PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଂଗ୍ରେସ ପ୍ରାର୍ଥୀ ଅଜିତ ମଙ୍ଗରାଜଙ୍କ ମୃତ୍ୟୁ ପରେ ପିପିଲି ଉପନିର୍ବାଚନ ନେଇ ସ୍ଥଗିତାଦେଶ ଜାରି କଲେ ପୁରୀ ଏଡିଏମ
  • ||
  • କଟକ: ମାତା ମଠ ନିକଟରେ ସିଲଭରସିଟି ବୋଟିଂ କ୍ଲବର ଭିଡିଓ କନଫରେନ୍ସିଂ ଜରିଆରେ ଲୋକାର୍ପଣ କଲେ ମୁଖ୍ୟମନ୍ତ୍ରୀ
  • ||
  • ବୌଦ୍ଧ: କାର୍ ଧକ୍କାରେ ବାଇକ ଚାଳକଙ୍କ ମୃତ୍ୟୁ
  • ||
  • ସିବିଏସଇ ଦଶମ ଶ୍ରେଣୀ ପରୀକ୍ଷା ବାତିଲ, ଦ୍ବାଦଶ ଶ୍ରେଣୀ ପରୀକ୍ଷା ସ୍ଥଗିତ
  • ||
  • କର୍ଲାମୁଣ୍ଡା : କରୋନାରେ ଚାଲିଗଲା ଯୁବ ଶିକ୍ଷକଙ୍କ ଜୀବନ
  • ||
  • ତେଲକୋଇ: ଶାବକ ବାରହା ଢ଼ୁଡ ପୁଣି ନିଖୋଜ, ଗତ କିଛି ଦିନ ତଳେ ମାଆ କୁନ୍ତଳାଙ୍କ କୋଳକୁ ଫେରିଥିଲା
  • ||
  • ସମ୍ବଲପୁର: ଭିମସାରରେ ମୁଖ୍ୟ ସଚିବ ସୁରେଶ ମହାପାତ୍ର ଓ ସ୍ବାସ୍ଥ୍ୟ ସଚିବ ପ୍ରମୁଖଙ୍କ କୋଭିଡ ମୁକାବିଲା ସମୀକ୍ଷା, ବୁର୍ଲାରେ ମୋଟ୍ ୫୨୫ ଶଯ୍ୟା କୋଭିଡ ହସପିଟାଲ ହେବ ବୋଲି ଶ୍ରୀ ମହାପାତ୍ରଙ୍କ ସୂଚନା
  • ||
  • ନିଆଳି: ବାଲିକୁଦା ଜଙ୍ଗଲରୁ ମୃତଦେହ ଉଦ୍ଧାର, ପରିବାର ଲୋକ ଆଣିଲେ ହତ୍ୟା ଅଭିଯୋଗ, ୩ଦିନ ଧରି ଏହି ଯୁବକ ନିଖୋଜ ଥିଲେ
  • ||
  • ମେଲଚ୍ଛାମୁଣ୍ଡା : ହାତୀ ଆକ୍ରମଣରେ ଜଣେ ମୃତ
  • ||
  • ବୌଦ୍ଧ: ବୌଦ୍ଧ ଆଇ.ଟି.ଆଇ. ଅଧ୍ୟକ୍ଷଙ୍କ କାର୍ଯ୍ୟାଳୟକୁ ଘେରିଲେ ଉତ୍ତ୍ୟକ୍ତ ଛାତ୍ରଛାତ୍ରୀ
  • ||
  • ସାଲେପୁର: ବିଦ୍ୟୁତଘାତରେ କେବୁଲ ଅପେରେଟର ମୃତ୍ୟୁ। ବିଦ୍ୟୁତ ଖୁଣ୍ଟରେ ଚଢ଼ି କେବୁଲ କାର୍ଯ୍ୟ କରୁଥିବା ବେଳେ ଅଘଟଣ
  • ||
  • ଭୁବନେଶ୍ଵର: ରମ୍‌ଜାନ୍ ଓ ପଣା ସଂକ୍ରାନ୍ତି ଉପରେ ବିଏମ୍‌ସିର କଟକଣା, ଖୁବଶୀଘ୍ର ଆସିବ ଏସ୍‌ଓପି
  • ||
  • ଜଳେଶ୍ୱର: ମହିଳାଙ୍କ ଅର୍ଦ୍ଧଦଗ୍ଧ ମୃତ ଦେହ ଠାବ
  • ||
  • ନୟାଗଡ଼: କଟକ ଅବକାରୀ ଗୋଇନ୍ଦା ବିଭାଗ ଦ୍ବାରା ୨କିଲୋ ୩୦୦ଗ୍ରାମ ଅଫିମ ଜବତ, ଜଣେ ଗିରଫ
  • ||
  • ପୁରୀ: ଶ୍ରୀମନ୍ଦିର ସହ ଜଡ଼ିତ ୨୩ଜଣ କରୋନା ପଜିଟିଭ୍ ଚିହ୍ନଟ : ସେବାୟତଙ୍କ ସମେତ ଏକାଧିକ କର୍ମଚାରୀ ସଂକ୍ରମିତ
  • ||
  • ଗଞ୍ଜାମ: ୭ ଦିନ ପାଇଁ ସମସ୍ତ ଧର୍ମାନୁଷ୍ଠାନ, ସର୍ବସାଧାରଣ ସ୍ଥାନ ଯଥା- ପାର୍କ ସମୁଦ୍ରକୂଳ ବନ୍ଦ ନିର୍ଦ୍ଦେଶ, ମେରୁ ଯାତ୍ରା ଓ ପଣା ସଂକ୍ରାନ୍ତି ସର୍ବସାଧାରଣରେ ମନା
  • ||
  • ମାଲକାନଗିରି: ଚିତ୍ରକୋଣ୍ଡା ସ୍ୱାଭିମାନ ଅଞ୍ଚଳ ପାପରମେଟଲା ଥାନା ଅନ୍ତର୍ଗତ ଜାମୁଝାଡୀ ଜଙ୍ଗଲରୁ ଅଚିହ୍ନା ଯୁବକର ମୃତଦେହ ଉଦ୍ଧାର
  • ||
  • କଳାହାଣ୍ଡି: ଜାଲ୍ ସାର୍ଟିଫିକେଟ୍ ଦେଇ ୨୫ ଶିକ୍ଷକ ବହିଷ୍କୃତ
  • ||
  • ଯାଜପୁର: ଡଙ୍କାରୀରେ ବଡ ଧରଣର ଚଢ଼ାଉ, କଳାପଥର ଗାଡି ଜବତ, ଏକାଧିକ ଲୁଟେରା ଗିରଫ
  • ||
  • ବୋଲଗଡ଼: ବାଇକ୍- ବୁଲେଟ ମୁଁହା ମୁଁହି ଧକ୍କା, ୨ ଗୁରୁତର
  • ||

ଏନ୍‌ପିଏକୁ ତେଜିବ ଜଳ ସଙ୍କଟ

ନୂଆଦିଲ୍ଲୀ,୨୩ା୧(ଏଜେନ୍ସି): ସମ୍ପ୍ରତି ଅନାଦାୟ ଋଣ ବା ଏନ୍‌ପିଏ ସମସ୍ୟା ବ୍ୟାଙ୍କଗୁଡ଼ିକର ନିଦ ହଜାଇ ଦେଇଛି । ଏଥିରୁ ମୁକୁଳିବା ପାଇଁ ଏମାନେ ପ୍ରାଣପଣେ ଉଦ୍ୟମ ଚଳାଇଛନ୍ତି । ଏଭଳି ସ୍ଥିତିରେ ଏକ ରିପୋର୍ଟ ପ୍ରକାଶ ପାଇଛି ଯେଉଁଥିରେ ଉଲ୍ଲେଖ କରାଯାଇଛି ଯେ ଭାରତରେ ଜଳ ସଙ୍କଟ ଏନ୍‌ପିଏ ସମସ୍ୟାକୁ ଆହୁରି ତେଜିପାରେ । ବ୍ୟାଙ୍କଗୁଡ଼ିକ ସେହି କ୍ଷେତ୍ରକୁ ସର୍ବାଧିକ ଋଣ ଦେଇଛନ୍ତି ଯେଉଁ କ୍ଷେତ୍ରଗୁଡିକ ପାଇଁ ଜଳସଙ୍କଟଜନିତ ବିପଦ ଅଧିକ ରହିଛି । ଏଣୁ ଜଳ ସଙ୍କଟ ଯୋଗୁ ବ୍ୟାଙ୍କଗୁଡ଼ିକର ଏନ୍‌ପିଏ ସ୍ତର ଆହୁରି ବଢ଼ି ଚିନ୍ତାଜନକ ପରିସ୍ଥିତି ସୃଷ୍ଟି କରିପାରେ ବୋଲି ଉକ୍ତ ରିପୋର୍ଟରୁ ଜଣାଯାଇଛି ।
ସମ୍ପ୍ରତି ବ୍ୟାଙ୍କଗୁଡ଼ିକ ଏନ୍‌ପିଏ ସମସ୍ୟା ମଧ୍ୟରେ ଅଣନିଃଶ୍ୱାସୀ ହୋଇପଡ଼ିଥିବା ବେଳେ ବିଶ୍ୱ ବନ୍ୟଜୀବନ ପାଣ୍ଠି (ଡବ୍ଲ୍ୟୁଡବ୍ଲ୍ୟୁଏଫ୍‌) ଏହି ରିପୋର୍ଟ ପ୍ରକାଶ କରିଛି ।
ଭାରତୀୟ ବ୍ୟାଙ୍କ ସଂଘ(ଆଇବିଏ) ସହଯୋଗରେ ଡବ୍ଲ୍ୟୁଡବ୍ଲ୍ୟୁଏଫ୍‌ ଇଣ୍ଡିଆ ପକ୍ଷରୁ ପ୍ରସ୍ତୁତ ଏହି ରିପୋର୍ଟର ଶୀର୍ଷକ ‘ଲୁକ୍କାୟିତ ବିପଦ ଏବଂ ଅପହଞ୍ଚ ସୁଯୋଗ: ଜଳ ଓ ଭାରତୀୟ ବ୍ୟାଙ୍କିଙ୍ଗ ଶିଳ୍ପ’ରହିଛି । ଭାରତରେ ବ୍ୟାଙ୍କଗୁଡ଼ିକ ପାଇଁ ଜଳ ସମସ୍ୟା କାହିଁକି ବିପଦ ସୃଷ୍ଟି କରିବ, ଏଥିରେ ତାହା ପ୍ରାଞ୍ଜଳ ଭାବେ ଦର୍ଶାଯାଇଛି । ବିଦ୍ୟୁତ୍‌ ଏବଂ କୃଷି କ୍ଷେତ୍ର ଏହି ଦୁଇଟି ଶିଳ୍ପ ପାଇଁ ଜଳ ସଙ୍କଟ ଏକ ବଡ଼ ବିପଦ ସାଜିପାରେ । ଏହି ଦୁଇଟି କ୍ଷେତ୍ରକୁ ମଧ୍ୟ ବ୍ୟାଙ୍କ ଋଣ ସର୍ବାଧିକ ରହିଛି । ଏଭଳି କ୍ଷେତ୍ରରେ ଉଭୟ ଶିଳ୍ପରେ ଜଳ ସମସ୍ୟାର ପ୍ରଭାବ ସିଧାସଳଖ ବ୍ୟାଙ୍କ ଏନ୍‌ପିଏ ଉପରେ ପଡ଼ିବ ବୋଲି ରିପୋର୍ଟରେ ସତର୍କ କରାଯାଇଛି ।
ରିପୋର୍ଟରେ କୁହାଯାଇଛି ଯେ, ଭାରତୀୟ ବ୍ୟାଙ୍କଗୁଡ଼ିକ ପକ୍ଷରୁ ଯୋଗାଇ ଦିଆଯାଇଥିବା ମୋଟ ଅଗ୍ରିମ ମଧ୍ୟରୁ ୪୦% ଉକ୍ତ କ୍ଷେତ୍ରଗୁଡ଼ିକୁ ଦିଆଯାଇଛି, ଯେଉଁଠି ଜଳ ସଙ୍କଟଜନିତ ବିପଦ ଅଧିକ ରହିଛି ।
ସମ୍ପ୍ରତି ଭାରତୀୟ ବ୍ୟାଙ୍କଗୁଡ଼ିକର ମୋଟ ଋଣ ମଧ୍ୟରୁ ପାଖାପାଖି ୧୦% ଏନ୍‌ପିଏରେ ପରିଣତ ହୋଇଥିବା ବେଳେ ଜଳ ସଙ୍କଟ ଏହି ସମସ୍ୟାକୁ ଆହୁରି ଉତ୍କଟ କରିପାରେ ବୋଲି ଡବ୍ଲ୍ୟୁଡବ୍ଲ୍ୟୁଏଫ୍‌ ଆଶଙ୍କା ପ୍ରକାଶ କରିଛି ।
ନୀତି ଆୟୋଗର ରିପୋର୍ଟକୁ ଆଧାର କରି ଏହା କହିଛି ଯେ, ସମ୍ପ୍ରତି ଭାରତରେ ଜଳ ସଙ୍କଟ ଏକ ପ୍ରଧାନ ସମସ୍ୟା ପାଲଟିଛି । ଦେଶର ଅନେକ ପ୍ରାନ୍ତରେ ଶିଳ୍ପଗୁଡ଼ିକ ଉତ୍କଟ ଜଳ ସଙ୍କଟ ମଧ୍ୟ ଦେଇ ଗତି କରୁଛନ୍ତି ।
ଯେହେତୁ ଜଳ ଏକ ସହଭାଗିତାପୂର୍ଣ୍ଣ ସମ୍ବଳ, ତେଣୁ ଭାରତରେ ବିଭିନ୍ନ ଅଂଶୀଦାରମାନଙ୍କ ଦ୍ୱାରା ଏକ ବ୍ୟାପକ ଏବଂ ନିରନ୍ତର ଜଳ ପରିଚାଳନା ଯୋଜନା ପ୍ରସ୍ତୁତ ହେବା ଦରକାର ବୋଲି ଡବ୍ଲ୍ୟୁଡବ୍ଲ୍ୟୁଏଫ୍‌ ଏହାର ରିପୋର୍ଟରେ ପରାମର୍ଶ ଦେଇଛି ।
ବ୍ୟାଙ୍କଗୁଡ଼ିକ ପାଇଁ ଜଳ ସଙ୍କଟ ବିପଦପୂର୍ଣ୍ଣ ହୋଇପାରେ । ତେଣୁ ଏ କ୍ଷେତ୍ରରେ ଏମାନେ ତ୍ୱରିତ ପଦକ୍ଷେପ ନେବା ଦରକାର । ବ୍ୟବସାୟିକ ସଂସ୍ଥାଗୁଡ଼ିକ ଯେପରି ଜଳ ସଙ୍କଟଜନିତ ବିପଦକୁ ନିୟନ୍ତ୍ରଣ କରିବେ ସେଥିପାଇଁ ସେମାନଙ୍କୁ ବ୍ୟାଙ୍କଗୁଡ଼ିକ ଉତ୍ସାହିତ କରିବା ଦରକାର । ଡବ୍ଲ୍ୟୁଡବ୍ଲ୍ୟୁଏଫ୍‌ର ୱାଟର ରିସ୍କ୍‌ ଫିଲ୍‌ଟର ବ୍ୟବହାର ଉପରେ ଗୁରୁତ୍ୱ ଦେବା ପାଇଁ ରିପୋର୍ଟରେ ଉଲ୍ଲେଖ କରାଯାଇଛି । ଏହି ସମସ୍ୟାର ସମାଧାନ ଦିଗରେ ଶିଳ୍ପସଂସ୍ଥାଗୁଡ଼ିକ ଯେପରି ଅଧିକ ପୁଞ୍ଜି ଖଟାଇବେ ସେଥିପାଇଁ ମଧ୍ୟ ବ୍ୟାଙ୍କଗୁଡ଼ିକ ସେମାନଙ୍କୁ ଉତ୍ସାହିତ କରନ୍ତୁ ବୋଲି ରିପୋର୍ଟରେ ଗୁରୁତ୍ୱାରୋପ କରାଯାଇଛି ।