିଛି ଛାତ୍ରନେତାଙ୍କ ଛତ୍ରଛାୟା ଯୋଗୁଁ ସେମାନଙ୍କୁ ତଡିବାକୁ ପୁଲିସର ହାତ ଥରୁଛି । ବଡ଼ କଥା ହେଉଛି ଗୋପବନ୍ଧୁ ଓ ମଧୁସୂଦନ ଛାତ୍ରାବାସକୁ କିଛି ନିର୍ଦ୍ଦିଷ୍ଟ ଗୋଷ୍ଠୀ କବ୍‌ଜା କରିଛନ୍ତି । ହେଲେ ତାଙ୍କୁ ବାହାର କରିବାକୁ କାହାର ହାତ ଯାଉନି । ଚଢ଼ଉ କଲେ କଳେ ଗାଦି ଚାଲିଯିବ ସେଥିପାଇଁ କେହି ଆଗକୁ ଆସୁ ନାହାନ୍ତି । ସେପଟେ ପୁଲିସ କମିଶନର ସତ୍ୟଜିତ୍‌ ମହାନ୍ତି କହିଛନ୍ତି, ଭିସିଙ୍କ ସହ ଆଲୋଚନା ହୋଇଛି । ଭିସି କହିଛନ୍ତି, ଆମେ ପ୍ରଥମେ ହଷ୍ଟେଲରେ ରହୁଥିବା ଅଣଛାତ୍ରଙ୍କୁ ନୋଟିସ କରିବୁ । ଯଦି ସେମାନେ ହଷ୍ଟେଲ ଖାଲି ନକରନ୍ତି ତେବେ ଆମେ ପୁଲିସ ସହାୟତା ନେବୁ ।

ବରିଷ୍ଠ ଅଧିକାରୀ-ଛାତ୍ରନେତା ଲିଙ୍କ୍‌
ଚଢ଼ଉ ବେଳେ ୭ ନମ୍ବର ହଷ୍ଟେଲରୁ ପ୍ରବଳ ମାତ୍ରାରେ ମଦ ବୋତଲ, ହୁକ୍କା, ସିଗାରେଟ୍‌ ଖୋଳ ଓ ଅନେକ ଆପତ୍ତିଜନକ ଜିନିଷ ବାହାରିଥିଲା । ଏହାର ଅର୍ଥ ପୁରା ହଷ୍ଟେଲ ଅଣଛାତ୍ରଙ୍କ କବ୍‌ଜାରେ ଥିଲା । ଦିନରାତି ସେଠାରେ ଖଟି ଚାଲୁଥିଲେ । ଏପରିକି ରୁମ୍‌ ଭଡା ଦେଇ ଅଣଛାତ୍ରମାନେ ଲକ୍ଷ ଲକ୍ଷ ଟଙ୍କା ରୋଜଗାର କରୁଥିଲେ । ଏକଥା ଜାଣି ମଧ୍ୟ କର୍ତ୍ତୃପକ୍ଷ କାହିଁକି ଚୁପ୍‌ ଥିଲେ ବୋଲି ସାଧାରଣରେ ପ୍ରଶ୍ନ ଉଠିଛି । କ୍ୟାମ୍ପସ ଭିତରେ ଥିବା ହଷ୍ଟେଲକୁ କାହିଁକି ଚଢ଼ଉ କରାଯାଉନଥଲିା । ଛାତ୍ରନେତାଙ୍କ ସହ କଲେଜର କିଛି ବରିଷ୍ଠ ଅଧିକାରୀଙ୍କ ଲିଙ୍କ୍ ରହିଛି । ଭଡାସୂତ୍ରରୁ ଆସୁଥିବା ଅର୍ଥରେ ଏମାନଙ୍କ ଭାଗିଦାରୀ ରହୁଥିଲା । ଯେଉଁଥିପାଇଁ ଏତେ ଦିନ ଧରି ଅଣଛାତ୍ରମାନେ ହଷ୍ଟେଲକୁ ଜବରଦଖଲ କରି ରଖିଥିଲେ । ଏହା ଅନୁସନ୍ଧାନ କରାଗଲେ, ଅନେକ ଅଧିକାରୀଙ୍କ ମୁଖା ଖୋଲିବ ।