PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରଙ୍ଗେଇଲୁଣ୍ଡା: ହଳଦିଆପଦର ନିକଟରେ ଟ୍ରାକ୍ଟର ସହ ଅଟୋ ଦୁର୍ଘଟଣା, ୩ ମହିଳା ମତ୍ସ୍ୟଜୀବୀ ଗୁରୁତର
  • ||
  • ସୋର: ହାଇଦର୍ ଏନ୍‌କାଉଣ୍ଟର ସ୍ଥଳରୁ ୨ଟି ଗୁଳି ଜବତ କଲା ପୋଲିସ ଓ ସାଇଣ୍ଟିଫିକ୍‌ ଟିମ୍‌
  • ||
  • ଭୁବନେଶ୍ୱର: ଓଡ଼ିଶାରେ ଆଉ ୬୭ଜଣଙ୍କ ଜୀବନ ନେଲା କରୋନା, ସାଢ଼େ ୫ ହଜାର ଟପିଲା ମୃତ୍ୟୁସଂଖ୍ୟା
  • ||
  • ଭୁବନେଶ୍ୱର: ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଭୁବନେଶ୍ୱର : ରାଜଧାନୀରେ କାୟା ମେଲାଉଛି ଡେଙ୍ଗୁ, ୧୨ ଦିନରେ ଆକ୍ରାନ୍ତଙ୍କ ସଂଖ୍ୟା ୨୫୦ ପାର୍
  • ||
  • ପାରଳାଖେମୁଣ୍ଡି : ଏସିଏଫ୍‌ ସୌମ୍ୟରଞ୍ଜନ ଡେଥ୍ ମିଷ୍ଟ୍ରି, ବଲାଙ୍ଗୀରରେ ପାରଳା ପୁଲିସର ୫ଜଣିଆ ଟିମ୍‌, ବିଦ୍ୟାଙ୍କ ପାର୍ଟି ସହ ସୌମ୍ୟ ମୃତ୍ୟୁର ଲିଙ୍କ୍‌ ଖୋଜିବ
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଜଳେଶ୍ଵର : ମନ୍ଦାର ଫୁଲ ଗଛ କଟାକୁ ନେଇ ଶଳାକୁ ଭିଣୋଇର ସଙ୍ଘବଦ୍ଧ ଆକ୍ରମଣ, ସଜ୍ଞାହୀନ ଅବସ୍ଥାରେ ନଦୀ କୂଳରୁ ଉଦ୍ଧାର
  • ||
  • ଭୁବନେଶ୍ୱର : ୨୮ରେ ପୁଣି ଏକ ଲଘୁଚାପ, ୨୭ରୁ ବଢ଼ିବ ବର୍ଷା
  • ||

ଭିମସାର୍‌ ଅଚଳ ! କ୍ୱାରେଣ୍ଟାଇନ୍‌ରେ ଗଲେ ୭୦ ଡାକ୍ତର, ମେଡିସିନ୍ ବିଭାଗ‌ ଓପିଡି ୭ ଦିନ ବନ୍ଦ

ବୁର୍ଲା,୦୬/୦୮: ଭିମସାରରେ ଗତ ମଙ୍ଗଳବାର ୯ ଜଣ ଡାକ୍ତର ଆକ୍ରାନ୍ତ ହେବା ପରେ ଏହି ବଡ ମେଡିକାଲ ଏକପ୍ରକାର ଅଚଳ ହୋଇଯାଇଛି । ଏମାନଙ୍କ ସଂସ୍ପର୍ଶରେ ଆସିଥିବା ପ୍ରାୟ ୭୦ ଡାକ୍ତରଙ୍କୁ କ୍ୱାରେଣ୍ଟାଇନ୍‌ରେ ପଠାଇ ଦିଆଯାଇଛି । ସେପଟେ, ମେଡିସିନ୍‌ ବର୍ହିବିଭାଗ (ଓପିଡି)କୁ ଆସନ୍ତା ୧୨ ତାରିଖ ଯାଏ ଅର୍ଥାତ୍‌ ସପ୍ତାହେ ପାଇଁ ବନ୍ଦ କରି ଦିଆଯାଇଛି । ବିକଳ୍ପ ବ୍ୟବସ୍ଥା ପାଇଁ ଓପିଡି କାର୍ଯ୍ୟକ୍ଷମ ହେବା ପର୍ଯ୍ୟନ୍ତ ରୋଗୀମାନେ ମେଡିକାଲକୁ ନ ଆସି ଟେଲିମେଡିସିନ୍‌ର ସହାୟତା ନେବାକୁ ନିର୍ଦ୍ଦେଶକ ପ୍ରଫେସର ଲଳିତ କୁମାର ମେହେର ଅନୁରୋଧ କରିଛନ୍ତି ।

ଗତ ୩୧ ତାରିଖ ଦିନ ବରଗଡ ଜିଲ୍ଲା ଅତାବିରା ଅଞ୍ଚଳର ଜଣେ ରୋଗୀ ବୁର୍ଲା ମେଡିକାଲ ଏଚ୍‌ଡିୟୁରେ କରୋନା ପଜିଟିଭ୍‌ ଚିହ୍ନଟ ହୋଇଥିଲେ । ଉକ୍ତ ରୋଗୀ ଜଣକ ଏହା ପୂର୍ବରୁ ଚାରିଦିନ ଧରି ଭିମସାର୍‌ର ମେଡିସିନ୍‌ ୱାର୍ଡରେ ଚିକିତ୍ସାଧୀନ ଥିଲେ । ରୋଗୀଙ୍କ ସଂସ୍ପର୍ଶରେ ଏକାଧିକ ଡାକ୍ତର, ନର୍ସ ତଥା କର୍ମଚାରୀ ଆସିଥିବା ବେଳେ ପ୍ରଥମ ପର୍ଯ୍ୟାୟରେ ୩୯ ଜଣଙ୍କୁ କ୍ୟୁରେଣ୍ଟାଇନ୍‌କୁ ପଠାଯାଇଥିଲା । ସେଥିରୁ ଗତକାଲି ୯ଜଣ ଡାକ୍ତରଙ୍କ ସମେତ ୨ଜଣ କ୍ୟାଜୁଆଲ୍ଟି କର୍ମଚାରୀ ଏବଂ ଜଣେ ସେବିକା କରୋନା ପଜିଟିଭ୍‌ ଚିହ୍ନଟ ହୋଇଥିଲେ ।

ଏହାପରେ ସେମାନଙ୍କ ସଂସ୍ପର୍ଶରେ ଆସିଥିବା ବିଭିନ୍ନ ବିଭାଗର ପ୍ରଫେସର, ଆସୋସିଏଟ୍‌ ପ୍ରଫେସର, ଆସିଷ୍ଟାଣ୍ଟ ପ୍ରଫେସର, ବରିଷ୍ଠ ଆବାସିକ ଡାକ୍ତର, ହାଉସ୍‌ ସର୍ଜନ ଡାକ୍ତର ଏବଂ ପିଜି ଡାକ୍ତରଙ୍କୁ ମିଶାଇ ସମୁଦାୟ ୭୦ ଜଣ ଡାକ୍ତରଙ୍କୁ ବର୍ତ୍ତମାନ କ୍ୱାରେଣ୍ଟାଇନ୍‌ରେ ପଠାଇ ଦିଆଯାଇଥିବା ନେଇ ନିର୍ଦ୍ଦେଶକ ପ୍ରଫେସର ଲଳିତ କୁମାର ମେହେର ସୂଚନା ଦେଇଛନ୍ତି । ସେଥିମଧ୍ୟରୁ ୩୮ ଜଣ ଡାକ୍ତର କେବଳ ମେଡିସିନ୍‌ ବିଭାଗର ବୋଲି ଜଣାପଡିଛି । ଏହାଛଡା ଏହି ତାଲିକାରେ ସେବିକାମାନଙ୍କ ନାମ ସାମିଲ ହୋଇନଥିବା ବେଳେ କଣ୍ଟାକ୍ଟ ଟ୍ରେସିଂ ପରେ ସଂଖ୍ୟା ଶତକ ଡେଇଁବ ବୋଲି ଆକଳନ କରାଯାଇଛି ।

ଅପରପକ୍ଷେ, ଆଜି ଠାରୁ ଆସନ୍ତା ୧୨ ତାରିଖ ପର୍ଯ୍ୟନ୍ତ ସପ୍ତାହେ ଧରି ମେଡିସିନ୍‌ ବିଭାଗ ଓପିଡି ସେବା ବନ୍ଦ ରହିବ ବୋଲି ଭିମସାର ନିର୍ଦ୍ଦେଶକ ସୂଚନା ଦେଇଛନ୍ତି । ଏହି ସମୟ ମଧ୍ୟରେ ରୋଗୀ ମାନେ ଟେଲିମେଡିସିନ୍‌ ନଂ ୭୬୫୫୦୫୧୫୯୮, ୭୬୫୦୫୧୬୦୧ ରେ ଫୋନ୍‌ କରି ନିଜ ସମସ୍ୟା ବିଷୟରେ ଡାକ୍ତରଙ୍କ ଠାରୁ ପରାମର୍ଶ ନେଇ ପାରିବେ ବୋଲି ସେ କହିଛନ୍ତି ।