PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜ୍ଞାନବାପୀ ମସଜିଦ ବିବାଦ ମାମଲାରେ ଶୁଣାଣି ଶେଷ, ମଙ୍ଗଳବାର ପ୍ରକାଶ ପାଇବ ରାୟ
  • ||
  • ଭୁବନେଶ୍ୱର : ଆଜି ଉପକୂଳରେ ବଢ଼ିବ ତାତି, କାଲି ପୁଣି ବର୍ଷିବ
  • ||
  • ଗଜପତି : ପାରଳାଖେମୁଣ୍ଡି ଟାଉନ୍‌ ହଲ୍ ପରିସରରେ ଥିବା ପାର୍କିଂରେ ଭୟାବହ ଅଗ୍ନିକାଣ୍ଡ, ଜଳିଗଲା ୫ଟି କାର୍‌
  • ||
  • କରଞ୍ଜିଆ : ଭାରସାମ୍ୟ ହରାଇ କଲଭର୍ଟରେ ପିଟିହେଲା ବରଯାତ୍ରୀ ଗାଡି, ୨ ମୃତ ୫ ଗୁରୁତର
  • ||

ରମଜାନ ପାଇଁ ସମ୍ପୂର୍ଣ୍ଣ ମାସ ନିର୍ବାଚନ ରୋକିବା ସମ୍ଭବ ନୁହେଁ: ନିର୍ବାଚନ କମିଶନ

ନୂଆଦିଲ୍ଲୀ,୧୧।୩: ନିର୍ବାଚନ କମିଶନ ରବିବାର ଲୋକସଭା ନିର୍ବାଚନ ତାରିଖ ଘୋଷଣା କରିଛନ୍ତି। ନିର୍ବାଚନ ତାରିଖ ଘୋଷଣା ପରେ ଏହାକୁ ନେଇ  ଏବେ ବିବାଦ ଆରମ୍ଭ ହୋଇଯାଇଛି। କିଛି ମୁସଲିମ ଧର୍ମ ଗୁରୁ ଓ ନେତା ରମଜାନ ମାସରେ ନିର୍ବାଚନ ତାରିଖ ଥିବାକୁ ନେଇ ଆପତ୍ତି ପ୍ରକାଶ କରିଛନ୍ତି। କିନ୍ତୁ ଏବେ ନିର୍ବାଚନ କମିଶନ୍ ସ୍ପଷ୍ଟ କରିଦେଇଛନ୍ତି ଯେ ତାରିଖ ଘୋଷଣା ସମୟରେ ପର୍ବକୁ ମଧ୍ୟ ଧ୍ୟାନରେ ରଖାଯିବ। କିନ୍ତୁ ମାସ ସାରା ଏହାକୁ ରୋକିବା  ସମ୍ଭବ ନୁହେଁ। ନିର୍ବାଚନ କମିଶନ୍ କହିଛନ୍ତି, ରମଜାନ ସମୟରେ ନିର୍ବାଚନ ହେବ, କାରଣ ସାରା ମାସ ନିର୍ବାଚନ ବନ୍ଦ କରିବା ସମ୍ଭବ ନୁହେଁ। ଯଦିଓ ଶୁକବ୍ରାର ଓ ପର୍ବ ଦିନରେ ନିର୍ବାଚନ ହେବ ନାହିଁ, ଏହି କଥାକୁ ଆମେ ଧ୍ୟାନରେ ରଖିବୁ।

 ଏହା ପୂର୍ବରୁ ରାମଜାନ ଦିନ ସାଧାରଣ ନିର୍ବାଚନ ତାରିଖ ପଡିବା ପରେ ଲକ୍ଷ୍ନୌରେ ମୁସଲିମ୍ ଧର୍ମଗୁରୁ ଖାଲିଦ ରଶିତ ଫିରଙ୍ଗୀ ମହଲ, ପଶ୍ଚିମବଙ୍ଗରେ ମମତା ସରକାରଙ୍କ ମନ୍ତ୍ରୀ ଫିରହାଦ କରିମ ଓ ଦିଲ୍ଲୀରେ ଆପ୍ ବିଧାୟକ ଅମ୍ମାନୁତୁଲା ଆପତ୍ତି କରିଥିଲେ। ସେମାନେ କହିଥିଲେ ରାମଜାନ ମାସରେ ଭୋଟ ଦେଲେ  କୋଟି କୋଟି ସଂଖ୍ୟାରେ ରୋଜା ରଖିଥିବା   ଭୋଟରଙ୍କୁ ଅସୁବିଧା ହେବ।

ତେବେ  କଥାକୁ ବିରୋଧ କରି  ଏଆଇଏମଆଇଏମ୍ ମୁଖ୍ୟ ଅସଦୁଦ୍ଦିନ୍ ଓଓ୍ବେସୀ ନିର୍ବାଚନକୁ ନେଇ ଭିନ୍ନ ପ୍ରତିକ୍ରିୟା ଦେଇଛନ୍ତି। ସେ ନିର୍ବାଚନ କମିଶନଙ୍କ ନିଷ୍ପତ୍ତିକୁ ସ୍ବାଗତ କରିଛନ୍ତି। ଏହା ସହ ନିର୍ବାଚନ ତାରିଖ ଉପରେ ଆପତ୍ତି ପ୍ରକାଶ କରିଥିବା ଲୋକଙ୍କୁ ମଧ୍ୟ ସମାଲୋଚନା କରିଛନ୍ତି।

ରମଜାନର ପବିତ୍ର ମାସରେ ଲୋକସଭା ନିର୍ବାଚନକୁ ନେଇ ଓଓ୍ବେସୀ କହିଛନ୍ତି ଏହି ମାସରେ ନିର୍ବାଚନକୁ ବିରୋଧ କରୁଥିବା ଲୋକଙ୍କୁ ରାମଜାନ ସମ୍ପର୍କରେ କ’ଣ ଜଣା ଅଛି? ଭାରତରେ ରମଜାନ ଚନ୍ଦ୍ରଙ୍କ ସ୍ଥିତି ହିସାବରେ ୫ ମଇରୁ ଆରମ୍ଭ ହେବ ଓ ଇଦ ହେବ ୪ କିମ୍ବା ୫ ଜୁନରେ। ଯେତେବେଳେ ଆମ ଦେଶରେ ନିର୍ବାଚନ ପକ୍ରିୟାକୁ ୩ କିମ୍ବା ୪ ଜୁନ ପର୍ଯ୍ୟନ୍ତ ପୂରଣ କରିବା ଜରୁରୀ   ତେବେ ରମଜାନ ପୂର୍ବରୁ ନିର୍ବାଚନ ହେବା ସମ୍ଭବ ନୁହେଁ।

ସମ୍ବନ୍ଧିତ ଖବର