PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଞ୍ଜାବ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଲେ ପଞ୍ଜାବ ମୁଖ୍ୟମନ୍ତ୍ରୀ କ୍ୟାପ୍ଟେନ୍‌ ଅମରିନ୍ଦର ସିଂହ
  • ||
  • ଏସିଏଫ୍‌ ସୌମରଞ୍ଜନ ମହାପାତ୍ର ମୃତ୍ୟୁ ଘଟଣା – ଭୁବନେଶ୍ୱର ଫରେନସିକ୍‌ ଲ୍ୟାବ୍‌ରେ ଡିଏଫ୍‌ଓ , ରୋଷେୟାଙ୍କ ଲାଇ ଡିଟେକ୍ସନ ଟେଷ୍ଟ ଚାଲିଛି
  • ||
  • କେନ୍ଦୁଝର: ମହିଳାଙ୍କୁ ନିର୍ଯାତନା ଦେବା କାରଣରୁ ସ୍ୱାମୀ, ଶାଶୁ, ଶଶୁର ଓ ସଉତୁଣୀକୁ ୩ ବର୍ଷ ଜେଲ୍
  • ||
  • ଲୋଇସିଂହା: ଟ୍ରେନ ଆଗକୁ ଡେଇଁ ଯୁବକଙ୍କ ମୃତ୍ୟୁ, ପରିଚୟ ଅସ୍ପଷ୍ଟ
  • ||
  • ଦାରିଙ୍ଗବାଡି : ସଂରକ୍ଷିତ ଜଙ୍ଗଲରୁ ଚୋରା ଚାଲାଣ ବେଳେ କାଠପଟା ଜବତ, ଜଣେ ଗିରଫ
  • ||
  • ଲୋଇସିଂହା : ଚଳନ୍ତା ଟ୍ରେନ୍ ଆଗକୁ ଡେଇଁ ଆତ୍ମହତ୍ୟା କଲେ ଯୁବକ, କାରଣ ଅସ୍ପଷ୍ଟ
  • ||
  • କେନ୍ଦୁଝର : ମହିଳାଙ୍କୁ ନିର୍ଯାତନା ଦେବାରୁ ସ୍ୱାମୀ, ଶାଶୁ, ଶ୍ଵଶୁର ଓ ସଉତୁଣୀକୁ ୩ ବର୍ଷ ଜେଲ ଦଣ୍ଡ
  • ||
  • ପଦ୍ମପୁର: ଗଜଲକ୍ଷ୍ମୀ ଷ୍ଟୋରରେ ଜିଏସଟି ବିଭାଗର ଚଢ଼ାଉ
  • ||
  • ବ୍ରହ୍ମପୁର: ଗଞ୍ଜାମରେ ୧୦୧୦ଗାଁ ବାଲ୍ୟ ବିବାହ ମୁକ୍ତ ଘୋଷଣା କଲା ପ୍ରଶାସନ
  • ||
  • ବଲାଙ୍ଗୀର: ରାତିରେ ପରିବାର ଲୋକଙ୍କ ସହ ଶୋଇଥିଲା ବେଳେ ମହିଳାଙ୍କୁ କାମୁଡି ଦେଲା ବିଷାକ୍ତ ସାପ, ଆଖିବୁଜଲେ ମହିଳା
  • ||
  • ପାଟଣା: ପୂର୍ବତନ ପାଟଣା ବିଧାୟକ ରାମରାଇ ମୁଣ୍ଡାଙ୍କ ପରଲୋକ
  • ||
  • ସମ୍ବଲପୁର: ହୀରାକୁଦର ପୁଣି ବନ୍ଦ ହେଲା ୬ ଗେଟ୍, ୧୮ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ବାଙ୍କୀ : ହୁଳୁହୁଳା ପୋଲ ଉପରେ ୪ ଫୁଟର ବନ୍ୟାଜଳ ପ୍ରବାହିତ, ବାଙ୍କୀର ବହୁ ପଞ୍ଚାୟତ ବାହ୍ୟ ଜଗତରୁ ବିଚ୍ଛିନ୍ନ
  • ||
  • ଭୁବନେଶ୍ୱର: ଓଡ଼ିଶାରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୨୮କୁ ବୃଦ୍ଧି
  • ||
  • ଭୁବନେଶ୍ୱର: ରାଜ୍ୟରୁ ୨୪ ଘଣ୍ଟା ମଧ୍ୟରେ ଆଉ ୬୯୫ଜଣ କରୋନା ପଜିଟିଭ୍ ଚିହ୍ନଟ
  • ||
  • ସଠିପୁର : ଦୁଇ କଣ୍ଟେନର ମୁହାଁମୁହିଁ ଧକ୍କା, ଉଭୟ ଡ୍ରାଇଭର ଆହତ
  • ||
  • ଜଗତସିଂହପୁ : ହଂସୁଆ ନଈରେ ଘାଇ, ୧୦ରୁ ଅଧିକ ଗାଁ ଜଳମଗ୍ନ
  • ||
  • ସମ୍ବଲପୁର : ସୁଧୁରୁଛି ଉପରମୁଣ୍ଡର ବନ୍ୟା ସ୍ଥିତି, ହୀରାକୁଦରେ ବନ୍ଦ ହେଲା ୪ ଗେଟ୍‌, ୨୪ ଗେଟ୍‌ ଦେଇ ଜଳ ନିଷ୍କାସନ ଜାରି
  • ||
  • କାମାକ୍ଷାନଗର : ଚାଷୀଙ୍କୁ ଦଳି ମାରିଲା ଦନ୍ତା
  • ||
  • ରାଉରକେଲା : ବିମାନଘାଟି ପରିସରରେ ଜଣେ ମହିଳା ଶ୍ରମିକଙ୍କୁ ଦୁଷ୍କର୍ମ ଉଦ୍ୟମ, ଠିକା କର୍ମଚାରୀ ଅଟକ
  • ||

​ଭୋଟ୍ ଆଉ ଦି’ଦିନ, କର ବା ମର

ଭୁବନେଶ୍ୱର,୧୯ା୪(ବ୍ୟୁରୋ): ମଙ୍ଗଳବାର ଭୋଟ୍‌ । ମଝିରେ ଆଉ ଦି’ ଦିନ । ଖରା ତାତି ସିନା ଟିକିଏ କମିଛି, ଭୋଟ୍‌ ପାରଦ ଆହୁରି ଉପରମୁହାଁ ହୋଇଛି । ମିଶାଣ, ଫେଡାଣ ଚାଲିଛି । ଭୋଟ୍‌ ହିସାବରେ କେଉଁଠି ତ୍ରୁଟି ବିଚ୍ୟୁତି ରହୁଛି, ପରିଚାଳନା ଅବ୍ୟବସ୍ଥାର ସମୀକ୍ଷା ବି ହେଉଛି । କେଉଁ ୱାର୍ଡରେ ପ୍ରତିଦ୍ୱନ୍ଦ୍ୱୀ କେତେ ଆଗରେ? ଦି’ ଦିନରେ ପଲା ଓଲଟପାଲଟ ହୋଇଯିବ କି? ଏହି ଡର ବି ଘାରୁଛି । ଆଖିରୁ ନିଦ ଉଡ଼ିଯାଇଛି । ମୁଣ୍ଡରେ କେବଳ ଚାଲୁଛି ଭୋଟ୍‌ ଆଉ ଭୋଟ୍‌ । ଏହି ଦୁଇଦିନର ପରିଶ୍ରମ, ପରିଚାଳନା ଓ ରଣନୀତି ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବ । ତେଣୁ ପ୍ରାର୍ଥୀମାନେ ଏବେ ‘କର ବା ମର’ ନୀତି ଆପଣାଇଛନ୍ତି ।

ଭୁବନେଶ୍ୱର ଲୋକସଭା ନିର୍ବାଚନମଣ୍ଡଳୀର ତିନୋଟି ବିଧାନସଭା ଆସନ ରହିଛି ରାଜଧାନୀରେ । ଏକାମ୍ର, ମଧ୍ୟ ଓ ଉତ୍ତର ଭୁବନେଶ୍ୱର । ସାଂସଦ ପ୍ରାର୍ଥୀଙ୍କ ହାରଜିତ୍‌ରେ ଏହି ତିନି ନିର୍ବାଚନମଣ୍ଡଳୀ ଭୋଟ୍‌ରଙ୍କ ଭୂମିକା ବେଶ୍‌ ଗୁରୁତ୍ୱପୂର୍ଣ୍ଣ । ତିନୋଟି ଯାକ ଆସନରେ ସାଂସଦ ଓ ବିଧାୟକ ନିର୍ବାଚନ ନେଇ ଲଢ଼େଇ ବି ଜୋରଦାର ହେଉଛି । କେହି କାହାକୁ ସହଜରେ ଛାଡ଼ିବା ମୁଡ୍‌ରେ ନାହାନ୍ତି । ଶେଷ ଦୁଇଦିନରେ ପ୍ରଚାରକୁ ବ୍ୟାପକ କରିବା ପାଇଁ ସବୁ ପ୍ରକାର ରଣନୀତି କରାଯାଉଛି । ତାରକା ପ୍ରଚାରଠୁ ନେଇ ଇମୋସନାଲ୍‌ ପ୍ରଚାର ପାଇଁ ବି ଯୋଜନା କରିଛନ୍ତି ପ୍ରାର୍ଥୀ ।

ରାଜଧାନୀରେ ଶଙ୍ଖ ଗଡ଼କୁ ସୁରକ୍ଷିତ ରଖିବା ସହ ପ୍ରତିଦ୍ୱନ୍ଦ୍ୱୀଙ୍କୁ ମାତ୍‌ ଦେବା ପାଇଁ ନିଜେ ବିଜେଡି ସଭାପତି ପ୍ରଚାର ମଙ୍ଗ ସମ୍ଭାଳିଛନ୍ତି । ତିନି ଦିନ ଧରି ଲଗାତାର ନବୀନଙ୍କ ମାରାଥନ୍‌ ରୋଡ୍‌ ସୋ’ ପରେ ବିଜେଡି ଶିବିର ପୂରା ଉତ୍ସାହିତ । ଏକାମ୍ର, ମଧ୍ୟ ଓ ଉତ୍ତରରେ ବିଧାୟକ ପ୍ରାର୍ଥୀଙ୍କ ଆତ୍ମବିଶ୍ୱାସ ବଢ଼ିଛି । ନବୀନଙ୍କ ଜୋରଦାର ପ୍ରଚାରରେ ସାଂସଦ ପ୍ରାର୍ଥୀ ଅରୂପ ପଟ୍ଟନାୟକଙ୍କ ବଳ ବି ବଢ଼ିଛି । ତିନି ବିଧାୟକ ପ୍ରାର୍ଥୀ ସକାଳୁ ରାତି ଯାଏଁ ଗଳିକନ୍ଦି ବୁଲୁଛନ୍ତି । ଜିଲ୍ଲା ସଭାପତି ଓ ପର୍ଯ୍ୟବେକ୍ଷକମାନେ ନିର୍ବାଚନମଣ୍ଡଳୀ ପାଇଁ ରଣନୀତି ପ୍ରସ୍ତୁତିରେ ଲାଗିଛନ୍ତି । ପ୍ରତି ୱାର୍ଡ ପାଇଁ ଯୋଜନା ହୋଇଛି ।

ବିଜେପି ବି ଏଥର ପୂରା ଦମ୍‌ ଲଗାଇ ଦେଇଛି । ମୋଦିଙ୍କ ଗସ୍ତ ପରଠୁ ବିଜେପି ଆହୁରି ଉତ୍ସାହିତ ହୋଇଛି । ସାଂସଦ ପ୍ରାର୍ଥୀ ଅପରାଜିତା ଷଡ଼ଙ୍ଗୀ ୪ ମାସ ଆଗରୁ ଭୁବନେଶ୍ୱର ଲୋକସଭା ନିର୍ବାଚନମଣ୍ଡଳୀ ବୁଲୁଥିବାବେଳେ ଏବେ ପ୍ରଚାରକୁ ଆହୁରି ତେଜିଛନ୍ତି । କେତେବେଳେ ପାର୍କରେ ତ କେବେ ବସ୍ତିରେ ପହଞ୍ଚି ଲୋକଙ୍କ ସହ ମିଶୁଛନ୍ତି । ମଧ୍ୟ, ଏକାମ୍ର ଓ ଉତ୍ତରରେ ବିଧାୟକ ପ୍ରାର୍ଥୀ ଘର ଘର ବୁଲୁଛନ୍ତି ।

କଂଗ୍ରେସ ପାଇଁ କୌଣସି ବଡ଼ ନେତା ଏଯାଏଁ ପ୍ରଚାରକୁ ଓହ୍ଲାଇନାହାନ୍ତି । ତଥାପି ତିନୋଟି ଯାକ ନିର୍ବାଚନମଣ୍ଡଳୀରେ ବିଧାୟକ ପ୍ରାର୍ଥୀମାନେ ନିଜ ଉଦ୍ୟମରେ ଘର ଘର ବୁଲି ଭୋଟ୍‌ ମାଗୁଛନ୍ତି । ପ୍ରଚାରରେ ପଛରେ ଥିଲେ ବି ନିଜ ପାରମ୍ପରିକ ଭୋଟ୍‌ ଆଶାରେ ରହିଛି କଂଗ୍ରେସ ।

ସିପିଆଇଏମ୍‌ ସାଂସଦ ପ୍ରାର୍ଥୀ ଜନାର୍ଦ୍ଦନ ପତି ବି ଜୋରଦାର ପ୍ରଚାର ଚଳାଇଛନ୍ତିି । ବାମ ଦଳ ସହ କଂଗ୍ରେସ ଭୋଟକୁ ନିଜ ସପକ୍ଷରେ ଟାଣିବା ପାଇଁ ସବୁ ପ୍ରକାର ଉଦ୍ୟମ କରୁଛନ୍ତି । ଅନ୍ୟ ଦଳ ଓ ସ୍ୱାଧୀନ ପ୍ରାର୍ଥୀମାନେ ବି ମଇଦାନ ଛାଡିନାହାନ୍ତି । ନିଜ ନିଜ ଉଦ୍ୟମରେ ପ୍ରଚାର ଚଳାଇଛନ୍ତି ।


 ବର୍ତ୍ତମାନ ତିନି ଦଳର ପ୍ରମୁଖ ପ୍ରାର୍ଥୀମାନେ ସକାଳୁ ପ୍ରଚାର ଆରମ୍ଭ କରି ଦେଉଛନ୍ତି । ଦି’ ପହରରେ ବିଶ୍ରାମ ନେବା ବଦଳରେ କର୍ମୀଙ୍କ ସହ ବୈଠକ କରୁଛନ୍ତି । ରାତି ୧୦ଟା ଯାଏଁ ପ୍ରଚାର କରିବା ପରେ ପୁଣି ଚାଲୁଛି ବୈଠକ । ବିଭିନ୍ନ ୱାର୍ଡର କର୍ମୀମାନଙ୍କ ସହ ତୁହାକୁ ତୁହା ଆଲୋଚନା ହେଉଛି । ଆସନ୍ତାକାଲିର ପ୍ରଚାର ପାଇଁ କାର୍ଯ୍ୟକ୍ରମ ଚୂଡ଼ାନ୍ତ ହେଉଛି । ହ୍ୱାଟସ୍‌ ଗ୍ରୁପ୍‌ରେ କର୍ମୀଙ୍କୁ ଅବଗତ କରାଯାଉଛି । ଏହାପରେ ବିଳମ୍ବିତ ରାତିରେ ରୁଦ୍ଧଦ୍ୱାର ବୈଠକ ବସୁଛି । ବର୍ତ୍ତମାନ ସବୁ ପ୍ରାର୍ଥୀଙ୍କ ପାଇଁ ଚାଲେଞ୍ଜ-ଦୁଇଦିନରେ କେତେ ଅଧିକରୁ ଅଧିକ ଲୋକଙ୍କ ପାଖରେ ପହଞ୍ଚିବ ହେବ । ଅସନ୍ତୁଷ୍ଟ ସହଯୋଗୀଙ୍କୁ ମନାଇବା ପାଇଁ ଶେଷ ଉଦ୍ୟମ ବି ଚାଲିଛି । ନିଜ ଭୋଟ୍‌କୁ କେମିତି ବୁଥ୍‌ ଯାଏଁ ଅଣାଯିବ, ସେଥିପାଇଁ ସବୁ ପ୍ରାର୍ଥୀ ସଂଗଠନର ଯୁବକମାନଙ୍କ ଉପରେ ଭରସା କରିଛନ୍ତି । ସେମାନଙ୍କୁ ସବୁ ପ୍ରକାର ସହଯୋଗ ଦିଆଯାଉଛି । ଭୋଟ୍‌ ଦିନ ଯେମିତି ଭୋଟରଙ୍କୁ ବୁଥ୍‌ ପର୍ଯ୍ୟନ୍ତ ଆଣିବେ, ସେଥିପାଇଁ ରଣନୀତି ଚାଲିଛି । ଚିରୁକୁଟି ବଣ୍ଟା କାମ ବି ଆରମ୍ଭ ହୋଇଗଲାଣି । ଏଥିପାଇଁ ପ୍ରତି ବୁଥ୍‌ରେ ସବୁ ଦଳର ସ୍ୱତନ୍ତ୍ର ଗ୍ରୁପ୍‌ ଗଠନ ହୋଇଛି ।