ଉତ୍ତାପ ଦେବ ଆଶ୍ୱସ୍ତି: ଉଷ୍ଣ ଜଳବାୟୁରେ କମିବ ସଂକ୍ରମଣ

ଭୁବନେଶ୍ୱର୨୫/୩: କରୋନାକୁ ନେଇ ଏକ ଆଶ୍ୱସ୍ତିକର ଖବର ସାମ୍ନାକୁ ଆସିଛି  । ମେରିଲ୍ୟାଣ୍ଡ ଇନଷ୍ଟିଚ୍ୟୁଟ୍ ୟୁନିଭର୍ସିଟିର ଭାଇରୋଲୋଜି(ଭୂତାଣୁ ସମ୍ବନ୍ଧୀୟ ଅଧ୍ୟୟନ) ପ୍ରଫେସରଙ୍କ କହିବାନୁସାରେ ଉଷ୍ଣ ପାଣିପାଗ ଯୋଗୁଁ କୋଭିଡ୍-୧୯ ଭୂତାଣୁକୁ ସଂକ୍ରମଣରେ ଅସୁବିଧା ହେଉଛି । ଅର୍ଥାତ୍ ଏହା ଏକ ଭଲ ଖବର ଯେ ଉଷ୍ଣ ଜଳବାୟୁ ଯୋଗୁଁ ଏହି ଭାଇରସ ସଂକ୍ରମଣରେ ବାଧା ସୃଷ୍ଟି ହେଉଛି । ନଚେତ୍ ଏହା ଅଧିକ ମାତ୍ରାରେ ସଂକ୍ରମଣ ହୋଇ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ହେବାର ସମ୍ଭାବନା ଥିଲା ।

ମେରିଲ୍ୟାଣ୍ଡ ଇନଷ୍ଟିଚ୍ୟୁଟ୍ ୟୁନିଭର୍ସିଟିର ଭାଇରୋଲୋଜି ପ୍ରଫେସରଙ୍କ କହିବାନୁସାରେ ଏପର୍ଯ୍ୟନ୍ତ ଯେଉଁ ତଥ୍ୟ ସାମ୍ନାକୁ ଆସିଛି ସେଥିରୁ ଏହା ଜଣା ପଡିଛି କି ଉଷ୍ଣ ପରିବେଶରେ ଏହି ଭାଇରସ ଅଧିକ ସଂକ୍ରମଣ ହୋଇପାରେନି । ଉତ୍ତାପ ବା ଉଷ୍ଣ ପରିବେଶରେ ଏହି ଭାଇରସ ଅଧିକ ସଂକ୍ରମଣ ହୋଇପାରେନି । ଯଦିଓ ଏହା ସଂକ୍ରମଣ ହୋଇଥାଏ କିନ୍ତୁ ଥଣ୍ଡା ପାଣିପାଗ ଅପେକ୍ଷା ଏହା ସାମାନ୍ୟ କମ୍ ସଂକ୍ରମଣ ହୋଇଥାଏ । କହିରଖୁଛୁ ସବୁ ପ୍ରକାର ଜଳବାୟୁରେ ଏହି ଭାଇରସ ବଞ୍ଚିପାରେ । କିନ୍ତୁ ଗୋଟେ ଶରୀରରୁ ଅନ୍ୟ ଶରୀରକୁ ଯିବା ପାଇଁ ଏହାକୁ ଥଣ୍ଡା ପରିବେଶ ଅଧିକ ସୁହାଇଥାଏ । ଉଷ୍ଣତା ଯୋଗୁଁ ଏହାର ସଂକ୍ରମଣ ସାମାନ୍ୟ କମିଥାଏ ।

ପୂର୍ବରୁ ଚୀନ୍‌ର ବେଇହାଙ୍ଗ ସିଙ୍ଘୁଆ ବିଶ୍ୱ ବିଦ୍ୟାଳୟରେ ମଧ୍ୟ କିଛି ଗବେଷକ ଏପରି ଦାବି କରିଥିଲେ । ଗବେଷକଙ୍କ ସୂଚନା ଅନୁସାରେ ଉତ୍ତାପ ଯୋଗୁଁ କରୋନା ଭାଇରସ୍‌ ନଷ୍ଟ ହୁଅନ୍ତି ନାହିଁ କିନ୍ତୁ ସଂକ୍ରମଣ ହ୍ରାସ ପାଇଥାଏ । ଗବେଷଣା ଅନୁସାରେ ଥଣ୍ଡା ଓ ଶୁଷ୍କ ପରିବେଶ ସହ ଗରମ ଓ ଆଦ୍ର ପରିବେଶରେ ମଧ୍ୟ ଏହି ଭାଇରସ ବଞ୍ଚିପାରେ । ମାତ୍ର ଉଷ୍ଣ ଜଳବାୟରୁ ବା ଗ୍ରୀଷ୍ମ ଋତୁରେ ଏହାର ସଂକ୍ରମଣ କମିଥାଏ । ଏଭଳି ପରିବେଶରେ ଚୀନ୍‌ରେ ସଂକ୍ରମଣ ସଂଖ୍ୟା ଅନେକ କମିଥିବା ଏହି ଗବେଷକମାନେ ଦାବି କରିଥିଲେ । ଗବେଷଣା ଅନୁସାରେ ଏବେ ଗ୍ରୀଷ୍ମ ଋତୁ ଆସୁଥିବାରୁ ଚୀନ୍‌ର ୧୦୦ ସହରରେ ତାପମାତ୍ରା ବୃଦ୍ଧି ପାଇଛି । ଏଥିଯୋଗୁଁ କରୋନା ସଂକ୍ରମଣ ମାମଲା କମିଥିବା ନଜର ଆସିଛି ।

   ସମ୍ବନ୍ଧିତ ଖବର


ଅନ୍‌ଲକ୍-୫ ଗାଇଡ୍‌ଲାଇନ୍‌ ଜାରି -୫୦ପ୍ରତିଶତ ଦର୍ଶକଙ୍କୁ ନେଇ ଚାଲିବ ସିନେମା ହଲ

ଟ୍ରେନିଂ ଦେବା ବାହାନାରେ ନାବାଳିକାଙ୍କୁ ନେଇ କରୁଥିଲେ ଏମିତି କାମ…ଧରାପଡ଼ିଲେ ଆଶାକର୍ମୀ

ନିଖୋଜ ମହିଳା ୨ ବର୍ଷ ପରେ ମିଳିଲେ – ସମୁଦ୍ରରେ ଭାସୁଥିଲେ, ମାଛ ଧରାଳି କଲେ ଉଦ୍ଧାର

ସୁଇସାଇଡ୍ ଜ୍ୟାକେଟ୍ ତିଆରି କରିବାର ଭିଡିଓ ଡାଉନଲୋଡ୍ କରି ଛାତ୍ର ଗିରଫ, ମିଳିଲା ୫ ବର୍ଷର ଜେଲଦଣ୍ଡ

ଅକ୍ଟୋବର ୪ରେ ହେବ ସିଭିଲ ସର୍ଭିସ ପ୍ରିଲିମନାରୀ ପରୀକ୍ଷା

ଆସନ୍ତା କାଲିଠାରୁ ଲାଗୁହେବ ଅନଲକ୍-୫, ଜାଣନ୍ତୁ କ’ଣ ରହିଛି ସ୍କୁଲ ଖୋଲିବା ନେଇ ନିୟମ