PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାଲେଶ୍ୱର: ବାଲେଶ୍ୱର ମୁଖ୍ୟ ଚିକିତ୍ସାଳୟରେ ଆରମ୍ଭ ହେଲା ହାଇଦରର ପୋଷ୍ଟମର୍ଟମ, ମାଜିଷ୍ଟେ୍ରଟ୍‌ଙ୍କ ଉପସ୍ଥିତିରେ ​ପୋଷ୍ଟମର୍ଟମ କରିବେ​‌ ୩ ଜଣିଆ ଡାକ୍ତରୀ ଟିମ୍
  • ||
  • ରଙ୍ଗେଇଲୁଣ୍ଡା: ହଳଦିଆପଦର ନିକଟରେ ଟ୍ରାକ୍ଟର ସହ ଅଟୋ ଦୁର୍ଘଟଣା, ୩ ମହିଳା ମତ୍ସ୍ୟଜୀବୀ ଗୁରୁତର
  • ||
  • ସୋର: ହାଇଦର୍ ଏନ୍‌କାଉଣ୍ଟର ସ୍ଥଳରୁ ୨ଟି ଗୁଳି ଜବତ କଲା ପୋଲିସ ଓ ସାଇଣ୍ଟିଫିକ୍‌ ଟିମ୍‌
  • ||
  • ଭୁବନେଶ୍ୱର: ଓଡ଼ିଶାରେ ଆଉ ୬୭ଜଣଙ୍କ ଜୀବନ ନେଲା କରୋନା, ସାଢ଼େ ୫ ହଜାର ଟପିଲା ମୃତ୍ୟୁସଂଖ୍ୟା
  • ||
  • ଭୁବନେଶ୍ୱର: ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଭୁବନେଶ୍ୱର : ରାଜଧାନୀରେ କାୟା ମେଲାଉଛି ଡେଙ୍ଗୁ, ୧୨ ଦିନରେ ଆକ୍ରାନ୍ତଙ୍କ ସଂଖ୍ୟା ୨୫୦ ପାର୍
  • ||
  • ପାରଳାଖେମୁଣ୍ଡି : ଏସିଏଫ୍‌ ସୌମ୍ୟରଞ୍ଜନ ଡେଥ୍ ମିଷ୍ଟ୍ରି, ବଲାଙ୍ଗୀରରେ ପାରଳା ପୁଲିସର ୫ଜଣିଆ ଟିମ୍‌, ବିଦ୍ୟାଙ୍କ ପାର୍ଟି ସହ ସୌମ୍ୟ ମୃତ୍ୟୁର ଲିଙ୍କ୍‌ ଖୋଜିବ
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଜଳେଶ୍ଵର : ମନ୍ଦାର ଫୁଲ ଗଛ କଟାକୁ ନେଇ ଶଳାକୁ ଭିଣୋଇର ସଙ୍ଘବଦ୍ଧ ଆକ୍ରମଣ, ସଜ୍ଞାହୀନ ଅବସ୍ଥାରେ ନଦୀ କୂଳରୁ ଉଦ୍ଧାର
  • ||
  • ଭୁବନେଶ୍ୱର : ୨୮ରେ ପୁଣି ଏକ ଲଘୁଚାପ, ୨୭ରୁ ବଢ଼ିବ ବର୍ଷା
  • ||

ଡିଭାଇଡରରେ ପିଟି ହୋଇ ଓଲଟିଲା ଗାଡି: ଡ୍ରାଇଭର ଗୁରୁତର

ଚନ୍ଦ୍ରଶେଖରପୁର,୦୯/୦୮: ଗତ କାଲି ବିଳମ୍ବିତ ରାତିରେ ଚନ୍ଦ୍ରଶେଖରପୁର ବିପିସିଏଲ ପେଟ୍ରୋଲ ପମ୍ପ ସମ୍ମୁଖରେ ଏକ ବୋଲୋର ଭାରସ୍ୟାମ ହରାଇ ଡିଭାଇଡରରେ ପିଟି ହୋଇ ଓଲଟି ପଡିଥିଲା । ଏଥିରେ ଗାଡି ଡ୍ରାଇଭର ଗୋପବନ୍ଧୁ ବାଗୁ ଗୁରୁତର ଆହତ ହୋଇଛନ୍ତି । ଚନ୍ଦ୍ରଶେଖରପୁର ଥାନା ପିସିଆର ପହଞ୍ଚି ତାଙ୍କୁ ହସ୍ପିଟାଲ ପଠାଇବା ସହ ଦୁର୍ଘଟଣାଗ୍ରସ୍ତ ଗାଡିକୁ ରାସ୍ତାରୁ ଉଠାଇ ନେଇଥିଲା ।

ସୂଚନା ଅନୁଯାୟୀ ରାତି ୨ଟା ସମୟରେ ନନ୍ଦନକାନନ ପଟୁ ଜୟଦେବ ବିହାର ଆଡ଼କୁ ଯାଉଥିଲା ଏକ ବୋଲୋର (ଓଆର ୦୫ ଏବି ୭୦୯୭) । ବିପିସିଏଲ୍‌ ପେଟ୍ରୋଲ ପମ୍ପ ପାଖରେ ଗାଡି ଆଗକୁ ଏକ କୁକୁର ଆସି ଯାଇଥିଲା । ଡ୍ରାଇଭର ଗୋପବନ୍ଧୁ ଭାରସାମ୍ୟ ହରାଇ ଡିଭାଇଡରରେ ପିଟି ଦେବାରୁ ଗାଡିଟି ସେଠାରେ ଓଲଟି ପଡିଥିଲା । ଦୁର୍ଘଟଣାର ଶବ୍ଦ ଏତେ ଜୋରରେ ଥିଲା ଯେ ରାସ୍ତା କଡ଼ରେ ରହୁଥିବା ଲୋକେ ଉଠି ଆସିଥିଲେ । ଗାଡି ଭିତରେ ରକ୍ତ ଜୁଡୁବୁଡୁ ହୋଇଥିବା ଡ୍ରାଇଭରଙ୍କୁ ପ୍ରଥମେ କାଢିବା ପାଇଁ ଚେଷ୍ଟା କରିଥିଲେ । ହେଲେ ଚାପି ହୋଇ ଯାଇଥିବାରୁ ବାହାର କରିବା ମୁସ୍କିଲ ହୋଇ ପଡିଥିଲା ।

ଏନେଇ ଲୋକେ ଚନ୍ଦ୍ରଶେଖରପୁର ଥାନାକୁ ଫୋନ୍‌ କରିଥିଲେ । ଥାନାରୁ ଏକ ପିସିଆର ଭ୍ୟାନ ପହଞ୍ଚି ଲୋକଙ୍କ ସହାୟତାରେ ଡ୍ରାଇଭରଙ୍କୁ ଗାଡ଼ି ଭିତରୁ କାଢିଥିଲେ । ତାଙ୍କୁ ଚିକିତ୍ସା ପାଇଁ ଏକ ଘରୋଇ ହସ୍ପିଟାଲକୁ ପଠାଇଥିଲା ପୁଲିସ। ଦୁର୍ଘଟଣା ଘଟାଇଥିବା ଗାଡିକୁ କ୍ରେନ୍‌ ଯୋଗେ ଉଠାଇ ଥାନାକୁ ନେଇଥିଲା । ମଧ୍ୟାହ୍ନରେ ଗାଡିର ମାଲିକ ଥାନାରେ ଜୋରିମାନା ଦେଇ ଗାଡିଟିକୁ ନେଇ ଯାଇଥିଲେ । ତେବେ ପ୍ରତ୍ୟକ୍ଷଦର୍ଶୀଙ୍କ କହିବା ମୁତାବକ ଡ୍ରାଇଭର ମଦ୍ୟପାନ କରି ଦ୍ରୁତଗତିରେ ଗାଡି ଚଳାଉଥିବାରୁ ଏମିତି ଦୁର୍ଘଟଣା ଘଟିଲା ।