PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଖପ୍ରାଖୋଲ:ଗମ୍ଭାରି ଛକ ନିକଟରେ ଏକ କାରରୁ ୬ ପେଟି କଫସିରଫ ଜବତ, ୨ଜଣ ଯୁବକଙ୍କୁ ଅଟକ ରଖି ପଚରାଉଚରା କରୁଛି ପୁଲିସ
  • ||
  • କୋଭିଡ଼ ପରିଚାଳନା ପାଇଁ ୩ ଜିଲ୍ଲାକୁ ୭.୬୨ କୋଟି ମଂଜୁର କଲେ ମୁଖ୍ୟମନ୍ତ୍ରୀ, ପୁରୀ ପାଇଁ ୨ କୋଟି, ସୁବର୍ଣ୍ଣପୁର ପାଇଁ ୧ କୋଟି ଟଙ୍କା ଓ ସମ୍ବଲପୁର ଜିଲ୍ଲା ପାଇଁ ୪ କୋଟି ୬୨ ଲକ୍ଷ ମଂଜୁର କଲେ ନବୀନ
  • ||
  • ଭୁବନେଶ୍ୱର: ସାଢ଼େ ୪ଟାରେ ଘୋଷଣା କରିବେ ଅତିରିକ୍ତ ମୁଖ୍ୟ ଶାସନ ସଚିବ ଓ ଡିଜିପି
  • ||
  • ଜୁନ ପହିଲାରେ କେରଳ ଛୁଇଁବ ମୌସୁମୀ ବାୟୁ, ଭାରତୀୟ ପାଣିପାଗ କେନ୍ଦ୍ରର ସୂଚନା
  • ||
  • ଲାଞ୍ଜିଗଡ଼ରେ ଅଞ୍ଚଳରେ ହାତୀ ଉପଦ୍ରବ, ଆମ୍ବ ଗଛ ଭାଙ୍ଗିଲେ, ନର୍ସରିକୁ ନଷ୍ଟ କଲେ
  • ||
  • କଳାହାଣ୍ଡି: ବିଲ ମଝିରୁ ନାବାଳକର ମୃତଦେହ ଉଦ୍ଧାର ,ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ପଶ୍ଚିମ ବଙ୍ଗ ଯାଉଥିବା ଟ୍ରେନ୍ ପାସେଞ୍ଜରମାନଙ୍କ ପାଇଁ RTPCR ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • ରାଉରକେଲା: ୩୦ଟି ଗୋଦାମ ଉପରେ ପୋଲିସ ଓ ଯୋଗାଣ ବିଭାଗର ମିଳିତ ଚଡାଉ, ଖସିଲା ଆଳୁ ଓ ପିଆଜ ଦର
  • ||
  • ସୁନ୍ଦରଗଡ: ତଲସରା ଥାନା ଅନ୍ତର୍ଗତ ବଘିଆବେରନା ଗ୍ରାମ ଜଙ୍ଗଲରୁ ମହିଳାଙ୍କ ଅର୍ଦ୍ଧ ଦଗ୍ଧ ମୃତଦେହ ଉଦ୍ଧାର
  • ||
  • କରୋନାରେ ଆଖିବୁଜିଲେ ବିଶିଷ୍ଟ ନାଟ୍ୟ ପ୍ରତିଭା ନାଟ୍ୟଶ୍ରୀ ଡ. ପଞ୍ଚାନନ ମିଶ୍ର
  • ||
  • ଜଳେଶ୍ଵର : ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ନା ଆତ୍ମହତ୍ୟା ଅସ୍ପଷ୍ଟ
  • ||
  • ରାଜ୍ୟ: କରୋନାରେ ଆଖିବୁଜିଲେ ୧୭ ଜଣ ସଂକ୍ରମିତ, ମୃତକଙ୍କ ସଂଖ୍ୟା ୨୧୨୧କୁ ଛୁଇଁଲା
  • ||
  • ଓଡ଼ିଶାରେ ୫ ଲକ୍ଷ ଟପିଲା କରୋନା ସଂକ୍ରମିତଙ୍କ ସଂଖ୍ୟା, ୨୪ ଘଣ୍ଟାରେ ଚିହ୍ନଟ ହେଲେ ୧୦୫୨୧ ଜଣ ଆକ୍ରାନ୍ତ
  • ||
  • ଜାମ୍ମୁ କାଶ୍ମୀର : ସୁରକ୍ଷାବାହିନୀକୁ ବଡ଼ ସଫଳତା, ୩ ଆତଙ୍କୀ ନିପାତ, ଭୟରେ ଜଣେ ଆତଙ୍କବାଦୀ କଲା ଆତ୍ମସମର୍ପଣ
  • ||
  • ଭୁବନେଶ୍ଵର : ତାତିରୁ ମିଳିଛି ସାମାନ୍ୟ ଆଶ୍ଵସ୍ତି, ଖସିଛି ପାରଦ, ୯ ଯାଏଁ କାଳବୈଶାଖୀ ସମ୍ଭାବନା
  • ||
  • ତାଳଚେର : ଅନୁଗୁଳ ତଳଗଡ଼ ଗ୍ରାମରେ ହାତୀ ଆକ୍ରମଣରେ ଜଣେ ମହିଳା ମୃତ
  • ||

ଖାଦ୍ୟ ପାଇଁ ରକ୍ତାକ୍ତ ସଂଘର୍ଷ: ୨ ମୃତ, ୩୦୦ ଆହତ

କାରାକାସ୍‌,୨୪ା୨(ଏଜେନ୍ସି): ଘୋର ଆର୍ଥିକ ଓ ରାଜନୈତିକ ସଂକଟର ସାମ୍ନା କରୁଥିବା ଭେନେଜୁଏଲାରେ ଖାଦ୍ୟ ପାଇଁ ହାହାକାର ପରିସ୍ଥିତି ଉପୁଜିଛି । ଦେଶର ଏଭଳି ସ୍ଥିତି ଦେଖି ପଡ଼ୋଶୀ ରାଷ୍ଟ୍ର ଖାଦ୍ୟ ସାମଗ୍ରୀ ପଠାଉଥିଲେ ହେଁ ସରକାର ଜାଣିଶୁଣି ଏହାକୁ ଫେରାଇ ଦେଇ ଦେଶବାସୀଙ୍କୁ ମୃତ୍ୟୁ ମୁଖକୁ ଠେଲିଦେଉଛନ୍ତି । ଏହାକୁ ନେଇ ସୀମାରେ ଘଟିଛି ରକ୍ତାକ୍ତ ସଂଘର୍ଷ । ଉତ୍କଟ ମୁଦ୍ରାସ୍ଫୀତିରେ ଘାଣ୍ଟି ହେଉଥିବା ଦେଶବାସୀ ପଡ଼ୋଶୀ ରାଷ୍ଟ୍ରର ଏହି ସହାୟତା ପାଇଁ ହାତ ବଢ଼ାଇବାରୁ ସେମାନଙ୍କୁ ଶେଷରେ ସେନାର ଗୁଳି ଖାଇବାକୁ ପଡ଼ିଛି । ଶନିବାର ସେନା ସହ ସଂଘର୍ଷ ଘଟି ଦୁଇଜଣ ପ୍ରାଣ ହରାଇଥିବା ବେଳେ ୩୦୦ରୁ ଊଦ୍ଧ୍ୱର୍ ଆହତ ହୋଇଛନ୍ତି ।
ଭେନେଜୁଏଲା ରାଷ୍ଟ୍ରପତି ନିକୋଲାସ୍‌ ମାଡ୍ୟୁରୋଙ୍କ ଏକଚାଟିଆ ତଥା ଜିଦ୍‌ଖୋର ମନୋବୃତ୍ତି ଯୋଗୁ ପଡ଼ୋଶୀ ଦେଶର ସହାୟତା ଲୋକଙ୍କ ନିକଟରେ ପହଞ୍ଚି ପାରୁନାର୍ହିଁ । ନିକଟରେ ଆମେରିକାର ଜାହାଜଭର୍ତ୍ତି ସାମଗ୍ରୀକୁ ମାଡ୍ୟୁରୋ ସରକାର ଫେରାଇ ଦେଇଥିବା ବେଳେ ଶନିବାର ବ୍ରାଜିଲ୍‌ ଓ କଲମ୍ବିଆରୁ ବିପୁଳ ଖାଦ୍ୟ ଓ ଅତ୍ୟାବଶ୍ୟକ ସାମଗ୍ରୀ ଆସି ସୀମା ନିକଟରେ ପହଞ୍ଚିଥିଲା । କ୍ଷୁଧାରେ ଛଟପଟ ହେଉଥିବା ଲୋକମାନେ ଖବର ପାଇବା କ୍ଷଣି ବହୁ ସଂଖ୍ୟାରେ ଯାଇ ପହଞ୍ଚିଥିଲେ । କିନ୍ତୁ ସେଠାରେ ସେମାନଙ୍କୁ ସେନା ରୋକିଥିଲା । ଏହାପରେ ଉଭୟଙ୍କ ମଧ୍ୟରେ ସଂଘର୍ଷ ହୋଇଥିଲା । ଶେଷରେ ପାଟି ପାଖକୁ ଆସୁଥିବା ଖାଦ୍ୟ ଫେରିଯାଇଥିଲା ।


ମାଡ୍ୟୁରୋଙ୍କ ଏଭଳି ଅଜବ ଆଚରଣକୁ ଆମେରିକା ପୁଣି ନିନ୍ଦା କରିଛି । ଆମେରିକାର ବୈଦେଶିକ ସଚିବ ମାଇକ୍‌ ପମ୍ପିଓ ମାଡ୍ୟୁରୋଙ୍କୁ ତୀବ୍ର ସମାଲୋଚନା କରିବା ସହ ତାଙ୍କ ଦିନ ସରିଆସୁଛି ବୋଲି କହିଛନ୍ତି । ଅନ୍ୟପକ୍ଷରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ ଭେନେଜୁଏଲାର ଏଭଳି ସଂକଟକୁ ଏଡ଼ାଇବା ପାଇଁ ଆକ୍ରମଣ ହିଁ ଏକମାତ୍ର ବିକଳ୍ପ ବୋଲି ସଂକେତ ଦେଇଛନ୍ତି । ତେବେ ଇତିମଧ୍ୟରେ ଭେନେଜୁଏଲା ପାଇଁ ଆମେରିକା ପକ୍ଷରୁ ଏକାଧିକ କଟକଣା ଲଗାଯାଇଛି ।
ମାଡ୍ୟୁରୋଙ୍କ ଏଭଳି ନୀତିକୁ ତୀବ୍ର ବିରୋଧ କରି ଗତମାସରେ ବିରୋଧୀ ଦଳ ନେତା ଜୁଆନ୍‌ ଗୁଏଡୋ ନିଜକୁ ରାଷ୍ଟ୍ରପତି ଘୋଷଣା କରିଥିଲେ । ତାଙ୍କୁ ହଜାର ହଜାର ଲୋକ ସମର୍ଥନ ଜଣାଇଥିଲେ । ଏମିତି କି ଆମେରିକା ସମେତ ୫୦ରୁ ଊଦ୍ଧ୍ୱର୍ ରାଷ୍ଟ୍ର ମଧ୍ୟ ତାଙ୍କୁ ସମର୍ଥନ କରିଥିଲେ । କିନ୍ତୁ ମାଡ୍ୟୁରୋ ତାଙ୍କ ଉପରେ ପ୍ରାଧାନ୍ୟ ବିସ୍ତାର କରିଥିଲେ । ଏବେ ବି ଅନେକ ଲୋକ ମାଡ୍ୟୁରୋଙ୍କୁ ସମର୍ଥନ କରୁଥିବା ବେଳେ ଦେଶର ସେନା ସମ୍ପୂର୍ଣ୍ଣ ଭାବେ ତାଙ୍କ ନିୟନ୍ତ୍ରଣରେ ରହିଛି । ତେଣୁ ତାଙ୍କ ବିନାନୁମତିରେ କୌଣସି ସାମଗ୍ରୀ ଦେଶ ମଧ୍ୟକୁ ପଶିପାରୁନାହିଁ ।


ବ୍ରାଜିଲ୍‌ ଓ କଲମ୍ବିଆରୁ ସାମଗ୍ରୀ ପହଞ୍ଚିବା ପରେ ଜୁଆନ୍‌ ଗୁଏଡୋ ନିଜ ସମର୍ଥକ ଓ ଅନ୍ୟ ସାଧାରଣ ନାଗରିକଙ୍କ ସହ ସୀମା ଅଞ୍ଚଳରେ ପହଞ୍ଚିଥିଲେ । କିିନ୍ତୁ ସେମାନଙ୍କୁ ସୀମା ପାର୍‌ ହେବାକୁ ଅନୁମତି ମିଳିନଥିଲା କି ସାମଗ୍ରୀ ଦେଶ ମଧ୍ୟକୁ ଆସିପାରି ନଥିଲା । ଅନ୍ୟପକ୍ଷରେ ଏଥିପାଇଁ ଗୁଏଡୋଙ୍କୁ ମାଡ୍ୟୁରୋ କଡ଼ା ସମାଲୋଚନା କରିଛନ୍ତି । ବିଦେଶୀ ରାଷ୍ଟ୍ରଙ୍କ ଆଗରେ ହାତ ପତାଉଥିବାରୁ ଗୁଏଡୋ ଜଣେ ଭିକାରି ବୋଲି ସେ କହିଛନ୍ତି । ତେବେ ଏହାକୁ ନେଇ ଶନିବାର ଘଟିଥିବା ସଂଘର୍ଷରେ ଯେଉଁ ଦୁଇଜଣ ପ୍ରାଣ ହରାଇଥିଲେ, ସେମାନଙ୍କ ମଧ୍ୟରେ ଜଣେ ୧୪ ବର୍ଷୀୟ ବାଳକ ଥିବା ଜଣାପଡ଼ିଛି । ସେନାର ଏଭଳି କାର୍ଯ୍ୟାନୁଷ୍ଠାନକୁ ବିଶ୍ୱର ଅନେକ ମାନବାଧିକାର ଅନୁଷ୍ଠାନ ତୀବ୍ର୍ର ସମାଲୋଚନା କରିଛନ୍ତି । ଏ ବାବଦରେ ପମ୍ପିଓ କହିଛନ୍ତି, ମାଡ୍ୟୁରୋଙ୍କ ଏଭଳି ଅଭାବନୀୟ କାର୍ଯ୍ୟ ଯୋଗୁ ପ୍ରାଣ ହରାଇଥିବା ଲୋକଙ୍କ ପରିବାର ପ୍ରତି ଆମେ ଗଭୀର ସମବେଦନା ଜଣାଉଛୁ । ନ୍ୟାୟ ପାଇଁ ସେମାନେ କରୁଥିବା ଦାବିକୁ ଆମେ ସମର୍ଥନ କରୁଛୁ ।
ଉଲ୍ଲେଖଯୋଗ୍ୟ, ଭେନେଜୁଏଲାରେ ଏବେ ମୁଦ୍ରାସ୍ଫୀତି ୧୬ ଲକ୍ଷ ପ୍ରତିଶତରୁ ଅଧିକ ରହିଥିବା ବେଳେ ୨୦୧୯ ଡିସେମ୍ବର ବେଳକୁ ଏହା ୧ କୋଟି ପ୍ରତିଶତ ହେବ ବୋଲି ଆକଳନ କରାଯାଇଛି । ତା’ଛଡ଼ା ଦେଶରେ ପ୍ରତି ୧୯ ଦିନରେ ଦରବୃଦ୍ଧି ଦୁଇଗୁଣ ହାରରେ ବଢ଼ିବାରେ ଲାଗିଛି । ଦେଶରେ ଖାଦ୍ୟ ସାମଗ୍ରୀର ଉତ୍କଟ ଅଭାବ ପରିଲକ୍ଷିତ ହୋଇଛି । ଆଳୁ କିଲୋ ଏଠାରେ ୧୦,୦୦୦ ଟଙ୍କା ହୋଇଥିବା ବେଳେ କ୍ଷୀର ଲିଟର ଦାମ ୫,୦୦୦ ଟଙ୍କା ରହିଛି । ରାଷ୍ଟ୍ରପତି ମାଡ୍ୟୁରୋଙ୍କ ତ୍ରୁଟିପୂର୍ଣ୍ଣ ନୀତି ଯୋଗୁ ଭେନେଜୁଏଲା ନାଗରିକ ଆଜି ଏଭଳି ମରଣଯନ୍ତାରେ ପଡ଼ିଛନ୍ତି ।

ସମ୍ବନ୍ଧିତ ଖବର